豐鮪

Open Now

Now Closed

cp值高既有feel餐廳😍勁新鮮好正！香港好少有得食咁新鮮既藍鰭吞拿魚，同日本既質素有得揮，聽講佢地本身仲係supplier，宜家開埋餐廳～推薦😘❤️佢地茶碗蒸仲有一大pat蟹膏😳

🌊瑪姬皇后好鍾意食拖羅，熊妹知道近期銅鑼灣開咗間專食吞拿魚刺身拖羅專門店《豐鮪》，梗係要帶佢過去品嚐一下啦！📌地理位置就係銅鑼灣渣甸坊中間，成條吞拿魚像放係門口，一睇就知係呢間！夢之丼，$168拖羅愛好者當然食呢個招牌吞拿魚魚生飯，有齊哂大拖羅1切、中拖羅3切、赤身3切，同埋一粒迷你魚蓉燒賣係丼中央，非常可愛☺️！總共有七大片厚身魚生鋪滿係丼飯上，份量都幾多！吞拿魚刺身好肥美，大拖羅入口肥美軟腍，中拖羅口感實在少少，赤身就比較有咬口，一啲魚腥味都冇，味道好新鮮無渣，點豉油Wasabi真係口感一流。一粒迷你魚蓉燒賣一啖放入口，其實就好似食魚生咁，不過賣相比較gimmick特別。帶子肉餅飯，$148另外，仲叫咗個肉餅飯，非常特別的肉餅，其實係用上吞拿魚剁成嘅魚蓉製成嘅肉餅，新鮮做手切藍鰭魚吞拿魚蓉撈埋喺日本飯加埋豉油一齊食，新鮮程度真係會唔覺意爬晒成碗飯，好似食咗個中式嘅日式肉餅飯；另外，仲有一粒新鮮北海道帶子，肥美新鮮啖啖肉，絕對唔係便宜貨。極上拖羅配柚子魚生燒賣，$55特色燒賣當中，瑪姬皇后梗係要試吓極上拖羅款式。一片超薄嘅燒賣皮包住充滿油脂嘅肥美大拖羅連埋拖羅魚蓉同埋日本飯，其實成件事

👧🏻😋👅🍽✨拖羅迷必到🥳 抵食高質-🐟 不愧係藍鯨吞拿專門店, 價錢相宜, 但吞拿魚勁出色, 每個定食都包和風沙律, 蟹膏茶碗蒸, 味噌湯🐟 創造左四款吞拿魚蓉肉餅飯, 買第二個仲有半價低至$64▪三文魚麻辣派對 $188有三文魚丼, 辣三文魚燒賣, 辣三文魚刺身; 麻辣味係慢慢滲出黎, 夠麻夠辣但唔會太刺喉三文魚肥美油潤; 唯一可挑剔係兩片刺身同丼飯個味係一樣, 反而麻辣燒賣加埋拖羅蓉就有啲變化▫夢之丼set $168有大拖1切, 中拖3切, 赤身3切, 迷你魚蓉燒賣; 真心驚嘆原來赤身都可以咁soft, 大拖是為蛇腹粉紅白相間油香不得了▪拖羅配柚子燒賣 $55燒賣同三文果粒一樣用左有機大豆豆紙, 食落唔乾唔痴口, 魚蓉做底加塊厚身大大片魚腩係食拖羅既最高境界🤭

🇯🇵豐鮪日本藍鰭吞拿魚專門店🐟餐廳位於銅鑼灣利發大廈，我地比網上嘅圖片吸引咗去〜見到佢個日式鹹蛋肉餅飯好似好得意咁🤣👀日式鹹蛋肉餅飯 $128藍鰭吞拿魚魚蓉加上日本蛋黃豉油漬套餐包括沙律、麵豉湯、蟹膏茶碗蒸個肉餅飯嘅味道唔算好驚艷，反而個茶碗蒸幾好〜追加一粒魚蓉燒賣 $25啲魚肉都係肉餅飯嗰種魚蓉，入面都係飯，食落感覺上冇乜特別🤔夢之丼 $168包括大拖羅1切、中拖羅3切、赤身3切魚生都夠厚切，冇乜筋，但賣相都幾失望，完全鋪唔滿碗飯，魚生同魚生之間有罅隙，同佢張相差好遠下🥲 肉餅飯午市有特價，都值得去試一次，打下卡，不過未必會二訪🥲📍 銅鑼灣渣甸坊30-36號利發大廈地下5號舖⏰ 12:00-21:00

