上海三六九菜館

Open Now

Now Closed

應該有5-6 年冇食過呢間喺灣仔有60年歷史老店原來有日本人會來捧場架喎或者老店始終有返自己風味嘅~ 回鍋肉夠鑊氣好惹味紅燒獅子頭幾嫩滑又係惹味之選小籠包皮就厚身左D肉餡乾身少少鮮肉鍋貼係最好食夠哂香口點下黑醋同夾埋薑絲一齊食好味🥟店舖環境以大枱為主難避免要搭下枱落單同埋單依然全人手處理仲要衹收現金呢下夠哂傳統同懷舊嘞~其實論食小籠包還是喜歡台北的鼎泰豐🥰🥰

恨咗食三六九既擔擔麵好耐，終於今日做完野，順路去食到啦😋 份量真係唔多，不過湯靚、麵更靚, 好好食呀😍! 呢道咁多日本遊客嚟食, 學吓日本人食拉麵傳統, 食完仲差唔多飲晒D湯😋。我牙隙闊，一碗麵唔夠攝，一次過叫埋小籠包，早知叫10個啦。今晚人多, 等位都預咗。 好彩單拖, 被安排攝入「主家席」個吉位，用紅枱布, 四個party搭枱。見隔離個婆婆叫酸辣湯，個細酸辣湯其實一個人都KO到，不過廢事麻煩人加單啦，夜D再食宵夜啦。

This restaurant is a very traditional old style Shanghainese Restaurant. The menu, the staff (no offence) and decor is very dated, and thats what makes the flavours traditional!!! We came for supper around 10pm and were lucky to have a table, after we were seated, others behind us had to wait! We ordered a cold chicken marinated in heavy Chinese wine, although the chicken wasn’t as tender but the flavour was def there! Then we got a sour and spicy soup with noodles, I really liked the flavour of

週末約左朋友睇 《大離婚日》，開場之前去食個晚餐先。響香港演藝學院附近嘅 “三六九”，傳統上海菜。舊式上海餐館，裝修都較傳統，似街坊生意，唔喺話好寬倘，但是尚可接受。伙記年紀較大，好好禮貌好好傾，好有家的感覺。今次點左醉雞，小籠包，上海粗炒，炸銀絲卷。醉雞，雖然唔算皮脆肉嫩，但係酒香搭夠。上海粗炒，有點失色，冇乜味同埋偏油。小籠包，每次必食，價錢扺。好耐無食過炸銀絲卷，所以都叫一份試吓。值得推介小籠包，性價比高。另外見其他枱的小炒也不錯，下次都想試試。

三六九飯店可以話係灣仔地標, 每次去會展方向都會見到呢間幾十年歷史嘅老店, 好多年前食過, 到今時今日仲係呢個舊式上海味道午飯時間非常繁忙, 想食可能要畀多少少耐性落單同等出餐, 我地打算輕食就冇叫客飯套餐小籠包 - 好耐冇見過用椰菜墊底, 皮唔算好薄比較老式造法, 不過都有爆汁效果金牌醉雞 - 夠酒香, 雞肉都夠嫩滑醃篤鮮 - 醃係指經過醃製嘅鹹肉; 篤係指用細火長時間煨煮; 鮮就係講湯頭鮮美, 睇相都知足料, 不過呢到唔夠鮮甜偏鹹

灣仔幾十年歷史既老舖...招牌小籠包皮薄餡靚多汁椰菜墊底黎蒸，由於椰菜有水分夾起時比點心籠紙冇咁容易痴住，咁就冇咁影整穿咗個小籠包漏晒入面既湯汁。三色拼盤相當抵...可以揀3款涼菜...我地揀左醉雞、白切肉同鎮江肴肉...份量都幾多...醉雞酒香入晒落D雞肉度...白切肉配蒜醋汁好開胃~鎮江肴肉肥瘦均勻~!醃篤鮮幾乎係我食上海野必揀既湯品~!飲完覺得好下火!~鱔糊粗炒就略嫌油左少少...耐唔耐幫襯呢D老店真係另有一番風味~!

好多附近工作的人都應該識哩間369餐廳，係一間在灣仔並有幾十年歷史的老鋪。每次lunch想食上海菜時，佢都會係其中一個選擇!  今日想食的餐廳冇位，就中途轉左去食，最尾頂住個肚走！上海粗炒—正常發揮，麵身彈牙。炸銀絲卷—同出面炸銀絲卷唔同，佢應該係用多油去「煎」，雖然唔係食開的脆身，但反而口感係煙韌左！回鍋肉—餐廳名菜，調味好好，好香好入味，肉身有肥有瘦，送飯一流！小籠包—哩樣就最普通啦，舊式做法唔算多汁，味道還好。酸辣湯—都係正常，不過份量好多！老實講你話係咪超推薦就未必，始終係老店，好多時都係靠師傅功力，但老店就係有老店感覺，出面唔會有。希望佢繼續在灣仔，等大家可以繼續食老上海既味。餐廳：上海三六九菜館 3.6.9. Restaurant Shanghai Food地址：灣仔柯布連道30-32號地下Address：G/F, 30-32 O'Brien Road, Wan Chai

