Video
8-min walk from Exit D2, Whampoa MTR Station; 6 minutes walk from Whampoa MTR Station Exit C2
continue reading
Telephone
22525279
22525888
Opening Hours
Today
11:00 - 15:00
18:00 - 22:00
Mon - Sun
11:00 - 15:00
18:00 - 22:00
*Lunch Last order: 14:30 Dinner Last order: 21:30
Above information is for reference only. Please check details with the restaurant.
諗緊情人節💘點慶祝，發現Citibank星期三買一送一優惠，其他餐廳🍴網上book全爆，點知紅糖打去仲有位，不過話冇哂窗口🪟，$888一個，照book。去到竟然有窗口位，無敵維港景，望新開既東岸棧道。茶就開普洱，香醇，有個茶壺。Menu remark咗唔食薑同酸嘢，頭盤三小碟有叉燒、燒肉（轉咗）同涼拌蟲草花（轉咗），叉燒都小小肥，腍身正，燒肉我麻麻，蟲草花爽口。海皇羹大碗足料有帶子蝦入味正。XO醬露筍帶子炒得皓香口。全晚最皓食係酥炸和牛，外脆和牛入口即溶，雖然唔係日本🇯🇵和牛，但未食過呢種質感，正。炒飯唔夠味，甜品🍮金果玉露侍應有問用奇異果🥝得唔得？我之前食楊枝甘露都ok以為得點知金果玉露酸十倍，唔得。食咗第一☝️啖先送一早remark既「情人節快樂」朱古力🍫牌碟上，自己放上甜品🍮度打卡影相📸。茶位$32，要簽citibank master卡
continue reading
今日叫咗個套餐，再加一個點心，覺得套餐跟嘅蔬菜比較差，點心還可以，叉燒都好好味，咬口容易，口感好好，甜度適中，呢個叉燒係必食之選，我極力推薦。之前食點心都可以叫兩件，現在硬性規定係三件，感覺有點不方便，今日係跟套餐嘅蔬菜係生菜，賣相同味道都感覺比較差同一般，炒飯炒得幾好，點心非常之欣賞。今日食咗個富貴蝦餃，富貴蝦及餡料都非常足夠，而且好實淨好新鮮，鹹水角我都好滿意。其他感覺一般，希望有待改善，但下次未必會選擇這裏。服務員似新做的，有點不熟悉好新嘅感覺，人手嚴重不足。交通非常之方便，附近有地鐵站小巴站的士站。
continue reading
15/11/2024📍紅糖今次同屋企人食飯 佢哋揀咗間嘉里酒店旗下的中菜廳 呢度係望到海景嘅 可惜當日落雨 睇唔到最靚嘅景侍應嘅service都唔錯 不過有啲會講普通話 （黑人問號❓😂）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨龍蝦湯西施泡飯（$488/4位）龍蝦味好鮮甜 食到好多龍蝦肉 加咗脆米係入面 口感幾好👍✨滷水豬腳仔（$138）豬皮幾爽口 唔會膩✨楓糖黑䐁肉叉燒（$358）係厚切叉燒 偏瘦但一啲都唔韌 多咗外層楓糖增添風味😊✨欖菜荷葉鹽焗鱈魚球（$488）鱈魚好嫩滑 清淡嘅調味唔會蓋過魚嘅鮮味👍✨土魷馬蹄吊片蒸肉餅（$268）肉餅薄薄哋 幾juicy 