今日針灸後，在附近搵左間小店食個late lunch😗位於銅鑼灣的「豐鮪」是一間由供應商一路發展至創立自己的餐廳，主打日本漁場直送原條藍鰭吞拿魚❣️小店裝潢光猛簡約，環境舒適😉入座後scan QR code落單，十分方便👍🏻小店提供丼飯、魚生燒賣、刺身、小食、清酒等。夢之丼 定食 $168呢個夢之丼一碗有齊大拖羅1切、中拖羅3切、赤身3切及迷你吞拿魚蓉燒賣一齊鋪滿飯面，味道鮮味，賣相吸晴🤩帶子肉餅飯 定食 $148呢個帶子肉餅飯有綿滑細膩的新鮮做手切藍鰭吞拿魚魚蓉鋪滿飯面，還有大大粒北海道帶子放面，賣相相當吸晴🤩🔹️以上定食都包括蟹膏茶碗蒸、和風沙律及味噌湯❣️熱騰騰的茶碗蒸口感滑順柔嫩，蟹膏味道濃厚鮮甜，yummy‼️日本海膽魚蓉燒賣 $78三文魚籽燒賣 $55店內還供應創新燒賣造型的特色壽司，以蒸籠上枱，賣相勁似中式點心燒賣🤩入面其實係手切日本藍鰭吞拿魚蓉壽司🍣，2款燒賣面頭分別放左日本海膽及三文魚籽醬油漬，外邊就用左有機大豆豆紙包住，入口鮮味有層次，而且打卡一流🤗

一間只專心做一樣食材嘅鋪頭，除左大拖，中拖，赤身，仲有稀有部位，係真真正正嘅藍鰭吞拿魚專門店。係香港食吞拿魚通常都有啲啲血腥味，尤其是赤身。但呢度令我對赤身改觀，原來可以咁鮮，魚味咁濃。當然中拖，大拖都非常好食。🍣魚生燒賣--極上拖羅配柚子 中式做法，日式餡料，好有創意。外皮包住飯底魚生蓉，有啲柚子清香，面頭有油脂豐富嘅腩位😋。🍣魚生燒賣--珍寶甜蝦 大大隻甜蝦，好睇又好食。🍣夢之丼 一次過食到大拖，中拖，赤身同魚蓉。我鐘意由淡至濃味食，雪花紋大拖入口鬆化，粉紅中拖魚味鮮，紅色赤身魚味濃又唔漏，估唔到最驚喜係赤身。🍣吞拿魚定食--帶子肉餅飯 見到肉餅飯有啲疑惑，唔通係蒸豬肉餅🤔，睇真啲原來係吞拿魚肉餅😆。帶子鮮，魚蓉滑，唔錯。🔺定食有麵豉湯，沙律，茶碗蒸。茶碗蒸面頭有蟹膏，好奢侈😍。

「原來赤身都可以好好食？」我超鍾意呑拿魚，特別係拖羅發燒友，喺香港搵到一間藍鯨吞拿魚專門店，店家直接從魚場攞貨，確保新鮮，絕對可以滿足到我喪食拖羅嘅慾望，呢度裝修充滿日系風格，連燈都係魚型態，好可愛！(๑´ㅂ`๑)✨主打中嘅王牌💖夢之丼 DREAM DONBURI $168大拖羅1切 ·中拖羅3切·赤身3切·迷你魚蓉燒賣定食已經包咗沙律茶碗蒸同麵豉湯，沙律魚以柚子醋調味好開胃，茶碗蒸入口香滑，入面有日式香滑蟹柳！一個丼飯入面有齊4款不同呑拿魚腩部分，大拖羅入口即化，油脂分佈極高，絕對唔會令你失望，原材料新鮮，刀工一流，每一片吞拿魚大小均一，先可以將拖羅刺身味道發揮到最好。估唔到赤身都有驚喜：平時我唔食赤身，因為覺得好腥，但係呢度嘅赤身唔會有根，入口嫩滑，雖然油脂分布冇咁高，但亦都好好食，另外迷你魚肉燒賣就成為一個錦上添花嘅點綴，超推介呢個套餐！🤍帶子肉餅飯 $148新鮮做手切藍鳍魚蓉 ·北海道帶子只要食材新鮮就一定好好食的配搭：超級幼滑嘅手切藍鯨魚蓉，加上北海道帶子同蟹籽，入口你會感受到多重口感，當中仲混合咗日本黑白芝麻，洋蔥碎......每一口都充滿魚香，再感受到其他配料加埋一齊嘅鮮

