Project B (Closed)

今天和朋友來到深水埗、太子一帶逛街和覓食，剛好經過這間地舖西餐廳，招牌大大一個，從遠處看已經覺得非常吸睛，走近看發現是一間裝潢別緻的西餐廳，決定就在這裏品嚐午膳。餐廳內部裝潢走自然舒適的路線，不同深淺的木系啡作主色調，配合各種簡單別緻的盆景植物和小擺設。餐廳四圍的落地玻璃，讓客人可以從餐廳內望向餐廳外的街景，讓人彷彿身處於一個特別寧靜的空間，感覺放鬆又悠閑。看過餐牌，點選了「墨西哥香草牛柳絲卷餅」、「炸蝦南瓜忌廉意大利飯」和「Cranberry Juice」。大約等了十分鐘，食物和飲品陸續上桌。這裏的食物外觀漂亮又精緻呢！「墨西哥香草牛柳絲卷餅」($68)。卷餅外皮口感煙靭，內裏餡料除了有牛柳絲，還有青椒粒和黑椒醬汁。牛柳絲分量適中，口感軟稔又有肉香；青椒粒清甜，口感爽脆；香草和伴菜味道清新，配合着濃郁強烈的黑椒醬汁，讓人感覺滋味。「炸蝦南瓜忌廉意大利飯」($98)。這個意大利飯的外觀實在漂亮！脆炸至橙啡色的三條炸蝦，堆砌在金黃色的意大利飯上，再加上綠色的小蔥絲作配襯，實在不禁讓人「心心眼」起來呢！炸蝦外層十分酥脆，內裏蝦肉卻能保持軟稔又帶點彈性，蝦肉味道鮮香，整體味道和口感都很不錯。

星期二放工同老公黎深水埗諗住買寬頻野，但買唔到，但都要醫左肚先。我地叫左精選二人餐，再加墨西哥香草牛柳絲卷餅同窩夫。是日餐湯係忌廉海鮮湯，有蝦同八爪魚，唔錯。加拿大豬鞍配蜜糖芥末籽汁豬鞍非常厚身，肉質唔會鞋口亦唔韌，肉汁鎖實，同蜜糖芥末籽汁好夾，好好食。配菜有大量好腍既薯仔，羽衣甘藍亦整得好好味。炸軟殼蟹南瓜忌廉意粉軟殼蟹都幾多肉，炸得幾脆，南瓜忌廉意粉好夠味，軟硬適中，美味。墨西哥香草牛柳絲卷餅卷餅包住洋蔥牛柳絲，份量頗多。自家製窩夫拼鮮果雪糕窩夫賣相好得，雪糕係朱古力雪糕，窩夫脆身，唔係厚身，但有四塊甘多。

📍 Project B ~ 深水埗長沙灣道22-24號恆成大廈地舖呢一餐係round one，因為唔記得咗約咗人😂😂😂所以食個快就要先啦，班朋友就問我深水埗有乜嘢好食，我就話一定試新野，之前經過幾次都冇機會去食，所以就選擇左呢間酒吧式餐廳😆😆😆1)忌廉蘑菇湯🥣，講真果句個湯就麻麻哋啦，冇乜蘑菇味2)馬沙拉美國肉眼扒🥩，肉眼扒就煎得好香，不過塊扒太薄啦，🤦🏻‍♂️🤦🏻‍♂️🤦🏻‍♂️嘥咗3)意大利煙肉卡邦尼意粉🍝 ，到枱就聞到嘅香濃芝士味，意粉冇overcooked，味道又唔會太搶😂😂😏😏個汁嘅portion啱啱好食完唔會覺得好跩4)墨西哥香草牛柳絲卷餅🌮，味道係幾香不過牛肉絲太細條，食唔到牛肉味5)蜜糖黑椒雞中翼🍗，呢個一定要別太因為真係好香口，好好食個脆皮又唔會太燶，雞翼肉都依然好多汁好鮮甜👍🏻👍🏻👍🏻環境似酒吧多啲，價錢適中，有機會lunch過去試吓去啲漢堡包🍔。

同事約我放工食飯，我哋沿住長沙灣道向太子方向行，去咗幫襯一間坐巴士成日經過見到嘅餐廳「Project B」。其實我想食呢間餐廳好耐，但奈何天氣太熱，中午行過嚟真係會中暑呢，依晚機會終於嚟喇，飛雲😆！餐廳環境唔錯，裝修簡約舒服，冷氣充足，門口嘅高枱位更加係打卡一流嘅位置🤳。如果天氣涼啲，坐出去飲返杯，簡直係Chill到爆。呢度主打西餐菜式🍽，選擇繁多，定價合理，而佢嘅精選套餐更加係震撼價：$238二人餐以及$398四人餐。今時今日食個意粉分分鐘都要兩嚿水，而家有成兩個主菜，去邊度搵？是日餐湯係粟米忌廉湯，湯嘅味道唔算好突出，不過食到唔少粟米粒🌽，而且最重要係夠熱。加拿大豬鞍配蜜糖芥末籽汁(單點$158)，🐷豬鞍扒味道出色，肉扒夠厚夠大件，食落有口感，加上肉質亦都唔嚡。豬鞍配蜜糖芥末籽汁食勁夾🍯，而且伴菜都係甜甜的，好搭調。伴菜方面，薯仔並非普通煎煮，佢係同蘋果及洋蔥煙肉一齊醃香，炆到稔稔的。隔離仲有羽衣甘藍，估唔到整熟咗幾好食，少咗浸臭青味。最後，不得不提廚師嘅用心擺盤，佢將車厘茄放上黃青瓜度，就好似一個鹹蛋黃咁☀️，好得意。炸軟殼蟹南瓜忌廉意粉(單點價$98)，意粉帶俾人一種好澎湃嘅感覺