泰簡單

Open Now

Now Closed

呢到真係幾大🤩 裝修行新式既泰式🇹🇭resort風格，以木色🪵同深灰色為主，用左唔少深色木條🪵、藤燈籠🏮造型既燈💡、有唔同泰國🇹🇭特色既卡通掛畫，幾高級同舒服😌 想chill啲仲可以揀露天位，感覺都唔熱，可以飲翻兩杯🍻 野食選擇多，廚師👨🏻‍🍳同侍應都係泰國人🇹🇭所以更加地道，全部野食都惹味香口又有穫氣🔥 而且價錢唔貴，一堆人嚟食都唔錯👍🏻(5 😍 係滿分，🤩係半分）燒豬頸肉 🔥🐷 - $96 (好味指數：😍😍😍😍🤩)呢一個小食又係有超多舊😂 第一次見啲燒豬頸肉🔥🐷咁靚仔，肥瘦適中，睇落好似叉燒咁，表面金黃油潤，裡面既脂肪爽口，肉質軟嫩juicy，燒過🔥之後焦香同肉味濃厚，配埋酸酸地又甘甜既羅望子醬食可以解膩柚子沙律 🍊🥗 - $98 (好味指數：😍😍😍😍🤩)用左好多手拆既柚子肉🍊，粒粒晶瑩剔透，酸甜多汁，撈埋香口酥脆既花生🥜、清香惹味既紅蔥、香甜既椰子🥥同埋refreshing既青檸汁🍋‍🟩，酸酸甜甜超開胃🤤，用黎做前菜幾好～鮮炸蝦餅拼香辣炸魚餅 🔥🦐🫓🐟🍥 - $92 (好味指數：😍😍😍😍)個蝦餅🦐🫓炸到金黃色咁，出面酥脆，裡面煙韌彈牙，有幾香濃既蝦味🦐，味道鮮甜～ 個魚餅 🐟🍥辣

今晚約左朋友仔喺銅鑼灣小聚👭 去左總統戲院頂樓嘅泰簡單 嘢食吾錯 而且環境好好 傾成晚計都覺得好舒服😌🥬柚子沙律 $98清新又健康嘅前菜 酸酸甜甜好開胃🍴🐠炸蝦餅拼香辣炸魚餅 $92蝦餅香口 配埋泰式辣醬就一絕👍🏻🐷咖喱豬軟骨 $108咖喱少少辣 豬軟骨入晒味 肉質又夠淋 岩曬送飯或者薄餅✅️🦐海鮮筒仔炒飯 $118用一個小木筒裝住炒飯 上面鋪滿左肉鬆 入面有唔少海鮮 口感豐富🧉鮮椰青 $58🍹黃金夢 $60係菠蘿汁加芒果汁 酸甜開胃🤓💭食物味道正宗 價錢合理🙆🏻‍♀️ 地點方便 啱晒想同朋友小聚而又想食泰國菜嘅我地☺️☺️

▫️呢間泰國菜十幾年前已經有同朋友gathering食，估唔到質素都仲keep住幾好。餐廳環境好，有室內同室外座位，裝修好有泰國風情，打卡一流～ 坐outdoor飲住泰國啤酒或者Cocktail更chill💕▫️佢哋嘅侍應同廚師都係泰國人，想食正宗嘅泰國菜一定要嚟試吓！✰椰汁雞湯 $135/M▫️有大中細size揀，我哋四個人叫咗中size。上枱有個煙囪鍋盛載住雞湯，有火爐熱住個湯可以慢慢飲。✰柚子沙律 $98▫️滿滿柚子嘅泰式沙律，清新開胃。✰燒豬頸肉 $96▫️有炭燒香，口感彈牙好味。✰椰汁青咖喱 $108▫️可以揀豬/牛/雞，我哋揀咗牛肉。個汁都幾特別幾惹味，如果嗌蒜蓉包或者白飯一齊食更好。✰菠蘿炒飯 $128▫️用菠蘿盛載嘅泰式菠蘿炒飯，炒飯炒得夠乾身粒粒分明，幾好。✰飛天通菜 $95▫️食泰國菜必食飛天通菜😋 好惹味。特飲：✰鮮青檸特Shake冰 $45▫️有埋個Shake Shake壺自己搖完酙落杯，好特別😆✰黃金夢 $60▫️菠蘿加芒果特飲，唔會太甜。✰漫天飛花 $48▫️火龍果加橙汁特飲，火龍果粒粒有啲咬口幾好味。▫️坐坐吓我哋仲覺得幾好feel，叫咗泰國啤酒同埋蝦片飲番杯傾吓偈🍻 ✰蝦片$1