一間食肆如果只係賣一種食材嘅菜式代表乜嘢？就係代表做得好專！！👍🏻👍🏻朋友介紹呢間鬧市隱世吞拿魚店，果然冇介紹錯～店仔細細，賣嘅全部都係藍鰭吞拿嘅菜式，而且價錢實惠，性價比好高！！🥰🙌🏻👍🏻🍱夢之丼（$168）：話明係夢之丼，即係夢幻嘅吞拿魚定食～上枱有麵豉湯、沙律、蟹膏茶碗蒸，同埋滿滿一碗吞拿魚鋪面嘅丼飯～包括咗大拖羅、中拖羅、赤身同埋一粒迷你魚蓉燒賣～😋拖羅油粉豐富，魚味濃郁，赤身鮮甜～溝埋wasabi同豉油，一啖一塊，十分滿足！！🍱帶子肉餅飯（$158）：都係定食，用新鮮北海道帶子，再鋪上藍鰭拖羅魚蓉～手切魚蓉好有口感，而且油份四溢，實在十分滿足！！🥟佢仲有啲賣相好過癮嘅魚生燒賣，造型好得意，仲搵個蒸籠上枱，玩味十足！！🥰😋蟹三寶燒賣（$55）：有蟹膏、手拆蟹肉、飛魚子……蟹膏非常香濃，蟹肉鮮甜，飛魚子口感一流！三者混合埋一啖入口實在係味覺嘅享受！！醬爆三文魚子燒賣（$55）：一粒粒脹卜卜…好新鮮！响口中咬爆三文魚子～咸鮮味滿載！！店舖地方唔算大，裝修簡潔，但係竟然好貼心地提供自助茶水～仲要係桂花茶！！茶香能夠清解魚生响口中嘅腥味～🥰🥰👍🏻店內仲提供免費充電寶，實在十分貼心！！咁

小編身為吞拿魚愛好者，看到YouTuber介紹壽司燒賣十分有趣，因此到來光顧😝小編與同行朋友各叫了一款定食:1. 夢之丼 $168- 大拖羅 x1- 中拖羅 x3- 赤身 x3- 迷你吞拿魚蓉壽司 x1大拖羅睇相就知油脂極重，入口即溶😋小編最愛的中拖羅，味道及油脂比例則是大拖羅及赤身的平均值😍😍😍(即使是赤身，也跟中拖羅分別不大，油脂偏多，亦算入口即溶！☺️)魚生十分之新鮮，完全沒有腥味，魚肉亦不會霉身，每片的厚度剛剛好，份量十足，魚生鋪滿整個飯😍😍😍！全部都沒有筋位👍🏻👍🏻👍🏻特別欣賞迷你吞拿魚蓉壽司，整粒都是吞拿魚蓉，一口咬下去，滿足感爆棚!!!!!!上咗天堂！🎉“壽司醋白飯” 免費轉成 “豐漬香飯”有切碎的和蘿蔔、壽司薑、芝麻，味道當然比普通壽司醋白飯多了層次，相對底下黏性亦降低了。小編覺得吞拿魚本身並不是十分濃味的魚，配普通壽司醋白飯反而更適合，不然會被薑、芝麻等味道搶了味🫡亦可跟餐+$25 加一粒手切藍鰭吞拿魚蓉燒賣(原價$32)所謂的燒賣其實類似壽司，不像夢之丼上的迷你吞拿魚用壽司一樣滿滿的吞拿魚蓉……燒賣上層是魚肉，中層是珍珠米及京蔥碎，外面用了有機大豆豆紙包成。大豆紙十分

