佳佳甜品

Open Now

Now Closed

好一段時間無幫襯過佳佳甜品，農曆年前經過，居然未見人龍，當然要把握機會入去嘆番碗糖水。佳佳以售賣七款傳統中式糖水為主，另可以 $2 - $7 價錢任意添加指定配料。糖水款式看似普普通通，不過論質素，出面的糖水舖真係未必有佳佳水準，真材實料，沒有攪其他古靈精怪的配撘，只專心一意製作好品質。寧波薑汁湯丸 $22一直覺得佳佳的薑味糖水與其他糖水舖有好大分別， 其他糖水舖的薑汁糖水，只有表面的辣，甜味蓋過了大部份薑味，根本未逹標準。而佳佳的薑汁糖水就十分出眾，用靚老薑製作濃郁薑汁，質感有少少濃稠，辛辣，但又恰度好處，間中還會撘到少少薑蓉，這才叫真真正正的薑汁糖水。寧波湯丸以黑芝麻作饀，皮薄軟糯，共有八粒，體積剛好，一啖一粒，易入口。因為租金及人工、材料上脹，利潤有限，所以這類統中式糖水舖越來越少，越來越難找，不過無論舖頭搬到再偏遠的位置，只要質素受認同，別人也會從老遠來幫襯。

同朋友喺旺角食完晚飯想食糖水 就行左半個鐘黎佐敦食呢間幾出名嘅鋪頭一行到門口個心離一離 勁多人！但意想吾到嘅係啲人流勁快 十幾個人 但等左兩分鐘就入得叫完野食等左又係吾夠2分鐘就到左 我叫左個薑汁湯圓， 薑味超濃郁！ 如果天氣再凍啲黎就perfect la. 湯圓有8粒 皮薄 吾滯 但只有黑芝麻味 如果可以有埋花生等其他經典味道就更好 再試左朋友嘅腐竹糖水 就反而冇咁濃味 吾太啱我咁重口味嘅人 但中意清淡嘅朋友應該會幾中意廿蚊碗 咁嘅分量 速度同服務 真心係抵食！

每次星仔家人來港，我們都要編排不同的食程給他們。因為他們已來港多次，香港的旅遊景點全部去過晒，老人家又不能行成日，所以每日不外乎都是食食食。佳佳通常都是食程鐵膽，一來因為近，二來也因為價錢平味道不錯。今次一行四人每人點了一碗糖水再另加兩碗湯丸。花生糯米麥米粥($20)是我每次必點，因為現在已經不太多地方有得吃，而且也很喜歡麥米的咬口。芝麻糊併合桃露($22)有舊食客都說佳佳的糊比從前退步了，我食糖水甚少點糊類無從比較，但雖然現在的糊大多都用現成的粉開水而成，但糖水店的準備功夫一般都公認比起其他種類的食店多，能保持價錢大眾化都算不錯。寧波薑汁湯丸($20)寧波薑汁湯丸不單是佳佳的鎮店之寶，也可算是香港數一數二好味的湯丸。湯丸皮薄芝麻餡不會磨得太碎還能保持咬口，薑湯薑味夠濃，$20一碗有七粒湯丸，所以每次幫趁點都要食返一碗。

老實講,平時你問我意見的話,我一定唔會食中式糖水,因為我覺得自己屋企都煮到, 不過呢晚幾個朋友堅持要食,仲話呢間好經典.我唯有就範呢度menu只有1張,一眼睇曬有o羊食,哎呀,全部我都唔鐘意食(我好偏食),逼於無奈下,我選擇左芋蓉蓮子西米露(我唔食蓮子的)再加多粒湯圓~呢度上台速度好快,眨眼已經一台糖水~先講下我碗野,雖然有我唔食的蓮子,但佢味道又唔算濃,而且好林,所以都幾好食,有芋頭gei存在令西米露好香~加埋煮到好透明gei西米露,成碗食碗好暖~重點係有咁多甜野落去都唔會太甜,意外地喜歡!唯一可惜係我加左的湯圓,原來係我好討厭gei黑芝麻糖水,純粹個人喜好,我覺得唔夾,但芝麻係香gei朋友叫左個濃薑番薯糖水大家都無expect佢味道如何,不過一到就聞到濃烈薑味,入口當然係薑味爆發啦~~D薑濃到連平時食開薑gei朋友都覺得好辣,如果唔食gei人就真係唔好試啦~不過佢D番薯又好甜好林所以容易咬,食完都幾飽~~木瓜燉雪耳D木瓜好甜好林,雪耳仲keep到爽口gei感覺,兩個字:好潤!由於我真係接受唔到杏仁露o個陣味,所以我一啖都無試過,不過朋友大讚杏仁好香好滑,俾好高分.我自己就強推冰花燉

