譽 鐵板燒

Open Now

Now Closed

先講總結，呢間係值得encore既鐵板燒。今次試左lunch，以食物質素同服務來講，係非常抵食。小店開左半年左右，店內只有十餘個座位。坦白講係疫情期間開店，係需要有一定嘅勇氣。最近仲禁埋晚市。一路食嘢，睇得出店主對細節位都好重視，除咗食物嘅美味，亦都食得出店主店員既用心。提提大家，要預多少少時間黎品嚐呢餐鐵板燒，兩個鐘走唔甩。言歸正傳，講最重要既食物。今次係食午市既一人套餐。前菜係由Parma ham包住露荀，配上香印提子、哈密瓜同車厘茄。店員提醒先食生果，再食味道重一點既Parma ham。配搭好好，係名副其實嘅開胃菜。接住落嚟開始食海鮮。首先有白甘鯛伴明太子醬。超喜歡脆身既鱗片，為軟嫩既魚肉加多一層口感。醬汁好味之餘又唔會蓋過魚既鮮味。然後有配上瑤柱醬既南非鮑魚。好特別的配搭。未煮之前睇住新鮮嘅鮑魚係碟上「跳舞」已經好期待。結果食落口完全不會失望，鮑魚鮮味十足之餘亦唔會太實。鵝肝配焦糖多士加上黑醋，可以平衡味道，不會太油膩。而鵝肝係入口即溶嘅質素。呢碟菜再配上一片水晶梨，食完鵝肝再食可以清一清口內既味道。然後肉類選了美國封門柳，牛的肉質比較嫩滑。配上山葵醬同昆布一齊吃，都幾有新鮮感

鐵板燒不但可以讓客人享受到即席泡製的美食，還可以讓我們近距離欣賞到師傅在純熟的技巧下製作出一道道的美食。聽著兩把鑊鏟互動時發出鏗鏘的聲音，看著食材在火熱的鐵板上躍動，誘人的香氣不斷撲鼻，整個過程無論在視覺、嗅覺、聽覺、觸覺和味覺都是一大享受。譽 鐵板燒位於元朗，從朗屏站步行大概五分鐘就可以到達，餐廳簡約和風的設計，感覺舒適淡雅。午市有兩款套餐，分別是「櫻」一人前套餐（$360/位)，「菊」二人前套餐 （$980/2位）。「菊」二人前套餐（HK$980/2位）午市的二人套餐包括前菜、季節燒魚、南非鮑魚、特上大蝦、鵝肝、特定牛肉/黑豚、麵豉湯、炒飯和甜品。前菜 - 是巴馬火腿包著車厘茄，再配新鮮藍莓和油醋醬汁。季節燒魚 - 今日的時令季節燒魚是燒鱔，白鱔先放在鐵板煎至金黃香脆，最後以火槍輕炙魚肉，令表面散發焦香，配以明太子醬汁，令味道提升。南非鮑魚 - 鮑魚放在預熱的海鹽上，然後再用昆布蓋上，鮑魚在熱炙鐵板上還在不停郁動。鮑魚肉質鮮嫩之外，佐以鮑魚肝醬更能突顯其鮮味。特上大蝦 - 大虎蝦的長度與一隻筷子相約，師傅把蝦頭的蝦膏取出，混和在爽彈的蝦肉，味道豐膩，可配合爽脆的雞冠草同吃。鵝肝 -

好耐之前一次機緣巧合下去元朗食鐵板燒，認識到李師傅，再次去既時候發覺師傅已經無做。今次知道李師傅新開鐵板燒餐廳，即刻去幫襯下試下。店鋪環境以簡約風為主，不過剛入坐時冷氣好凍，到師傅開始煮食時溫度先岩岩好。估計係因為師傳煮食時溫度上升，所以店鋪長期都開大冷氣。溫室蕃茄野菜配風乾火腿蕃茄好甜，配搭風乾火腿一啖過味道非常夾！新開業預約贈送的刺身兩盛，刻意用火槍燒過既吞拿魚，味道唔錯，新鮮海膽醬配松葉蟹肉，超級驚喜！配海膽醬令到蟹肉既鮮味升華十倍！必試！師傅以鹽鋪底，再放上新鮮仲識郁既南非鮑魚再以昆布放面然後加蓋焗原隻上碟配以剛切出既鮑魚膽做醬，用刀叉食鮑魚既感覺比起切好既感覺正好多！就返自己想厚切超彈牙！師傅刻意將魚皮切出，同魚肉分開煎，魚皮煎到脆卜卜，魚肉剛剛好唔會老，滑！師傅處理龍蝦既手勢非常純熟，三兩下手勢就取出龍蝦肉同龍蝦膏，以龍蝦膏做醬汁淋上龍蝦肉，味道非常好，新鮮龍蝦就係唔同啲！同行友人成班餓鬼上身，話要額外加兩份大蝦試一試，大蝦既處理方法同龍蝦相約，但係食落去既感覺大蝦更彈牙，鮮味就都係龍蝦正啲。值得一試！封門柳真係一個好好食既部位，牛味重，香！又唔會鞋！平時食和牛既油膩感太勁