唐閣

本來都唔諗住寫食評，但睇完黑白大廚之後，真係有感而發用餐嘅日子係7月尾，為本人嘅生日慶生飯由於係第一次光顧米芝蓮三星，所以都有少少期待會係點，可能希望愈大就失望愈大我哋一行3個大人加1個16個月大嘅BB，去到餐廳嘅時候安排咗我哋坐喺靠牆位置，呢個係一個細心嘅表現👍🏻既然係盛夏，當然就要試吓時令嘅冬瓜盅啦除咗呢個冬瓜盅，我仲揀咗份叉燒同和牛二食(詳細資料唔係好記得，因為冇影餐牌)到我落單嗰陣，侍應見我哋係兩位女士一位男士，驚我哋食太多肉唔啱女士，所以就建議咗我哋食另一道菜OK! 就係咁俾佢水咗去食，然後我再加多一份蝦籽柚皮，心諗手工嘢應該冇死啦上菜第一道好似係炸蠔？唔太有印象喇，一啖食完，味道係唔錯！第二道 — 叉燒，係最好味！唔係話呢世人食過最好味，只係呢餐姐，出面有其他係好過佢第三道 — 冬瓜盅清清地其實係幾好味！但係…呢盤嘢係我個小朋友頭上上菜&影相後攞走，經過咗兩次，係咪缺乏安全意識，定係平時冇小朋友幫襯所以唔為意？我真係有啲懷疑米芝蓮三星嘅服務水準第四道 — 侍應建議嘅菜式食落之後就覺得啲味好熟面口…頂！同冬瓜盅嘅料係一模一樣啊！我想要和牛二食，唔係上素二食啊大哥！第五道 —

兩日一夜嘅staycation，有dining credits，一定係揀米芝蓮三星嘅唐閣啦！🤩 餐廳有兩層，沿着樓梯行上2樓，整個餐廳主要用紅金兩色作裝潢，濃濃嘅中式古典味道，奢華得來唔庸俗，淨係佢個天花都好夠貴氣。由於下晝我哋已經食咗好多嘢，喺飽飽地嘅情況之下，我哋兩個人就選擇咗一人客餐($1,680)share再加兩隻蟹蓋($210/each)。我見上網好多人都選擇Tasting Menu，原因係好自然比佢隻蟹蓋吸引咗，但我哋發覺一人客餐都有唔少佢地出名嘅菜式！我哋落單時問侍應幫我哋分嗰一人客餐，佢非常之細心，每次分之前都會俾我哋影一影相先(無事先要求架)，而且碟碟餸都分得好平均，仲擺返靚靚咁上，一啲都唔馬虎！👍🏻❤️開胃小菜落完單後上咗個開胃小菜，酸醋青瓜雲耳配炸蝦，青瓜雲耳好入味而且酸味啱啱好，炸蝦好彈牙，唔洗點任何汁都好好味！好食度：⭐️⭐️⭐️⭐️(4/5)❤️唐閣特色拼盤 - 海紅葉涼拌螺片，蜜汁鱈魚，蜜汁叉燒呢度上菜時睇得出侍應細心位，佢有留意到我食開胃小菜時用左手夾菜，所以我同朋友淡到濃嘅擺盤方向係唔同架！加分！🥰螺片大大塊非常之爽口！