Goobne Chicken (The Hart)

Open Now

Now Closed

近排進行緊食肉減肥法，於是和朋友一起去吃烤雞當午餐，這個牌子的烤雞在韓國非常出名，在香港亦有幾間分店，他的賣點在於他有炸雞的口感但其實是用烤焗的方法形成的，所以香脆口感但不是油炸，非常健康，第一次光顧就點了果味醬油蒜香烤雞，醬油的鹹香和蒜味及蜜糖非常地合襯，另外點了蟹子沙律芝士蛋卷，芝士分量超多，塞滿了整個蛋卷，加上蛋捲上的蟹子，口感非常豐富，非常滿足，朋友點了一杯芒果特飲，酸酸甜甜可以中和烤雞的油膩，絕配，一定會再來試其他不同口味的烤雞，哈。

好幾年前食過一次，隨後再有食過其他炸雞，都係覺得呢間比較啱口味，口味多，最重要係雞肉又嫩又多汁， 環境方面｜尖沙咀分店同旺角其實差唔多，好多位，不過TST 就有戶外露台位置對住寶勒巷，啱鍾意自然風嘅大家，不過最近咁熱就⋯⋯hahaha 近露台位置嘅枱相對冷氣都冇咁勁。不過我閒日嚟食就幾多位，唔使等果味蒜香烤雞 $205平時好多都係甜辣炸雞，今次呢個果味蒜香好似幾吸引，發覺真係好味喎又，比平時甜辣炸雞仲多一份新鮮感﹗佢用咗清新蘋果檸檬醬汁，再加一楷檸檬增加酸味，令炸雞入口更開胃，唔會因為甜覺得漏，反而我個人係幾喜歡的，而且新鮮熱上，炸皮粉唔會太厚，即使有醬食落到ok脆，而且最重要係雞肉有肉汁又彈牙，完全唔柴仲幾嫩，好味﹗睇到係Juicy唔柴的～仲要醃蘿蔔，唔會太酸，食吓炸雞再食吓又開胃啲香辣炒年糕 $138無論天氣幾熱，有時都係忍唔住想食辣，叫咗個香辣炒年糕，但估唔到咁大大大份，份量好勁，除咗有年糕、蛋，個底仲有超多粉絲，佢個辣醬偏稀少少，但反而咁樣撈粉絲啱啱好，冇咁辣同滯。 不過諗諗下下次應該叫芝士好似再惹味啲﹗鯊魚之淚 $88兩個人Share一大杯啱啱好，係偏甜少少，同有啲似7喜味，

約咗兩個朋友喺尖東食晚飯，唔想打邊爐韓燒食到咁heavy，想食少少之後去第二度飲杯野傾下計，於是揀咗間好近尖東地鐵站嘅韓式烤雞，比較健康又冇咁熱氣。我哋叫咗一個韓式雞蛋卷同埋果味蒜香烤雞。韓式雞蛋捲分量十足，上面有兩種醬汁分別係茄汁同埋芥辣醬。味道層面豐富左好多，又唔會蓋過雞蛋嘅香味，而且同其他配料嘅味道都好夾。呢個係我食過數一數二最好食嘅韓式雞蛋卷，下一次一定要試埋韓式粉絲雞蛋卷！之後上埋果味蒜香烤雞，服務員好細心，事前就放低幾個膠手套比我哋，不過我哋想環保啲，所以冇用比翻佢地。個烤雞雖然唔係炸，但不失香脆嘅口感，外皮好香脆而且裏面嘅肉質相當嫩滑有肉汁，酸酸甜甜加埋蒜頭嘅香味好配合，如果配埋啤酒一齊食就最好啦！

同朋友一行五人係尖沙咁食lunch，係公司附近有呢間烤雞店，就trytry佢啦😌Menu上有簡單介紹下佢地既idea同做雞既方法，係烤雞唔係炸雞喔。黎烤雞店緊係要食烤雞啦 !!! 😍 影左個正價既價錢比大家睇先。午市套餐$98係包括半份烤雞（可揀有骨/無骨），沙律或魚糕湯，飯，薯角，飲品。我哋除咗叫午市套餐之外仲另外叫咗個韓式炒粉絲雞蛋捲。雞蛋卷包得實淨唔會一咬就散開晒，包埋粉絲一齊食口感好新奇😛玉竹茶。鐵板芝士泡菜炒飯，滿滿嘅芝士包圍住個飯🤤味道好夾食完亦都唔會太膩。朋友話一定要叫呢個蜜糖咖喱烤雞，雖然兩個味道係好唔同嘅嘢，但因為佢咖喱味唔會太重太濃，所以放埋一齊個味道出奇地幾好食，食到甜味之餘亦都有咖喱嘅香味😮魚糕湯嘅份量都唔細入面亦都有兩至三塊魚糕，仲有少少辣，正(˶‾᷄ ⁻̫ ‾᷅˵)呢個係果味蒜香烤雞，食落去有好香嘅蒜味👍🏿呢個係黃金酥脆烤雞，只有呢一份嗌咗冇骨。本人最鍾意係食呢一個味道😍咬落去仲非常之juicy! 有肉汁流出黎！整體來講因為佢係一間烤雞店唔係炸雞店，所以雞肉都唔會太油膩，同埋感覺上健康少少🤣

