天天海南雞飯 (Fashion Walk)

Open Now

Now Closed

銅鑼灣米芝蓮海南雞，室內室外也有座位，倍感悠閑。在新加城頗有名氣，過江龍來到香港質素依然保持。除了海南雞，其他菜式也很不錯。天天海南雞 (中份) $169Tian Tian Hainanese Chicken差不多每一桌都點的招牌菜海南雞，倆口子來個中份，份量剛剛好。平時不吃雞皮，但這個海南雞的雞皮香而不油，薄身帶點爽脆，還連住新鮮雞的皮下膠質，雞肉滑溜，加上秘製的醬油，不沾醬吃已很不錯。火焰石燒沙嗲串串 $129Flaming Stone-Grilled Satay Skewers店員以火槍輕灸串燒，香料經火灸後，香味更加突出。豬、牛、雞串燒都是大大塊肉，特別喜歡豬肉串，選用豬頸肉部份，爽彈又有油香。濃厚的沙嗲醬也是這道菜的靈魂，花生醬味道濃郁而不死鹹，與肉串更是百搭組合。黃咖喱牛面頰肉 $139Yellow Curry Beef Cheek這個黃咖喱屬於惹味辣，不嗜辣的倆口子也吃得津津有味。牛頰肉比牛肋肉的肉質更細緻、比較低脂，還多了一種骨膠原的膠質感。另一主角薯仔也炆得軟淋入味，牛肉和薯仔份量頗多，很足料。咖央醬炸饅頭 $39Fried Bun w/ Kaya Sauce4顆炸饅

環境寧靜，海南雞配油飯是絕配，當日一共叫咗兩碟大海南雞，一碟大燒雞。飲品方面朋友們極喜歡豆腐花奶茶、豆腐花咖啡，喜歡吃豆腐花的朋友，不妨試試。甜品是炸涼粉，外面炸面充滿椰子味，一碟有六件，一人一件剛剛好。

今日介紹一間新加坡菜，個人覺得係香港難得一間正宗特別好味道的新加坡菜式，傳說新加坡總店榮獲多年米芝蓮！#天天海南雞飯當然必試餐廳人氣招牌菜，#海南雞 ，上枱擺盤已經感覺到餐廳的用心，雞肉真心皮薄肉嫩，鮮嫩多汁，搭配傳統海南雞三種醬汁，其中辣味醬汁帶有青檸味，令人愛不釋手。#老街坊黑磨豉醬炆牛筋牛腩另外仲試左一款以砂鍋上菜的牛筋腩，黑磨豉醬的香氣結合牛筋牛腩的鮮嫩口感，完全感受到緩慢炆煮，入味而不軟爛，是一道滿足味蕾的美食選擇。

之前喺新加坡食過覺得好驚艷！好耐之前知道佢開咗喺香港，一直都久仰大名！今日終於嚟到朝聖！睇下有冇新加坡咁好食先海南雞由新加坡開嚟香港，裝修有花心思，高級同時融入品牌元素，仲有室內外位俾大家揀～🌟 天天海南雞 $189入到嚟當然唔少得招牌海南雞啦！雞肉保留新加坡做法，入口嫩口雞味濃，真正做到皮滑零脂肪，再沾上獨門秘製的三款醬 — 辣椒醬/甜醬油/蒜醬，味道層次更豐富。🌟 雞飯 $24（碗）餐廳加入雞湯香茅去煲煮白飯，食落充滿雞油味道，飯粒飽滿粒粒分別，就咁食已經可以食完一碗飯😋🌟 星洲海鮮喇沙水晶粉煲 $149店員會用瓦煲同爐熱住個喇沙，湯頭好香椰汁味同時夠重香料，海鮮配料都好多～有青口、大蝦及一大堆八爪魚🐙，仲有大量豆卜去索湯～不得不提嘅係水晶粉，超級滑溜彈牙，索埋啲喇沙湯食超好味🥰🌟 黃金蠔烙 $108採用半煎炸嘅方式烹煮，蠔嘅份量一啲都唔姑寒，粒粒都大大粒，鮮甜厚肉，同時配上炸得香脆嘅粉漿，食落香口惹味。

之前喺沙田分店食過咁啱今日嚟到銅鑼灣見到呢間分店好靚而且見到都幾多人食見到佢menu唔同左想試下又發現個Menu都靚咗好多基本上每枱都有叫嘅天天海南雞真心唔錯特別鍾意中間個醬佢辣得嚟好fresh啲雞好滑，中間又有層啫喱，雞皮又唔肥真心呢個飯真係就咁食都好香必須讚吓佢個兜、保溫好好食到後期啲飯都仲熱好食好多呢兜$39差唔多有成三碗飯㗎都唔算貴石斑魚份量都幾多有少少辣、入面仲有酸菜、芋絲、秀珍菇同埋本菇～魚肉係無骨架幾滑至於個湯覺得有啲太辣同酸不過誠意十足、蝦非常大見到好多人食一鍋鍋嘅野下次都想試吓

