紅糖

Open Now

Now Closed

去Kerry Hotel Staycation有1000蚊dining credit，緊係要試下紅糖。上次試咗晚餐，今次食點心。紅糖已五星級酒店中菜來講都唔算貴，點心通常都係$70左右。1. 松露野菌餃 - 呢個點心最為普通。啲皮蒸得有啲淋，同唔知點解得三粒 ，同上碟時斜埋一邊。呢個唔影響味道但影響賣相。通常五星級酒店上菜時d點心外觀都應該好靚。2. 黑豚肉叉燒腸粉 - 腸粉皮都算薄滑。叉燒都食得出係黑豚肉。3. XO醬蘿蔔糕 - 呢個係我最鍾意嘅點心。煎得唔油膩又夠香脆，XO醬都好香。就算放凍咗都好食。4. 紅糖蝦餃王 - 呢款我仔仔最鍾意。蝦夠爽夠大隻，個皮有彈性。5. 蛋煎糯米雞 - 呢個好西利，佢個蛋皮真係包著成個糯米雞，煎得好靚，口感好好。但味道都係普通糯米雞味。如果你去嘉里酒店，我都推薦你去食紅糖餐廳。餐廳環境舒服，服務貼心。由中環搭船過去一落船就到酒店，交通方便。我建議早啲book位可以坐窗邊睇維港全海景。