浜滝

Open Now

Now Closed

二訪！太掛住佢嘅火炙平目魚邊同埋伊勢海老姿燒！上次食完念念不忘，今次決定再食，仲試咗幾樣野，我哋食咗呢啲👇🏻原條深海池魚刺身 大分直送火炙平目魚邊 釧路海螺燚燒 近江牛串 日本燒秋葵 伊勢海老燒(半熟龍蝦 海膽 龍蝦粥)-原條深海池魚非常新鮮，肉質爽口彈牙，零腥味，配酸汁好夾！食完刺身之後魚骨再攞去炸，好香又酥脆，一魚兩味-大分直送火炙平目魚邊，味道一如以往，火炙過充滿油香，入口順滑，柚子醬汁同Wasabi夾得嚟又減膩-釧路海螺燚燒，上枱已經好吸睛，用火槍燒出海水味，用左松露他他醬令螺肉同三文魚子嘅味道更加突出，我幾鍾意呢個，好味-近江牛串，近江牛係日本三大和牛之一，油脂分佈平均，雖未達到入口溶化，但肉質軟嫩，唔會過於油膩-日本燒秋葵，雖然燒過但都唔會太乾身，配木魚絲一齊食，口感唔錯-伊勢海老燒，呢個真係主角，味道水準依然保持，入口啖啖肉，燒過嘅龍蝦同海膽鮮味仲更加突出，肉質彈牙，口感滿足，食完刺身之後，會將個龍蝦頭開半煲湯或煮粥，我哋揀咗粥，食到超飽

朋友🧍‍♀️之前食過呢間，佢話好食叫我陪佢一齊去食，好啦~睇咗食評都幾吸引，就去試下喇🙌🏻餐廳喺九龍城，以為九龍城淨係得泰國餐廳同Cafe，原來都有幾間日本🇯🇵嘢嘅～去到已經比個門口吸引住🤟🏻好🈶️日本嘅感覺🎏，裡面嘅裝修同佈置都同日本嘅居酒屋🏮一模一樣我地揀咗必食嘅半熟龍蝦.海膽.龍蝦粥，空運魚箱，大分直送火炙平目魚邊，宮崎縣氣仙沼生蠔，宮崎和牛舌芯串燒，雞軟骨串，雞皮餃子仲有菠蘿味嘅麒麟生啤先講半熟龍蝦，呢個真係超級好食😋啖啖肉，燒過嘅龍蝦同海膽嘅鮮味更加突出，而且肉質彈牙，口感超正🤟🏻食完刺身之後，廚師會將個龍蝦🦞頭開半煲湯或煮粥，粥同湯都鮮味十足，正🙌🏻好滿足吖🤫空運魚箱睇返當日會係咩魚，廚師都係送到黎果一刻先知係咩魚，我哋今日食嘅係魴鮄魚，第一次聽亦都係第一次食🤣呢個肉質爽甜，而且一啲都唔腥，配合酸汁點黎食更加提鮮😋火炙平目魚邊呢個朋友話一定要食，果然真係無失望，魚質非常嫩滑，有少少焦香味，配埋柚子醬汁同Wasabi少咗啲油膩感👍🏻宮崎縣生蠔🦪我哋叫咗一隻，好大隻肉質肥美，加上醬油食落好清甜。宮崎和牛舌芯串燒呢個又係朋友必點嘅，因為佢好鍾意食牛舌芯，呢個熟嘅程度啱啱好，唔會乾爭爭

地道風味居酒屋  -  浜滝突然想食日本野朋友book左九龍城一間居酒屋未行入去見到鋪頭門口細細但係裝飾得好有特色好多日式招牌同掛飾行入鋪內都有好多特色裝飾啤酒posters, 排列整齊嘅清酒等等真係如同置身日本嘅居酒屋剛坐低店員就放下餐牌及介紹精選餐點手寫餐牌係時令菜式店員話每三個月左右會轉下介紹得十分詳細1）大分直送火炙平目魚邊由店員重點推介類似嘅平目魚邊刺身或者燒都有食過呢個食法好特別熟左嘅平目魚邊配上新鮮山葵同柚子味嘅汁好開胃清新2）日本冰菜島豆腐沙律未食過未熟嘅冰菜，原來好爽脆清甜不過成個沙律最吸引其實係海葡萄！！真係唔係度度有仲要新鮮菜下面有島豆腐好香豆味而且質地實淨唔易散好味😋3）五色刺身店員有推介時令鮮魚刺身不過我樣樣都想試都係叫個拼盤開心啲五色刺身包括海膽、活蠔、牡丹蝦、帆立貝同三文魚活蠔十分新鮮爽口好好味其他都新鮮味道ok三文魚普通4）免治雞肉棒好味！免治雞肉混合雞軟骨沾埋蛋黃口感十分滑5）宮崎和牛舌芯串燒店員極度推介牛舌芯係牛舌嘅中間位置味道唔騷但係咬落有啲啲韌6）燒鱔去親居酒屋食串燒必叫燒鱔店員推介呢個新鮮鱔串燒味道控制很不錯都燒得夠脆不過略嫌覺得鱔肉不夠肥厚

