昼月

Open Now

Now Closed

作為一個酒鬼，之前見到廣告佢哋做緊女士$98 / 男士 $168 任飲三個鐘已經勁有興趣！！仲話有超過35款 Sake，即刻send俾同樣都係酒鬼嘅朋友sss睇😂呢日終於約咗朋友去試，發現揀咗日好日，原來逢星期一叫清酒任飲，串燒仲可以買一送一！！！送酒一流！！！抵到爆😍酒鬼去到當然睇咗酒櫃先😌😌大量1.8L清酒任斟！勁興奮🙈職員介紹雪櫃嘅清酒左排辛口啲，右排light啲果味重啲，建議右邊飲起。我望過好多都係純米大吟釀，酒鬼表示非常開心好啱飲～正😍 至於嘢食叫咗呢啲：#昼月雞肉玉子丼 $158食得出有雞軟骨，好有口感，玉子好厚身，甜甜地好食，其實我幾鍾意食玉子👉🏻👈🏻😂😂 #串燒買一送一 #厚燒豆腐 $28 - 自從發現燒嘅豆腐好好食之後成日都叫，呢個燒得好香脆，個汁甜甜哋，好食！#鹽燒雞尾串 $68 - 之前未食過😂朋友話不如試吓，原來好淋，個口感都幾特別！仲幾好食！#大蔥雞肉串 $68 - 個雞肉唔鞋，夾埋個汁正👍#鹽燒大虎蝦 $98 - 新鮮！大隻！又彈牙！#酒漬蕃茄 $68 呢個酸酸甜甜，作為開胃菜一流#海鮮天婦羅 $138有鰻魚、炸蝦、南瓜，上面唧咗啲甜甜哋咸咸哋嘅汁，我幾鍾意

這間日本餐廳位於銅鑼灣，主打精緻的日本菜式，店內環境寬敞舒適，以簡約木系裝潢為主題。昼月雞肉玉子丼 - $158厚度十足的免治雞肉扒，鮮嫩多汁，更有雞軟骨添爽脆感，蘸上月見汁，日本鮮雞蛋好幼滑；紮實豐厚的玉子燒甜滋滋的，鬆軟又柔嫩，有濃厚的蛋香。燒澳洲和牛西冷 - $198和牛西冷有著豐富且平均的油脂分佈，鮮嫩又多汁，肉味比肉眼更為濃郁，肉質有彈性有微微嚼勁，燒得帶陣陣炭香，連嫩筋也脆口。海鮮天婦羅 - $138即叫即炸的天婦羅金黃酥脆且毫不油膩，兩條鮮海蝦肥美飽滿，爽滑彈牙；兩件鰻魚紮實嫩滑，帶有飽滿的魚脂香；還有香菇及南瓜等野菜平衡膩感。燒左口魚邊壽司 - $38炙燒逼出甘甜的魚油，濃郁甘香，肥美而爽口。山葵八爪魚軍艦 - $28一粒粒爽滑彈牙的八爪魚，有陣陣山葵的香辛刺激。雞中翼 - $36即叫即燒，咬開酥脆的外皮，雞肉嫩滑多汁。清酒限時任飲 - $168超過35款日本酒3小時任飲。有興趣的口味可先小酌一杯，再斟滿一碗。特別喜歡這支大那的純米吟釀，優雅又具豐富層次的秋季特別版。

朋友話放工要放鬆下，就俾人帶到銅鑼灣居酒屋聚一聚。地點十分方便，sogo行一兩分鐘就到。今日星期三晚都坐滿，真係要訂座。環境裝修簡約，整潔光猛，帶日本色彩。單品價錢唔貴，食物種類多元化，下酒菜、傳銷、壽司、甜品。最重要係$298清酒任飲，星期一至四仲有lady night $98任飲。職員仲有介紹邊款酒易入口。昼月雞肉玉子丼 ($158) - 應該係餐廳的招牌菜，厚厚的免治雞肉加上厚厚的玉子燒，分量十足之餘，免治雞肉的一d都唔鬆散，有咬口我玉子燒好軟熟。再配上生雞蛋同美味醬汁，令免治雞肉口感更滑溜，口感多層次。小食就比較出色是雞皮餃子（$58)和明太子玉子燒（$48)。雞皮餃子外脆內軟，入面仲好多汁。而明太子玉子燒就不用多說，餐廳的招牌是雞肉玉子丼，所以玉子燒也是得高質。朱古力牛角窩夫 - 通常居酒屋的甜品通常都是雪糕，見到有牛角窩夫呢個超驚喜。即叫即整，正！

