米走雞Live

Open Now

Now Closed

麻辣雞煲就食得多喇不過都係百食不厭嘅。但朋友唔食辣就試下新野：黃金芝士雞煲！本來以為會好「漏」，但呢個黃金芝士厚薄度適中，唔知係咪因為呢個做發，D雞特別嫩口，好滑好好味！芝士味唔算太濃，所以唔會覺得好膩的感覺！特別抵食又好食一定要選手切新鮮牛頸脊，我們兩個人叫了細份，黎到以為俾錯大份（不過真係咁大份㗎）超爽吖！而且牛肉好新鮮，雪花分佈好均勻，一睇就知好野啦，比去出面呢個真係超抵食！加埋個鮮炸響鈴係個芝士面碌碌下超過癮，哈哈！呢D時刻竹蔗茅根唔少得（份量多超抵飲）下次一定要食麻辣雞煲+牛頸脊，勝價比超高

今日去觀塘整指甲，約咗男朋友夜晚喺觀塘食晚飯。男朋友話想捉緊冬天嘅尾巴食多最後一次雞煲，所以就上網睇吓觀塘有咩正雞煲選擇。見到原來觀塘都有咪走雞，不過佢就唔同啲叫做咪走雞live，咁之前食過佢其他分店質素都幾高，所以就冇諗咁多直接去食。 今日我哋就揀咗一個細嘅麻辣雞煲，之後嗌左咗幾樣配料打邊爐。落左單之後，侍應好快上左個雞煲同一杯醬汁，煲左一陣之後佢將醬汁倒入雞煲然後點火，再煮多陣佢就同我地講可以食得啦。雞煲好足料，每件雞都啖啖肉好入味，份量多到我地食完啲雞都飽左一半。 食晒啲雞之後，侍應好快就幫我地加湯，湯底仲有麻辣或清湯揀，我地費事太重口味，所以揀左清湯。配料方面，我哋叫咗一個細嘅手切新鮮牛頸脊，睇相都見到啲牛有幾新鮮，每片都好厚身，食落好重牛味。之後仲叫咗日本廣島蠔六隻、半分蟹柳、一份竹笙墨魚滑同埋烏冬。  廣島蠔好新鮮好肥美，$88六隻算係幾抵。 竹笙墨魚滑亦都唔錯，佢地將墨魚滑釀係竹笙裏面，竹笙吸晒啲湯汁，配埋墨魚滑，估唔到又幾夾。食食吓突然聽到歌聲， 原來餐廳每晚都有安排歌手係度唱歌， 所以咪走雞live既’live’係有live music聽咁解。整體來講食物分量超足，質

人生打咁廿幾年邊爐，食過好多次雞煲，呢間♥米走雞Live♥係最深得我心既一間！先講環境，佢比一般雞煲打邊爐既環境靚好多，個場超大，容納到好多人。最估唔到既係，佢仲有個Live band位置，當晚食到咁上下就唱左一陣歌，當中係有聽到有人點唱生日歌tim！餐紙同樣都係自己食咩自己畫，款式都幾多，而且仲幾特別。點完菜就可以調下醬料～火焰麻辣雞煲 BB辣 $168呢個麻辣雞煲認真惹味，真係食到停唔到口，鐘意食辣既朋友可以再食辣啲，包你上癮！首先未煮呢個雞煲，已經有勁多莞茜係面頭，莞茜控見到一定好歡喜！入面既配料都係離不開有洋蔥，辣椒，當然仲有雞啦～呢隻雞相比起出面，佢係比較滑，啲肉好嫩，好好食！杞子魚雲膠原湯 $208女士們必食！！呢個湯底非常濃郁，超正，真心推介！湯底入面有條魚，重點的是佢有好多花膠係入面～啲花膠索哂湯味，好好食，膠質好重，唔似平野，同埋花膠既份量都幾多，唔怕爭住食～杞子對女仔都係一樣好野黎，所以呢個杞子魚雲膠原湯係唔可以錯過架！手切新鮮牛頸脊 $228牛頸脊每一片都切得好平均，而且佢唔會太肥，但同時都都唔會太瘦，是有口感的。牛肉味都幾重，滾佢幾秒已經食得，點少少醬料已經好足

