金牌小龍 (Moved) New Location

在The ONE 內有不少特色餐廳。 但作為老人家的我想找一些傳統食店，於是當晚便到此進餐。可能是傳統食店，所以不用等位 (其他需要等8 – 10張)。 一入內便點了以下食品：1. 窩夫 – 太細粒了，而且沒什麼味。2. 淆內 – 味道一般，如改粒上會更好。3. 小籠包 – 味道不錯，有肉汁；表皮不太厚但也不易空。4. 菜肉雲吞 – 有點實，但個湯反而不錯。5. 牛肉湯拉麵 – 但湯味道太重，不是我喜歡的類型。 加上牛肉好老，最後變成清湯拉麵 (什麼配菜也沒有)6. 醬油撈麵 – 一心以為撈麵是冷食，可這卻是熱的。 醬油是不錯的，但真的一點肉也沒有。說實話，味道真的一般但可以令你食飽 。

見有團購平平地又未食過所以就買左...原來lee間野都幾出名..係內地有好多分店開到黎香港....大約7點到..都幾多人woo..不過佢地好奇怪囉有卡位都唔比我地又唔係留左枱woo..所以見隔離卡位一走我就話要調...咁當然調到la但個阿姐就有少許黑面囉..我眼見好多人都係食團購餐..我諗唔係團購lee到應該平時唔會咁多人.指定2款飲品..我地各叫左一款..豆漿ok woo..唔係好甜..酸梅汁我就冇飲到..但相公都話ok..同埋最主要係落左幾粒冰..岩哂我相公.每人有3粒小籠包..咁2個人岩岩好就係一籠la...size唔算話好大粒..又唔係話好熱個隻...即係d湯唔會話好燙口囉...可以一啖放哂入口都唔會出事...入面粒肉都ok既..但個皮唔知點解好痴對筷子囉.如果d湯熱d就好la~又係指定既麵..佢有4款比你揀..我未食過麻醬麵ga所以好想試下..賣相唔錯...撈呀撈..撈到差唔多就食得la...一食入口..唔對路..咁麻既...一d其他調味都冇...齋麻醬..實在係頂唔順..但都要食..不過食左幾啖之後覺得好頂胃..有d反反地既感覺...好滯呀~~~~~~~~~~~味道都幾辣.

之前都想試下, 因為o係The One裡面, 幾方便. 見d食評好壞參半, 最終都決定一試! 我吔3人行被安排坐靠窗既卡位, 但枱太細, 如果叫到成枱野一定冇位放, 坐就麻麻地! 野食方面就真係普通. 滷水海帶暖暖地, 但冇乜味! 小籠包尚算可以, 皮薄汁ok但d肉麻麻, 魯肉飯好細碗, 個底汁太多喇 韮菜好香, 但麵就硬咗d 津白好普通 生煎飽應該用水煎, 有別於平時好食既生煎飽 而豆沙小籠包還可以, 不太甜, 皮薄! 整体嚟講, 真的普通, 下次都係食番嚟自台灣既比較好.

與舊同事相聚, 見the one 已開, 就來試下!因知道沒有得訂檯, 就一放工來呢度等位, 我7點到點知唔使等, 即可入座, 比預期快有位, 仲約左其他人7:30添, 唯有慢慢座, 好在先入座, 7點半已冇位, 要等了!!先叫了小吃, 嚕水豬大腸, 嚕肉飯同擔擔麵!!等了10分鐘左右就上菜!嚕水豬大腸 - 好好味, 但碟碟野都好細碟嚕肉飯 - 真係份量好細碗, 味道ok擔擔麵 - 又係細碗之作, 不過辣左少少之後等人齊後再叫以下美食:小籠包 - 不過不失菜肉錕鈍 - ok蛋炒飯 - ok比起另一間台灣美食 (x 泰豐), 還是 x 泰豐優勝, 起碼佢招乎會好d, 而且座位設計好一點, 寬闊點, 還是覺the one 的新商場式設計不是很好, 太窄了!! 但勝在地點方便就腳, 近地鐵站!! 可以一試!!