餐廳新裝修，偏西式嘅感覺，紅磚加上聖誕裝飾好有節日氣氛🎄🐓 招牌天天海南雞$189擺盤精緻，基礎3款醬汁都有。肉質好嫩，雞皮有特別處理過，好乾淨滑身。另外有青瓜配埋一起食好爽口。🍚雞油飯(小) $39-小窩已足夠2-3人，粒粒分明軟硬適中，油香足🍲古法肉骨茶 $159呢間係胡椒豬肚湯底，胡椒味十足，湯底熱辣辣好鮮甜，肉骨大大嚿好軟嫩🥥椰奶炸龜苓膏 $49好創新，龜苓膏好煙韌口味微苦，配上甜甜嘅椰汁甜度剛剛好，係有驚喜的甜品😋份量都幾大，建議3人以上🍮原味豆腐花加美祿 $29豆腐花質地偏流質幾特別，甜度啱啱好，加美祿粉多左啲朱古力嘅感覺～總括而言，餐廳食物環境都唔錯，好適合情侶朋友黎約會💕

天天海南雞系新加坡必食餐廳之一，之前去新加坡嘅時候太多人排隊而無食到，見香港有分店，所以黎試試。《天天海南雞》$189果然系招牌菜，雞肉好嫩滑，最有驚喜嘅系塊雞皮，系爽口唔油膩，而且點埋秘製辣椒醬，更加惹味。《雞油飯》（細鍋 ）$39，食海南雞當然要配雞油飯，細鍋雞油飯嘅份量都好多，有3-4碗飯，粒粒飯都有雞油香味，雞肉加雞油飯，好滿足！《古法肉骨茶》$159肉骨茶好足料，有豬骨、豬肚、豆卜、腐竹，份量多，而湯底就系淡淡嘅藥材味，好易入口。《新加坡原味豆腐花》$22個豆腐花好有驚喜，好滑而且不會太甜，啖啖嘅黃豆味，推介大家可以叫黎試試。《香水檸檬茶》$34估唔到天天海南雞都跟上潮流，野飲出埋香水檸檬茶，味道好唔錯，飲落去濃濃嘅香水檸檬味，非常之fresh。

今日嚟到銅鑼灣食晚餐 行完皇室堡記得附近有間天天海南雞飯 又好耐冇食 就決定食佢啦～ 入去坐低睇Menu 好似比我上次去食多咗唔少菜式 揀好咗就落單啦😗 鮮大蝦冬陰功湯（4隻蝦）$139先來嘅係個湯 店員喺我哋面前落四隻大蝦同埋啲配料 大蝦真係好大隻同埋好新鮮👍🏻 睇住佢滾左就食得～冬陰功湯酸酸辣辣好開胃 大蝦鮮甜啖啖肉 湯入面仲有啲菇同埋蕃茄仔 好好味嘅冬陰功湯 我飲咗兩碗😋 黑松露墨魚蝦多士 $109呢個係必點 每次嚟都一定會食嘅蝦多士😍 一上枱已經好香黑松露味 咬落去多士好脆口 黑松露味勁香 墨魚打得好滑身又彈牙 又唔會炸得好油膩 配埋少少沙律菜平衡返 真係大推👍🏻 天天海南雞（大份）$189主角出場啦🤩 必點天天海南雞 雞肉好滑雞皮都好滑 配埋佢嘅醬汁真係冇得頂😋😋 天天海南雞 當然要配埋雞油飯啦😋 雞油飯（大窩）$59超好食！佢嘅雞油飯粒粒分明 雞油味超香 叫咗大窩因為勁鍾意食🤣 食左兩碗飯 好食到停唔到口😗 整體嚟講 呢間天天海南雞飯 真係好出色👍🏻 環境舒適 店員服務態度好 食物質素高 好有新加坡味道 一定會再嚟食😌

