紅糖

Open Now

Now Closed

點心造型咁精緻出色值得再訪加上有大海景環境好舒適幾適合和朋友嚟飲茶傾計~🐟紅糖金魚餃造型吸睛，有魚肉蝦肉雪菜，加上冬瓜湯蓉，味道幾特別🍄松露野菌餃兩三款姑菌類做成餡料，好香松露味🥧原隻鮑魚雞粒酥小鮑魚煙靭鮮味，牛油撻底好香脆🥢藕斷絲連芝士版蘿蔔絲酥，幾飽肚🦐鱘龍魚籽富貴瀨尿蝦餃蝦肉爽口好鮮甜，on top加金箔同魚籽感覺精緻，都幾大粒🐷巴馬火腿黃橋燒餅西式食材同中式點心crossover，感覺幾特別🍐香梨鹹水角正常鹹水角，不過造型贏哂🍊紅糖甜品拼盤

無敵海景，舒服寬敞的環境嘆點心，點心賣相非常精緻，味道亦好出色，睇得又好食，主食都不容錯過，絕對值得一試！「金魚餃」係招牌菜，金魚外型做得好細緻，連魚的鱗片紋理都整到，再擺上去靚靚的碗中真係栩栩如生，絕對唔係得個樣，餃皮好出色，豬肉餡好味加埋下面的高湯芡汁超好食。其他餃類點心都各有特色，包括「魚子金箔帶子餃」、「松露野菌餃」、「雙籽鱈魚蟹肉餃」。炸物的賣相同樣有心思，好高質。「一口燒鵝酥」酥皮超鬆化完全唔油膩，燒鵝餡好香好好味。「香梨鹹水角」香脆亦帶軟糯。「日本大根蘿蔔絲酥餅」個酥餅同樣出色。「雪山和牛餐包」個雪山皮鬆脆裡面黑椒和牛餡勁惹味！「XO醬炒蘿蔔糕」帶辣勁但又夠鹹香，蘿蔔糕有先輕輕炸過再炒，所以外脆內綿，非常推薦。楓糖黑豚肉叉燒 $338定價都幾貴，$338厚切8塊，一塊都$42🙈 但的確好好食，半肥瘦肉質非常軟腍亦鎖住肉汁，外面有微焦香楓糖漿唔會過甜，係高質既但值唔值得$388就見仁見智🙈龍門炒鴛鴦米 $248另外炒米都非常出色，米粉炒得好乾身一點都不油膩，有叉燒有蝦仁好足料，味道亦調教得好好。

去Kerry Hotel Staycation有1000蚊dining credit，緊係要試下紅糖。上次試咗晚餐，今次食點心。紅糖已五星級酒店中菜來講都唔算貴，點心通常都係$70左右。1. 松露野菌餃 - 呢個點心最為普通。啲皮蒸得有啲淋，同唔知點解得三粒 ，同上碟時斜埋一邊。呢個唔影響味道但影響賣相。通常五星級酒店上菜時d點心外觀都應該好靚。2. 黑豚肉叉燒腸粉 - 腸粉皮都算薄滑。叉燒都食得出係黑豚肉。3. XO醬蘿蔔糕 - 呢個係我最鍾意嘅點心。煎得唔油膩又夠香脆，XO醬都好香。就算放凍咗都好食。4. 紅糖蝦餃王 - 呢款我仔仔最鍾意。蝦夠爽夠大隻，個皮有彈性。5. 蛋煎糯米雞 - 呢個好西利，佢個蛋皮真係包著成個糯米雞，煎得好靚，口感好好。但味道都係普通糯米雞味。如果你去嘉里酒店，我都推薦你去食紅糖餐廳。餐廳環境舒服，服務貼心。由中環搭船過去一落船就到酒店，交通方便。我建議早啲book位可以坐窗邊睇維港全海景。