圓山台灣料理 (Closed)

畢業之後各有各工作，不過朋友係要見㗎嘛，所以今日約左係圓山台灣料理食晚飯。餐廳名字感覺係普通台灣餐廳，點知一入去發現係茶樓式經營，裝潢俾人感覺金碧輝煌，大家都坐得舒服。係云云套餐之中，自選八道風味菜最吸引我，每道菜平均唔駛$100，食物選擇亦多。干煸四季豆炒得乾爽唔算太油膩，而且有適量肉碎，肉味香濃。蚵仔煎比較似煎蛋，亦唔係配有酸甜醬汁嗰種。蛋味幾香，酥脆但失去香滑口感。 平時食滷肉飯嘅滷肉都係細細粒，今次係第一次食咁大件嘅滷肉，肉質唔鞋，味道鹹中帶甜，入曬味。三杯雞上曬色，惹味同時唔會太油。另外醬汁香濃，送飯一流。蛋黃肉成坐山咁高，味道比一般肉餅更甜，有少少咬口。咕嚕黑豚肉比一般咕嚕肉更加嫩滑，醬汁酸度剛剛好。溫室南瓜炒鮮飽要加$180升級先有。南瓜同鮑魚比例算合理，鮑魚幾大隻肉質彈牙，南瓜稍為煎過所以幾香口。另外仲叫咗碟台灣炒新竹米粉，分量大之外，米粉稍為濕潤唔會太乾，配菜係菇、雞肉等等，簡單就是美。最後食埋小倉紅豆椰汁糕就結束今次晚餐。自己感覺圓山台灣料理不只售賣台式食物，更包含中國菜嘅元素。性價比都高，非常適合多人聚餐。

歐洲旅行大半個月，對亞洲菜嘅渴求更加強烈，朋友就帶我食台灣菜平衡下～呢間餐廳門面開始都好台，裡面有唔少特別菜式添。秘製麻油雞湯（半隻）$198全晚最滿意嘅一道菜式！個湯好濃好甜，我形容係重薑味嘅濃縮版雞湯，飲都成身熱晒。雞肉出奇地唔鞋，湯連肉食，其實唔叫其他餸都夠晒飽😂台灣花雕醉鴿 $80香港有得食醉鴿嘅地方好少，所以我一見到就即刻點嚟試！呢道菜勝在食物質素本身夠好，隻鴿肉味濃，肉質滑，有好香嘅五香滷水味，再重酒味D就完美！台式鹽水鴨 $90同醉鴿一樣，肉質不錯，咸咸香香咁送酒一流，係一道較清淡嘅菜式，女仔開心share剛剛好，男士的話可能要追加～～干煸四季豆 $108好香！炒得都算乾身，夠曬惹味，整體偏濃，撈返飯食就啱啱好～～～

工作好忙冇時間去台灣旅行，都要食下台灣野啊！今日帶咗媽媽去尖沙咀食好西，圓山係間傳統台灣餐廳，聽到侍應同廚房嘅人講普通話都有啲台灣口音，好似真係去咗台灣咁。呢個自選餐真係幾抵，我哋兩個人食$388有四樣餸，食到好飽啊！多啲人食呢個餐都得啊。茶芥包括開胃青瓜，係鹽水味青瓜，唔係普通餐廳食嘅酸味青瓜，好特別。茶芥仲包埋人蔘烏龍茶（超好味，係咁飲🤣我哋另外叫咗個蛋黃小卷，係魷魚包住蛋製嘅餡料，幾特別。蚵仔煎其實係蛋餅，同我預期嘅有啲出入，因為喺台灣食蚵仔煎係比較多水份，同埋主要用粉整，但係呢個蛋餅就比較乾身。干扁四季豆好好味，都係普通中菜嘅標準，但係啲豆就冇乜筋，值得嘉許，啲味菜都好惹味又唔會太鹹。三杯雞係台灣餐廳必食呀！呢個我比一百分，啲雞好入味，仲有九層塔，同大量嘅薑爆香左個鑊，一齊炒，完全感受到廚師嘅誠意。屏東小炒王有韭菜花、蝦米、蜆肉、韭菜、唐芹、白飯魚乾、魷魚絲等等。佢唔會炒得好油。台式肉操飯，味道係好，但我個人嫌佢太多肥肉，好難減肥啊！依家like圓山嘅Facebook page仲有得送甜品本身可以揀椰汁紅豆糕或者是日糖水，但係叔叔超好人兩樣都畀晒我哋，同埋重點係，兩樣都超，級，

