小神燈新派飯館 (Closed)

.將軍澳· 鑊氣小炒中菜&爆膏膏蟹糯米飯小神燈新派飯館 📍將軍澳調景嶺彩明街1號彩明商場2樓251-252號舖➰家人比較喜歡食中菜，所以多數聚餐都會選擇酒樓中菜，近日有朋友推介，就到訪了今次要介紹位於將軍澳商場的餐廳，於晚上7時到訪，餐廳客似雲來，要稍等一會才安排入坐，餐牌多樣中式小炒，非常適合家人喜好。.➰✥椒麻鮮螺片 💲48 ⭐️4.1/5⭐️用上口水汁，螺片爽口彈牙，開胃小食之選。.✥蟹肉菠菜豆腐盒 💲128 ⭐️4/5⭐️豆腐盒炸至香脆，淋上蟹肉及茨汁中和，令口感層次更為豐富。.✥紅酒燴牛面珠 💲128 ⭐️4.1/5⭐️份量非常之多，牛面珠肉軟淋，容易入口，配上紅酒汁非常滋味。.❀招牌焗魚腸 💲108 ⭐️4.1/5⭐️市面上已經很少見的功夫心機菜，魚腸爽彈，配上焦脆蛋皮，口感豐富，送飯一流的手功菜。.❀糯米炒膏蟹 💲568⭐️4.2/5⭐️招牌的膏蟹糯米飯，賣相非常討好，完隻膏蟹放置於糯米飯上，橙紅色蟹膏加上煙韌糯米飯，家人都讚不絕口，非常滿足，值得推薦。 .𖥕仙人掌梳打特飲 💲28 ⭐️4/5⭐️份量豐富，性價比高，入口酸甜。.➰總結餐廳以各式精美小菜作主打，尤其糯米炒膏蟹及招牌焗魚腸都令人一

今日去到彩明商場食飯，餐廳係調景嶺站出閘行幾分鐘就到，位置十分方便。餐廳裝修好靚，新派中菜設計，加埋餐廳好多details位都有加啲懷舊風，十分用心。坐底後店員就問飲咩茶同送上餐前小食。我地幾個人叫左啲照牌菜試下糯米炒膏蟹 $428大大隻膏蟹已經切件，但賣相好出色，加上大大煲糯米飯，超抵食。奇趣脆皮豬手 $168豬手好大份，配上幾款汁醬，外皮香脆，肉好香好juicy，但食多幾舊略微油膩。腿茸菜膽雞(半隻) $148雞件嫩滑，而且汁唔會太重口味，雖然只有半隻，不過都大大份，CP值好高。招牌焗魚腸 $108焗魚腸已經買小見小，唔係好多餐廳都有，做到唔腥膻而且有口感又入味好考廚房功夫，餐廳都做到，仲好貼心有胡椒粉提供。甲羅燒蝦多士 (4件)  $128大大隻蝦，爽口彈牙，而食落唔會成口油。老火例湯 $118好有特色嘅茅台樽裝，平凡嘅例湯即刻好有特色，湯渣另上好貼心。啫啫芥蘭煲 $98好有鑊氣，香氣撲鼻，芥蘭又唔會好老。整體黎講，新派中茶館一黎可以吸引年輕一輩去打卡，再次愛上食中菜，二黎懷舊裝修可以比爸爸媽媽一輩再回憶當年，十分有意思。