於tonkichi 吃畢滿足的一頓，意猶未盡，大家就轉戰鄰店「金牌小籠」由於是新開張，吉檯十分充裕，是以，稍等5分鐘讓店員砌出張「九人檯」，即可入座。既然標榜金牌小籠包，當然一試了；這兒的小籠包作得不錯，肉香而汁豐，但沒有過多；皮薄而有一定韌度，粗魯如我夾起上來不易破 - 當然這是肉餡、湯汁、外皮韌度、厚薄度等比例掌握得宜的成果，這兒的師傳掌握得不錯，合格；只略嫌外皮稍稍偏硬了一點，但仍算好吃的。葱油拌麵卻有點恐怖。葱只是未經爆香的葱花，油也沒葱香，沒有蝦米，調味也不夠；麵嘛，不如上海麵般軟滑(上海麵雖然是爛溶溶完全不Q的，卻易吸葱油之香，這是上海人家居煮的葱油拌麵精要所在)，又沒有山東麵般有彈性，反倒有點偏硬，加上冷氣強勁，放久了變涼更見難吃。排骨炒飯的蛋炒飯算是水準以上，不過水準以上的蛋炒飯不難找，比這好吃的比比皆是；而那件薄得可憐的排骨，偏韌又偏乾，配以這水準不俗卻看似是配角的蛋炒飯，實在令人哭笑不得....過程中，有食友忽發奇想，竟然對餐牌內的豆沙小籠包有興趣。太公雖是一位甜魔，可終究覺得「豆沙」與「小籠包」格格不入，想起來有點可怕，而提出反對。席間只有3名食友表示支持想吃，原

我係一個好鍾意食小籠包嘅人，睇到有新小籠包店，當然要趕快試吓啦。當然，鍾意食小籠包嘅人都可能會以鼎泰豐為比較，首先，要講吓服務，尚算不錯，非常有禮貌，值得讚賞。但係本店座位非常迷你，絕對坐得唔舒服。要改善。（我明白租貴，但唔可以咁過份架）。講效率，非常快 （如果想慢慢食，可能會嫌太快），食得慢嘅朋友就唔好一次過叫勒。因為伙計話湯要襯熱飲，三杯雞會黐底，麵凍咗會黐埋一舊！！！食物：1.台式酸辣湯： 唔理係咪台式定其他，又唔酸，又唔辣，係好令人失望嘅，好彩湯底夠味，自己落啲醋落啲辣椒醬都唔算難飲2.小籠包: 皮薄，唔易穿，肉汁夠味，但唔夠清甜。皮有少少唔夠滑，水準算唔錯，係一般小籠包店之上，可以話同翡翠小籠包差不多。可以一提係，無令我有衝動叫多一籠。如果淨係為咗食小籠包，不如去鼎泰豐3.台式擔擔撈麵：麵質幾彈牙，味道不錯，好香花生味，有少少辣味4.三杯雞：份量好少，但幾惹味，薑同蒜頭爆得幾香，味幾好，唯一係雞件太細太碎，有少少難入口5.豆漿：味道普通，唔太甜。但咁細杯收＄14蚊就唔抵飲勒6.鍋貼: 由於以上嘅野份量細，唔夠兩個人食，所以加咗個鍋貼，反而有驚喜。味道很好，有肉味，但係無油膩

　　是夜約定朋友晚膳，原想嚐試19或20樓的食肆，不過朋友的身體抱恙，故退而求其次。店方分別展示信心的一面，「金牌小龍」的名稱不在話下，除了廚師公開展示技巧外，還有餐紙上列舉國內多間分店，正所謂「不是猛龍不過江，並非靚女不......」，似乎有備而戰，食客唯有迎戰。　　六時三十分左右食客不多，故沒有留座的情況下，仍可自由入座。侍者安排倚窗座位，有禮地端上各類食具、茶壺，還細心地解說菜餚，不消一會便可點菜。　　時間只花了五分鐘，侍者陸續端上食品，醉雞是我的選擇，外觀特別，只因店方料理的雞片呈圓片型，大小相約並已去骨，相信連兒童也可放心地吃。先嚐一件，雞肉呈嫩滑，可能雞隻肥瘦度適中，故覺得咀嚼時也不察覺肥膩。店方刻意調較酒味淡薄，目的為迎合食客，而我與友人喜歡酒味輕輕略重的醉雞，不過這道前菜可證店方是有心經營。　　豉味涼瓜片，目的是想增加用膳的纖維，用餐時刻意留待最後才吃，只因豆豉會影響味覺。涼瓜片留有甘香味，而豆豉、香蔥在其中，味道只屬及格，倘若店方選擇以其他的烹調方法處理涼瓜便更好，如：冰鎮涼瓜、涼瓜炒蛋等。　　鎮店的金牌小籠包，熱烘烘，一客六件，眼見皮層尚薄，夾起時不易弄破皮層。本人