Happy night 💕細細個嗰陣，唔明白點解啲大人咁期待星期五，到自己出嚟做嘢，真係好想快啲到星期五！而今日都係我好朋友生日既大日子，三五好友聚首一堂最開心！諗食咩既時候，壽星女話要食雞煲🐥，靈光一閃想起一個不錯的選擇...我就即刻打去訂位結果幾位朋友食完都話我無介紹錯，仲物超所值添！呢間就係【米走雞live】啦...【米走雞live】就係位於觀塘工廈「The Wave」既 3樓，佔地超大啊！之前食過太子個間覺得幾好味...但呢間個感覺可能有live show既關係真係好唔同呢...同埋我覺得打邊爐坐梳化特別爽啊舒舒服服，燈光有情調，因為偏暗的，可能係要襯番隔離西餐廳，一邊聽歌一邊食雞煲🐥，好開心，現場演奏氣氛真係幾好。訂左位既關係唔洗等，店員好有禮貌帶我地入座...坐低後Menu都未睇就為我地備上醬油配料，等我地落左先...醬湯費為 $56，有六隻醬油配料，都係平常見到個D，但其實都最後我都係唔使點樣用到...哈哈因為個煲味道已經好足夠...壽星女發板點了細嘅火焰麻辣雞煲($168)，揀咗BB辣椒嘅辣度同埋杞子魚雲膠原鍋 $208見到有張Drink List...上面有Cockt

天氣熱成咁, 仲要去打邊爐?!  想挑戰人體極限?  咪傻啦, 有冷氣架嘛!  今晚一於去會一會呢隻"鷄"我知道..............雖則有招牌黃金芝士鷄煲及火焰麻辣鷄煲, 但今晚就係只想打邊爐又要威又要帶頭盔就係呢種, 想打邊爐又驚熱氣, 柯打一個皮蛋芫茜湯 ($78)亦不失為一個"辦法", 湯底有芫茜, 皮蛋, 茶瓜, 馬蹄,粟米, 蘿蔔同豆腐, 咁嘅陣容, 應該可以減少熱氣嘅!  (哈...哈....)劃好食材就等食啦喂...............講到食牛頸脊, 呢間可謂我頭號之選, 睇下呢碟手切新鮮牛頸脊 ($228/小), 小嘅份量其實都唔小呀, 肉色鮮亮唔在講, 脂肪分佈平均, 厚薄大少岩岩好!烚十秒到就食得, 入口肉汁爆開, 肉味夠濃, 脂肪嘅滑同肉質混為一體, 簡直食唔停口!雪白軟腍嘅就係呢客手打鮮墨丸 ($78), 每粒都咁夠份量烚完都保持咁大粒, 咬落食到墨魚粒, 墨魚味幾出唔想食咁粉麵類, 叫左呢客鳯城水餃 ($88)代替, 隻隻都肥嘟嘟, 一客8隻都幾抵食內裏有豬肉, 蝦及木耳絲, 調味得相當入味, 無需點醬油都得; 唯皮選用薄身D就會仲好D, "皮薄餡

天氣實在凍到一個點, 除左火鍋實在諗唔到有咩岩食, 所以...........................又黎左呢間開餐!今晚個腦實在只有"火鍋"呢2個字, 雖則佢嘅芝士鷄煲係好出名, 所以好也已經點好湯底及火鍋配料偏向鍾情清湯底, 但呢個皮蛋芫茜湯 ($68)實在太抵食, 除左皮蛋芫茜馬蹄外, 仲有紅蘿蔔, 豆腐及粟米在內, 侍應都建議先飲啖湯, 果然幾鮮甜!記得初次認識牛頸脊就係係呢間火鍋店(太子分店), 呢份手切新鮮牛頸脊 ($208/小), 每片切得大細厚薄都岩岩好, 蝴蝶切法烚完都唔會變得好塊, 脂肪分佈平均, 肉色相當靚仔!輕輕烚一烚已經食得, 每片入口都肉汁爆滿, 肉味濃, 肉質烚完都咁滑口, 雖則係叫小, 但份量唔野小, 絶對性價比高!呢度既鮮炸響鈴 ($48)綜觀差唔多枱枱都有叫, 一份有6條, 每條都"粗身大勢", 相當抵食只需烚幾秒就索晒D湯, 仍然保持到內脆外腍, 好味!呢度既丸類可以有半份叫, 點了魚蛋 ($20/半份), 口感帶點腍身, 但魚蛋味幾香!另外亦點了魚皮餃 ($20/半份), 水準普通, 皮煙韌餡多汁!生菜 ($20/半份), 兩個人食就岩岩