以前好流行食台灣雞扒，而韓國嘅炸雞隨着韓國電視劇同電影嘅興起，食韓國炸雞飲啤酒都流行左一段時間，可能我成日睇韓劇，所以我時不時都會想食韓國炸雞。今日好想食韓國炸雞，於是落去買外賣，外賣唔算等左好耐，等左大約15分鐘，咁就可以食得啦。果味蒜香烤雞$185外賣同堂食食差唔多，一打開錫紙已經有一大陣好香嘅蒜蓉味，令我已經流晒口水，脆卜卜嘅外皮入面啲雞肉好juice，雞好香脆，我平時都唔係好鍾意食雞鎚，今次我連雞鎚都食埋，我覺得呢間韓國店連鎖店嘅炸雞係香港炸雞美味指數都數一數二啦。香辣炒年糕$120除咗炸雞，佢啲小食我好少食，所以今次都叫咗一份香辣炒年糕。不過＄120又真係幾貴，食咗一啖麵，哇！好辣啊，不過年糕就好煙韌，好軟，好好食，但真係太辣，食唔到辣嘅朋友原味啦。

同朋友聚餐，一大班frd 子最好食韓國野! 黎到酒吧林立嘅赫德道，夜晚好旺，要黎記得訂好枱，用餐時間限90分鐘。叫service 可以用枱面嘅鐘，店員好快就落好哂單。魚糕鍋熱辣辣上枱，魚糕非常軟滑，湯汁帶少少香辣，仲有雞蛋同蔬菜配料。最鍾意呢款魚糕，腐皮入面有爽滑粉絲，好有層次!雞蛋卷好大條， 又足料，蛋卷好滑，每次黎都必食!蜜糖咖哩烤雞，甜甜地帶咖哩香味，份量好多，烤雞都可以又脆又嫩滑，厲害!果味蒜香烤雞，168蚊，呢款醃得更加入味，加d 檸檬汁更好食。芝士炒年糕，好大碟! 大量芝士係底，上面放滿韓式辣醬年糕，魚糕同即食面，非常邪惡了吧～到叫飲品時間，鯊魚之淚夠哂誇張吸睛，真係好似冰封嘅大海!朋友叫嘅蘋果酒飲品，下面係似雪碧嘅沙冰，非常大杯，兩個人一杯都ok我叫左柚子沙冰，都係好大杯，酸酸甜甜又冰涼，配烤雞唔錯!每人大約230蚊，係大班朋友聚餐唔錯嘅選擇。

同男友去欣澳行完山，晚上回來九龍區食晚餐，因男友鍾情終韓國式炸雞，所以帶佢黎呢度食。星期六可能因打3號風的關係，晚上7點walk-in都仲有位。因只有兩個人食，所以都不敢叫太多，驚食唔晒，只叫了這個果味蒜香雞翼和香辣炒年糕(好似叫呢個名)。一如以往都係大大份，兩個人都食到好飽。上次叫了黑蒜味，食到尾段覺得超膩，今次醒目了，叫果香味感覺無甘膩，而且保持水準，一樣外脆內嫰，熱辣辣，好好味忘記影年糕，我本已叫小辣，但男友都覺得好辣，所以唔食得辣的朋友要小心。

Goobne? 我好少食韓式嘢，因為通常要一大班人share，價位都比較高(而且好多時係食罐頭)呢次係同學帶我去食~三個人分隻雞，再加個蛋卷，其實好飽。如果同屋企人食嘅話應該會四人分，呢個價位咁share都唔算過分啫=_=佢係烤雞，所以冇咁油，但一樣咁香脆雞已經分好晒，有好多唔帶骨嘅肉，啱晒我呢啲懶人食落有檸檬、橙、士多啤梨....嘅果香，醬汁比較甜，但配埋鹹鹹地嘅雞恰到好處雞皮角位焦糖化，脆卜卜，又特別甜~推介~~~~~~~~~~~~~