Drink氣鍋

Open Now

Now Closed

新鮮!新鮮!新鮮! 好緊要，一定要講三次!過去的半個月，心情一度沉重，難得我這個同年同月同日生的好友約我飯聚，細訴近況，開解我的心情。這間食店，位於沙田火炭區內，需先要電話預訂座位。它的位置雖則離火車站有一段距離，但亦非常方便，一出火車站，沿坳背灣街一直行，大約 10分鐘內就到。店鋪的外面，雖然沒有店鋪名稱，但都容易辨認。它的店外裝潢以木為主，懷舊帶點fusion,有情調有氣氛，仲以為是一般西餐廳。進入店鋪，被四周的氣氛包圍，好有家的感覺，有花和燭光的陪襯，抬頭一望，更有一個大型電視機，並設有一支金色懷舊咪……我已被這一切感動了。我們點了兩個 A 餐，一共 8度餸，我不在這裏逐一介紹，可以參考我所附加的相片，最後再加一個甜品(心太軟)。正如一開始，我所講，這裏食材好新鮮，用心製作。在第一個餸菜，這店引用日本的十六穀粥，由開始就烹煮至最尾，那啖粥，沒加任何調味，只吸收每個海鮮的精華，所以相當鮮甜。而每碟餸的配菜，它採用花生豆苗，最近某電台也介紹過，其味道帶有芽菜味和花生味，這店更把它打蓉，製成豆腐，真係好有心，再被感動。每一個餸菜，每一種海鮮，包括深海龍躉、北海道扇貝、貴妃蚌、蟹肉、本地

公司team building, 有人搵左係公司附近既食蒸汽海鮮既店包場。一入到去d燈光同格調都唔錯。有個大screen播著歌，仲有一個小台仔可以對著screen唱k，最適合搞party。佢衣款係蒸氣鍋，係有個鍋係底，之後再放海鮮係上層蒸。我地叫左個set食，第一味餸係石鍋火焰爆膏大頭醉蝦，唔係蒸既，係放係個底鍋到整熟佢。食落有好香既白酒味，個蝦頭大到同蝦身一樣。個蝦頭勁多膏，個蝦身點小小辣椒豉油，就最開胃跟著就放左d 米同乳鴿係個鍋底，準備最尾個乳鴿粥。第一味蒸既餸就係蒸深海龍躉件。龍躉件咁樣蒸法，比平時街食炒既質地更加滑，唔會好鞋口。另外有d西蘭花，大豆芽一齊蒸，都吸左唔少龍躉既鮮味。下一味就係蒸貴妃蚌拼蕃薯貝。貴妃蚌個殼夠深，加上咁樣蒸法，成個殼都兜著d湯。所以要小心翼翼咁夾佢出來，唔係就哂左d 汁。一來就緊係飲左d 汁先，個貴妃蚌淨係舊肉都有手掌咁大，厚肉得來又彈牙，又夠鮮味。用碗裝來蒸既鮮拆蟹肉手工玫瑰花生豆腐。滑得來又有口感既豆腐，同平時有d 唔同，再加埋面頭既蟹肉，就又滑又有味道。主菜就係蒸青花龍蝦，龍蝦質地非常彈牙，又有鮮味，龍蝦頭又有d 膏。個人最鍾意就係食龍蝦，所以