阿純山東餃子

Open Now

Now Closed

 差不多3 年無來阿純了, 食物水準依然保持, 難怪可以攞到咁多年車胎人推介山東燒雞 - 雖然是冰鮮雞, 但雞肉非常嫩滑肉汁豐富又夠味茴香豬肉餃 - 我來阿純一定要食他們搓皮的餃子, 自家搓皮才是正宗的北方餃子, 配上每張枱都有一盒的蒜泥大口大口吃夠哂風味豬皮凍 - 這是一道花功夫的小吃已經不是太多店肯做了,  入口爽凍酸酸甜甜又不膩, 開胃又好食涼拌土豆絲 - 土豆絲爽脆微酸, 再帶點點花椒的麻辣, 會不停的夾入口呀韮菜豬肉饀餅 - 外表煎得稍微燶了點, 但入口熱辣辣又爆汁, 又係一個好出色的北方特色餅食滷排骨麵- 麵條煙韌不錯, 但湯頭比較淡, 排骨滷得很淋, 反而食落似煲湯排骨.

米芝蓮必比登推介，太子山東菜小館，地方淺窄，但風味獨特。手抓羊腿(8.25/10)：肉質結實有彈性，肥瘦均勻膠質部分好吃，個人更喜歡油香嫩滑的手抓羊排。山東燒雞 (8.25/10) ：招牌菜，雞髀肉質嫩滑，入味。涼拌海蓉(8/10)：清新爽口，口感介乎海帶和海蜇之間。青島墨魚餃(7.75/10)：山東水餃皮厚有嚼勁，不是「皮薄餡靚」，但個人頗喜歡。酸辣湯(7/10)：正常———————————————————————————⭕️總評：山東菜小館，以餃子為店名，但最好卻是山東燒雞和手抓羊排。地方淺窄但風味獨特，價錢親民。💵Budget: $150 pp (dinner)📍 阿純山東餃子 (太子)太子荔枝角道60號地舖

喺屋企附近行下睇下食咩，行行下就見到呢間食餃子同山東燒雞，就入去試下，原來都幾多人來食，好彩早一步行入來，過左陣已經坐滿晒成間鋪，呢度有好多唔同嘅嘢選擇，男友叫左個山東燒雞例牌，例牌竟然有脾食，確實幾好味。2款餃子：魚餃同墨魚餃，魚餃幾好味，可能因為入面有九菜，而墨魚餃D皮係黑色，D皮其實幾厚，賣相真係幾差,味道係完全冇味，不過質感幾滑下！酸醋大白菜，呢個一入口確實幾....酸，不過食食下又幾好味，但如果唔太喜歡酸味嘅，唔建議食呢款！仲有一樣唔記得係咩茶葉炒蝦仁，味道幾清新下，點講呢，味道係清淡嘅，但又唔算冇味，我個人覺得唔錯！我見好多人都叫西洋菜餃子，應該幾好味，我諗住下次去試下！

太子呢類型舊區最好的地方就是多小店，單單在太子至長沙灣一帶就有4、5間手工餃子店。阿純山東餃子一直在太子為人所熟悉，除了因爲是手工製餃子外，更重要是以山東菜的特式為招徠。下午茶時段已經有8成滿，足以證明它的受歡迎程度。1. 白菜豬肉餃子（$41）即叫即煎！送上檯時新鮮熱騰騰，一咬開有肉汁飛出來，吃起來惹味每粒都好多餡料，菜肉比例均衡，如果再煎香口啲就好2. 山東燒雞（$35）老闆可能用錯圖，用左廣東燒雞圖，所以唔識山東燒雞點整既客人會以為貨不對辦。其實山東的做法是要將雞炸後再浸滷水。阿純用的是正宗方法，並且沒有偷工減料，用上兩隻雞腿，肉質嫩滑，下面的青瓜絲吸受滷水汁後很入味、爽脆。3.紅燒牛腩麵（$36）麵質彈牙，無粉味，亦唔會一舊舊。湯底雖然是清湯，但有充足的牛腩味，沒有加入味精。牛腩無渣，夠諗夠軟。4. 芥香木耳（$28）用芥末同醬油將木耳調味，吃起來清新之餘仲好攻鼻，店鋪仲細心地將木耳既硬邊切去。

