金鶴拉麵 (利民大廈)

Open Now

Now Closed

放工夜晚，約朋友嚟到旺角嘅金鶴拉麵食晚餐，喺地鐵站附近交通好方便。店內以日式風格裝修為主，好似塊咗日本拉麵店咁。今晚我哋點咗兩碗拉麵同小吃，已經好飽啦～✨黑蒜醬油拉麵黑蒜醬油味道濃郁，加上芝麻同洋蔥調味，鹹香味濃，啖啖都有黑蒜嘅香味，麵嘅軟硬度啱啱好👍🏻雞肉香嫩又滑，好好食！✨香辣豚骨湯拉麵因為有秘製香辣味噌，第一啖嘅時候覺得有少少辣，不過愈食愈滋味！而配料都非常豐富，有慢煮雞胸肉同黑豚腩肉叉燒、溏心蛋及炸牛蒡。✨日式餃子🥟食拉麵點可以唔叫日式餃子🥟，配埋醬汁食，餃子香脆可口。 ✨明太子手羽先雞翼皮脆肉嫩，仲有明太子餡料，食落美味開胃，好邪惡呀！

好多時食拉麵都只係得🐷豚肉拉麵揀，不過「金鶴拉麵」就有好多選擇，除咗有【招牌】雞白湯拉麵外，仲有牡蠣🦪、龍蝦🦞、蟹🦀️、醬油、鹽味等選擇，梗有一款啱你口味。😂⭐️推薦❗【招牌】極濃雞白湯拉麵($138)上菜嘅時候見到呈奶白色湯底起晒泡，原來係特色黎架，內有乾坤！😂湯底由🇯🇵東京空運直送，以日本赤雞、素菜、鰹魚等熬製而成，上枱之前用攪拌器打至柔滑起泡～😎所以湯底濃郁香滑，入口鮮甜，骨膠原感十足！麵條爽滑又掛湯，炸牛蒡可蘸一蘸湯汁食，就咁食都得，夠晒香脆可口，配上慢煮日本薩摩赤雞胸和火炙黑豚肉叉燒，赤雞肉柔軟嫩滑，叉燒唔會太肥，肉質鬆化，入口即溶，溏心蛋雖然唔係好流心，但勝在蛋香。👍🏻小妹就最鍾意❤️重口味！所以揀咗黑蒜醬油拉麵（$98）烏黑色嘅黑蒜油浮在拉麵表面，味道濃而不膩，同樣地配上慢煮日本薩摩赤雞胸和火炙黑豚肉叉燒，加上黑木耳絲、蔥花、紫菜等配料，重口之選！日式餃子🥟（$38/4件）煎得金黃香脆，餃子皮唔會太厚，菜肉內餡飽滿紮實，可以一試。令我覺得最貼心嘅係，拉麵仲可以改為素食選項！💕

今日終於去左金鶴拉麵食拉麵之前已經聽過好多人介紹過佢既拉麵, 所以都叫咗兩碗拉麵試吓小店係偏日式風格, 拉麵湯底選擇幾多, 除咗有期間限定既牡蠣湯, 仲有蟹湯, 雞白湯底等等我哋就叫咗瀨户內海產蠔湯拉麵同黑蒜醬油拉麵, 另加日式餃子牡蠣湯底超鮮甜, 飲落蠔味香濃黑蒜醬油, 一上枱就聞到超香嘅蒜蓉味湯底比較清, 仲有淡淡麻油香一碗有齊各種配料, 面頭仲有日式叉燒片同慢煮雞肉, 超級嫩滑拉麵軟硬度適中, 夠晒彈牙而日式餃子外層煎得香脆, 餃子皮夠簿新, 好香口

之前返工係中環食過一次，個次因為疫情關係，晚市得外賣自取，但外賣都令我回味無窮，好少外賣返去都咁好食，今次經過旺角見佢又開分店，終於可以堂食了！！今次見到Menu有極濃雞白湯拉麵🍜 Menu上寫着湯底用原隻雞煮咗八個鐘以上，好正咁，所以我同男朋友都揀咗一人一碗🤤好快就嚟到，哇！超大碗，擺盤好壯觀，好吸引，見到都忍唔住了！湯底真係好濃！由於冇味精湯底，更加突顯到每種食物嘅原汁原味，其實湯底真係唔需要咁多味精，食物嘅原材料已經係最好嘅調味品好感動，終於搵到一間冇重味精嘅湯底，以前食開味精拉麵都會好口渴，呢款唔會啦～超級推薦！！雞肉（兩塊）同豚肉叉燒（超大塊）都好好咬🤭另外炸左啲針菜好惹味，呢碗簡直冇得頂！！唔食真係走寶！日式餃子🥟4隻，新鮮熱辣，好味😋黑豚肉腸4條，口感煙韌，好好咬！整體來講，一碗冇味精又有濃雞湯嘅拉麵，好值得一試👍🏻食到好飽，滿足！男朋友仔仲飲曬啲湯🤭🤭回鋪再食指數：💛💛💛💛💛/5星滿分