呢間舖嘅招牌裝滿哂燈泡，bling bling咁閃，仲有好多旗插放左喺門面，好有日本味，夜晚黎到一眼就會見到佢最搶眼。餐廳有兩層，我哋被安排左坐上層，我哋個邊有四張檯，另外有一道門隔開左另一邊。我覺得呢個設計幾好，令每一個area嘅客都唔會太多，保持到環境清靜又坐得舒服，最啱同朋友黎飲翻杯傾下計。佢哋嘅服務仲好貼心，事源我哋叫左個辣味拉麵，佢建議最後先上，因為怕拉麵嘅辣味會蓋過其他幾樣食物嘅味道，令我哋食唔真其他菜式嘅味。平時啲餐廳多數都係快快手一次過上哂就算架啦，呢個細心位好加分。炸日本甘粟餅- 上到黎仲係熱辣辣，差啲燙親口添呀。即炸嘅炸得脆就一定架啦，佢啲紫薯蓉好足料，好香紫薯嘅蜜甜味。外面脆入面就軟綿綿，再加上中間不時有啲粟子粒彈出黎，係三重嘅口感呀。大分直送火炙平目魚邊-師傅用火槍燒左一下表面，為平口魚邊增添一陣焦香味，亦都順帶出左佢嘅油脂香味。個底用柚子醬油汁去浸住，再有wasabi 喺面，兩者聯手減少左整體嘅油膩感。平目魚邊嘅肉好滑，好似啫喱咁一下就滑入喉嚨，想放喺舌尖感受多下都難，好蠱惑。半熟龍蝦加龍蝦粥/龍蝦湯-今餐嘅重點出現啦~首先龍蝦身嘅肉拎左黎做半熟。點為知半熟

屯馬線終於開通，以後去九龍城覓食就更方便～依間居酒屋近宋皇臺站，室外及室內裝修如同日本地道居酒屋，好似去左一趟日本旅行般，令人懷念！居酒屋樓高兩層，底層以吧枱及小圓枱為主，而上層位置空間較寬闊，更設有VIP房。店內周圍掛著不少彩色旗海、日式擺設及掛畫，更有日本師傅駐場，處處散發著濃厚既日本氣氛，好啱朋友聚會～店內座位不多，想黎既朋友記住先預約呀～❀ 伊勢海老姿燒第一次食半熟龍蝦，不論賣相還是味道都好令人驚艷！擺盤好精緻，以原隻龍蝦上枱，蝦身係已切開一塊塊又飽滿厚身既龍蝦肉，上面放上海膽及蔥花，仲有竹葉及菊花作點綴～依款龍蝦係一味兩食，店員會先送上海龍燒，即是半熟龍蝦配海膽。半熟龍蝦保留住刺身般既質感，口感爽彈，鮮味又濃郁，而海膽都好鮮甜。店員推薦半熟龍蝦及海膽夾埋一齊食，果然味道更鮮甜惹味！食完第一道菜，店員會拎走龍蝦頭，將其煮成湯或粥。客人可以二選其一或者一粥一湯，而我地今次就揀左一粥一湯。上枱已經聞到香濃既龍蝦味，龍蝦湯及粥味道濃郁又足料，入面有豆腐、娃娃菜、雜菌及蘿蔔絲做配料，而飯粒亦吸收晒龍蝦湯既鮮味，食得好滿足。記住要食埋煮完湯既龍蝦肉呀～❀ 大分直送火炙平目魚邊經火炙後，左

終於到咗出糧嘅日子，唔好計咁多，忘記自己有幾米，想盡情歎美食真係唔好望荷包，望住令人忘形嘅珍饈百味就可以了平時食左口魚邊都只係食一忽，今次成條咁食真係激爽，仲有啲湯汁浸到好好食櫻花味生啤賣晒，但玫瑰味都越飲越香甜跟住就到龍王出場，認真架勢上面有勁新鮮嘅海膽，然後就係半熟狀態嘅龍蝦肉，鮮味無比，仲已經切好一舊舊你食𠻹食完個龍蝦就請店員攞走個頭去熬湯/粥，湯底用咗幾種龍蝦熬製，香濃非常鹹鹹嘅醃肉加波士頓芝士，配上紫菜入口，嗰種鹹香出奇地match廣島蠔好新鮮，酒煮一樣嫩滑油揚燒蠔一樣冇問題，裡面都係鮮嫩的牛舌超級彈牙，配汁食簡直係錦上添花鰻魚勁肥美，啖啖脂肉交融，不得了最後又係食蠔，我地實在嗜蠔如命，今次配上大量蔬菜，淡然地結束呢餐呢度店員十分熱情同有禮招呼客人，其程度同去日本有過之而無不及

