舍 (Closed)

其實我好想試佢地嘅點心，上次食過晚餐，飯後評價都很高，所以今次再黎試下佢地嘅點心打開餐牌其實好多嘢都好想試，可惜只得兩個胃空間有限 ，所以就只叫了5款食品。香檳金蝦餃XO 醬炒腸粉椒鹽白飯魚芝士蝦春卷太極馬拉糕粉紅色嘅蝦餃賣相相當吸到，一口咬落去蝦爽，唔會太多肥肉XO 醬炒腸粉，應該係先煎過再加XO 醬炒一炒，唔辣又夠味椒鹽白飯魚，上次嚟食炸嘢都已經覺得佢地嘅炸食物唔錯，唔會好油夠乾身，仲要係好脆芝士蝦春卷可以就會係幾款食物中最平凡嘅一款，入面有蝦有芝士，但同樣炸得好。太極馬拉糕都係我見到之後必定要試嘅食物，馬拉糕夠鬆軟，賣相出色，但就唔係好食得出兩色嘅分別今次沒有飲茶，反而叫左杯cappuccino 配點心，真心唔多夾，下次都係叫花茶試吓P.S 3點開始有tea set 嫁，下次可以再試

這間位於國金IFC連卡佛裡面的中菜館#舍，碟碟點心賣相精緻#igable ，絕對又靚又好味😋。上湯金魚餃$68 😋😋😋😋😋/5金魚造型超可愛，餃皮夠薄，表面塗上金色，十足金魚在水池上游，金魚餃裡面蝦肉夠爽，讚👍🏻香檳金蝦餃$68 😋😋😋😋/5粉紅色的蝦餃皮上再掃上一層金色，華麗精緻，粉紅控必點。花之戀(蟹子春卷)$62 😋😋😋😋/5花朶🌹造型的蝦春卷，香脆又不油膩，靚到唔捨得食。太極馬拉糕$62 😋😋😋😋/5第一次食芝麻味的馬拉糕，味道不錯，有著淡淡的芝麻味，質地鬆軟。太極的賣相令平凡中帶點不平凡🤩。流心紫蕃薯$68 😋😋😋/5外皮有點脆，口感柔軟，內餡流心不會太甜，略嫌紫薯味唔突出。

上個星期有個朋友返黎揾我地, 佢去左德國幾年, 終於返黎揾返我地, 咁耐無見, 所以約左佢去一間比較高檔既中菜食飯聚下舊。間餐廳雖然係食中菜, 但係去到我地發覺店員全部都係外國人, 有啲出乎意料之外既感覺。呢間餐廳叫做「舍」, 英文就係「舍」既普通話拼音 「She」，我發覺近來中環越黎越多類似既餐廳不斷湧現。去呢間餐廳最好問下路, 因為佢位於IFC既連卡佛旁, 唔係太易揾, 但係一去到門口就覺得好high class，我地坐既位背後係一大塊玻璃窗, 從IFC望出去就係醉人的維港景緻, 好令人陶醉!!店員都非當有禮物, 男店員同我地講野既時候, 都係半鞠躬既形式, 超有禮貌! 我地點左一啲點心, 因為個朋友真係好鍾意食點心, 而響德國佢住既地方又唔係有太多正宗既點心食, 難免會有啲 “思鄕”。首先黎左個 “蜜汁黑豚肉叉燒”, 係有個小火爐熱住, 所以都keep住係暖, 雖然我地無一口氣食晒, 但到最後尾啲叉燒其實都無被煮到過熟, 可能個火都只係好細, 所以係剛剛好可以令個叉燒一直保持微熱。叉燒係半肥瘦, 肥既地方唔多, 係兩大塊肉之間有一層薄薄既脂肪, 叉燒食落係非常之tender, 肥

數數手指，係IFC食野既次數確係五隻手指數得哂，價格固然係一個原因之一，但偶爾都要獎勵下自己又或者同另一半食餐好既，今次揀左呢間中菜館。環境位置比較特別，係位於一間賣名牌既店舖入面，所以一開頭都搵唔到間餐廳，一入去就有酒吧位置，餐廳格局似西餐廳，仲有户外座位對住海景，氣氛一流。餐牌選擇十分多，都有套餐可選，價格固然不便宜，但既然到訪就揀自己想食既。椒鹽豆腐 $88簡單但好考師傅功架既一道菜式，豆腐咁易爛既食材要沾上生粉去炸，油溫、時間都要控制得好好。份量適中，每粒大小均稱，外層酥脆，沾附少少既椒鹽調味岩岩好，內裡豆腐嫩滑，做頭盤小吃很不錯！招牌花膠滋補養生鍋(1-2人份) $298呢個係1-2人份，用上等花膠、蟲草花、杞子、紅棗、乾螺頭、准山、桂圓、豬骨等等多種材料用慢火熬足12小時，標明無加味精。店員會幫忙分湯，十分足料，飲落好清甜，湯頭因花膠膠質增添濃稠度，但又唔會漿口，口感舒服，花膠亦夠大塊，會吸取返湯汁，有咬口。除左1-2人份，亦有多人份$888。蜜汁黑豚肉叉燒 $198/例食fusion既中菜餐廳，食豬肉的話大多都會選用黑毛豬，呢到亦不例外，選用來自加拿大既黑毛豬，上枱仲會用

星期日出差，蝕了一天假期（不過公司有補假）。平時會搭的士去機場，趁着今日星期天，一家三口先去中環食晏，然後才搭機場快線，所以，開餐地點就揀了機鐵香港站上蓋 ifc Mall。出差期間應該唔會食中菜，所以揀了「舍」 - 即使似乎只是摩登版中菜館。同一個地址以前是來自法國巴黎的老牌 cafe Angelina，當日進駐香港，傳媒也有廣泛報導；估不到只是四年左右，便𨦫羽而歸，撤出香港。去年由餐飲集團「Gaia Group」承租原址，但換成中菜館「舍」。「Gaia Group」以高級意大利餐廳起步，近年進軍東南亞風味餐廳市場，也加入了意式 fusion 元素；中餐館系列就以相當正宗的北方菜「王家沙」為主。繼早兩年的「Tyfun Dim Sum」的廣東點心小試牛刀後，「舍」進一步進軍中高檔廣東菜市場。始終母公司主力西方餐飲，即使旗下這兩間廣東菜館口味正宗，但室內裝潢無可避免參考西餐廳風格，感覺上較為摩登，迎合西方客人品味 ⋯⋯ 始終「舍」位於中環區其中一個最高檔次商場內。裝修靚，但實在太似歐洲大城市的小餐廳，與中餐有點格格不入，如果唔係見到放在枱面的碗筷匙羹，很難想像是一間中菜館。靠近門口的座位