同朋友聚會 都鍾意揀唔同餐廳試💌朋友今日帶左我去食日本野🇯🇵位於銅鑼灣的昼月📍-環境好闊落 慢慢坐的確舒服☑️都係以日式為主，有小食、刺身、串燒等🍣🍢🍜🍲壽司方面都幾多選擇🍣我地點了日本松葉蟹蟹膏軍艦2本🔸燒左口魚邊壽司2本🔸油甘魚壽司🔸三文魚壽司🔸壽司係精緻之選，新鮮同埋都多款♥️-串燒方面我就點了甜蕃薯🍠本身鍾意食蕃薯，所以岩我! -主食方面，朋友點了昼月雞肉玉子丼🍚玉子另外上，加埋熱辣辣的雞肉，好香口蛋汁連埋珍珠米 呢個組合好夾😁不過單點份量就唔算大碗‼️-我就點了野菜稻庭湯烏冬🍜簡單唔油膩 不過的確有少少淡❗️-飲品方面，我地分別點了蘋果汁同柚子蜂蜜梳打🍹以日本菜泥講 反而幾大杯😆-份量相對唔多的 要叫多少少款就會好D😎同埋上餐需要 趕時間要留意呀⚠️

最近友人在煩一些問題，所以特意選一間寧靜，環境讓人放鬆的地方相聚。約了友人在銅鑼灣這一店喝杯酒，吃點小食聊聊天。店內闊落，又帶點私隱度。入口放著2小時限時任飲($298)的餐牌，可選的酒類頗多，包括限量少見的日本清酒。例如二兔山田錦六十五純米吟釀，自然水潤又帶着尾韻，不論配刺身還是小食都十分適合。呷一口酒，再吃一小口小食。自家製辣枝豆($38)配清酒是絕配。微辣的枝豆帶點豆類的爽口，與獨特的辣醬混和，香口開胃。唐揚雞軟骨($48)，香脆熱燙的雞軟骨，咬下去發出微微聲音，其脆口感令人滿足和放鬆。油甘魚壽司1本($28)，點了兩份。厚而幼滑細嫩，細嚐其油花和魚油香，有入口即溶之感。日本松葉蟹蟹膏軍艦2本($48)，精緻細膩蟹膏配上豐富松葉蟹味，口感相對油甘魚濃郁，味道更豐富。海鮮天婦羅($138)，包括海蝦兩貫、海鮮兩貫和野菜兩貫。個人比較喜歡炸得恰到好處的海蝦，新鮮爽口之餘，外層香脆，粉漿落得剛剛好。野菜也做得外脆內香軟而不覺油膩，點一個白飯($30)拌飯吃更佳。昼月雞肉玉子丼($158)，玉子混和着醬油分開上，由自己把玉子輕輕倒進雞肉丼中，充滿儀式感。雞肉、玉子和飯三種角色配搭得宜，加

店家招牌投射喺天花牆身，沿着扶手電梯入門口抬頭已見到，好有科幻嘅感覺。和式木系裝修，另一邊係酒吧，超高嘅樓底和寬敞嘅環境，在矜貴的銅鑼灣地段實在奢侈。清酒放題相當吸引～$298 無限時任飲清酒可以慢慢傾，慢慢食。凍櫃內放滿各種日式清酒。今晚試了這瓶純米大吟釀，聞落清香，入口清醇有米香。👍🏻必試嘅招牌菜：昼月雞肉玉子丼厚身嘅免治雞肉，啖啖肉同時夾雜着碎軟骨，口感超正。放入生雞蛋黃混合甜醬油，美味可口。喜歡又厚又軟熟嘅玉子，唔會做得太甜好啱我。鹽燒油甘魚鮫外皮烤得好香脆，魚鮫的肉充滿魚油，嫩滑有魚香。👍🏻雞翼串燒燒到好乾身，外皮趣口，一滴油都冇～😋壽司款式雖唔算多，但水準平均，新鮮精緻。🍣燒左口魚邊壽司🍣三文魚正常發揮有甜味～炙燒後更肥美，魚油十分豐富！🍣芥末八爪魚軍艦不嗆喉的芥末，味道又唔會好鹹，八爪魚囗感好爽。🍣日本松𦳑蟹膏蟹肉軍艦，蟹膏唔會死咸，蟹肉份量唔少。🍣三文魚子唔係我杯茶，不過屋企人話味道夠鮮唔腥👍🏻🍣油甘魚壽司，鮮甜但較為薄身。🍣北海道帶子，呢款就超厚肉，鮮甜！