喺銅鑼灣收工，約朋友食泰國菜，近近哋揀咗位於總統戲院頂樓嘅呢間餐廳。呢度環境夠chill，分室內同室外區，裝修都幾靚，適合打卡；而且夠地道，侍應同廚師都係泰國人，菜式夠晒泰國風味，夜晚仲有cocktail飲添。 冬蔭功食泰國菜當然唔少得冬蔭功。唔算太辣，酸味相對較重，相當開胃。材料豐富，草菇、秀珍菇同大頭蝦嘅份量都幾多，加上香茅、檸檬葉等香料，夠晒惹味。 柚子沙律酸酸澀澀，新鮮柚子肉好清新，配上魚露味等醬汁，好有泰式風味；脆口嘅腰果令口感更豐富。 飛天通菜面豉醬鹹香，辣椒香辣，通菜保持翠綠爽口。 蝦醬炒飯炒飯乾身，蝦醬味濃得嚟唔會嗆口。肉片同炒蛋都好嫩滑，配泰式臘腸鹹甜鹹甜，味道豐富。

往日於銅鑼灣工作時經常到總統戲院樓上的泰國菜館午膳，特意於離港前懷緬一番餐廳裝修精緻有格調，環境優雅，露台設有露天座裝飾非常用心，連洗手間都有精心佈置，泰味十足裝修用了很多木的元素，充分體現木的自然感冬蔭功湯很足料，湯頭鮮甜不算太辣，酸酸的很開胃柚子沙律清甜的柚子再配酸甜的醬汁，清爽怡人蔬菜馬拉盞炒椰菜苗炒得有鑊氣，鹹香惹味蟹肉炒飯蛋與香Q米飯以絕佳火侯熱炒，口口噴香飲品鮮椰青很重手，椰青水滿到頂，清甜可口鮮芒果汁金燦燦的顏色很誘人，果肉香甜多汁

今晚到泰簡單食晚餐，位於銅鑼灣謝斐道517號總統戲院頂樓。 店內有室內和露天座位， 裝修泰國風格。餐廳主打泰國料理， 食物種類多， 晚餐 ～ 柚子沙律$98、 冬陰功$92、 咸魚炒椰菜苗$118、 蟹肉炒飯$128、 鮮椰青$55、 泰式奶茶$40。 🔶柚子沙律 ～ 酸酸甜甜， 非常開胃。 🔶冬陰功 ～ 每次食泰國菜必點冬陰功， 鮮香美味，帶點酸辣，馥郁可口。 🔶蟹肉炒飯 ～ 炒飯夠乾身粒粒分明， 啖啖鮮味。 🔶咸魚炒椰菜苗 ～ 椰菜苗口感爽脆配上鹹鹹香香的鹹魚， 增加惹味。 🔶鮮椰青 ～ 椰青好大個，夠清甜。🔶泰式奶茶 ～ 喜歡香甜的泰式奶茶，味道唔錯。 一向都喜歡泰簡單， 已經是餐廳多年的粉絲了。 🏷️溫馨提示～ 整個用餐體驗均屬個人分享意見， 只作參考😊。