新加坡係個美食天堂相信大家都會認同，當然最出名就係海南雞飯啦，次次去新加坡都一定要食🥳 不過如果你想喺香港度搵一間有晒所有新加坡嘅美食嘅話，就一定係銅鑼灣皇室堡美食街呢間「天天海南雞飯」啦，因為佢除咗有大家最喜愛嘅海南雞飯之外，仲包含新加坡米芝蓮街坊食店「老街坊」、「超好面」同「五十年代」喺出名美食👏👏 可以一次過試晒所有款式👍超級推介呢個「天天海南雞飯 - 米芝蓮套餐」🤗 呢個套餐適合兩個人一齊分享，包括晒所有最出名嘅美食，樣樣都係💯 一定唔會令你失望🤭 🫓 前菜 · 蝦皮素肉鬆凍豆腐首先前菜就係呢個比較有特色嘅凍豆腐，佢有啲肉鬆喺豆腐上邊，醬汁有少少辣辣地，非常之開胃🤤🍞 小食 · 黑松露墨魚蝦多士平時食蝦多士就冇咩特別，但係呢個就真係唔同啲啦，整得比較特別，佢用咗黑松露同埋墨魚做餡料，食落去有陣好香嘅黑松露味，脆脆地好好食👍 另外蝦多士上邊都有啲椰菜絲，都係好好嘅配搭，超推介💯 🥣 燉湯 · 鮮大蝦冬陰功湯燉湯方面就一定要試吓呢個冬陰功湯啦，呢個二人餐就一人一碗，冬陰功少少辣，材料非常之豐富，有一隻大鮮蝦 🦐 飲完好開胃🤭🐥 招牌菜 · 天天海南雞主菜方面一定要試吓最出名嘅海南雞

平日收工咁攰梗係要對自己好D😗 今日就揀左依間新加坡過江龍天天海南雞飯試下, 入到去環境好寬敞, 坐得好舒服, 放工同朋友放鬆下食個飯未嘗唔係一個好選擇~ 今日揀左新加坡米芝蓮2人餐, 餐入面有齊湯, 前菜，主菜同埋甜品！🫢 另外一入到去佢就會送份百香果汁哈密瓜比你開一開胃先，好細心😄天天二人餐🔎 蝦皮素肉鬆凍豆腐 好驚喜嘅前菜凍豆腐! 😋豆腐上面一半係配蝦米, 一半係配肉鬆，特別配搭帶有微辣嘅豉油更加Match, 更加開胃🥰🔎 鮮大蝦冬陰功湯🦐 個冬陰功湯比較辣, 食到辣既朋友應該覺得岩岩好, 另外辣味再配埋蝦味既鮮甜，同埋勁多蕃茄仔，令到成個湯都更加出色; 順帶一提佢會挑走埋D蝦腸, 食蝦果陣仲見到D蝦膏不得了😝🔎 斑斕汁椰香鱈魚🐟 即叫即炸起的鱈魚，一粒粒咁樣上炸到金黃酥脆，入口脆卜卜之餘，鱈魚鮮味滑溜亦都唔會有骨，再配埋濃稠既班蘭醬汁令到鱈魚食落去甜甜地都幾開胃😆🔎 天天海南雞{例牌} 🐓成碟連埋擺盤一齊上睇落精緻美觀, 海南雞雞皮爽口，雞肉嫰滑，脂肪唔多，而雞肉唔會因為無左份油脂而變得嚡, 再配埋海南雞既精粹甜豉油，泰式辣汁，薑蔥依三款三款醬料, 鍾意食

唔好比個名呃到，呢間「天天海南雞飯」唔淨止食一款菜，其實佢有四間不同類型餐廳一齊合作，可以點四間餐廳的菜式，好鬼死多選擇，啱晒不同朋友想食唔同菜式時有多點選擇。黑松露墨魚蝦多士黑松露混合在墨魚滑裡面，墨魚滑非常彈牙，蝦鋪在多士上面，多士非常香脆，菜好爽口，非常美味😋迷迭香火焰黑金叉燒香口外皮，淡淡酒香、迷迭香，叉燒好淋好入味，配上濃濃的蜜汁，可一可再鮮大蝦冬陰功湯大蝦好大隻又好好食，好爽口架，冬陰功味道適中，香茅、酸味、辣味剛剛好，最後清左😋「老街坊」牛筋牛腩煲牛腩汁味香濃，牛腩、牛筋勁淋又入味，美味😋天天海南雞有水煮和焗的兩款，肉質滑溜，這兩款都一定要沾醬食。南海青咖喱青咖哩好好味，海鮮有蝦、青口、魷魚，海鮮新鮮好食。食神魚子海鮮炒雞油飯魚子和炒飯混和口感非常爽口，飯粒乾爽，整體好食😋甜品有芒果三色糯米椰漿甜飯，一定要落椰汁，椰汁非常好味，又香又甜。另外，新加坡原味豆腐花，好滑，口感似食布甸，唔實，好味😋飲品有恐龍美祿，朱古力控很愛😋。朋友飲50年代南洋咖啡，說香濃味甘好飲😊