和公司同事午餐，選了這家餐廳。非常方便，在銅鑼灣SOGO後面Tower 535 三樓，樓底好高，座位唔多，非常開揚。在這個略帶高級感而氣氛又有點chill嘅環境，13款午餐set，價錢都只係$88至$168之間，非常相宜，地點仲要係銅鑼灣旺區。呢個午餐餐牌，唔止平日，假日都適用😍😍😍。另外仲有2款高級版午餐set： 午市主厨料理$368，以及北海道丼$256。我點了北海道丼，估唔到啲魚生唔係薄薄細細塊，而係肥厚新鮮美味，裏面有北海道海胆😍😍😍、中拖羅😍😍😍、吞拿魚赤身、帶子，根據餐牌仲有三文魚腩同碎䓤吞拿魚腩，我唔要三文魚，餐廳酙情幫我改為蟹肉同三文魚子，好正😋😋😋同事點$168昼月特選刺身丼，估唔到用咁多新鮮肥美靚料😍😍😍，隻蝦大隻到呢😂😂😂另外一位同事點了$108昼月雞肉玉子丼，看到openrice好多人推介，原來真係一定要點😍😍😍。雞肉含了雞軟骨，所以好有咬口。雞肉烘焗到好香，中間一個窩形，就是要把生雞蛋放上去，構思好好，加晒分👍👍👍。配埋下面一層玉子又厚又軟滑，再加埋生雞蛋的醬油由上至下淋在雞肉、玉子、飯中，真係口感和味覺豐富的享受 😍😍😍。 我哋冇點雞肉玉子丼的人，都話一定要

我喜歡到 Tower 535 三樓食晏或閒坐，因為可浸醉在極度型格的建築風格下品嚐美食，而且價錢合理，質素唔錯。 近日發現之前的咖啡店退出了，換面「昼月」，是一家日型串燒朝啡晚酒的小店，面積不大，環境開陽。 二人周末到來，吃了這些： 昼月雞肉玉子丼 $108這個昼月雞肉玉子丼是招牌名物，創作真有心思，沒有不打咭的客人。雞肉餅、玉子及丼飯層層叠，最吸睛是自行把生雞蛋置頂，然後倒進濃密的醬油。賣相極之令人垂涎，味道不俗，厚厚的雞肉餅軟滑得來保持有肉的口感，厚切玉子香甜，日本豉油鹹中帶甜，難得豐富不膩、不過鹹，我認為亦算是健康美食。 生薑豚肉飯 $88調味恰當，醬汁份量適中，洋蔥、豚肉片與白芝麻的配搭。午市套餐皆配麵豉湯及可以優惠價追加小吃及飲品。 吉列生蠔兩隻 $20 (優惠價追加)炸得酥脆不油，蠔肉新鮮。 玉子卷 $20 (優惠價追加)照燒雞扒 $20優惠價超值！ 美式咖啡 $15  (優惠價追加)鮮奶抹茶 $18  (優惠價追加)飲品水準幾好，賣相靚靚！ 值得一提，$298/位 兩小時內任飲 sake 非常適合喜歡清酒的你！ 

和朋友難得在總統戲院睇完戲，來到附近又見到坐位很舒服，適合長談，就坐下買個丼飯食。這裡是自在形式，先付款點餐，然後拿取餐提示器找位置坐下。【北海道丼】份量比較細份，碗的大小如普通飯碗大多小小，刺身鋪得滿滿的。北海道海膽就沒有，所以有三文魚子替代？三文魚子的鮮味和醬油加持，配其魚生好夾。吞拿魚赤身，質地較細膩。吞拿魚腩和大吞拿魚腩不太識分。三文魚腩兩大塊，肥美極了。帶子啖啖肉。碎葱吞拿魚少少辛辣的味道加持。【昼月雞肉玉子丼】一大隻日本新鮮生蛋沾在特選醬油中，已經覺得非常吸引。然後一舊雞肉碎和雞軟骨煎餅下面再搭着一份玉子燒，精緻得來又吸引。用雞肉餅攪拌着生雞蛋醬油，令到雞肉味更加突出，但是質地又夾雜着不同口感。【雞皮餃子】煎得薄脆的雞皮充滿香味，中間又夾着雞肉和蔬菜很惹味。有機會晚上來一定要試埋清酒任飲$298！

