樂園 (Moved) New Location

見今日大家都得閒，就想搵個地方hea一晚，傾下計，玩下咁，我地就揀左黎樂園一入去就見到兩隻貓店長！多多同寶寶好可愛，而且肯比人摸！坐低左之後，店員好快就比左餐牌我地，都幾多選擇下落完單之後，等野食黎都要一段時間，呢個時候緊係玩下board game!佢有成個board game櫃，有啤牌、狼人、飛行棋等等，玩得唔好嘥嘛玩左陣，野飲就上左黎先，我就叫左杯紅綠茶系列既熱情果，唔係好識形容，同平時飲既熱情果汁唔係好同，但好有茶味，都唔錯之後我地既野食都黎左！我地叫左個芝士豬肉釀雞翼，見佢個名咁特別就忍唔住叫左，果然同以往食既雞翼唔同，佢出面灑滿芝士粉，係雞翼入面竟然真係釀左豬肉！好新奇呀！仲要味道真係唔錯，尤其岩哂鐘意芝士粉既我之後就到我地既主食！個意粉好正，不得不提既係，我完全唔食生既三文魚，但呢個煙三文魚雖然睇落生生地，但咬落去完全係另一回事，好正，連我都感受到三文魚既滋味啦呢個肉眼排完全係今既主菜既主角，我地叫左六成熟，肉質口感味道各樣野都好好，個汁令個牛排再升一級，個汁真係好正黑毛豬都唔錯，好有味道，唔似之前食過果d完全食唔出豬味，伴碟裝飾都好有心思！最後就係鵝肝意大利飯，鵝肝煎到外

小弟是日雙喜臨門除左係新工開市首日亦係小弟牛一 嘻嘻最緊要可以同到另一伴慶祝放工後俾佢帶黎呢間有貓貓玩既Cafe第一次黎表示環境都幾簡約舒服而周邊牆壁設計同枱椅都幾靚幾有心思晚餐都有幾多款式我地叫左戀之花煙三文魚意粉、芝士焗有機大傘菇同埋我愛金莎戀之花煙三文魚意粉賣相幾有心思隨碟附送Smile一句醬汁有濃濃忌廉奶香之餘食落亦唔會漏煙三文魚配上忌廉汁意粉亦係絕配芝士焗有機大傘菇大傘菇果然夠哂大舊菇頂亦滿佈濃濃芝士！大傘菇焗得剛剛好唔會乾哂水好多汁食落好juicy !我愛金莎杯野成坐山咁高！我地兩個都要爭取時間削一削佢 XD香濃朱古力味而雪硬左既金莎口感有啲似食緊雪糕咁朱古力控必食！重點來了！估唔到另一伴事先暗中叫埋個生日廚師發板！拼盤包括有燒大蝦、煙三文魚、鵝肝多士、炒牛柳粒、焗扇貝等等成盤野就好似藝術品咁味香味俱全絕對用心製作！呢個驚喜係開心感動既Thanks Dear

朋友約我去尖沙咀晚飯，openrice搜索下就發現呢間名叫Happyland既西餐連載好評，仲有貓咪玩，岩哂我個貓痴朋友🐱就卜錘去呢間啦🍽 一入門口就見到有2隻貓咪餐廳環境舒適，好有家的感覺！店員說最近有情人節特別版既廚師發板餐，於是決定同朋友試下呢個好多人叫既廚師發板餐，$208一位，仲可以喺碟旁邊寫上字句，啱晒生日或者慶祝節日黎食廚師發板餐一上枱很驚喜，份量比我想像中大，食物鋪排得成幅畫咁仲有好多情人節元素，心心氣球，玫瑰花草莓等等，好吸睛！！店員悉心講解進食次序，同食物內容，當中包括: 安格斯牛柳粒配香脆蒜片，份量多而富牛味，呢個要趁熱食！牛油煎帶子，爽甜厚肉煙三文魚好油潤，卷成花瓣般煎虎蝦同鵝肝多士都好好食另外再叫左戀之花煙三文魚意粉🍝幾Creamy好食飲品就叫左'我愛金莎'，賣相好吸引，仲有濃濃的朱古力味🍫朱古力迷必叫食食吓發現我座位旁有d美容護膚產品可供購買去尖沙咀不妨考慮下呢間咁warm既Cafe

