Thai Fire

同事帶路先識上去觀塘區平日午市無book真係未必有得食 間鋪都好大座位好好坐好闊落午市變咗觀塘打工仔飯堂有少少嘈不太適合想靜靜地傾計 食物質素好好泰火無骨雞飯標明（健康無添加）雞件好多件又好滑連餐湯飲品特飲另加錢 碟豆花泰火飲品打卡之選隻冰熊仔無走樣杯飲品好好飲睇得又飲得 好多小食選擇炸蝦餅做到啖啖蝦外脆內滑 泰式無骨鳳爪拌碟菜清新微辣配花生碎調味做得好好 甜品打卡之選彩虹椰汁糕不甜只有少少椰香味想食甜的可能要選擇其他 整體質素好高價錢偏貴適合一班人聚會記得要訂台 有訂台優惠

我哋book咗間店一開門就去食，地方好大好闊落叫咗兩杯嘢飲，三款嘢食，一個甜品泰火特飲: 漸層顏色，有隻熊仔，飲落唔錯泰牛: 超大杯，又可以食沙冰，又可以飲泰奶，仲有隻牛牛泰式無骨鳳爪: 有少少辣，但辣得過癮唔想停酥炸粉絲肉碎春卷: 外脆內軟，加埋個汁酸酸甜甜豬頸肉炒金邊粉: 正常係有花生，只不過我哋走花生彩虹椰汁糕: 彩虹色好靚，再畫上伴碟

Thai Fire 🪷@thai.fire觀塘工廈林立，一向都係美食集中地，嚟到APM附近一間樓上泰菜🇹🇭 東南亞熱帶渡假風，以籐織同大象等件裝飾🐘 營造出悠閒舒適嘅氣氛🏝️海鮮冬陰公🍲海鮮冬陰公湯底非常濃郁，酸辣適中🥫 配料亦好豐富，有青口、蝦同幾款菇類🍄‍🟫 一啖接一啖🥄香辣泰火醬雞粒炒飯🥵用「粒」嚟形容雞塊嘅大小可能未必夠貼切😂 雞塊先炸得香口，再加入飯粒炒香🍚 表面灑上炸蒜🧅 辣味十足，但又唔會過火🌶️ 再配埋新鮮嘅青瓜同車厘茄，比例平衡🥒紅咖哩牛肉 配薄餅🥘咖哩濃稠香滑，有肉有膏嘅牛肉煮得剛剛好，非常嫩口🥩 薄餅香脆鬆化，蘸上濃郁嘅紅咖哩一流🫓彩虹椰汁糕🌈千層糕係款極花心思嘅甜品平時兩層綠白已經花費不少功夫時間，更何況係9層每一層都唔同顏色🎨 顏色鮮艷，椰香濃郁，口感軟糯有彈性🧽 食落非常有層次感🎹泰綠鮮奶🍵白綠漸層嘅泰式奶綠❇️ 濃茶濃奶，綠茶茉莉清香，口感滑順，記得先攪勻🎡泰火特飲🪻藍紫漸層嘅蝶豆花梳打，加入可愛熊仔冰🧸青檸汁同玫瑰花瓣🍋‍🟩 呢款特飲嘅清新感覺非常適合夏天享用☀️星期一至六記得thru OpenRice book枱📱Lunch同Dinner都有9折🔩 仲可以包場

去完旅行，約了朋友在觀塘食飯聚一聚。朋友表示想食泰國菜，想搵間可以舒服傾計的地方，所以在OpenRice預約了，更有9折優惠。見到餐牌有$588二人餐，二人餐所包括的食物都想大家想食的，決定試下。泰式海蜇伴無骨鳳爪作為前菜的泰式海蜇爽口，無骨鳳爪混合酸、甜、辣的味道令人非常開胃。海鮮冬陰功湯帶點辣的海鮮冬陰功湯味道濃郁，惹味十分，不太食辣的朋友都無問題。湯入面有不少海鮮，有蝦仁、青口同螺肉。不過食螺肉的時候，有少少不方便。冬陰功湯份量大，每個人可以飲到3小碗。 炭燒豬頸肉拼雞肉及牛肉串燒豬頸肉爽脆彈牙，有炭燒香味。雞肉同牛肉串燒各兩串，兩者肉質都不會鞋口，調味亦不錯，單食也夠味。加上泰式醬汁，更添美味。香煎泰式盲鰽魚主菜是盲鰽魚，比起香煎，更似以炸的方式烹調，魚皮非常香脆乾身。拆開魚皮，底下的魚肉鮮嫩，但沒有太多調味，沾上酸甜醬汁味道更好，可以食到魚的鮮味。泰式甜品甜品是彩虹椰汁糕，顏色鮮艷，不過少了碟邊裝飾，有點可惜。椰汁糕煙軔不會太甜，正正常常。泰式飲品兩杯飲品同朋友分別選擇了珍多冰同龍眼冰。前者有濃濃的椰汁味，加上綠色粉條，不過味道不太甜，如果再甜一點會更好。朋友的龍眼冰反而偏甜

星期六放假去左觀塘食好野，揀左觀塘開源道既樓上泰國餐廳Thai Fire。星期六午餐有6款選擇。可加配小食。餐包冷熱飲品一杯，可加錢升級汽水，咖啡，特飲或者沙冰。泰火無骨雞油飯拼椰子雞湯(健康之選,絕無添加) $88椰子雞湯先上，個湯熱辣辣，味道真係有超濃既椰子味，湯非常清唔油。餐廳標榜天然健康，飲完真係唔會口渴。湯入面有一隻雞腳，雪耳兩大舊，紅棗半粒同一片椰子，非常足料。雪耳非常潤滑。泰火無骨雞油飯有雞髀，雞胸同雞翼，似係細雞，不過份量都唔少。雞肉非常嫰滑，皮好薄，點另上既甜辣醬一齊食真係非常好食。今次加錢升級菜飯，幼身飯粒撈有娃娃菜同冬菇，蔬菜份量唔少。而飯粒帶有濃濃椰香，好味道。配有少少胡麻醬沙律菜，兩片青瓜，同半粒車厘茄。香煎雞扒拼特色菜飯/雜菜沙律 $98香煎雞扒可以配特色菜飯或者雜菜沙律，我揀左配雜菜沙律。雜菜沙律大大碗，主角香煎雞扒一大片切開7小片易食d，雞扒煎得皮超薄脆，而肉都算嫩。上面灑上薄脆碎增添口感。下底有爽脆沙律菜，紫椰菜絲同紅蘿蔔絲，個沙律汁酸辣開胃，夠味而唔寡。另外加配兩款小食。泰式咖哩角3件 跟餐加 $22手工泰式咖哩角好大件，皮係厚身但係好脆口，入面好多