踏入十一月, 終於轉涼, 當然會諗起打邊爐啦, 近近地就諗起呢間早到仲可以有卡位坐, 侍應送上點餐紙, 一如以往場內多人選擇招牌芝士黃金鷄及火焰辣麻辣鷄煲, 但仍有其他湯底可選擇火鍋配料選擇多, 留意到有D新加款式, 例如新鮮魚雲, 夠薑鷄滑及手打醉愛鷄丸今晚純粹想打邊爐, 叫左呢個清清地既皮蛋芫茜湯 ($68), 見到大量芫茜已經心心眼, 其他配料包括皮蛋, 仲有清熱馬蹄, 紅蘿蔔, 香甜粟米及滑豆腐, 咁多配料, 啖湯點會唔夠味呢?!每次黎呢度, 好大程度上都係為左呢碟手切新鮮牛頸脊 ($208/小)而黎, 皆因呢度D牛頸脊肉質靚, 每片既厚薄度好岩心水, 太厚烚完會食幾片會好快膩; 太薄呢? 烚完食落就無口感!  呢度只需烚十零秒就食得, 肉味濃又唔韌, 夾埋D芫茜䓤粒一齊食又係另一種食法!  正!!一客8粒既手打鮮墨丸 ($68)又係呢度既必食之一, 粒粒雪白飽滿, 咬落有墨魚粒, 爽口彈牙, 手打製法就係多呢種口感!呢客鮮炸響鈴 ($48), 差唔多每枱必叫, 6大條超巨型, 放落湯底幾秒就食得, 索晒湯底之餘但個皮仍保持脆口, 難怪咁多人都叫啦!呢度既蔬菜可以有半份咁叫,

今次好同朋友一行二人去搵啲有特色嘅嘢食, 朋友又想去一啲坐得舒服而又未去過嘅地方, 之前聽其他朋友介紹知道有一間做雞煲好出名嘅餐廳喺太子叫做米走雞, 而呢一間餐廳喺觀塘區嘅工業大廈裏面間分店, 心諗既然未試過咁不如試下, 咁就膽粗粗咁樣樣去咗食. 去到呢一間餐廳之後發現真係有驚喜, 可能係工業大廈改建而成嘅餐廳, 環境非常之闊落,坐得十分之舒適, 餐枱同餐枱之間嘅距離好闊落, 用餐嘅時候完全唔會覺得有壓迫感.  佢哋依度嘅芝士雞煲做得十分之唔錯, 而且係罕有地用咗車打芝士去做, 價錢方面亦都唔係太貴,十分之大眾化. 另外好值得一提嘅就係呢一個場仲有本地樂隊助陣,有live music聽! 如果三五知己想坐低食下野傾下偈聽下歌嘅話呢個場係一個好好嘅選擇!餐廳門面餐廳內在環境餐牌子薑流心皮蛋呢一個子薑流心皮蛋, 皮蛋做得十分之嫩滑, 中間嗰個皮蛋蛋黃仲有少少流心, 皮蛋嘅苦澀甘香味道配合埋子薑嘅酸,辣,甜味, 可以話係五味佳全, 如果你係食得皮蛋嘅話,呢一個可以話係一個好好嘅前菜!黃金芝士雞煲呢度嘅黃金芝士雞煲十分之有特色, 呢一間餐廳嘅黃金芝士雞煲係用上咗車打芝士做出嚟嘅, 服務員講要冚

收工後想近近地系官塘附近食飯，知道近排官塘有好多工廠大廈食肆，我地系openrice搵到間新開的餐廳米走雞live，見到有芝士雞煲都幾特別。餐廳環境好寬鬆又唔會迫，好多卡位，燈光明亮。幾特別有一部籃球機可以玩兩手，好少餐廳有。芝士雞煲：好特別的芝士雞煲，夾起件雞好似拉絲咁，好濃郁的芝士味甜甜地又唔會咸😋雞是用雞脾肉大大件又啖啖肉，雞件好滑溜又吾會拾拾。手切新鮮牛頸脊，肥脂平均分怖，又不會切得太厚，好濃郁的牛味。黑松露蟹子魚面，魚面混合左黑松露咬落口好香的黑松露味好鮮甜，魚面好彈牙好香。

