廿一堂

Open Now

Now Closed

行開海之戀，諗住求其搵啲野醫下肚，見到呢間廿一堂好似唔錯，餐牌主要都係啲日式丼飯、烏冬咁，係外面有部機可以自助落單，之後入去自己搵個位坐低，等嗌number就可以去攞自己既餐點。快餐店既形式，唔洗加一，價錢黎講都唔算貴，而且選擇都幾多，諗唔到食咩都可以黎試下～  1️⃣廿一厚切牛舌丼（$79）（北海道炸薯餅+$12）（宇治抹茶+$10） 本身個丼飯已經包一碗麵豉湯、大根醬油漬同埋飲品，我另外加錢追加左個炸薯餅同埋升級左杯野飲左宇治抹茶。炸薯餅都幾脆，不過唔算特別好食。另外宇治抹茶就偏甜左啲。大根醬油漬幾爽脆開胃👍另外牛舌丼真係好厚切🤩大大件有四大件！食落肉味香而且一啲都唔乾！表面應該有掃過燒肉汁先燒，有少少甜甜地既醬汁香😋  

經常喺荃灣搵食，太多選擇有時都唔知食乜好，所以就喺西鐵站揀咗間最近嘅試吓🤣 12點人唔多，先喺門口買野食再入去揀位。套餐價錢都好抵，仲包主食、飲品同埋甜品👏🏻餐廳一半係落地玻璃，所以好光猛，仲可以睇到海景。食個lunch都感覺好chill🤩 餐廳座位都好多，大部分以卡位為主，座位都係4人枱，坐得寬敞啲又舒服啲。自助形式需要自行取餐，食完後再自己返還餐盤。✨廿一厚切牛舌丼 $68厚切牛舌果然係真材實料，塊塊都差不多2cm厚📏咬落唔韌之餘亦好juicy，肉汁🈵 下層有少許洋蔥，入味又腍甜。白飯加上燒汁香濃又帶點飯甜味，咬起嚟粒粒分明煙韌，日本米無誤😋 甜品大福外皮煙韌，入面濃濃忌廉好香，不過忌廉同外皮味道感覺有點點唔太夾😅✨廿一炭燒鳥丼 $62雞肉鋪滿成個碗面，夠哂足料👍🏻 肉質亦好腍唔會韌，入味之餘唔會煮過龍。飯嘅份量都唔少，肥b都夠食呀😆🔍整體感覺：食物味道同質素都夠優質，套餐價錢超值，哩個價錢有埋甜品真係幾正😍 由於餐廳係自助形式，所以冇乜接觸店員，冇咩特別服務可言，不過出餐都好快，搵個位坐低之後已經可以去攞野食💪🏻

啲套餐望落去好豐富，除左主食之外，仲有味僧湯、前菜/甜品同埋飲品嫁，好似平時去日式餐廳個啲定食咁，不過餐廳就係自助式，價錢唔洗加一黎講都算可接受！**********<廿一厚切牛舌丼> $70牛舌真係好厚切，遠睇好似牛腩咁，口感係偏淋，鍾意食爽嘅朋友就未必啱食！同埋有四大舊，每人食兩舊都好夠，太多都幾膩下🙈個汁就幾重黑椒味，撈埋飯食就啱啱好！**********<唐揚雞配日式咖哩讚歧烏冬> $76唐揚炸雞都有四件，又可以兩個人share啱啱好，個雞真心幾正，可能係啱啱炸起嘅關係，真係皮脆肉滑，咬落去會有汁漏出黎嫁🤤咖哩方面個汁唔係超濃個種，唔算係撈烏冬但味道都唔錯！

餐廳位於商場地下層，連接西鐵站出口極為方便，店鋪走日式快餐路線，性價比極高。廿一燒牛丼 ($65) - 牛肉多米質優，套餐連面豉湯，大福/泡菜及飲品，又好味又抵😋鐵板角切和牛配燒魂丼 ($88) - 和牛肉質嫩，醬汁味道濃，配以溫泉蛋紫菜飯，誠意之作👍🏻廿一厚切牛舌丼 ($70) - 牛舌實在太多太厚了，真的以為在跟牛牛接吻，牛舌烹調時間適中，不過熟好咬口，單吃牛舌已飽了 服務員態度非常良好，還會主動替顧客處理托盤，又教顧客如把餐盤放回取口處便可獲得$2現金卷以方便下次使用。現在如消費滿$100更可獲贈搓手液一樽共同抗疫。