有幾間老字號大家都經常推薦，小時候都係常客，好似合都成啊、地茂館、佳佳、源記咁。尤其是佳佳，紅到海外，而家食到嘅機會更少，太長人龍我一定調頭。難得喺附近晚飯又未夠鐘 ，係先食糖水後食飯啦。佳佳由舊時巷仔位到而家開埋去台灣，除左本地人喜歡，都係遊客之選，喺門外不難見到揸住旅遊書嘅客人，都算係排隊美食。餐牌供應中式糖水，紅、綠豆沙雪耳、芝麻糊、杏仁露、合桃露、湯丸、蕃薯糖水、楊枝甘露等，定價$20/22/32，配料可加雞蛋、蕃薯、湯丸。寧波薑汁湯丸 $20 寧波湯丸較細粒，一碗8粒，當然啦比起十幾年前點都冇咁薑，但點都依然比其他糖水店優勝！薑汁濃厚，除左辣，仲有種甜味中和，食完超暖身，寒底人士必食。湯丸皮薄餡靚，煙韌軟熟，芝麻餡甜啲，但一咬就咇出黎，畫面很療癒一口一粒，廿蚊碗都算超值，尤其是最近我地常踩雷，食左太多fail的湯丸。補腦合桃露 $22合桃露生磨，口感較raw，唔會滑溜，但亦不粗糙，淡淡合桃味，甜度較低，又係抵食。 

食完dinner 聽朋友推薦呢間附近既傳統甜品鋪 梗係要試下啦鋪面都幾大 有兩層 好多位 九點幾去到都差唔多坐滿曬 好彩我地唔洗等位乍呢間甜品鋪只有十幾款甜品可以揀 選擇唔算好多 但都包括曬啲基本既中式糖水 都唔錯既芋茸蓮子西米露(熱)($20)呢個糖水真係好好食 好真材實料唔單止有好多粒蓮子 而且有好多芋茸 一放上枱已經聞到好香濃芋頭味 食落更係濃味 而且又好滑 配上西米露就啱啱好不過食食下會覺得有啲甜 仲會好飽 寧波薑汁湯丸($20)呢個甜品同樣地好足料 有香濃薑汁味 又有8粒芝麻湯丸 以呢個價錢黎講 真係好抵濃薑蕃薯糖水($20)呢個真係好濃薑味 甚至比薑汁湯丸既薑味更濃 唔怪得叫「濃薑」啦朋友食完成後覺得好熱添好啱依家個天氣食

話說尋日約咗朋友喺佐敦拎野，我係去咗廟街嗰邊，其實尋晚我係未食嘢然之後過去，拎完野之後就覺得真心有啲肚餓👉🏼👈🏼想四圍搵吓嘢食。又唔想中伏，梗係想揀啲有品質保證，甘啱竟然比我見到拎米芝蓮嘅佳佳甜品由於趕住返屋企嘅關係，門面同埋餐牌都唔記得影相添🙊但我想講排隊嘅人其實都唔係十分多嘅，人數都係10個左右，先令我放心。佳佳甜品系之前拎咗米芝蓮，但我知道呢間真係良心店舖，記得之前睇過店舖老闆做訪問，佢係提及到就算拎咗米芝蓮啲甜品都冇乜點加價，尋日去到見到好多都係19-21蚊，相比起出面又貴又唔好食嗰啲，呢個價真係超值。叫外賣我分別叫咗芝麻糊同埋薑汁湯圓，因為聽講呢兩樣係必食，其實芋蓉蓮子西米露我都有啲興趣試㗎，不過一叫就唔叫咁多。我記得上次黎我都好似係食芝麻糊，但已經係好耐之前喇，耐到我都唔記得咗系幾時，但好味嘅食物總會有令人再去既吸引力～尋日係搭巴士返屋企，我返屋企大概45分鐘車程，如果整得較差嘅糖水可能會凍凍地，好慶幸叫咗三碗拎返屋企都仲保持到個溫度首先打開一個我平時比較少食既芝麻糊，一打開個蓋即刻聞到好香既芝麻味。芝麻糊其實一用匙羹撈起就可以睇到個質素係點樣，呢樣野係我媽咪以前做糖水舖所

好嘢唔怕介紹俾大家，一路都好想介紹佳佳，但有時寫嘢係好講心情，尤其是寫我喜歡吃的東西，一定要在愉快輕鬆的心情，才可以寫出來👻👻👻佳佳以前是小街檔，吃到現在上舖，身為佢嘅忠實粉絲，實在很替佢高興。糖水碗很有懷舊風味😻😻😻寧波薑汁湯丸：薑汁糖水薑味夠濃夠薑，貨真價實，絕不欺場！寧波湯丸唔會好似一般舖頭大大粒，喜歡佢小小粒，一口一粒，成碗有8粒湯丸。湯丸皮薄餡靚，湯丸皮很煙韌，黑芝麻餡很香滑。其實，佳佳其他糖水也很好吃，不過，我自己情有獨鍾寧波薑汁湯丸😋😋😋