裝潢別具香港懷舊特色，紅色吊燈、霓虹燈同、紅色熱色壺... 適合一家大細或一班朋友聚會，坐得舒服又有話題性。食物價錢份量都合理。晚市有套餐，最平 $298有三道餸，性價比高!餐前小食 $15一坐低，先送上熱茶同小食，麻辣涼拌豬皮幾厚身，Q彈開胃，感覺補充左唔少骨膠原。椒麻鮮螺片師傳刀工唔錯! 鮮螺片薄切，所以燙過再涼拌都唔會韌，加入青瓜絲、芝麻同蒜蓉，增添香氣，椒麻味道會令人上癮，輕鬆KO一碟。招牌焗魚腸 $108老香港菜式，工序繁複，唔係好多餐廳肯做! 表面金黃而帶點脆口，入面配料豐富，入口嫩滑，外脆內軟，拌飯一流。魚腸、魚肝食落唔腥，仲食到少許陳皮味，有辟腥作用。蒽蓉水晶雞 $148 (半隻)採用三黃走地雞，肉質嫩滑，尤其雞肶位。面頭鋪滿蒽蒜汁，多到每一塊雞夾起都一定釀到。奇趣脆皮豬手 $198豬手皮異常地又薄又脆，咬落格格聲，相信係即叫即整，肉質比較硬正，但上台時仲微温唔會太韌，點芥茉醬一流。仙人掌梳打特飲 $28適合夏天飲，有粒粒椰果同乳酸爆珠， 而且都幾大杯，兩人share都可以。Asahi 啤酒 $32食大排檔餐當然要啤一啤。

住將軍澳嘅朋友話呢間餐廳好好食又出名👍,啲菜式夠特別,一定要嚟食下~呢個金沙鬼馬百花釀油條非常邪惡😈,因為個面真係碌滿咗鹹蛋黃🥚!個油條炸到脆卜卜,再加埋彈牙蝦膠~作為餐前小食非常開胃~焗魚腸真係好少見,但又好甘香🐟~佢都係用砵仔焗炸,所以表面好脆,而入面嘅蛋又好滑~佢除咗魚腸,仲有啲叉燒條~連埋啲辟腸嘅陳皮同芫茜🌿,真係好香滑~我個人反而最喜歡佢呢個腿茸菜膽雞🐔~個味道係濃咗少少,但真係好香~個汁非常濃稠,有腿茸香味🍖,又有鹹香味~估唔到中式菜館都有炸豬手🐷,而且豬皮脆卜卜,效果唔錯😋!味道調校得好,啲肉就偏乾咗啲,但豬皮真係香脆無油膩感~因為見到隔離檯啫啫芥蘭煲上檯時非常香,所以我哋都叫咗~佢好夠熱,一打開仲係吱吱聲,而且芥蘭炒得好夠味,仲有啲蝦乾添🦐~呢度除咗可以飲茶,仲有酒類同特飲可以叫~朋友叫咗仙人掌梳打特飲🌵,其實即係火龍果味道~而我就叫咗菠蘿梳打特飲🍍~唔算太甜,仲有好多椰果同乳酪爆珠~哥晚去到無耐就全場爆滿了,真係好受歡迎🤩!因為呢度懷舊菜式又有,新派菜式又有,同長輩或者同朋友嚟都好適合~

大隻仔今次覓食嘅店舖就係💥 小神燈新派飯館 💥大隻仔今次介紹一間懷舊特色菜餐廳，餐廳好多菜式連酒樓、大排檔都未必食得到，好似：黑松露玻璃燒鵝、古法金錢雞、焗魚腸、蝦多士、糯米炒膏蟹⋯⋯等等。而且餐廳平日推出晚市優惠套餐，$298 已經可以自選1款小炒+ 1款海鮮+1款雞，真係好抵食。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 餐前小食 $15 （另加一服務費）比較特別餐前小食唔係花生，係豬皮，味道好好，有少少酸辣，似冬陰功味道，做得好出色，酸酸地做餐前小食一流。👍👍🔥 金沙鬼馬百花釀油條 $98 （另加一服務費）鹹蛋味道十足，外層包滿流沙鹹蛋黃，油炸鬼炸得夠脆，中間包滿厚厚既蝦膠，呢款菜式一定要趁熱食，啱啱炸起，熱辣辣，真係好好食。🔥 招牌焗魚腸 $108 （另加一服務費）焗魚腸最重要就係要冇魚腥味、冇苦澀味，呢款招牌焗魚腸做得好好，焗製時間岩岩好，蛋夠滑唔會老有蛋香，表面焗到蕉脆，好食。🔥 蟹肉菠菜豆腐盒 $128 （另加一服務費）玉子豆腐外層鋪上菠菜炸至金黃色，最後淋上