樂園是一間好像親子餐廳！入到去有點像家的感覺，感覺親切！一邊是有玩具&圖書的，是給小朋友玩耍的！店裹還有兩隻貓貓，好可愛喔 ！喜愛貓咪的我，見到都覺得開心但有一隻掛住訓覺一隻就周圍坐，行來行去！不怕陌生人太可愛我愛金莎，是杯很邪惡的飲野，因為它是一杯超大型的朱古力沙冰，非常足料曲奇大王，Oreo沙冰，沙冰高高的，絕下嗇色，但今日太凍飲唔落，但都好好飲！戀之花煙三文魚意粉，意粉上的是砌成玫瑰花🌹的煙三文魚，質感嫩滑，略帶鹹香又鮮的味道讓意粉的味道更豐富整體十分吸引厚燒美國安格斯肉眼扒，賣相唔錯，用上半成熟的火候去香烤，令牛肉嫩滑而入口，肉身更有粉嫩的感覺，極為吸引！

好朋友生日， 想搵間樓上cafe 吹水食飯， 玩吓Card Games , 看完openrice 後，「樂園 」就係首選， 正面食評數之不盡。 門口好有樂園feel ，嗰廣告牌好開心 ， 男女老少一定鍾意啦！地方裝修精緻， 有少女主題，用了粉色碎花做主題， 掛上紅白吊燈。 有多種Card Games 提供選擇。 餐廳有兩隻可愛小貓， 一隻灰， 一隻白。 貓貓係樂園嘅生招牌， 同客人都玩得好開心， 唔怕羞㗎。坐了不久，鍾意嘅特飲「我愛金莎」就送到， 份量十分， 好大杯， 有金莎放在頂，下面還有香濃嘅朱古力雪糕同沙冰， 堆得好高， 加上七彩豆豆一齊食，好有口感。叫咗隻《泰式燒春雞 （全隻） $208》 ， 金黃色的燒春雞， 燒到皮脆肉滑， 雞肉又好juicy ，加上泰式香料， 味道好正， 配上泰式辣醬就更加惹味啦！《流心芝士蛋 $ 148》， 半熟嘅蛋， 非常吸引， 香濃蛋黃味加上煙肉包住，一咬下去，有兩種口感。正！加上芝華力腸， salad 同薯角， 太滿足！ 《戀之花煙三文魚意粉 $148 》，意粉煮得剛剛好，味道也不錯， 好creamy ! 廚師好有心思， 用三文魚整成嘅玫瑰花， 好

同朋友係尖沙咀行街，無意中見到一間cafe～一上到比我感覺到係有種返回童年的感覺！Cafe裏面原來仲有隻貓貓坐鎮，對貓控黎講望住貓貓食飯根本係樂事！我同我朋友分別點左2個主菜同一碟小食！-戀之花煙三文魚意粉 ($148hkd)外表真係好靚！睇得出好有心思去整同埋意粉同三文魚個份量都幾多！好夠飽煙三文魚加意粉食落好有層次好開胃！- 牛柳粒飯($128hkd)牛柳食落唔乾 加上黑椒汁好好食！切個size都岩岩好 唔會太大粒 ～送飯黎食一流！- 醬爆雞翼($68hkd)雞翼唔會整到好乾！整到黃金色～咬落去有肉汁慢慢滲透出來，好脆！！- 飲品 青蘋果荔枝乳酸特調 芒果熱情果青擰特調*跟餐 （$35hkd)飲品好大杯，一開始係好多水果係入面 之後有支試管比你因個人口味去自己調製自己要嘅甜度～唔會太甜！不錯下次一定會再黎食再去玩貓貓