很少來深水埗這一帶，今天要在附近買電腦野，就先在這裡食個快lunch。看得出這小舖子是有歷史的，裡面的一枱一凳都有年紀，陳年的牆壁，就連menu也顯得皺皺霉霉的，不過就是這種舊更顯得出這裡的珍貴，珍貴在於在香港這日新月異的地方還有這些老味道。點了白菜餃子麵($34)和韭菜餃子麵($34)再加山東招牌燒雞($35)。 不用多久雞先到，賣相說真的不吸引，雞件散亂的堆砌成一碟，不過細心的大部份雞都去皮了。試了一口，雞很嫩！雞件切成細細件很易入口，老土的說"好有雞味"。點了特製的醬，醬味道特別，有蒜味又好像有麻油的香，問了裡面的嬸嬸是什麼醬，她笑笑道是秘密不能說。 餃子麵送來了，餃子果然皮薄足饀！皮並不像韓國那些小餃子的皮般薄，不過較一般北方大餃子的皮薄很多，至少不會吃到粉粉的滿口是皮的感覺。饀料很足，韭菜餃很濃很香的韭菜為主，吃不太出肉味，相反白菜餃就會吃出較多的肉味配上淡淡爽口的白菜。麵條少粗，咬下去很韌很彈牙有口感，每一口都要好好咀嚼才能嚥下。細細的吃過這碗麵，滿足的離開。很少吃山東菜，今天選的好像都不是山東菜的代表，下次經過這裡時點些別的試一試！

在云云車軚人推薦的本地食肆𥚃,我覺得此店是貨真價實當之無愧.店子沒有富麗裝修,沒有巧立名目收費,平民化價錢,平民化食物,卻令人吃出地方風味.我對青島沒多少認識,除了啤酒,便只記得它曾被德國佔領過,起了中國第一條栢油路..還有什麼?南方人對北方做著偏遠的夢,透過食物,連結起來.造訪阿純,當然要試試其餃子,特別喜歡茴香餃的幽香,淡淡渺渺,不嗆不露.餃子皮薄,是為符合香港人的口味吧..山東燒雞,雞肉滑溜,皮不脆味濃,更像醬油雞.羊肉湯,羊肉縱使煲過都很嫰,微帶脂肪,微羶,沒想像中勵害,可能因為有藥材中和了?淮山𣏌子莞莤,十分豐富,吃了感覺很暖和.羊肉饀餅,饀料不多,不能與九龍城出名那家比較,但每次沒有吃過就好像若有所失..這是一種執迷,就像這個時候非要來支青島啤酒不可.京葱伴羊肉,羊肉冷盤,羊肉切得得薄,蒜頭京葱芫茜醋醬油..不用多説,已讓人垂涎欲滴.土豆絲,冷盤,爽脆清新,平衡其他食物的肥膩感,功能有如嚼香口糖.另外想稱讚的是店𥚃的員工手腳很俐落,人也友善,真的不錯.雖然很多時候要搭枱,不過地方小,也是一種特色.

一行四人黎到阿純山東餃子搵食, 據知呢度有山東菜想一試食店門面細細間, 入面可以坐到大慨30人,都係環境一般既小店,店員都算有禮,上菜速度正常.晚市多人, 若7半過後都要等位我地叫左山東燒雞,同平時既燒雞有D吾同,成隻係比較林身,雞皮微脆,肉質十分滑,配豉油一流水餃,我地點左白菜餃,以我所知山東嗰邊D水餃同北邊差吾多,都係包得皮比較厚,食落滿有質感,所以餃皮會比較保溫,食落去入面既肉同白菜熱辣辣,正!四季豆,正常用豬肉碎同辣椒吊味,所以佢炒得乾身已經好吃!蒜泥白肉,白肉個個切既方式同用既肥豬肉位置都吾同,呢間切得比較闊身肥豬肉比較少,而且落既蒜泥都好多好濃,同不太肥既豬肉MATCH, 如果肥豬肉又太肥,蒜又太多反而不好葱油餅,同京川滬嗰D相比,比較薄身,咬落去比較多麵粉味,當然仲有葱味,都OK糖醋魚,將魚柳炸完再同糖醋一齊煮,個醬汁酸甜開胃,不過我覺得魚出面太多麵粉,如少D更佳拔絲地瓜,拔絲類食過好多次,地瓜第一次,出面嗰層凝固左既冰糖香脆甜度十足,入面熱辣辣既地瓜口感粉得黎有質感,不錯食後感覺得山東菜,係同京川滬菜好類似,可能同一味菜,但煮既方式有少少吾同甘,或者我未食到其它吾同既菜

