北斗

Open Now

Now Closed

初嚐串揚omakase，朋友帶我黎到九龍城"北斗"食好西🤭門面較低調，內裡卻有眼前一亮嘅感覺，雖然座位不算多，但勝在夠安靜舒服。餐廳全部料理都係由日籍廚師主理，而食材刺身魚類都係來自日本當日進口香港，相當新鮮。晚食分別有 北 $980 同埋 斗 $1380，同朋友都揀左斗，可以食埋刺身同埋燒物😋✨先付 // 牛蒡漬 & 蒜頭漬✨前菜 // 青森縣 大間鮪魚赤身 & 北海道海膽擺盤有心思，赤身砌成玫瑰花，好睇又好食，味道好鮮甜✨清湯 // 蜆湯用茶壼裝住好別緻，味道鮮味清甜，內裡仲有大大隻蜆🤭✨刺身// 北寄貝 、深海池魚、鯖魚、北海道生蠔、炙燒大拖羅最鍾意深海池魚同埋大拖羅，非常肥美，炙燒後魚油香氣撲鼻。北海道生蠔大大隻好滿足，入口爽滑。鯖魚完全無魚腥味，好鮮味。北寄貝加左啲柚子汁入口清新爽脆。✨串揚 // 京都茄子、魷魚&三文魚子、白鰻魚、沙鎚魚、秋刀魚串揚上嘅粉漿好薄，咬落好酥脆而食材亦保留肉汁和鮮味，每一道都好出色。魚肉肉質好嫩滑，唔捨得食晒🙈✨燒物 // 神戶和牛厚切和牛粒燒得好香，肉質軟腍，加左黑椒粒好惹味。✨食事 // 明太子茶漬飯前面已經食到飽晒，但有我最鍾意嘅明太子一

今日同朋友慶祝🩷去左試九龍城呢間omakase，佢晚市分左兩個set，我地揀左有刺身嘅 斗 $1380 🌟＊＊＊＊＊🍞先付吸油麵包、橋頭、牛榜＊🍱前菜黑松露 佐 蟹膏豆腐 伴 北海道海膽＊估唔到豆腐可以做到超級濃嘅蟹味😍有啲紫蘇花可以解膩好細心🩷剩係個前菜已經令我十分驚喜啦！🫖清湯蜆湯＊今日嘅湯係大蜆濃湯，非常鮮甜，隻蜆超大隻🤩🐟刺身北海道帶子＊ 已經調味，有啲檸檬味好fresh深海池魚＊ 有加特製watsabi，調味適中黑睦魚＊ 有燒過 非常之香☺️北海道紫海膽 佐 日本海富山灣白蝦＊ 呢個大滿足呀🤤上面仲舖左啲黑松靈添大拖羅手卷＊油脂同魚肉平均，香濃嘅油脂食落超滿足🥰🍆串揚京都茄子串揚＊ 啖啖肉！希靈魚魚子 包 子持昆布＊ 上面有啲鏗魚木碎同櫻花蝦，令口感好豐富九州鮑魚＊ 好大件😋炸紫菜海膽＊ 非常新鮮嘅北海道海膽！炸松葉蟹＊ 混合左蟹肉同蟹膏🦀，非常之濃郁！再加埋面層輕輕炸過，極香！🥩燒物燒A5神戶牛＊ 油脂豐富 煎到五成熟 好香 而且口感一流🤤🍚食事明太子茶漬飯＊鹹鹹地嘅明太子加埋好香嘅白芝麻，溝落茶漬飯超正😍勁快食晒成碗！🍈甜品靜岡冠蜜瓜 Crown Melon＊水果級蕃茄＊＊