但比較普通✨脆皮醬油燒雞（$328/半隻）雞肉幾滑 脆皮食落唔油膩👍✨紅糖甜品拼盤（$108）一碟有3件細細件嘅甜品 3件擺埋一齊好得意☺️/琥珀核桃酥 做到好似真核桃咁嘅樣 上菜果時仲係暖暖哋嘅 外皮好酥脆 入面有核桃粒粒 /奶黃小柑桔 真係好似一個桔仔咁 外皮煙韌 個餡係酸酸哋嘅奶黃饀/金果玉露 用芒果同百香果整嘅西米露 比楊枝甘露再酸啲✨金果青檸明蝦球（$388）蝦球非常之大粒又彈牙 好新鮮👍外面裹住一層鹹蛋黃混合微酸嘅青檸汁 好好食！✨川味手撕農圃雞（$188）混合咗手撕雞、海蜇、花生、芫茜 唔算好辣✨壽包係餐廳送嘅 因為今次係嚟食生日飯細細個包仔入面係蓮蓉饀 正常味道⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單～$3500 野食、服務、環境都係上等 但唔係每道菜都咁impressive夜晚唔係好睇到個海景 建議lunch過黎食推薦蝦球、龍蝦湯泡飯、叉燒 幾有驚喜推薦指數🌟：4/5📍紅磡紅鸞道38號香港嘉里酒店7樓
continue reading
嘉里酒店嘅紅糖主打新派粵菜有維港景伴隨，用餐環境的確唔錯但服務唔夠殷勤親切食物方面算係幾好但以佢嘅價錢定位嚟講、食物質素未到好topBook到窗邊位有維港景食一次都可以Encore機會唔大🤔前菜幾印象深刻鵝肝蝦多士卜卜脆，辣汁涼拌和牛幾醒神開胃燒味唔錯楓糖叉燒肉質軟綿，幾香脆有陣陣甜味乳豬皮香口，不過兩樣都比較肥膩宜家好似間間中菜館都有蟹蓋😂紅糖嘅未見特別龍蝦湯西施泡飯無乜龍蝦肉，湯嘅龍蝦味都唔係好濃厚其它菜式都ok但無咩亮點🧑🏼🍳👩🏻🍳🥢鵝肝蝦多士 $168辣汁涼拌和牛 $168燒味雙拼 - 楓糖黑豚肉叉燒 & 化皮乳豬件 $428蟹黃白汁炸蟹蓋 $288松露野菌素千層 $288沖繩涼瓜炒和牛脷 $388龍蝦湯西施泡飯 $122
continue reading
上次見到介紹 呢到環境好靚 無敵大海景+中式格調裝修 適逢有朋友生日 就提議過黎試一試😁🐣川味手撕農圃雞-呢個係平時食開的雞絲粉皮 粉皮好彈牙 手撕雞好嫩滑 加埋新鮮芫荽 很好的開胃菜❤️🐷滷水豬腳仔-豬腳仔既骨細細粒 啖啖肉 可以好斯文咁食👍🏻滷水味唔濃 反而有少少似醉雞汁浸豬腳仔😂🐖鵝肝醬片皮乳豬件-鵝肝醬連埋多士+乳豬皮一齊食 本人覺得比較油膩 如果分開食反而幾好味😂乳豬皮普通 鵝肝醬好厚身好大片 如果多士可以脆口多少少就好喇😊🐽菠蘿咕嚕肉-酸甜度做得好好的咕嚕肉 外皮鬆脆 整體唔錯～🦞龍蝦湯西施炒飯-龍蝦湯好鮮甜濃郁 食一啖 龍蝦味籠罩住口腔久久不散 超好味❤️泡飯無平時食既脆脆 但係飯既質感好有咬口 唔錯 呢個係必點之選💪🏻🍤金果青檸明蝦球-外層用咸蛋黃包裹住 食落帶青檸的酸味 青檸味令咸蛋黃的油膩感平衡返 好好味 成隻蝦好肥美好大隻 食哂成隻飽左😂🫛欖菜素雞乾煸四季豆-豆干炒得好入味 正常發揮的四季豆🐓脆皮醬油燒雞-脆皮雞啖啖肉 外層好酥脆 內外都燒得剛剛好 很有質素的燒雞👍🏻👍🏻如果早少少黎到 可以嘆哂日頭同夜晚景色 180度無敵海景相當醉人🌃 當晚天色仲要相當清澈 真係很讚👍🏻食物質素屬於一級享受 呢到真係相當適合慶祝生日及紀念日的好地方❤️
continue reading