老婆一向都有我心，不過今次揀呢間餐廳真係令我喜出望外。老婆同我講呢間餐廳係一間以貓貓為主題既餐廳的時候，已經令我期待不已。作為一個熱愛小動物之人，可以下班後邊同貓貓玩，一邊用餐真的是愜意萬分的體驗。店內的佈置滿是歡樂的氣氛，一洗忙碌工作帶來的疲憊。好多聽個名覺得好吸引既特飲。咁就當然叫杯招牌特飲 - 我愛金莎 啦，特飲好足料，金莎配合朱古力雪糕既味，令人一試難忘。再來一個鵝肝意大利飯，又大又juicy既鵝肝，加上Creamy既意大利飯，非常滿意。足料既三文魚，碟面寫著微笑Smile，提醒食客要笑著珍惜呢刻快樂的時光。仲有好多卡牌 board game玩，好似好耐都冇同老婆玩過呢d小遊戲了。原來有好多老婆都冇玩過，等我慢慢教佢啦細心望下，原來呢間餐廳都有唔少獎喎。埋單400唔使，唔算係好平，不過食物質素同環境都好好，可以再來!(仲要順便探貓貓)講時講，點解冇貓貓樣啦? 因為...玩得開心，我竟然就係漏了幫貓貓影相啊，唯有下次再影過

每個香港人周五放工，大概都會去relax一下。尖沙咀或中環都是其熱門地點。如果不好杯中物，尖沙咀有一間樂園，是貓貓cafe，可能會合你心意。店子精巧，沒有梳化椅，陳設簡單但有少女感，格子櫃有board game，還有的格子裝設了貓貓的窩。筆者全位旁正好睡了隻大肥貓，貓貓完全不怕人，任摸唔嬲，繼續懶洋洋地擺著不同姿勢睡，安全感十足。廚師拍板 2人份量 每位$158現場看到很多枱有叫此款食品，於是也叫了一份。兩人份量的拍板，就如同廚師精選的小食拼盤一般，但非常講究。店員細心地教導我們整盤的吃法及先後次序後，筆者就開動了。帶子大大粒，燒得剛好，不會老，又很入味。蝦不會乾身，惹味非常。牛柳粒熟而肉嫰，配合蒜片味道豐富。刺身配合提供的醬料，吃出新滋味。鵝肝多士入口即溶，不會油膩，但加上旁邊的薈梨，味道更有所提升，襯托出回甘味道。梨薈至非常嫰柔，非常享受。整盤都有水準表現。跟主餐加的鵝肝，味道不及拍板的，但勝在大大件，超肥美！戀之花煙三文魚意粉 $148好cheese呀！！至適合愛芝士的筆者，三文魚份量多！伴勻意粉同食味道合拍。蜜桃紅茶 跟餐加$15蜜桃味濃郁，就像在喝蜜桃汁，紅茶又解膩，配搭得宜

幾個舊同學約出黎見面，想搵一個就腳又坐得舒服既地方，最好當然係有埋貓貓同各式broad games啦！明查暗訪之後，我地決定去位於北京道既樂園。門口已經感受到歡樂氣氛，門面已經好繽紛，令人感覺好輕鬆。入到去，裡面既格局似西餐廳，但門口位置有一整個大儲物櫃既broad games歡迎你。無錯，係一整個大儲物櫃！見到已經好興奮，其中一格仲有隻肥貓貓添！我地當然揀左肥貓隔果張枱啦！肥貓好得意，唔怕人，可以隨便摸。主人心情好時，仲要比手手你添！睇返Menu，都有唔少選擇。最欣賞既係佢地既小食拼盤，可以按需要揀三款或五款，5款都係$278，夠4-6人份量。另外一個亮點係，佢地有party餐，按人頭收費，兩百蚊有找，岩哂選擇困難症既朋友。食物方面，整體黎講都好出色。當中最鍾意係意粉同牛扒。《戀之花煙三文魚意粉》賣相好靚，有個笑哈哈令人心情都好d。三文魚花好大朵，好足料，味道好新鮮，無雪味。意粉被厚厚既忌廉汁完美甘包圍住，好滑好creamy，口感好滿足。調味方面，亦好出色，忌廉汁有少少蛋香同芝士香，仲有少少香草吊味，正。《安格斯肉眼》去樓上cafe我一向prefer輕食，唔會建議高級食材如扒類，因為