為左個魚燒賣慕名而來，唔講咁多直接上圖餐牌睇落係咁樣點知實際係咁樣：啲魚細就算啦，咁阿師傅你不如就俾少啲飯，唔好搞到我個丼禿頭咁，好唔好？雖然我都聽過「理想很豐滿，現實很骨感」，大佬我食個飯啫，都要面對殘酷既現實？魚生係普通地正常，食得出係3種部位咁囉，冇乜特別，純粹係我本人期望過高蟹膏茶碗蒸夠滑，但我係嚟食刺身丼，如果係成本問題我寧願佢cut走個菜沙同湯，切返大舊小小魚生啦唔該Btw 閒日下午去係可以包場，有興趣既朋友趁早，唔知佢捱得幾耐，我就唔會再嚟了👋🏻

筆者對吞拿魚一向情有獨鍾，最近從網上找到這間由知名度高的藍鰭吞拿魚供應商，擴展到一間吞拿魚堂食店，模仿了日本的飲食文化，全店只供應一種主要食材，讓更多人能以相宜的價格吃到高級日本藍鰭吞拿魚。必定成為人氣食店。∗ 夢之丼 $168一次可以品嚐到藍鰭吞拿魚的三個部位。分別是魚味濃的赤身、 甘香的中拖羅及入口即化的大拖羅。驚喜位是所有吞拿魚魚塊完全吃不到筋位，旁邊有紫菜可以包住米飯及魚塊吃，另一種風味。∗ 土魷肉餅飯 $148放心，這並非是中式蒸飯，而是鮮吞拿魚蓉，紋甲魷魚丼。他們的吞拿魚蓉魚味是頗突出的，真材實料。絕對沒有大家想像中淡而無味的那種。加上蔥花和日本豉油，味道更突出～∗ 魚肉燒賣 $32-$55用點心籠盛載著，模仿中式點心，造型可愛燒賣皮以薄腐皮包裹全最豐漬香飯，吞拿魚蓉及北海道帶子鮮香蟹三味等等。味道不錯，鮮味十足，睇得又食得！所有丼飯還搭配了沙律、蟹膏茶碗蒸、麵豉湯 ～整份餐吃下來非常滿足。日本米飯可以選普通壽司醋飯、或者坊間少見的豐漬香飯豐漬香飯用上日本特級米做成，加入了碎切的黃蘿蔔、壽司薑和芝麻，令壽司飯食落更有層次、亦可中和魚肉的油膩飽滯感。

呢間公司本身係藍鰭吞拿魚供應商 所以開設喺銅鑼灣嘅分店都會採用原條日本新鮮直送嘅吞拿魚 品質一定有保証😍🍴 夢之丼 ($168)套餐包括有和風沙律、蟹麵豉茶碗蒸、味噌湯 (或+$5轉飲品) 蟹麵豉茶碗蒸味道唔錯 蟹麵豉唔會死鹹 同滑溜嘅茶碗蒸幾夾😌丼飯有一片大拖羅、三片中拖羅、三片赤身同埋吞拿魚蓉燒賣😍 飯底可以揀壽司醋飯或者豐漬飯 豐漬飯加入切碎左嘅黃蘿蔔、壽司薑同芝麻 食落去會無咁單調👍🏻 唔夠飽仲可以免費加飯😆大拖羅好肥美 入口即融❤️ 不過得一片真係唔係好夠喉🥺中拖羅脂肪雖然比大拖羅少 但係肉質綿滑 而且完全無筋身為一個平時好抗拒赤身嘅人 呢度嘅赤身我完全ok 一D都唔腥！日本新鮮直送真係唔同D🫶🏻🍴帶子肉餅飯 ($148)呢度嘅吞拿魚蓉刺身丼叫做肉餅飯 玩味十足🤣肉餅飯有四款 今次我地揀左帶子呢款 同樣都係套餐黎吞拿魚蓉每日都新鮮手切 除左魚蓉之外 當中仲有唔少角切嘅吞拿魚 口感好豐富🫶🏻帶子亦都好鮮甜😋🍴鮮香蟹三味燒賣 ($55) 珍寶甜蝦燒賣 ($42) 明太子魷魚燒賣 ($45)除左肉餅飯之外 仲有吞拿魚蓉燒賣 仲會用點心籠盛載 好得意！😍燒賣皮用有機大豆製成 薄薄一片