是晚要回教會練歌, 那就提早一點吃晚飯吧, 想起2014年的必比登名單中包括了阿純山東餃子, 小店能夠入榜, 實在不容易, 那就拉了文迪來試試看.這裡的環境一般, 裝修普通, 但坐在卡位也算不俗的. 看看餐牌, 選擇也不少, 就揀了三款心水食物分吃.磱山綠茶: 8分, 先免費送上的不是普通清茶, 原來是山東名產磱山綠茶, 根據店方的介紹, 是營養相當豐富的, 也實在有小店的人情味.西紅杮(蕃茄)雞蛋餃拼茴香鮮肉餃 $14 / $19: 8.5分, 來到阿純山東餃子, 當然要一試這裡的餃子吧. 要留意的是餃子一客十隻, 但大家可以揀選雙拼, 照計半價, 那就能夠多試一款餃子了. 是日我們的選擇是西紅杮(蕃茄)雞蛋餃拼茴香鮮肉餃, 當中的西紅杮(蕃茄)雞蛋餃, 餃皮不會太厚, 西紅杮味道甜美, 會是比較輕宜的配搭.至於茴香鮮肉餃就會是比較濃烈的選擇, 茴香味道相當突出, 對一向愛吃茴香的我來講, 自然是很滿意.山東燒雞 $32: 7分, 另外一款招牌菜式就是山東燒雞, 由於店方有例牌的供應, 就算我們兩口子來吃也無問題, 份量剛剛好. 雞肉的肉質不會太鞋口, 配上青瓜絲同吃, 食味不錯.韮

尋日(18-12-2012 Tue)爸爸又突然返鄉下,而又係男友o既例假,咁等我放工後一齊出街食晚飯.而接近一個禮拜前見到報紙介紹呢間,有好多地道特色o野食,同男友商量過後,佢都話o黎呢間.我o地好早o黎到,只係三張卡位都有客人,坐低後我o地就叫o左報紙介紹o個三樣先::3. $30.00o既山東燒雞(例)呢個竟然係第一個到,由於我唔記得叫手撕,所以畀o左斬件我o地,而呢個係髀位,燒雞跟一碟蒜醋上,我又先唔蘸汁食,報紙報導燒雞係先燒後滷,再手撕去骨,呢個滷係咩o野滷?係滷水嗎?我就食唔出調味o既味道,只係淡淡o既雞味,咁唯有蘸蒜醋食吧.不過呢個都保留到肉汁同嫩滑o既質感.味道: 3分1. $22.00o既東北皮凍報紙又介紹係以豬頭豬耳豬骨等煲爛再凝固而成,呢個見到類似豬耳o既部份,食落,味道唔太濃,而雖然見到豬耳紋但係冇咬豬耳o既口感,成個就係一個凍糕,呾我o地都係要夾埋面上o既蒜蓉食.味道: 3分4. $18.00o既涼拌海帶都未上第三樣,男友見上面兩樣o既份量都唔係咁多,就決定叫呢個,因為佢這話要食菜呢.而呢個海帶都算爽口,亦都係加蒜蓉同豉油,不過就多o左芫荽,海帶撈呢啲調味料食,

上週末飽受上吐下瀉的腸胃炎的折磨，人清減了5、6磅，經過幾天胃口才得慢慢的調適過來，原來平日看見美食會馬上心癢是一種極度幸福的反應。 對愛吃的我，當然要更愛惜我的身體，因 "他" 要負起伴我追隨美食到人生盡頭的使命，所以當晚復出第一波還是來一頓輕鬆的山東餃子。 出發前翻看了眾食評家的報告，對阿純心裡有了底，想不到到來時，意外的是一室通明、整潔、牆壁上大部份的食物圖片、講解與青島的景色，完全是認真不苟的精美製造，且有序的排例著，有著大店的風範，令食客可看圖識菜之餘也同時欣賞到美麗的照片。 進門左手邊全放了圓桌子，右手邊是卡座，中間保留了較寬的走道，食客們坐得舒適又安全，給您一個讚！ 雖然店子小小，但餐牌上選擇的菜式可不少，花了點時間才能商議妥當下單。 最初送來時鐵匙還黏著一點未溶化的蜜糖，吸啜一口味道是淡淡的。待蜜糖完全溶解後，才能真正味嚐得到崂山綠茶與蜜糖那份清翠純美的自然真味，與便利店裡頭的膠樽綠茶有著天與地的差別，值得推介。 我們要了兩款涼菜： 對於香椿芽不太了解，而豆腐肯定是我喜愛的食材，就試一試吧！豆腐涼涼綿綿的，香椿芽有著一點的爽脆與鹹香，質感不錯，首次接觸發覺兩者味道

阿純山東餃子就成日，最愛蕃茄蛋餃。今次堂食，兩個人，要了北方小雲吞、麻醬冷麵同山東燒雞飯。北方小雲吞，個湯完全無味，如開水一樣。雲吞細細隻，一口一隻，有16隻。同個湯一樣，無味，餡少，而且淡而無味，好像齋食雲吞皮。麻醬冷麵，夠凍。但麵較黏，同麻醬黏在一起。麻醬好香，同麵好夾。仲有一隻蛋，芽菜同青瓜絲。山東燒雞飯，失望，無想像中咁好味。燒雞無咩香味，又唔熱，味淡要落豉油。個白飯最差，勁淋，飯粒黏在一起…