龍莊

Open Now

Now Closed

數天前同屋企人討論出嚟食個晚飯，佢就鍾意食中菜多啲，於是揾下鰂魚涌一帶有咩餐廳，揾到英皇道1001號8樓龍莊好似不錯喎，有我勁鍾意食嘅蟹🦀仲有好多餸菜都好吸引，於是book咗食晚飯🫖龍蟹膳 $588————————————用成隻肉蟹做兩食，正到爆呀😍一道係上湯煮肉蟹，蟹嘅精華同上湯混合，又香又鮮甜。肉蟹好新鮮，煮過後肉質仍然飽滿有彈性，真係啖啖肉！尤其食蟹鉗嘅時候，一大條蟹肉抽到出嚟真係正到爆🥹上菜時已經夾咗殼，再附上手套同濕紙巾，咁就食得滋味啦！另一道係招牌蟹王煎腸粉，依道菜運用到中式點心嘅概念，都幾有趣😆腸粉煎到香噴，撈埋蟹肉同濃稠嘅蟹王食，邪惡但好食😋大吟釀煮花蛤 $208————————————超大隻花蛤，勁肥美呀，肉質新鮮彈牙，冇沙！揮發後嘅大吟釀令花蛤更凸顯鮮甜味道，花蛤肉吸引晒啲湯底精華👍🏼意式醋香骨 $108————————————中意合壁，醋本身能起到增強食慾、促進消化嘅作用，醬汁喺一嚿嚿Spareribs表面收汁，非常入味，而且非常開胃，唔會覺得膩，依個意式醋帶有天然嘅酸度，再加上蜜糖/蜜汁一齊煮，甜甜蜜蜜嘅味道，好特別👍🏼最後仲點咗木桶豆腐花食，真係超豐富嘅一餐！

1001 新開嘅粵菜，日頭主打點心，夜晚做粵菜，估計未正式開張，當晚似係試業中滋補花膠雪雁燉椰皇 $128/位足料燉湯，清甜椰皇，加入肉粒、雞件燉製，再加上花膠、原粒瑤柱，滋陰養顏大吟釀煮花蛤 $208一向鍾意食花蛤，所以特別想試，有十六隻大花蛤，隻隻都有酒香，仲有少少桂花味，鮮嫩美味！煙燻樟查鴨 $168茶葉煙燻，皮脆就似德國鹹豬手嗰種質感鴛鴦蝦球 $128本來想試䱽中之王，可惜店員話賣晒，推介咗呢道俾我哋，一款係金沙味，充滿鹹香鹹蛋黃沙嘅外層，但蝦肉較淡；另一款係芥末味，芥末加埋泰式雞醬，估唔到呢個配搭幾好味茶位 $12/位