餐廳位於銅鑼灣渣甸坊，係一間藍鰭吞拿魚嘅專門店，吞拿魚由日本直送，性價比超高，吞拿魚控天堂。◇ 夢之丼將新鮮運到嘅原條日本藍鰭吞拿魚分成三份：大拖羅、中拖羅同赤身，一碗有齊大拖羅一切、中拖羅3切同赤身3切，最肥美嘅大拖羅，魚香味同油脂相對平衡嘅中拖羅，肉質偏結實嘅赤身，3款一齊入口而散發出來那種口感非常難忘，係奇妙嘅體驗。用日本特級米飯底，可以選擇普通壽司醋飯，但小編強力建議揀豐漬香飯，即係加入切碎黃蘿蔔、壽司薑同芝麻，尤其壽司薑味道好出，做法其他地方少見，有心有創意，讚。套餐所以有跟沙律、蟹肉茶碗蒸同味噌湯，其中蟹肉茶碗蒸蟹味好濃郁，好吸引。◇ 冬菇肉餅飯每日新鮮製造嘅吞拿魚蓉，配上冬菇漬，特別嘅醃漬有令吞拿魚蓉提鮮效果，佐以京蔥碎，除咗賣相好睇之外，亦多份香氣，飯唔係普通嘅米而係珍珠米，軟軟綿綿嘅質感好有口感，套餐的話會跟沙律、蟹肉茶碗蒸同味噌湯，好豐富好滿足◇ 魚蓉燒賣中式燒賣嘅造型，但餡料換咗為吞拿魚蓉，麵粉皮改為薄薄有機大豆做嘅皮，啖啖鮮味

前排係關注組見到呢間藍鰭吞拿魚飯好受歡迎，就決定去食下！原來餐廳係專心一致做好藍鰭吞拿魚，全部都係食吞拿魚🐟，有d 罕有部位都有！🍱夢之丼$158- 包大拖羅、中拖x3、赤身x3 同魚蓉燒賣，一次過滿足大中小願望😆，塊塊都厚切，大🈵️足- 大拖入口即溶，完全無筋，好肥美香口；中拖夠軟嫩香滑，味道鮮甜。就算係赤身，都好軟香甜😋- 魚蓉燒賣係粒粒吞拿魚蓉，幾特別- 🍚個人建議配搭豐漬飯，撈上碎切黃蘿蔔、壽司薑、芝麻、酸酸地之餘口感幾好！另外加$15要了個🦀️蟹味噌茶碗蒸，蟹味夠濃，配上滑蛋超香口。前菜嘅沙律菜爽香，撈上醋好開胃已經好想再去食吞拿魚飯！

真係好食到爆！每塊魚都鮮到不得了，一碗飯就有幾件拖羅，每件都入口即溶。即使係紅色嘅赤身都好鮮好多油花，超滑！咁嘅質素真係唔知邊度有，聽聞呢度老闆之前係做批發，成條魚直接由日本飛機進口。佢話隻係日本藍鰭吞拿，出面香港果d吞拿魚如果無講明係日本藍鰭就根本唔同級數，來貨價錢可以差兩三倍。一分錢一份貨，其實食過就明，講咁多無用。仲有加$15就有個蒸蛋同湯，個蒸蛋入面有蟹糕，蟹嘅鮮甜味加上蒸蛋嘅香滑真係不得了。 講真， 淨係食個蒸蛋經已可以好滿足。唔知做乜收咁平，仲要係銅鑼灣....感覺應該可能遲d 會加價…