之前有去過太子的米走雞食芝士雞煲，到現在還回味無窮。得悉在觀塘開了間特別的米走雞 ，今晚和男友上去懷緬一下。這間米走雞走現代路線，環境和裝修都比較新潮，它的燈是一舊舊雲的造型，非常可愛。說了是live，當然有現場演唱欣賞，今天來唱歌的是女歌手，聽說每天都不同呢。餐牌就和其他米走雞是一樣的。因為我們上次已吃了芝士雞煲，今次想嘗試火焰麻辣雞煲。煲滾後店員就會拿著火槍走過來，對著煲內的食物點火，這就是“火焰”的意思火一路燒，店員一路攪拌食物，視覺效果頗震撼的。最後再把旁邊那碗麻辣醬汁倒下去，再焗一至兩分鐘就能吃了。他們的麻辣醬汁非常香，味道濃郁又惹味，那種辣帶麻的感覺十分過癮。我們點了小辣， 所以不會太辣，剛剛好。煲內除了有肉質嫩滑、沒有雪藏味道和大大件的雞件外，還有洋蔥、芫茜等配料，所以整個煲都非常香，好正好正牛頸脊是最嫩的部位，看到雪花紋平均分佈， 就知道這個不錯呢。涮到剛剛熟後拿上來立即吃，就是最嫩滑的時候， 牛肉味道濃郁，口感嫩嫩的，又係正響鈴是一大驚喜位，因為它是即叫即炸的，上菜時店員叫我們小心熱呢。 大大卷的響鈴炸得非常香，下湯後3秒拿上來，外層浸軟了，但是中心還是脆脆的，這種口

有時放假唔想出街, 夜晚開餐時就會過去附近搵食, 尤其係去觀塘, 未必要係地標商場先有野食, 附近工業區一帶都有好選擇! 之前係呢座活化左既工廈其中一層食過飯, 係大堂已經見到呢間出名食芝士鷄煲既火鍋店原來係呢到都開左間新店, 名字加多左個"Live"字, 咩葫蘆賣咩葯呢? 一於試下!佔地全層, 面積相當寬敞, 新開張關係, 店內未完全開放晒, 行入少少已經被呢部籃球機吸引住, 火鍋配籃球機, 係咩玩法呀? 好玩囉! 你試過食食下可以出去玩舖先未呀?! 我未試過, 我真係未試過................但呢度就有得試啦! 唔知遲D會唔會仲有多D遊戲機玩呢?!見到呢SET樂器, 就知道"Live"係咩意思啦, 根據侍應透露, 呢度逢星期二及五晚會有音樂人係度玩Live, 火鍋配Live Band，我諗得呢度至有, 真係地方大就是任性!燈光環境昏暗, 有別於一般火鍋店, 設有卡位, 坐得幾舒適!我上黎係為搵食, 講返呢度既食物先, 最出名當然係黃金芝士鷄煲, 仲有火焰麻辣鷄煲火鍋配料選擇種類都唔少, 欣賞佢蔬菜, 菇菌及丸類設有半份, 可以試多幾款!今晚想只食火鍋, 所

放工後同我條佬去行街順便揾下食咩好，原來米走雞喺官唐都開左分店，我之前同朋友食過太子分店，但個時朋友不食芝士所以只食左麻辣(少辣)，難得喺附近就決定今次去食芝士雞煲yeah～末上去之前都諗梗米走雞LIVE同太子分店係有咩分別，哦⋯⋯原來係整個環境，裝修格調係同太子分店係完全不一樣，一入門口就見到部藍球機，又有live brand ，空間超大，環境昏暗，座位好闊落，坐得好舒服期待己久既芝士雞煲出黎 !! 一黎到要焗一陣先，芝士半溶狀態後員工會幫我地打開，woo... 超香芝士味同洋蔥味 !!撈一撈就食得喇。。我地芝士份量叫"普通" ，但對我地黎講真係算多丫，芝士味唔會好濃，食落一D都唔覺得漏添喎!雖然我地係叫細size ，但份量真的蠻多，大部分都係雞脾肉～勁岩我～我好中意食雞脾肉！大大件之餘，肉質真係真係好嫰滑!! 食完之後就加湯打邊爐。。哇～係加芝士湯 第一次打邊爐係芝士湯底 ～今餐真係好邪惡!!!我地叫左牛頸脊（小），份量都好多喎，雪花紋均勻，不太薄身而且牛味濃，肉質好嫩滑！丸類叫左貢丸同手打五寶丸拼盤，一次過試曬墨丸，鯪魚丸，鮮蝦丸，牛丸，豬肉丸，全部都真材實料，好新鮮勁彈牙！睇到