今晚黎到食呢間台灣菜比較特別，一般去食開既台灣菜都係小店，細細碟，以小食、滷肉飯等作為主打，同埋價格較便宜的。而呢度係類似中式酒樓，以小菜為主，適合大班人黎食的。同朋友兩個人黎到，我地決定揀套餐，價格實惠，四個餸$328，而且份量都幾足料。三杯雞 (自選四道風味菜套餐 $328)三杯雞原煲上既時候仲”咋咋聲”咖打開煲蓋就已經聞到九層塔香味撲鼻，仲有大量厚薑片、乾蔥等配料，味道濃郁。雞肉肉質嫩滑，每件斬得大小剛好，又唔多碎骨。台灣滷肉 (自選四道風味菜套餐 $328)滷肉脂肪豐富，非常鬆化並令口腔充滿油香，滷水汁是傳統台式帶微甜的，另外加左八角令層次更為豐富。仲有豆卜墊底，索曬所有汁既精華，一咬爆汁麻婆豆腐 (自選四道風味菜套餐 $328)麻婆豆腐比想像中辛辣，採用了滑豆腐，醬汁稠身，同埋較濃味。整體黎講調味都落得幾重手，需要送白飯一齊食，平衡番個味道。干煸四季豆(自選四道風味菜套餐 $328)四季豆以蒜頭、豬肉碎等爆香，炒至軟身，味道一流。擔仔米粉 $25湯底加了肉燥及滷汁，口感爽滑，份量適合一人享用。肉燥飯 $25香軟白飯淋上大量滷汁，唔洗再加餸已經好夠味，醬汁與豬肉一起熬煮後帶骨膠

自選四道風味菜 $328三杯雞很喜歡吃這道台式家常小菜，名字很有趣，「三杯」是甚麼呢? 原來是指米酒、麻油、醬油各一杯。比例是 1: 1: 1。當然不可少的是，加入九層塔，令到這道三杯雞滲透特別的香味，更誘人垂涎。這裡的三杯雞鹹中帶甜，不僅有九層塔及麻油的香氣，還留有米酒香，帶有光澤的雞腿肉又嫩又入味。鹽酥雞一說到台灣味，鹽酥雞絕對是榜上有名。這裡做到鮮嫩多汁，口感Q嫩又酥脆。超好吃!干煸四季豆四季豆很清脆嫩甜，肉末爆炒惹味，與白飯絕配。韮菜豆乾略嫌有一點點油膩。糖蕃薯 蕃薯的香氣加上糖的甜蜜滋味，超好吃喔!

電話屏幕顯示 "雪梨媽" 的來電。遲不會遲、早不會早，正正踏入六月份，暗裡也知 "雪梨媽" 所為何事。從來辦事甚有擔帶的 "雪梨媽"，今年更提早做妥準備功夫，將身在國內工作的舊同事 - "陽光" 之返港時間預圥打探清楚，並同時提議出飯局的日期，"雪梨媽" 就是那種照顧周到的 "好媽媽"。當時眾多的同事中，現已各有各的發展，只剩我們四人會定時聚會。縱使以前我們的工作崗位各有不同，由同事到現在的朋友階段，那份友誼已超過15年了，但深信友誼如同愛情，冥冥中也由緣份牽引。我們每年總會有兩次碰頭的機會，其一就在年初 "雪梨媽" 的生日月， 其二是六月份 - "陽光"，"永高" 及我三人的生日月。本選了一家韓國餐廳，但 "陽光" 不愛韓國菜肉類較多，而次選的中式餐廳又給訂滿了，在猶豫之際，"雪梨媽" 竟在我的食評中找出圓山來，既然大家均同意，我對相隔一個月又再度重溫圓山的美食，當然不會抗拒。回想當年，我們下班後經常到 JJ's 瘋癲 及 Happy Hour , 晚飯又怎可以沒有酒精飲品？"永高" 最愛啤酒，我選了地道的台灣啤酒一試，麥味很清淡，配搭濃味的菜式應不差。"雪梨媽" 喜愛胡麻的味道，可