吃吧 (僑建大廈)

Open Now

Now Closed

今日黎到旺角依間樓上高質酒吧餐廳😍 係門口已經俾佢大大隻叉同匙羹吸引住打卡🤣 入面環境寬闊舒適，柔和嘅燈光和背景音樂好有氣氛👍 大大幅酒吧logo 牆勁搶眼🥴❤️ 㨂咗小食、主食、甜品各一🤤 小食㨂咗勁多人㨂嘅雞泡魚乾🫶 魚乾會放在燈光閃閃嘅火爐上送達😍 好似真係烘燒緊咁😚 好特別👍 魚乾焦香有嚼感，鹹鮮又惹味，作為送酒小菜一流😘 主食㨂咗百食不厭嘅牛面頰🌟 牛面頰好軟腍細嫩，咬落肉味濃厚，令人回味無窮😋 底部附有大量綿密細滑嘅牛油薯蓉😍 盡吸牛肉嘅精華滋味，勁高質❤️甜品㨂咗心太軟❤️ 擺盤好靚好用心👍 心太軟溫馨暖和，食落濃厚馥郁，朱古力味非常突出，不會太甜太膩，配埋冰涼嘅雪糕食，口感更刺激🤤 飲品特登試咗職員推薦嘅Cocktail❤️ 燈光影照下，一片夢幻海藍，色澤好迷人🫶 飲落順口不嗆，檸檬嘅清新酸香與酒品好合拍，爽口又醒神，啱曬夏日消暑飲📍 再叫多杯以為係花瓶黎嘅接骨木花茶🤣 好有創意👍 茶飲充滿果香，醇香又清新，解膩消滯好啱🌟 🐧❣️ 指定日子仲會有live music🤩 有機會要去睇下喲😚

朋友聚會揀咗呢間餐廳，環境氣氛都幾唔錯，好啱聚會! 嚟緊聖誕同新年又未揀到餐廳都可以考慮嚟呢到，不過最好睇下有無得book位先，始於臨近節日都會比較full，不過要留意我哋喺一個月前嚟，唔知menu會唔會有改到啦😛•🥢水牛城雞翼 $88雞翼件數唔少，水牛城醬汁酸酸地辣辣地好開胃，因為醬汁唔係太多，所以雞翼表面都仲keep到脆脆地！•🥢烤原隻魷魚乾 $88烤魷魚乾🦑會跟個爐仔一齊上，不過入面放嘅係假蠟燭，當係裝飾咁啦😂😂 烤魷魚乾係類似零食類嘅魷魚乾，係好好嘅下酒小食😌•🥢慢煮甜酒燴牛面頰 $188慢煮牛面頰煮到超級腍！雖然甜酒喺煮嘅時候都應該已經揮發晒🤪 但牛面頰都好入味，下面仲墊咗啲薯溶，兩者好夾～•🥢軟殼蟹肉醬千層麵 $148軟殼蟹炸到好脆，唔會好油，放咗喺千層麵上面，千層麵中間有啲肉醬同菇，同一般千層麵有啲分別，但多咗啲味道同口感都幾唔錯！•🥢西班牙海鮮飯 $178西班牙海鮮飯嘅海鮮偏細粒，飯粒都偏濕，有啲失色，但番茄味道幾出嘅。•📸曲奇朱古力奶普📸 Crazy “Flower”

呢度唔只小食同飲品好打卡able 主菜賣相都幾高級🤩不過份量就偏少 但係味道真係好正😍.慢煮甜酒燴和牛面頰🐮 $188牛有三塊 唔算好厚身🙈食落好特別 口感似好膠質嘅牛腩 個味就似牛脷🤔講到佢好似好cheap咁🤭不過唔係講笑 真係有充滿骨膠原嘅感覺 每一啖都好漿口🤣我唔太鐘意😣底仲有薯蓉 幾滑奶味都幾香😚個汁偏濃味 甜甜地帶點鹹~份量都幾少 整體黎講性價比唔高😟.西班牙海鮮飯🦐 $168呢個真係好驚喜‼️冇諗過喺樓上cafe會食到咁嘅質素😍蕃茄味好濃 帶好微好微嘅辣味🤤酸酸地好開胃😋佢個飯底好硬好煙韌 粒粒分明 唔會太濕唔會太乾 係我最鍾意嘅口感💓海鮮嘅份量都好足 每一啖食到✨我會寧願食多個飯 都唔食牛🤣絕對可以encore🤩

上次同朋友黎呢度食下午茶覺得味道唔錯，所以今次就帶友人黎試下佢既晚餐!餐廳位於大廈2樓，如果唔想等升降機又唔怕行樓梯，可以自行行兩層!餐廳門口位置寫住大大隻CHIBA，唔駛怕入錯餐廳。我同友人預約了6點的時間，所以進餐廳時未有太多人，我們食完差不多走的時候，餐廳都差不多爆滿了!今次點了一款小食和兩款主食試試。水蜜桃荔枝紅茶($56)，這款飲品上次已飲過了，但因為覺得很過癮，所以再次點了!過癮的原因就是飲品是用富有中國特色的花樽盛著飲品，而且還插著假花，唔講真係唔知呢個係飲品。飲品蜜桃味較重，但唔甜，岩哂唔中意飲甜野既我!Ohara Dark($78)，友人見到啤酒既餐牌，突然酒癮起，點了杯黑啤試下。唔會太苦，都幾易入口!餐廳還有些甜既啤酒俾女士點架!黑松露，煙火腿，芝士多士($78)，這款小食上次食tea set時吃過，覺得味道都唔錯，所以今次再次點了!芝士可以做到拉絲的效果，芝士火腿係我最愛的三文治，多士香脆，成份多士唔會好咸!軟殼蟹肉醬千層麵($148)，肉醬千層麵係我朋友最愛食既意粉，肉醬唔會太酸，易入口，千層麵軟硬度適中!這裡的軟殼蟹炸得剛剛好，唔會炸到好多油，亦唔會炸到淋哂!