🇭🇰上海三六九菜館·呢間好似好出名 但係我喺附近返工咁耐都一路冇食過🤣🤣終於嗰日lunch time好想食小籠包就決定去試下佢😎😎·小籠包(10隻)$68呢個一上檯真係好震撼 佢超大籠🤭🤭雖然佢個樣raw少少 但係佢個皮其實都算薄嘅 而且個包入邊超多汁 個餡料都調得唔錯 不過佢食落就唔係細細粒精緻嗰種感覺 似係北方個種小籠包多啲 但係我自己覺得都唔錯😌·雞絲擔擔麵$58排骨菜飯$49佢個麵底幾好食 仲係彈牙既 唔會糊晒 不過佢個擔擔麵湯底就偏杰身少少 所以好飽肚 而且佢入面超多麵 好似平時嘅兩碗咁😂😂之後個排骨菜飯啲排骨係即炸嘅 完全唔會柴 仲係幾脆 不過個菜飯就偏濕🤔🤭·📍灣仔柯布連道30-32號地下

今晚特登去灣仔食369上海菜， 因為我家老公好想食鍋巴。去到369今晚都唔算多人， 我地好好彩唔洗搭枱可以2個人自己坐卡位。2個人叫左4個送， 都幾大食下 我地叫左小籠包(5粒)， 白菜炒獅子頭， 蝦仁鍋巴同骨扒炒飯。小籠包:普普通通， 無驚喜白菜獅子頭:有大概4大粒獅子頭， 入味蝦仁鍋巴: 蝦仁彈牙無雪味，鍋巴脆而且唔油膩骨扒炒飯:最精彩既炒飯， 粒粒分明有蛋香，而且豬扒鬆軟好入味值得一提，侍應態度同服務好好， 會再返去試其他菜。

年少係附近番part time嘅時候成日都食三六九，因為算收得夜，又幾抵食，甚至有時lunch time兩個人去食一個客飯😂(超厚面皮之舉，唔好學，細個冇錢🙈)而家反而少踏足灣仔所以經過都會想懷念下~我都幾推薦三六九嘅白切羊肉，佢做到好似肴肉咁，冷盤黎，分量大，兩人基本上好難食得哂~啲京葱加埋真係人間美味跟住仲有小籠包，上海舖必備，不錯，但唔太特別仲有椒鹽田雞，見到椒鹽田雞好驚訝，除未見過里個菜式lol佢嘅田雞好大隻唔怪得可以咁整~酸辣湯麵都係正正常常，料多份量大，最後都食唔哂🙈

平日經過灣仔行人天橋，必定看到這間名字十分有趣的菜館 -- 三六九，但礙於工作，沒有機會去嚐試。今天放假經過灣仔，終於有機會來試試。幸好早來，不用排隊，並被安排坐在卡位，十分貼心。先說這兒的招牌菜小籠包，果然有水準，用筷子拿起來的時候沒有穿破，肉味鮮甜，如果配以多些肉汁會更好。另一招牌菜就是鍋貼，它的底部煎得十分香脆，肉味同樣鮮甜，每件也十分足料。鱔糊菜飯方面，鱔糊份量充足，味道適中，不會過鹹，配以菜飯來吃，美味無窮，如果菜飯熱些會更好。

上海菜在香港並不陌生，連鎖店多的是。今天飲食新聞眼為你推介：灣仔上海特色老店。餐牌上款式以上海點心、湯品小菜為主，另有港式小炒，為附近上班一族、遊客增添新意。小籠包手工感重，每一顆形狀不一，肉質新鮮多汁，不似一早冰鮮冷藏著的。而且用菜葉墊底，保持肉嫩又能減少受到水分的影響。酸辣湯個人認為偏酸，但帶辣。能夠吃出材料本身的味道，不會給辣味全都蓋過。一篤鮮眼見足料，而且熬出奶白濃湯。另外金華火腿的鹹香都滲透到湯中。豆沙鍋餅老闆娘請客，十分好客！我本人非常愛吃豆沙，但即製的一試便知曉。另外豆沙甜度不偏不倚。細問之下，豆沙來貨也不便宜。最後，要數令我念念不忘，也只有此間上海店！因爲全手工，又有誠意。店員雖是老伙子，但都懂兩文三語，日文也可！非常驚喜！

由於上星期六帶日本人朋友出動，試下上海野，不知道是否星期六加上書展的關係，客人超多要排隊，加上食吾到豆沙窝餅，朋友們好失望。。。。今天我做好功課，一早打電話預訂兩份豆沙窝餅才出發，依然要等位，但今次既食物水準好明顯好過前日，比個讚師傅，甘忙都keep到除左津白，個汁太傑，菜切得太大，吾夠淋，甘大塊我地係靓女來嫁，食得好辛苦今天食既多數同前日吾同，鎮江x肉好岩里個時候食，好開胃令到個人好舒服，必食筍(我一個人可以食二碟)。好好食既油浸筍殼，差D連骨都埋(下次記得預定埋，因為聽到廚房叫出來，話賣晒)臨走前個侍應仲問我地:聽日仲來吾來，聽日last一日。嚇死我，以為佢哋吾做，原來書展Last，我想講我地特登塔的士來嫁，吾係路過嫁

冇番少少銀兩係灣仔食飯都真係有少少難度，特別係晚餐依啲時段，不過有番三五六個人去食攤番開就都叫做抵抵地。三六九入面既位唔多，好彩個日人就唔多，一坐低就有杯靚茶飲，堅係好好飲，係香片，叔叔服務態度又好好又搞笑。嗌左奶油津白，醉雞，賽螃蟹，糖醋松魚，三鮮炒年糕，小籠包，銀絲卷。好多都好好味，加上我地比較多人食素，叫做大家都有野食到，其實食過三六九幾次都覺得佢好正，雖然叫黎叫去都係個幾款。

去完會展又係時候食晚餐，呢間上海菜館好就腳，係地鐵去會展既天橋下面，個名又特別！上次食過覺得小籠包好好食，所以今日返兜！除左小籠包，仲嗌左個扒骨菜飯。費話唔多講，去片！