星期三同老公去銅鑼灣新開既昼月食飯。我地叫左兩個昼便當，再加三款食物同甜品。昼月雞肉玉子丼每個便當都附有味噌湯。便當由生雞蛋、玉子燒、雞肉餅、白飯組成。生雞蛋同醬油加到白飯到撈埋食，雞肉餅好有咬口又厚身，而玉子燒就甜甜地。日式昼月串燒飯串燒有甜薯、雞串、翠肉瓜、西班牙豬腩、雞翼，味道唔錯，燒得岩岩好，另外白飯可以揀轉烏冬，仲附有牛蒡。刺身三點刺身新鮮，有蝦、三文魚、帆立貝，追加既份量都唔會太少。吉列生蠔都係細細件，有兩件，一人一件。照燒雞扒細細件，醬汁濃稠，雞扒亦唔鞋。可麗露外脆內軟，又唔會好甜。

今日lunch去開銅鑼灣搵朋友，見到呢間新開嘅日式餐廳，見佢裝修幾靚、便當造型幾别緻就去試下。朋友睇相揀咗昼月雞肉玉子丼，上菜嘅時候果然無令人失望，好似相入面咁特別。最底一層玉子，中間一層手打免治雞肉漢堡，最頂自行加上新鮮蛋黃再淋醬油，撈埋一齊食，可以食到雞肉同雞蛋唔同嘅口感同味道。雞肉漢堡係餐廳自家製，鮮嫩嘅雞肉夾雜住軟骨，好有咬口。蛋汁好香，撈飯食非常適合。我揀咗昼月特選刺身丼，餐廳非常慷慨，用料亦非常新鮮，刺身丼鋪滿肥美嘅三文魚、香薰撲鼻嘅吞拿魚魚蓉、厚身嘅油甘魚、好好肉地嘅魴鮄魚、同大大隻嘅赤蝦。人生第一次食魴鮄魚，但據職員所講，時令刺身幾乎日日都唔同，因為餐廳一星期四次由日本即送刺身。隨餐附送麵豉湯。仲有漬物做前菜。追加咗吉列生蠔，又脆又多汁。餐廳有serve 唔同嘅樽裝茶，各有特色。我揀咗雪糕氣泡焙茶，氣泡茶茶味濃郁，亦好神奇做到雪糕味。熱情果綠茶，味道相對清新，略帶酸甜，食完炸嘢好啱飲。

今日逛銅鑼灣時平時只會淺嚐刺身嘅老婆居然提出去食丼飯，我當然舉腳贊成啦🤤老婆揀呢間昼月喺位於銅鑼灣Tower 535新開嘅日本餐廳，餐廳位於3樓，樓底好高，裝修富有日本高級壽司店風格，餐廳除左提供丼飯、串燒等日式食物之外，仲有Omakase，不過今日老婆嚟原來係想試下餐廳係社交平台推介嘅雞肉玉子丼，但去到見到有燒油甘魚佢又想食，最後當然係揀哂呢兩款我地share食啦🙈昼月雞肉玉子丼 $108以餐廳名昼月命名嘅招牌雞肉玉子丼質素果然唔錯，手打雞肉漢堡混入左好多雞軟骨，入口食到軟腍嘅免治雞肉之餘，仲有雞軟骨嘅爽口感，雞肉漢堡冇過多嘅調味，加上蛋汁同埋特製醬汁，再配上雙層玉子，呢個豪華版嘅親子丼味道層次非常豐富😋鹽燒油甘魚飯 $128雖然平時我唔太鍾意食煮熟嘅魚，但呢個鹽燒油甘魚外層香脆，油甘魚肉又嫩滑，完全冇泥哋同魚腥味，所以我都食左好多😁鮮奶咖啡 $38最後杯Latte真係有驚喜，質素可媲美咖啡店，最估唔到係師傅仲識拉埋花，午市加配仲有半價，可以邊食丼飯邊嘆靚咖啡，今次呢個新體驗我地都好滿意😊