蜀香 (Closed)

一間廣華街細細既川菜店,以我聽店員口音,應該全部係大陸人主理,所以感覺上會特別正宗我地一行五人有BOOK位所以不用等就入坐,點左好多四川特式小菜,包括有四川擔擔麵 係正宗少湯汁以撈麵形式食法, 辣味濃配以口感彈牙既麵,正川北涼粉 凍食, 涼粉本身爽身易吸汁,所以吸哂辣椒汁,過癮!皮蛋 一半普通皮蛋, 一半四川皮蛋, 若糖心更好拍青瓜 青瓜新鮮筍絲 炒得夠乾身,辣椒既惹味亦都成功滲左入去炒大腸 大腸大得黎爽口有適當既肥膏.配以辣椒,正四川涼糕 特式甜品,好似糕點,密度較低易爛,十分甜,周圍既汁係似拖肥味道,可以一試總括黎計,味道好正宗,就好似置身係大陸甘,辣香料亦炒得好出色

早兩日看見媒體介紹該店的擔擔麵,已經有想吃的衝動。六點三十分,可能未算到晚飯黃金時間,店舖內還有許多空位。兩個男人叫了兩碗擔擔麵,每碗$32,店員叫我地慢慢撈,撈混哂先至好食~擔擔麵入口,已經有一口氣吃光的衝動,因為夠麻香,非常醒胃;起初有微辣,吃落開始有麻痺的感覺,加上有辣油的關係,我吃完已經滿頭大汗。結帳時同店員講擔擔麵好食,店員歡喜地講仲有好多好菜式可以試

過去幾年一直在大陸居住，自從懷孕以後我就搬返香港，畢竟有屋企人照顧，不過就極之懷念在大陸的川菜。幾個月前去過四姐，但有點失望，覺得為了迎合香港人的口味，味道已經不太正宗。一個多月前，有次坐地鐵，我無意中看到坐我隔離的乘客手中的一本飲食雜誌介紹這家川菜館，離我屋企好近，所以就馬上過來試試。第一次來我叫擔擔麵＋口水雞的午市套餐。擔擔麵上有碎肉和四川的芽菜，我很驚訝居然能在香港食到四川芽菜這個東西。侍應提醒要趁熱將麵同底下的汁撈好。跟廣東/台灣的擔擔麵不一樣，四川正宗的擔擔麵的汁不多 (請不要擅自加上湯或口水雞的醬), 比較乾身。這個擔擔麵的花椒味很重，夠辣夠麻 (不能吃辣的可以叫小辣或走辣，我第三次來叫了小辣，但還是覺得原味的好食)。我最心欣賞就是那個麵，比較硬身 al dente，口感一流。  口水雞也做得很不錯，好香，一d都不鹹，而且分量很多，裡面有 6-7 塊雞。隔了一日，又過來試新菜。侍應見我又來，問我大肚可以吃咁多辣野嗎? 散叫了四川涼麵和炒土豆絲，這次收斂了，涼麵叫小辣。這裡的涼麵比四姐的好食好多。又辣又酸，比較開胃，上面有花生碎。炒土豆絲的花椒味很重，比在大陸一般吃到的土豆絲