九龍城出名泰菜就個個都知，但係都俾我搵到一間大隱隱於市嘅日本餐廳，主打懷石Omakase。店舖細細，但係門口就以典型嘅日式建築裝修，非常吸晴同好啱打卡👍🏻，店內就以簡單嘅L形吧枱為主，位置都好有限。午市有兩款套餐選擇—「北」&「斗」，我就揀咗「斗」✨前菜- 漬物 芥末山藥 漬魷魚前菜擺盤好靚，師傅好nice咁逐一介紹各樣前菜。樣樣都不過不失，但係芥末山藥最驚喜，口感爽口清甜，淡淡芥末增加左山藥嘅甜度，顛覆我對山藥嘅既定形象😳😳✨蜆湯擺盤超級吸晴，蜆湯非常清甜可口，入面有一大粒蜆肉同杏鮑菇👍🏻刺身✨柚子帶子配海膽新鮮嘅帶子就會有佢獨有嘅鮮甜味，配上柚子汁，更加清甜開胃，而海膽都好新鮮，一啲苦澀味都冇。✨火炙鰹魚&赤鯥鰹魚就正常水準，而赤鯥表皮燒過之後油香味撲鼻，食落魚味鮮甜，口感豐富👍🏻✨火炙大Toro: 紫菜包住炙燒完嘅大toro入口即融，滿口油香，脷之滿足🤤✨宮城蠔配三文魚籽: 大大隻宮城蠔，飽滿多汁，鮮甜美味，鹹鹹嘅三文魚籽更吊出蠔嘅鮮味👍🏻串揚 ✨串揚京都萬願寺辣椒 師傅介紹出自京都嘅萬願寺辣椒100隻得1隻會辣，可惜我食嘅係另外嗰99隻，辣椒表皮由麵包糠加蛋漿，炸到香脆，食落去

放假啦！身邊朋友都必問：「會飛邊？」我每次都傷心地回：「沒有地方飛！」的確好想飛日本，可惜時間、金錢都令我卻步！未能出發，只好安排吃多幾餐我最愛的廚師發辦代替，開心指數都不少呀！今晚就訂了位於九龍城的北斗，期待！一拉開門就見到牆上那隻巨大的彩雀，好吸睛！接着就聽到幾聲清脆的雀聲，好有心思！店子位置不多，只有一張L型吧枱，正好讓師傅們關顧每一個客人。晚巿廚師發辦有兩選擇，正正是店名，北North($980)和斗Tussle ($1380)。我選了後者，有先付、前菜、清湯、刺身、串揚、燒物、食事和甜品，非常豐富。***********************先付是富山灣芥末八爪魚，切成小粒，爽身鮮味，帶少少芥末辛辣，刺激味蕾，好的開始。***********************接着前菜，北海道鮑魚加了小黃菊花瓣和紫蘇花芯，賣相很優美。鮑魚已切成一片片，方便進食。鮑魚刺身入口冰涼，肉質又爽脆又鮮味，師傅加了少許柚子酸汁，酸咪咪，好fresh!***********************蜆清湯以一個日式茶壺配功夫杯盛載上枱，好有特色。一揭開蓋子，陣陣鮮香，湯身好清晰，見到大大隻的蜆肉和一

初嘗Omakase～～ 泰國餐廳林立嘅九龍城有間以簡約木系設計嘅Omakase— 北斗，未入去已經感受到日本小店風。日本師傅住場，全程以英文交流。係語言障礙下都冇阻師傅嘅熱情，佢每次都會介紹食材來源，建議食法。對於我呢啲初哥，真係獲益良多。「斗」午市總共有咁多樣嘢食：先付、前菜、湯、刺身、串揚、合肴、食事、甜品。漬物有紅酒漬蕎頭同木魚花醬漬蒜頭。前者帶微酸，好開胃。而木魚花醬漬蒜頭好脆口，唔講唔知係蒜頭。經過醃製，蒜味已經大減。前菜係好精緻嘅北海道白蝦肉配白子豆腐、炸澤蟹。白蝦肉鮮甜。第一次食澤蟹，比我姆指仲細少，一開始仲以為係裝飾。炸得脆卜卜，最驚喜係係細少嘅身體入面都有飽滿嘅蟹肉。湯係鯛魚雜菌湯，內藏大大片鯛魚。第一個刺身係北海道帶子。師傅用咗海鹽同柚子皮帶出帶子清甜。第二個刺身係深海池魚。面頭有輕輕灸過，更加帶出魚油，而面頭同時有芥末子，平衡左油膩感。口感方面魚肉嫩滑。肥美嘅大拖羅用一片紫菜包住，輕輕放入口，好快喺個嘴融化到。魚油脂十分甘香。生蠔賣相好吸引，喺大大隻生蠔上仲有柚子酸汁同埋紫蘇花。柚子酸汁更加帶出淡淡海水味，完全唔腥。嚟到呢間舖頭嘅名物— 串揚。第一樣係炸日本青眼魚

