Y Pasta (Moved) New Location

平時意粉pizza當然食唔少但係就冇試過手工意粉聽到就有興趣一試睇下有幾唔同即使係樓上鋪裝潢都有小店特色可以選擇既菜式都唔少先黎既當然要試下佢地招牌既手工意粉點左忌廉龍蝦汁露筍大蝦手工意粉手工意粉比較唔同既係唔會覺得軟身即使比較多汁都唔會影響口感龍蝦汁調味剛剛好唔會太濃又唔會唔夠味道大蝦都係大大隻辣肉腸pizza反而更有驚喜芝士幾濃郁如果個pizza皮厚身少少食落可能可能會更加有層次感辣肉腸同芝士味都好香最後黎個小食就係酥炸雞脾菇配芝士醬雞脾菇比較有咬口一點芝士醬仲可以拉絲甜品黎個清新點既杏桃撻既桃帶點酸食完芝士既野會覺得冇咁滯

又到晚飯時間，同朋友兩條友唔知食咩好ge時候，search下open rice, 最後就揀左呢間餐廳，好彩冇揀錯～7點就黎到，我地係第一枱客～呢到出名手工意粉，所以我地都叫左個，仲揀左是日推介ge幾款食物。意粉好多選擇，仲有圖Tim。雞脾菇炸完都唔太dry, 個芝士醬幾creamy, 仲拉到絲！手工扁意粉我地叫左紅菜頭汁，和風式做得唔錯，個sauce 同雞肉車厘茄好夾。最正係個意粉，掛到汁之餘有咬口。米仔意粉呢個都好正，一粒粒咁好似放大版ge米。忌廉汁做得好好，唔會食完覺得漏住漏住咁。甜品時間～兩個都係熱上。第一次食杏桃tart, 好特別，又酸又甜，餅底得夠脆。Banana Hotcake 有雪糕配埋一齊食，唔會一味淋太多朱古力醬，唔會過甜。

銅鑼灣站一出，行幾分鐘就到。呢幢大庋本身就有好多好食餐廳。友人話想食西餐，但budget 唔多，咁我就搵左呢間。是日推介係酥炸雞脾菇，菇切成薯條咁樣，炸出黎口感勁得，仲配埋拉絲芝士醬，😂上枱就記得快d，耐左芝士醬會變硬，拉唔到絲。雖然都好食。青口白酒味勁重，加洋蔥減低酒嘅苦味，令到青口更甜。焗菠菜煙三文魚手工意粉，手工意粉比一般意粉有咬牙，蛋味都較濃。芝士份量係成座山咁，食落啖啖三文魚。杏桃撻係甜中帶酸，反而我比較鐘意，因為食完正餐已經好飽，再食呢個都唔會太負擔。

呢間餐廳位於銅鑼灣一個比較冷門嘅大廈，唔似得大路嘅選擇，例如時代廣場、利希慎同埋銅鑼灣廣場，要Openrice search先至會醒起呢度有嘢食。呢幢大廈都幾多選擇，入到餐廳，可能係比較早嘅關係，人唔算好多。環境寧靜，報置都有用過心機，坐落去都幾舒服嘅。三五知己傾計都係一個唔錯嘅地方。我同朋友散點左幾個菜式。1) 黑松露醬鮮帶子意粉 (⭐⭐⭐⭐⭐)呢間餐廳主打意粉。意粉嘅款式好多，由扁面、天使面、米仔分、螺絲粉、蝴碟粉唔同種類嘅都有，好特別。不過我都係點左個安全嘅天使面。賣相吸引，分量大概有三粒帶子喺。黑松露嘅味令到天使面增添色彩。2) 黑松露野菌湯 (⭐⭐⭐⭐⭐)黑松露令碗湯好惹味。黑松露既湯真係好少喺出邊食得到。飲湯之餘，仲有野菌，令湯嘅層次豐富。3) 巴馬火腿薄餅 (⭐⭐⭐⭐⭐)應該係較為冷門嘅選擇，有火腿、火箭菜放喺薄餅上面。雖然有啲難切，因為火腿推成一舊，但係都值得一試。4) 杏桃撻 (⭐⭐⭐⭐⭐)作為飯後甜品，杏桃撻係由杏仁同埋桃組成，甜甜地、酸酸地，但係又唔會太甜。而且啲汁都幾好味。最後埋單好似＄400，性價比OK。整體嚟講，係唔錯嘅選擇。