花漾

Open Now

Now Closed

同同事食lunch， 4個人3個餐加小食， 份量都足料好大份。♡新加坡炒粿條 $128粿條同普通河粉無分別， 辣椒粉好辣， 怕辣嘅朋友小心唔好撈埋一碟～♡新加坡大蝦喇沙摻摻 $98好大一碗，味道正宗， 除左大蝦有魚蛋、魚片、豆卜、蛋， 好豐富。♡花漾海南雞飯 $98賣相唔錯，無骨海南雞，份量大，油飯配魚蛋湯。
♡芝士蟹粉蟹肉焗酥盒 $82小食偏貴，熱辣辣即叫即整， 但口感一般，酥皮唔脆，蟹肉唔夠多。♡斑蘭咖也多士 $36邪惡化身，醬同牛油都好滿， 多士有烘底，但如果係切邊厚多士就最perfect 啦～♡海鹽雪糕椰汁珍多冰 （套餐+$12）雪糕好味， 但粉條雪得太硬，飲品真多冰。♡凍南洋咖啡套餐配飲品，但凍飲建議要求少冰， 咖啡偏細杯～♡熱南洋咖啡

嚟到時代搵嘢食 朋友話想食串燒 見喱間又幾光猛又多人排隊就試試佢 應該唔會差吧 等咗半個鐘可以入去入到去座位與座位間都幾擠擁 坐就唔會坐得舒服 再睇下個menu 同一間連鎖馬拉店啲菜式同餐牌製作係一樣架 唔知係咪只係改個名 但本身連鎖食開嗰間係好味嘅 而依間質素就相差甚遠啦 嗌咗：招牌新加坡大蝦喇沙摻摻街頭串燒拼盤（雞肉 大蝦 魷魚鬚）牛油果青蘋果核桃沙律新加坡炒粿條摻摻 中規中矩 喇沙味有嘅 但椰汁香氣不足 成個湯底要再濃郁啲 摻摻軟硬適中 大蝦唔新鮮 材料亦唔多 魚蛋又唔彈 依個價錢唔合格串燒 極度失望之作 魷魚又硬 幾乎咬唔開 仲要插住支簽好難拉 雞肉"hi"口又硬又無味 大蝦唔新鮮 無味道唔知咬緊乜 沙律 一上枱 俾佢個賣相嚇親 好醜 但食落個味係唔差 蘋果爽口 核桃係脆 個汁調校得唔錯 甜甜地混合埋牛油果泥 不過可以改善返個擺盤囉炒粿條 係全餐最好味架啦 不過唔駛對佢有期望 因為同茶記干炒牛河個汁係一樣味 佢加咗啲印尼特式配料 更準確地講 係同茶記印尼炒飯一樣 只係換咗粿條底 其實係粗麵嚟 麵係軟硬適中 但完全唔值依個價整體而言 依間嘢 我建議你去食茶餐廳得到嘅味道同飽足感係

雖則餐廳座位算多，但係閒日夜晚係需要等位，睇黎大家都係報復式消費🤪▪️ 新加坡炒粿條（6.5/10）💲128食落幾有鑊氣，麵條係油麵同河粉混合，口感比較豐富，味道會係偏濃🤨不過全河粉既話會更加合我心意😳入面有青瓜、臘腸、魷魚、已經剝左殼既蝦等，尤其鍾意個花生碎香😛另外侍應上菜時溫馨提醒有大量辣椒粉，試左少少絕對係非一般既辣，堅係食得辣既先好加，否則記得走辣🫠 ▪️ 參答醬燒豬頸肉（7.5/10）💲96幾大塊之餘仲要厚切既豬頸肉，口感爽彈有嚼勁，不乏炭燒同埋油脂香🫢配上個辣既參答醬，就算唔蘸都已經好惹味▪️ 炒通菜（馬拉盞）（6.5/10）💲78通菜幾爽脆，馬拉盞係帶微辣同重口味，對我黎講會偏鹹，如果可以揀少油少鹹就好🤣▪️ 椰青（7.5/10）💲46幸運地叫到當日最後一個椰青，夠曬大同埋清甜解渴度一流😎🔎 整體評分（7/10）

想念新加坡的味道，特意來到花漾懷緬一下星味；這是由經驗豐富的馬來西亞大廚主理。餐廳多卡座，坐得舒適午餐有最地道/ 受歡迎的菜式 + 飲品 , 也可以另叫小食。❤️‍🔥新加坡炒粿條$128這個星馬平民美食風味十足，味道近乎新加坡地道的小炒店/小販中心，鑊氣夠。粿條滑溜不易折斷混合麵條，加上東南亞肥嘟嘟爽口芽菜 / 蔥 / 花生粒 ，口感不錯 ， 撈上辣粉，更加惹味，值得一讚剝蝦殼功夫跟足東南亞，連蝦尾殼也剝掉，可以一啖吞下新鮮蝦肉❤️‍🔥海南雞飯拼白胡椒肉骨茶 $128可以一次過吃兩道新加坡名菜👍🏻 海南雞嫩口不肥膩配三色醬，油飯粒粒分明偶爾有少少飯焦更覺香口 ； 這個肉骨茶偏向新加坡口味，不是香港人熟悉的馬來西亞口味，所以沒有藥材味，只有濃烈的白胡椒味，辛口 ❤️‍🔥燒魷魚鬚 $82燒魷魚香味撲鼻，燒得脆卜卜配上參巴醬❤️‍🔥斑蘭咖也多士 $36多士中間夾着甜甜的斑蘭醬加上牛油融為一體，醬濃烈湧出鹹甜配… 溫馨提示趁熱食及小心滴醬❤️‍🔥香茅青檸荔枝梳打 （餐飲）香茅及香草味濃烈，清新

我和先生都好喜歡星馬菜，今天行時代時見這間餐廳裝修靚靚便去試一下，原來非常高質，很是滿意。我們叫了兩個午餐，都包飲品，而且多餸足料，再加個芽菜和甜品，滿足了。吉羅什錦咖哩麵（$126）咖哩麵（Curry Mee）是馬來人和華人等不同文化混合的麵食。湯底是加了椰奶的咖哩湯，味道非常濃郁。話明是什錦，超多餸，有蝦仁、鴨肉、魷魚粒、豆卜和青豆，還有炸蔥。麵條是摻摻：米粉加油麵。整碗麵香濃夠料，好好食。新咖坡炒粿條（$128）又係超多餸，蝦仁、臘腸片、魷魚粒、蛋絲、肉片知芽菜，真是每一啖都有餸。碟邊還有青瓜、花生粉、青檸和辣椒碎，可按自己喜好添加拌勻。粿條原是比河粉更有彈性和更粗厚的，但這兒加了油麵來炒，較失望，幸好整體用甜醬油炒得香噴噴有鑊氣，一樣好食。怡保芽菜（$62）怡保芽菜肥嘟嘟，又爽又甜，師傅炒得很好不會水汪汪，加上馬拉盞，吃到停不了口。古法黃金條（$48）黃金條其實是馬蹄糕沾粉漿油炸，今次是我在香港暫時吃過最好食的，不過炸物始終較多油。馬蹄糕口感軟嫩；外皮酥脆又薄，已調味有少少鹹鹹地，配清甜馬蹄糕好夾。桔仔話梅水（$0）香茅青檸荔枝梳打（$0）兩款跟餐飲品都好夠味。