朋友家住將軍澳，作為「村長」嘅佢帶咗我去佢家屋企附近一間餐廳食中菜，佢之前食過覺得唔錯，今次就帶埋我再訪。餐廳裝潢充滿住香港情懷，茶壺、茶杯、電車造型嘅卡位都好有懷舊嘅味道；座位之間都夠闊落，坐得舒服。✨招牌焗魚腸 $108魚腸我未食過，既然喺呢度嘅招牌菜就試下，上面鋪滿一層厚厚金黃嘅蛋，未食已經充滿期待，內裡原來都有驚喜，魚腸嘅口感幾爽脆，蛋香嫩滑，食落充滿層次感，怕腥味可以加少少胡椒粉食落就更美味。✨蔥蒜水晶雞（半隻）$148水晶雞選用走地三黃雞，上面鋪滿一層爆多嘅蒜蓉，雞肉本身都好嫩滑有雞味，加埋濃濃嘅香蒜味道，食慾大開。✨甲羅燒蝦多士 $128蝦多士隻蝦好大隻，咬落爽口，多士食落都好酥脆，配搭埋甲羅燒香濃嘅蟹膏一齊食，勁滿足呀。✨金湯海皇豆腐煲 $98有磨菇、帶子、南瓜、鹹蛋黃、豆腐食起嚟鹹鹹甜甜地，用嚟送飯一流。✨蟹味銀絲鍋 $98粉絲剪成碎碎夾起嚟更方便，入面有唔少蟹肉、芹菜、蟹籽、金菇等配料，食起嚟乾身口感豐富惹味。🍹水蜜桃梳打特飲x2 $56水蜜桃都幾香，有椰果同一粒粒白色嘅珠珠咬落去即爆珠，口感特別，幾好飲。食完呢餐真係大滿足，樣樣都幾好味又充滿特色果然冇介紹錯，環

👨🏻‍🍳新派打卡粵菜🧞‍♂️-平時出街都比較少食中菜 不過見呢間係之前食過嘅姐妹店 仲有打卡同玩嘢menu 比起一般中菜多咗分玩味😚 由menu同裝修到AR睇餸嘅示意圖都知佢地好玩得😹-🦀甲羅燒蝦多士 $128蝦多士平時都有食 不過加埋甲羅燒都冇乜點見過 一上盤已經心心眼 因為總共有四大塊 仲要好足蝦肉 蟹膏蟹肉同蟹子都好足料😍 多士炸完唔會好油反而好鬆脆 加埋甲羅燒 海洋嘅鮮味喺口入面大爆發 佔唔到都幾夾😗-🐥蔥蒜水晶雞 半隻 $148水晶雞本身肉質整得已經好嫩滑 食落唔會鞋 加埋佢嘅蔥蒜醬 香得嚟加咗有少少醋 酸酸地幾開胃 送飯一流😍 仲要半隻已經好大份 最啱一班人一齊share🥰 如果有1/4份㨂就更加好 可以就番2-3人份呀嘛🤣-🐟招牌焗魚腸 $108呢個我哋見到好多枱都有叫 所以我哋都叫咗一個嚟食😂 佢其實係魚腸肉碎同蒸蛋再焗 佢一上菜已經好正 最表面個層嘅蛋係焗到金黃色 形成咗脆脆嘅一層 而中間嘅蛋液仍然維持住少少流心嘅狀態 再加上爽口嘅魚腸 唔會太腥 層次感十足🥳-🍲蟹味銀絲鍋 $98出街食飯最鍾意食啲煲仔嘅菜式 呢個銀絲鍋都落咗唔少蟹肉同芫茜 幾香口😙 因為用咗煲仔上 佢