身為貓的死忠粉絲，本地大部份的貓cafe都去過。由於家中空間有限，不忍困著貓咪在擠迫空間生活，一直沒有養貓咪。要同貓咪親近，都只好到寵物店或貓cafe。從一位愛貓的朋友中得知，這間cafe有兩隻超可愛的貓咪，怎能錯過。甫進cafe，看見一隻灰色英短端座在一桌上，動也不動，樣子非常逗趣。另一隻貓咪是布偶貓女，身型較輕盈。白色的毛毛，藍藍的眼晴，讓貓咪顯得高貴。布偶貓女很黏人，牠還跳上我旁的椅子逗我玩呢。裝潢如店名般，滿載著歡樂。一面牆上畫上了大大的彩虹，裝潢以粉藍和白色作主調，很有藍天白雲的那種輕鬆舒暢感。一如一般cafe，提供各款board games，至適合一班朋友聚會。Cafe 的食物以西式為主，凡點一款主菜都可以$20 配一杯價值$48 的飲品，加$38 可配一份鵝肝、香煎帶子及虎蝦。戀之花煙三文魚意粉的煙三文魚非常重量級，那朵戀之花足足用了六至七大片煙三文魚砌成。煙三文魚新鮮美味，忌廉醬汁香甜幼滑。炭燒虎蝦蕃茄汁意粉的醬汁味道同樣不俗，蕃茄醬汁酸酸甜甜，感覺很開胃。虎蝦肉質鮮味有彈性，加$38配的香煎帶子，同樣是富鮮味，肉質具彈性。所點的兩杯飲品分開為店長推介的特濃金莎朱古力雪

上個月的京都之旅，據朋友說四處都是街貓的踪影，可是我只見到周圍都是白鴿、鴨仔和狗仔，貓仔卻一隻都見唔到，真係失望。於是，有朋友提議去樂園呢間樓上Cafe飯聚兼看貓，當係彌補一我的失落。一入到Cafe門口，就見到色彩好繽紛的牆壁畫，好像回到幼稚園那樣，畫面的感覺很開心啊～一入到餐廳，就見到一隻灰毛的肥貓，乖乖地坐在椅子上。肥貓一整晚都很乖，看起來都很乾淨健康，不會胡亂舔人或抓人，而是只往無人坐的地方週圍走。幫牠拍照的時候，牠永遠都不愛望鏡頭，很有小貓高傲的個性～只要人向著牠靠近，肥貓便會轉身走遠，所以想和牠合照真的很難。後來肥貓走累了，便在椅子上睡覺，很可愛呀～然而，這間Cafe座位都頗多，但座位之間的空間稍小，我覺得比較適合大夥兒聚會。Cafe的光線都算充足，裝潢比較實而不華，但小小的擺設和牆壁上的小貓圖案，卻為平實的環境帶來亮點，女孩們和牆上的小貓玩Selfie都不亦樂乎。木架上放了許多board game，可以和三五知己一起玩遊戲，這樣便夠消磨幾個小時。彩虹特飲 (紅色-玫瑰柚子青檸特調)，送上來的時候，透明色的梳打水帶少許青檸甜味，味道較為清新，配以士多啤梨、藍莓、蜜桃、檸檬和薄

收工同朋友約了尖咀食飯傾計，揀咗呢間樓上cafe，都幾易搵，isquare 對面便是。一嚟就當然清新啲沙律啦！呢個沙律嘅豆腐增加了整個清新度醬汁都係我喜歡的芝麻醬配上新鮮菜同蕃茄真的不錯！值得一試！小食方面，我們點了這個明太子泡菜釀雞翼，味道不錯，裡面泡菜不多不會太辣，煎得恰到好處！還有這個炸手指魚，魚肉相對有點鞋，勝在炸粉不多，不過不失！主食我地點了两款，戀之花三文魚意粉嘅三文魚好大塊同好多塊，相當夠份量！意粉醬汁有點黏稠，芝士味也頗濃！不錯！這個黑松露帶子義大利飯，黑松露味也很重，非常香！也不會太黏稠，但也不會感到稀，帶子不過不失，冇雪藏味。飲品我點了這個「紅」，名字特別，但其實就係水果蘇打試管的士多啤梨汁倒入蘇打水，都ok嘅，水果係新鮮的呢度都有條超級得意嘅貓，佢會同人玩㗎！