Video
Read full review
2020-11-03
44 views
鴻圖中心入面有好多野食，見到間餐廳叫「鴨仔冰室」個名幾得意，見佢有得鋸扒就一於試試。我同朋友共點了4個餐：慢煮雞胸燒南瓜雜菜沙律、鴨仔鐵板什扒、焗白汁海鮮意粉同埋香煎龍脷柳刁草忌廉汁配飯。加$5可配湯，加左$5點左湯。是日餐湯係南瓜忌廉薯蓉湯，去嘅時候餐廳重有萬聖節裝飾，餐湯重係南瓜湯好應節呀。湯好滑，薯蓉混入湯中有口感。湯落左香草同胡椒碎粒好香口。「慢煮雞胸燒南瓜雜菜沙律」落左醋同橄欖油令個沙律冇咁乾。沙律菜新鮮爽脆唔會苦。雞胸唔會有雪藏味，夠新鮮，有香草味。生洋蔥為平淡嘅沙律添上辛辣味。蕃茄仔又甜又酸，開胃醒神。南瓜鮮甜，切成薄片燒，燒得啱啱好，唔會燒到腍得滯一咬就散。食完沙律菜再食扒，有菜平衡番，感覺都冇咁罪疚。黎到鴨仔冰室又點可以唔試下「鴨仔鐵板什扒」呢？一上枱，侍應就幫忙淋上醬汁——「咋咋」聲，證明個鐵板夠晒熱呀！什扒共有三塊，分別係豬扒、牛扒同埋雞扒，重有一條司華力腸，加埋薯菜，多到塊鐵板都裝唔晒呀！咁多野食都係$128咋，重包三種扒，真係一次過滿足你三個願望呀！豬扒肉質實淨，落左香草，幾香口。牛扒薄切，黑椒同牛嘅肉汁好夾。雞扒較豬扒同牛扒厚，未食，就咁擺近個鼻已經聞到好香
我同朋友共點了4個餐：慢煮雞胸燒南瓜雜菜沙律、鴨仔鐵板什扒、焗白汁海鮮意粉同埋香煎龍脷柳刁草忌廉汁配飯。
加$5可配湯，加左$5點左湯。是日餐湯係南瓜忌廉薯蓉湯，去嘅時候餐廳重有萬聖節裝飾，餐湯重係南瓜湯好應節呀。湯好滑，薯蓉混入湯中有口感。湯落左香草同胡椒碎粒好香口。
「慢煮雞胸燒南瓜雜菜沙律」
落左醋同橄欖油令個沙律冇咁乾。沙律菜新鮮爽脆唔會苦。雞胸唔會有雪藏味，夠新鮮，有香草味。生洋蔥為平淡嘅沙律添上辛辣味。蕃茄仔又甜又酸，開胃醒神。南瓜鮮甜，切成薄片燒，燒得啱啱好，唔會燒到腍得滯一咬就散。
食完沙律菜再食扒，有菜平衡番，感覺都冇咁罪疚。
黎到鴨仔冰室又點可以唔試下「鴨仔鐵板什扒」呢？一上枱，侍應就幫忙淋上醬汁——「咋咋」聲，證明個鐵板夠晒熱呀！
什扒共有三塊，分別係豬扒、牛扒同埋雞扒，重有一條司華力腸，加埋薯菜，多到塊鐵板都裝唔晒呀！咁多野食都係$128咋，重包三種扒，真係一次過滿足你三個願望呀！豬扒肉質實淨，落左香草，幾香口。牛扒薄切，黑椒同牛嘅肉汁好夾。雞扒較豬扒同牛扒厚，未食，就咁擺近個鼻已經聞到好香，雞肉冇冰鮮味，可能醃了香料，入口好夠味。薯菜配菜有鮮菇、紅蘿蔔同椰菜。鮮菇爽口，紅蘿蔔同椰菜完全冇草青味。紅蘿蔔甜甜地。椰菜新鮮爽脆。薯條份量都幾多，索埋什扒嘅汁食好惹味。
「焗白汁海鮮意粉」
焗白汁海鮮意粉入面有豐富嘅海鮮，就咁睇係睇唔出，因為海鮮被芝士覆蓋晒，同芝士融為一體，要用口慢慢品嚐先食得出。食得出有魷魚同蠔仔。魷魚質地挺實，蠔仔唔鯹。芝士份量夠晒多，啱晒鍾意食芝士嘅朋友。芝士為意粉添上鹹香。
「香煎龍脷柳刁草忌廉汁配飯」
刁草忌廉汁聞落去好香，食入口好淡，感覺好輕盈，唔會覺得好似食左茨咁。龍脷柳好薄身，外層是薄薄的一層炸粉，冇油膩感。成日好驚龍脷柳淡茂茂，但係呢度嘅龍脷柳有少少鹽調味，味道都不錯。
食左咁多肉，於是決定加多$5點杯熱檸檬水清清喉嚨解解膩。檸檬有三片，重要厚切！檸檬夠新鮮，飲落有檸檬香唔會苦。
總括黎講，鴨仔冰室嘅晚餐性價比高，以平民嘅價錢鋸扒算不錯了。
Post