與幾位好友晚飯過後，剛好走過佐敦，其中一位好友說是想去吃甜品，說是米芝蓮提及的甜品店，於是大家一塊去朝聖。是晚較多人，也只是等了五分鐘左右可以入座，可見眾人都或因米芝蓮而來。我們一行三人，叫了三碗：蛋花馬蹄西米露、補腦合桃露及寧波薑汁湯丸。蛋花馬蹄西米露，友人說清甜，西米滑滑，蛋花給他清爽的感覺，凍食的感覺非常涼快。補腦合桃露，友人愛它很香合桃香氣，入口滑滑，並不是粗粒的那種，甜度合適，已經令他愛上。寧波薑汁湯丸，湯丸從來是我至愛的甜品之一，辣辣薑味，生薑的味道，寧波湯丸甜味剛好，細細粒，可以一口一粒，不愧為米芝蓮之選。只是路過一試，簡單的中式甜品，也有為數不少鍾情傳統的味道。

人生不如意事真的十常八九, 煩惱, 憤怒和眼淚彷似是相連。 唯獨喜愛用甜食來緩和一刻的鬱結, 縱然糖分會加速衰老, 短暫的快樂總比萬段哀愁來得燦爛盡興吧。 生日飯局雖未能太盡興, 小花們肯大熱天時陪我由尖沙咀步行到佐敦, 一嘗取得米芝蓮推介的糖水老字號 - 佳佳甜品, 人生得幾位知己, 夫復何求! 星期五晚飯過後的時間, 排隊是必然吧。 以為長長的人龍要等上段時間, 怎料很快就輪到。新鋪燈火通明, 淺色牆身地台, 沿用舊店的深木色檯椅, 上下兩層, 卻是客似雲來。 不知是否加租的陰霾所影響, 店員都以最快速度把糖水送上, 亦以9秒9的速度收回, 務求翻多數次檯, 的確翻檯速度驚人, 人流亦不絕, 同時店員面上亦失去光彩, 當然這個香港通俗的詬病也見怪不怪了, 要怪就怪無形的壓力了。 糖水的選擇只有掛在牆上的十多款, 沒有時尚的花巧, 潮流的新意, 全是傳統的味道。價錢亦是街坊抗衡通漲價, 維持每碗十八到二十元的水平。二十元一碗, 一日要賣多少碗才可抵銷租金? 還有燈油火蠟各項支出, 算術不靈光的我, 這刻只知概歎。 心多多是女生的天性, 縱然剛才經歷了16ozs牛扒的洗禮

佳佳因為接受了米之蓮的死亡之吻而需要搬鋪，相信全港市民都已知道，新鋪位於跟舊鋪只有1分鐘路程的寧波街。由於上次吃過佳佳的湯丸後念念不忘，就趁周日中午食客不多，到新佳佳視察一下。佳佳的招牌沿用舊店的白底紅字，跟一般舊式糖水鋪一樣招牌都沒太多花巧。但細看下，其實門面已換上較摩登的玻璃趟門。走進店內，雖然桌椅都是中式的，但新鋪的磚牆和木地板給人非常乾淨整潔的感覺。長方形的店面跟舊鋪驟眼看面積差不多，但店子左手邊有條通向上層的樓梯，不知上層是否有更多座位。糖水款式和價錢都不變，大部份都在$20或以下。杏仁露拼合桃露($20)糖水入口香滑，沒有未溶的粉團，杏仁味跟合桃味交織在一起，但卻仍能嚐到兩者的味道。芝麻糊拼合桃露($20)這款糖水同樣入口香滑，但芝麻香味先天比杏仁突出，所以未吃已聞到陣陣芝麻香。綠豆沙拼麥米粥($18)本想點凍的，但可能糖水店剛開門不久，未來得及雪凍，所以就點了熱的。麥米粥非常足料，入面有大量綠豆、麥米和花生。糖水清甜得來，每一啖都吃到富咬口的麥米，無論味覺和口感皆能滿足到。寧波薑汁湯丸($18)佳佳最出名就是湯丸，而我們更是為湯丸而來，所以除了每人一碗糖水外，我們又另外點

陳慧琳的《最佳位置》除了可以形容人，還可以給一些總是放在心上、無論有多新奇的餐廳出現都不會磨滅它地位的餐廳。這個位置的特別之處，是種情意結，無懼世事變改、那陣子最愛的不是它也好，它總是在內心一隅。對我而言，就是佳佳。在白加士街舊舖曾撰文《搬遷，是在於情非得已》 (詳文見 http://bit.ly/w2w_kaikaidessert)，我對其薑汁湯丸的鍾愛，不難理解吧。剛過了的元宵佳節，我又想起了佳佳的湯圓。奈何因搬店，2月21-24日休息，早知在休店前買一盒佳佳的生湯丸回家。最後，沒有退而求其次，今年的元宵我沒有吃任何湯圓，可以說我咀刁或是頑固。這兩天不幸病倒，沒什麼胃口，但又想喝佳佳的薑汁刺激一下，便動身到新店去。新店就在舊店的轉角，就是從舊店向佐敦方向行一個街口，向左拐彎就是；對面有惠康，不難找。新店較舊店明亮闊落，沿用舊店的木枱木凳。店面比舊店的實用多了，舊店是打橫的窄窄長長，現在井井有條得多。牆上依舊掛著牌匾，鏡面的光亮得很。地下目測可坐上40人，還有整潔的樓梯通往上一層。正值下午，人不算多，也就沒有開放了。餐牌依舊，款式和價格不變，$18-20/碗；我最愛和最有名的寧波薑汁