今次同朋友一齊到新加坡米芝蓮餐廳「天天海南雞飯」，座立於銅鑼灣升格為Tian Tian Authentic，提供傳統新加坡及fusion菜式！🥪黑松露墨魚蝦多士 多士勁脆脆中間餡料勁香黑松露味，餡料混合黑松露、蛋白醬、紅味噌及蜂蜜🍯🍖迷迭香火焰黑金叉燒 黑金叉燒用上西班牙豬腩肉，油脂感滿滿入口軟腍惹味😋🍤鮮大蝦冬陰功湯 冬陰功湯味道帶有刺激感嘅酸辣🌶新鮮大蝦喺上菜時先至放入冬陰功湯內煮熟，大蝦超新鮮口感彈牙爽口！ 🍲古法肉骨茶 豬肋骨好大條吸收哂肉骨茶嘅味道😝 配埋豆卜枝竹材料好豐富！肉骨茶一上枱就聞到勁香濃嘅藥材味，有當歸、甘草、八角等藥材，以及馬來西亞胡椒增加辣味；肉骨茶用上新鮮豬骨和洋蔥熬製一小時而成～🍖「老街坊」牛筋牛腩煲以明火熱住個牛腩煲，裡面牛筋超軟腍好滑溜😻牛肋條腩位肉質唔會黏牙味道好濃郁！加上炸牛蒡好脆口！ 🍗天天海南雞招牌菜式！雞肉肥厚又超嫩滑🤩雞皮彈牙帶有啫喱，一定要沾上獨門秘製辣椒醬、黑醬油同蒜醬，味道更加香濃！店員話採用海南文昌鎮正宗文昌雞及白羽雞，每天新鮮供港～🦪南海青咖喱南海青咖喱味道香濃稠掛汁，裡面仲有菠菜和班蘭，配上大蝦🍤青口🦪蔬菜🥦唔會太辣好易入口！🦀

是你不想我啦，甚至不找我啦？其實我一直等緊你，你又知唔知？食少日海南雞，我都心亂如麻…又點會咁誇呀，不過海南雞我真係鍾意食既咁又唔洗日日食既，間中食下回味一下，都唔錯呀。👇📌十 大 招 牌 - ▪️ 天 天 海 南 雞 - $169 ▪️ 雞 油 飯 - $39▫️ 講到招牌，無可能唔食呢個「天天海南雞」，海南雞做得非常唔錯，肉質香滑又夠嫩，最重要係過份冰冷既感覺，非常新鮮，加上夠哂二人份量既「雞油飯」，惹味得黎又唔會太重油膩感，好有驚喜。📌小 菜 - ▪️ 參 巴 辣 椒 炒 通 菜 - $89 ▫️ 呢個「參巴辣椒炒通菜」炒得夠哂火喉，腐乳就食得多，估唔到參峇醬反而鹹香得黎帶少少微辣，本身通菜口感相當爽口，送飯真係一流。▪️ 黑 磨 鼓 牛 筋 牛 腩 - $139 ▫️ 最後試埋個「黑磨鼓牛筋牛腩」，牛腩鬆軟入味，牛筋夠腍滑，最重要係個醬汁濃郁鮮香，加上個底部有個爐頭慶住保溫，呢點做得幾細心，整體幾有水準！

呢間新加坡過江龍經常大排長龍，喺Element lunch time時間成日無緣一試，今次就過黎銅鑼灣食。 入到黎裝修唔錯，有少少去左中國城市嘅感覺，餐具精緻，茶壺都特別重手！不過埋單嘅時候先知原來要收每位茶芥$10。 朋友最近要增磅，於是2個人就嗌咗個抵食2人餐($499)。 1）鳳莉涼瓜干貝燉龍骨 好足料有瑤柱，而且清甜唔苦，養身嘅感覺lol 2）黑松露墨魚蝦多士多士香脆唔油，黑松露醬都好多，仲有滿滿嘅椰菜絲鋪喺上面，滿足！ 3）蝦皮素肉鬆凍豆腐 正正常常，麻辣汁開胃，原來係素肉鬆，真係食唔出！ 4）天天海南雞 問左餐廳天天海南雞同正宗海南雞有咩分別，原本天天係滑啲，正宗就重雞味～食落唔錯，幾滑，啲醬汁好開胃😋 5）雞油飯用好似韓式石頭鍋載住，可以keep住個溫度，幾貼心。份量夠２人食，味道都唔錯，飯唔會太濕。 6）海南雜菜煲菜煲鮮甜！原來有豬潤同腎，驚膽固醇超標都唔敢食太多，但真係好難忍口。 呢個餐仲包咗2杯野飲，美祿恐龍用左成個啤酒杯咁大杯裝好滿足pp下次黎會試下正宗海南雞！