🎄平安夜和朋友來到九龍城覓食，選了這間浜潼日本居酒屋。來到餐廳門口已見裡面坐滿人，人頭湧湧，看上去餐廳細細，還以為冇位子要轉場，想不到餐廳有第二層，上一層別有洞天，還好有位子！打開餐牌，首先見到各式各種的酒😍不過我們打算有下場，先不喝酒，點了好幾樣小食試試。大分直送火炙平目魚邊$128 熱辣辣送上，一大條魚捲著圍了一圈，夾了一塊來試，一夾即碎，非常軟綿，要小心翼翼輕輕用筷子夾起才可以。沾著wasabi的平目魚塊輕輕的放入口，濃濃的wasabi味首先充斥著口腔，接著是魚鮮味，不誇張，魚肉入口即化，軟綿得很！味道鮮甜，讚！推介！半熟吞拿 $88 看來非常吸引，每件中間都透著粉嫩紅，令人口水直流！大大啖放入口，不是嫩綿的口感，而是厚實要嘴嚼的。乒庫直送活蠔 $48 有生蠔，即叫！大大隻，一啖推生蠔入口，感受生蠔在口中的鮮味，那獨有的海水味令人無法抗拒，蠔本身的甜味滲著海水的鹹味，好好食！燒鰻魚串 $38 鰻魚燒得剛好，有著火炙的焦味，加上鰻魚獨有的鮮甜味，大大塊鰻魚，冇骨，一口吃光一塊，一大享受！浜滝牛油果拉麵🥑 $108最有點一樣較飽肚的主食。這拉麵特別在有牛油果，還打著浜滝自家餐廳的名號

十分別緻的居酒屋，店內擺滿了形形色色的日式擺設，氣氛一流，跟三五好友聚餐的好地方。食物方面有基本的鰻魚飯、窩物刺身等，更吸引的是有比較少見的葡萄豚肉燒、平目魚邊等等，食物款式選擇相當豐富！ 鐵窩日本鰻魚飯• 鰻魚肉口感軟滑香腍、鰻魚汁的味道滲透進了肉內，但是咸度剛好。• 鰻魚和飯之間加了些粟米，吃起來令口感更豐富。• 如果鰻魚汁份量再多一點直至滲透到飯中會更好。自家製黑蒜拉麵• 黑蒜味香濃入味，湯底的油份偏向濃郁，令到拉麵沾滿黑蒜香。• 碗內會擺放著一塊熱石，令溫度得以持續，非常貼心的做法。雞肉漢堡串配日本蛋• 外層燒得帶點焦香、舖上薄薄一層醬油，十分惹味。• 配合香滑的蛋黃拌勻後，增添一點蛋香之餘，口感變得更有層次。葡萄豚肉燒• 極力推薦的一款燒物✨第一次食也是第一次聽到這個名號。來自日本宮崎懸的豬肉，聽說是以葡萄作為飼料。• 肉質極之香嫩充滿油香感，但是油而不膩。感覺不需用太多調味料令豚肉很香濃。大分直送火炙平目魚邊• 平目魚邊肉質嫩滑，細嚼數口已經融化在口腔之中。• 魚肉以帶有柚子味的湯浸泡住，吃的時候可加點芥末，味道會變得更加複雜惹味呢！柚子雞肉串• 雞肉同樣燒得恰到好處，帶點

今次嚟到九龍城走到一間日式居酒屋「浜滝」，在門外看到有TVB報導及飲食媒體採訪過， 頗有名氣。原來佢哋仲有一個搞作，就係「極辛地獄麵」，有1至100倍辣度，在50倍辣以上需另外$28元，朋友超愛挑戰辣，所以我哋就走進居酒屋挑戰一番。先來一個5度辣的麵，我試了一口已感到口腔微微的麻醉，湯底很香甜，麵質都彈牙，而且叉燒好大塊亦都已慢煮處理，質地腍嫩。可能我只能吃BB辣的級數，但朋友相反非常喜歡吃辣，他挑戰30度的辣，我看見紅紅的湯底， 已經覺得很難完全，非常佩服，不過不得不讚，辣度是有深度的，先帶香後帶出辛辣感，十分過癮，愛辣的人士必定要來挑戰一下。另一加分位，是他們的拉麵是由非常嚴緊，要求十分高的日本職場廚師煮理，湯底好麵質好，水準超高，加上貼心位是每碟拉麵都會加上一粒熱石， 為求保持拉麵的溫度，不會因外間影響變冷，令食客由頭到尾都可熱辣辣來享受湯及麵，太贊了!至於小食， 冷豆腐都非常好吃，豆腐夠滑，加上木魚及櫻花蝦帶出鹹味，增添了豆腐的香味。半熟吞拿魚，魚肉質感是硬，入口腍嫩，鮮味充足。必推美食「大分直送火炙平目魚邊」，魚油多到漏出來，加上魚肉爽口，可吃到滿口油脂，配上即磨山葵 ，十分