晴空日本料理

Open Now

Now Closed

之前晚餐嚟食過，聽講午餐好抵食，今日就lunch time再嚟食，openrice book位有9折，(雖然佢最後唔記得咗折比我而我都係走咗先發現)。lunch omakase幾抵，都多人食。我哋就食lunch set，lunch set menu都好多選擇，刺身丼、刺身拼盤、鰻魚飯、燒魚、壽司拼盤、天婦羅丼都有。lunch set的沙律，胡麻醬拌好味。lunchset茶碗蒸晴空特選刺身丼 $188有十款刺身，十款都係時令冇定款的。海膽好鮮甜唔錯，帶子都好鮮甜，蝦幾彈牙鮮甜，三文魚幾香，拖羅油香。飯有適當酸味亦唔係完全凍冰冰，唔錯。自家製西京燒銀雪魚 $168魚肉好嫩滑，魚油好香，皮唔係脆的，但好油香。我哋想食刺身，問個店員有冇單點刺身menu，佢話冇，得lunch set可以叫。之後再問一個可能係老闆娘嘅人，就話有a la carte可以叫，有拎比我地睇，不過佢推介叫lunch set嘅刺身拼盤會抵食好多，於是我哋就叫多個lunch set嚴選刺身7種定食 $228油甘魚好厚切，口感好好，三文魚香，帶子甜，赤身好濃味。啲刺身都幾厚切，全部都好鮮甜。食晒啲嘢之後店員冇啦啦拎咗兩碗味噌湯

☀️隱藏於韓國街的日式料理☀️推介指數 ❤️❤️❤️❤️🤍講起要買韓國食品或者食韓式都不其然諗起有「韓國街」之稱的金巴利街，原來仲有一間日式料理～名字亦令人聯想起李白江山如畫如裏、山晚望晴空；晴空-清朗的天空，令人感到希望💕兩位80後師傅，1位曾到東京學藝亦在中環、銅鑼灣日式料理當總廚；另一位在著名料理店跟隨米之連師傅學藝午市Omakase 15道菜$398、午市套餐選擇不少且價錢親民；店內木系主調，落地大玻璃感覺開揚🧑🏼‍🍳昼のおまかせ HKD398 ✨沙律、菜碗蒸、刺身5款、壽司6貫、手卷、湯及甜品，16道喎～🦪日本珍蠔賣相新鮮肥美，食落蠔味濃厚、久久不散🐚鮮甜帶子加上爽脆紫菜，多一份口感🌊擺盤精美的刺身，淡身魚間八新鮮爽口；螢光魷魚軟滑新鮮；北寄貝彈牙🍣 入口即融大拖羅、鮮味深海池魚、魚脂滿滿右口魚邊、鮮甜北寄貝、燒梳子魚逼出魚油、軟滑鮮甜海膽、蔥拖羅手卷，款款鮮味十足又高質🥢晴空特選刺身丼HKD178✨海膽、三文魚籽、鮮蝦、帶子、拖羅、油甘魚、穴子等等；一碗集合十多款新鮮刺身，絕對有誠意且CP值很高🌟午市Omakase及套餐同樣有🥗爽脆沙律、🥚鮮甜蟹肉茶碗蒸、♨️熱焫焫麵豉湯及🍰滑溜忌廉北海

而家冇得出街晚飯，當然就幫襯相熟小店嘅買外賣，佢哋而家做緊午餐去到六點，好抵食。我哋六點先去拎，當早啲食晚飯🍱炙燒魚生飯，裡面有三文魚/鮪腹/左口魚邊/帆立貝/鰻魚/銀鱈魚，好豐富，炙燒過之後，魚的油份逼哂出嚟，好香好送飯。晴空特選刺身飯，有好多款刺身，相當抵食。剌身非常新鮮，高品質。絕對唔係一般大型連鎖店貨式。我哋一直都係去晴空堂食，今次第一次外賣都不失水準，值得一讚，佢哋將飯同刺身分開2個盒，唔會令d飯濕哂。醋飯裡面，仲有其他配料，蛋絲，菇，蟹柳，淨食佢地已經好送飯。午餐仲有麵豉湯，甜品。包裝整齊企理用心，好滿意的一個外賣性價比超高