好耐冇嚟呢間泰菜，今次同朋友試吓係咪同幾年前一樣好食😆呢度座位好多，仲有戶外位，如果涼涼哋都會幾舒服😉一坐低會先有蝦片食😆朋友一睇menu就話想食金枕頭 ($158)😋佢係一個麵包裝住咖哩同蜆肉，個包外脆內軟，而咖哩係嗰款泰皇咖哩，偏甜少少，唔辣嘅～配埋好多好多蜆肉，呢個好好食😌我哋仲叫咗個柚子沙律 ($98)～份量都絕對唔少，調味適中，酸酸甜甜，只係略嫌柚子肉有少少苦～另外仲有燒豬頸肉 ($96)～估唔到呢個都幾多，燒得好香而且仲保留到肉汁，配埋佢個辣汁食好惹味😚👍🏻要飲食均衡啲仲叫咗一個飛天通菜 ($95)～呢個冇咩特別所以都唔記得咗影相🫣不過食落有少少太鹹～最後梗係叫咗個芒果糯米飯 ($60)啦～我哋叫咗黑色，啲紫米好煙韌，芒果有一半甜一半酸，不過呢個份量就少咗啲，未夠滿足🤣整體嚟講都係一間幾chill同食物質素唔錯嘅泰菜😉

•泰簡單🇹🇭銅鑼灣樓上泰國菜睇得但味道可商榷💛💛💛💛💛～～～～～～～～·1️⃣柚子沙律🥗＊呢個柚子沙律🥗超級多柚子肉👍🏽😋😋每一啖都係柚子肉😆😆識落有啲腰果、花生碎同淡淡的椰絲味，甜甜酸酸咁，好fresh💯💯💯(score: 5/5)·2️⃣咖喱豬仔髀＊呢個豬仔髀完全唔合格，點可能咖喱淡如水，小小嘅咖喱味都冇，唔好話咖喱味冇呀，連鹹味都冇，椰汁味又冇，小編都唔知自己食緊乜嘢👎🏽👎🏽＊豬仔髀完全都冇味，好明顯都係煮腍煮熟，跟住直接放喺啲無味嘅咖喱入面😀🤢🤮🤮仲有啲蕃茄、薯仔等等嘅配菜喺咖喱汁入面，但係精華嘅咖喱汁都無味，點樣都係唔掂👎🏽👎🏽👎🏽(score: 0/5)·3️⃣蛋網雞球炒金邊粉($108)＊小編認為味道都算正常嘅金邊粉，雞肉嘅份量都算正常，但可能太掛住泰國嘅Pad Thai，呢個Pad Thai 真係咩都唔係😂🙈🙈所以只能話味親正常，少少酸咁，但都係炒得唔夠香(score: 3/5)·4️⃣鮮芒果糯米飯🥭($55)＊呢個鮮芒果糯米飯係店員推介對事，又真係幾出色，唔知係咁啱定係專登夠糯米飯係心型❤️😂😂糯米飯有得揀白或者黑，今次揀咗白糯米飯，糯米飯熱辣辣，配埋啲椰汁同埋芒果🥭，芒果舊舊都好甜，

呢間食過幾次，每次都有水準同埋泰國菜特別，同好姊妹約食晚飯簡左呢間好食同埋坐得舒服的店舖，每次坐底都會招呼一蝶店舖自家炸的蝦片，今次我地食左生菜包（豬）、生蝦、馬拉盞炒菜、䄂子沙律仲有甜品每次水準都係一樣咁好食飲品我就簡左龍眼冰，菜式我最服就係生菜包😵真係夠辣夠好味，炒通菜好濃味好正呢間價錢算中等唔係平，但勝在環境優美老闆亦都好好人最後係佢既試芒果糯米飯係我地一定留返個胃食，好特別用荷葉包住，重點個飯係熱架！下次一定再同朋友黎食過