平時黎九龍城都係為左食泰菜多，即使有他菜系，都係就朋友地點先會揀九龍城，好少會慕名而黎。不過最近聽食友介紹，哩度有間由日本人主理嘅廚師發辦，菜式精緻特別，仲可以一次過食勻刺身同串揚，所以就趁放假黎試下。北斗以日本古代房屋做門面，行過都幾突出。店面唔大，大約只坐倒十位食客。不過最特別係佢地有一個日本師傅坐陣，築島師傅由日本黎香港已經有三十年，佢嘅英文比我地認知嘅日本人好好多，所以上菜時師傅都會用英文作簡單介紹。聽店長解釋，師傅而家已經冇親自落手落腳，主要係做監督同研發菜式嘅角色。每個位都有一個調味碟，左面係日本椒鹽，右面係檸檬汁加芥辣，基本上大部份野食都有調味，如果真係覺得唔夠味先蘸，我自己就冇用到。吧檯上面放左漬物，係紅酒漬蕎頭同木魚花醬漬蒜頭，我特別鍾意後者，鹹鹹辣辣好惹味。中間塊麵包唔係用黎食，而係用黎幫陣間嘅串揚吸油用嘅。北斗嘅廚師發辦分左兩個餐，分別係北($580)同斗($880)，今次我地就揀左貴啲嘅斗，佢包左刺身同串揚各四款，另外仲有前菜、湯、飯同甜品，非常豐富。前菜 - 下面唔係普通豆腐，而係白子豆腐，上面係白蝦肉，旁邊係澤蟹，白子豆腐好滑溜完全唔腥，白蝦肉口感似甜蝦，不

而家有港鐵站，去九龍城方便到不得了。同閏蜜黎呢度尋寶，尋到呢間評價唔錯嘅日式餐廳。玄米茶加自家漬物做opening，已經好期待跟住落嚟嘅菜式～由淡至濃，刺身相當鮮味肥美，魚油喺口中慢慢滲出個種滋味超正。時令刺身都講究部位，例如5、6、7月時令係深海池魚，背部做刺身，腩肥美嘅油做炙燒，用最適時當造嘅食物，配上恰當烹調，可算係omakase嘅精粹。師傅用自家磨天婦羅小麥粉，所以炸物嘅外層係非常薄脆，有馬花椒日本鴨胸、醃製蟹籽夾醋青魚，當中少少岩鹽少少自己調味，每口食得出烹調嘅細膩，尤其鴨胸，香脆表面內藏厚實嘅鴨胸，相當好味！呢個季節最適合飲梅子湯，大大粒梅子，慢慢越來越濃嘅梅子香味，岩哂我！啖啖肉三倉伊勢龍蝦，連湯飲埋，厚實多肉爽口，有少少湯嘅咸味，超級好味！我揀咗明太子茶漬飯，辣辣地又有鮮味，好岩食嘅夏天漬飯。甜品係檸檬雪芭，冰涼又酸酸地，仲有兩粒精緻嘅麻薯，完美呀。日本廚師Watanabe san好nice，講左好多佢地日本有報嘅嘢比我地知。笑下食下，靜靜地好enjoy呢餐美味嘅尋寶之旅。