阿閒泰 (K11購物藝術館)

Open Now

Now Closed

如果行開尖沙咀又唔知想食乜，呢度就係我嘅選擇之一，因為自己一向愛食泰式口味，而座位舒適之外，又近港鐵站，交通十分方便！冬蔭功虎蝦意大利麵 $138兩大大隻虎蝦和青口，還有香葉、草菇、車厘茄等等冬蔭公配料，好有泰式風味，味道一流。泰式鹹蛋黃金單骨雞翼 $78金黃香脆，雞翼有咬口多汁，鹹蛋黄味道濃郁，加埋泰式酸辣汁更滋味。手切肉眼爽彈牛丸船粉 $108牛丸彈牙有牛味，牛肉片厚度適中，船粉卷粉爽口易入口，湯底濃郁，飲到一滴不剩。服務費 $32.4Total $356

救命呀，平日晚上6:30已經要開始排隊，建議大家要早啲嚟串燒併盤分別有羊肉，豬肉同雞肉，串燒份量比較少，作為小食黎講一流。三款串燒都燒得有D 乾身，而且配嘅醬汁唔係我平時食開嘅沙爹醬，呢個醬汁鹹得黎又酸酸地咁，食落都幾開胃。雞肉同豬肉都正常發揮，羊肉比較特別，因為食落唔羶得黎但依舊都會食得出羊肉嘅味道。整體肉質外脆肉軟，點上秘製酸甜醬口味更突出自家手打脆炸蝦餅有3件，依舊份量都係唔算多，新鮮炸起嘅蝦餅熱辣辣，外皮炸得香脆而內部嘅蝦膠爽口彈牙。手切肉眼爽彈牛丸船粉，係用上泰國空運直送嘅卷粉，口感煙韌有少少似河粉，而船湯湯底味道濃郁，同船粉係天衣無縫嘅配合，牛丸同牛肉都係用高質嘅材料，食落零舍唔同。 芒果椰汁糯米上層係乳酪雪糕，下面就係椰汁糯米，呢個甜品唔單只外型一流，而且味道都係滿分。

以前以為大肚婆好多野都唔食得，了解多啲發現其實唔係咁架。最重要真係均衡飲食，無需過份緊張，寒涼同敏感食物盡量避免，小心少少就可以。清淡野我喜歡，有時口痕 泰國菜、咖哩飯、酸菜魚亦唔會抗拒。依日行街lunch time揀左食新派泰國菜，位置0係K11所以比較多人，好在門口有張櫈仔(相信算是打卡位) 岩晒我坐低等下，非常好。帶有熱帶風情既小清新，感覺有啲似Bangkok大商場裡既餐廳。Lunch set選擇有好多：烤雞脆羽衣甘藍牛油果沙律（酸辣汁）$88，雞肉烤得好香，配上羽衣甘藍、牛油果同新鮮蔬果，加入少少泰式酸甜汁，份外醒胃。最欣賞係手切肉眼爽彈牛丸船粉 $98 新鮮手作既泰國幼粉，0係香港的確比較少見，口感煙韌，令我想起0係泰國街頭食粉既感覺。牛丸口感爽彈，牛肉厚身，質感嫩滑易咬，仲配有好多炸豬皮索湯汁，係一碗令人再三回味既泰國船粉😋傳統泰式蟹肉炒飯 $128。炒飯配上啖啖蟹肉，每啖飯都食得非常滿足！而且白飯炒得粒粒分明，有鑊氣！估唔倒依間環境小清新既泰式餐廳都炒出充滿泰國街頭風味，值得一讚！最後，午餐加配當然唔執輸，好好為一個休閒的平日加上了點綴！ +$38 小食「香芒紅菜頭米紙卷

幾個月前的聚餐，而加先記得返，某日的3人食聚，到了阿閒泰食晚餐，新派泰國菜，食物及飲品賣相吸引，加上泰國菜大家都LIKE，一於去試下。餐廳以白色為主，周圍佈置了翠綠的花花草草，有著小清新之感。當晚的餐牌，選擇並不多，點了幾款食物，大家開心些牙。冬蔭功冰涼特飲(非酒精)，$58，好奇一試，賣相好似有少許分別...冇辣椒，唔太似冬蔭功味，唔辣的，淡淡的香茅味，清涼之選。自家製花香斑蘭蝶豆花茶，$52，田會長的，侍應主動解說杯飲品本身以食用花作點綴，但當天冇食用花提供，以薄荷葉代替，欣賞佢地有講明呢，迷人的紫色，倒入薰衣草糖水會變色呢，好夢幻呢。泰式奶茶，$68，自家製奶茶啫喱及奶茶雪條，King的，玻璃樽是泰式紅茶，自行倒入紅茶及奶再用雪條攪伴，有得玩呢。阿閒泰椰青冬蔭酸辣湯(一人份)，$88，來得食泰國野，必想試下冬蔭功，個湯底比較清澈，有蕃茄、蘑菇及蝦等材料，酸酸辣辣味又唔算太辣，味道普通。自家手打脆炸蝦餅，$78，一碟有3件，剛好，蝦餅大件，熱騰騰，入口外脆爽彈，同香口有蝦味，不俗呢。阿閒泰秘製滷豬手，$108，滷豬手夠入味，味道濃郁，口感鬆化軟腍，配上蒜蓉辣椒醋更滋味，滷蛋正常水準

餐廳環境寬敞舒服，最啱靜靜地嘆個lunch~Order左手切肉眼爽彈牛丸船粉，最出色嘅係有炭烤味嘅肉眼扒，好嫰好Juicy! 而且好足料，有好比和牛牛丸油脂極豐滿彈牙嘅牛丸、必配嘅炸豬皮、通菜同少見嘅豬紅！所用船粉係泰國空運卷粉，比較堅韌，好有咬口，最啱鍾意食硬麵嘅我！湯底唔係好濃味，淡淡地有蒜味，飲多幾啖都唔會油膩。仲配清爽開胃沙律同是日荔枝冰茶。環境、食物同服務質素都一流，係一個唔錯嘅lunch選擇！附上lunch menu-