之前黎過食晚飯，記得款款食物都不錯，環境亦算舒服~今次黎食lunch，時間尚早比較寧靜~~彷彿脫離了鬧市到了泰國一樣....不過星期六日沒有set lunch，menu其實是跟夜晚的一樣 menu內食物的種類真的很多，所以多來幾次也應該試唔哂~~柚子沙律 $72柚子沒有想像中重柚子味，連我這個不吃柚子的人也能吃~健康好味之選~~ 泰式炒椰菜苗 $75自己是第一次食，香港應該沒什麼地方可以吃到這種菜吧!!也許是自然定律，所有「嫰口」的東西彷彿都特別美味，例如子羊、鮮露筍等等~簡單的用蒜蓉炒更能帶出菜的鮮味~~嫰綠的菜令人食慾大增~~ 炸釀雞翼 $68外觀非常吸引，內裡釀了肉、香料等等，似燒多於炸。可惜餡料味道一般，口感亦太「實」~泰密實 $240超巨型龍蝦主題拼盤，得獎菜式，大概是因為菜色設計和impact之大。但講到味道，其實又不是那麼誇張的好食 龍蝦本身好難整得唔好食，所以有佢坐陣整體一定唔會差~~其他用葉包的也是龍蝦肉~~所以叫泰密實吧~!用葉包著明貴的龍蝦肉喎~~!實際能吃的部份不多，有點嘩眾取寵之嫌 焗芋頭飯 $90味道似福建炒飯 大大盤，有芋頭又飽~不過

與朋友聚舊，她推介此店。由於已訂枱7:00pm，所以不用等位。七個人，叫了七款食物。柚子沙律：材料是柚子肉和肉鬆，用生菜托底。酸酸甜甜的柚子配合少少鹹的肉鬆，清新與野味的配合，很好味啊！金枕頭：麵包內釀有咖喱醬汁，十分特別。整個麵包非常大件，切開成多件。包身十分軟熟，索滿香濃而不辣的咖喱醬汁，非常好味！菠蘿飯：菠蘿體積不大，飯的份量不多。配料份量少，沒什麼海鮮。味道一般。馬沙文牛腩：橙紅色的咖喱，有香味而不算太辣，咖喱的辣味較金枕頭的重，味道ok，但不算特別。牛腩算焾，但份量很少。煎蠔餅：很大又很厚的蠔餅。蠔不多，反而芽菜很多。蛋煎得香而不油不燶。這是令人驚喜的一道餸菜。串燒（六串）：豬、牛及雞各兩串。色澤燒得均勻，肉質ok，沒什麼特別；反而醬汁野味而不太鹹。十分不錯。清炒雜菜：材料是芥蘭、荷蘭豆、椰菜花、雲耳及甘筍片。雖沒有中式炒菜那種鑊氣，但炒得不油膩。還算不錯。連加一及兩小碟花生，埋單$576，價錢還算合理。食物不錯，但份量較少。由於我們要留肚到別處吃甜品，所以才勉強夠食，否則可能要叫多兩三款食物才夠囉。　環境不錯，不嘈吵。枱椅大小適中，亦不會太逼，地方及餐具整潔。整體十分不俗。

今日一行6人約左去泰簡單聚餐, 好彩訂左枱6:30pm, 唔係都有排等, 安排左一張近露天既長枱比我地, 環境真係好好, 好有氣氛, 如果天氣不太熱既坐出去都ok~~~我地點左以下既菜式: 柚子沙律: 我覺得酸左少少, 但都ok既~~ 蝦蛹: 好味, 炸得岩岩好, 外脆內彈牙, 配合埋醬汁一流 蟹肉米粉生菜包: 好清新, 不過蟹肉略嫌唔夠多 炒芥蘭: 都唔錯, 好似係用咸魚炒, 唔會太咸, 有少少辣 金枕頭: 睇食評就好評如潮, 所以試下, 夠香又不太辣, 最好趁熱食, 會好味D 架~~ 炒貴刁: 好惹味, 係旁邊仲有3款調味比你揀, 不過加唔加都已經好好味~ 明爐蒸烏頭: 呢個賣相好吸引, 不過味道就麻麻,加上好多魚骨, 要好小心食, 咽左一條魚骨後唔敢再食 >.< 仲要成$160一條, 本人覺得唔多抵食.... 荔枝特飲: 賣相好靚, 有朵花裝飾, 不過甜左少少 (本人飲開少甜飲品).... 甜品: 南瓜糕&椰汁西米糕: 淨係試左椰汁西米糕, 好香好濃既椰汁味~$8一個整體黎講, 今晚既晚餐都算中上~可能星期六晚, 人比較多, 服務略嫌未夠殷勤 ^^

一早約左班同事要食飯, 我本身plan住食0個間無左, 我就上openrice揀謝斐道...最top的就係呢間「泰簡單」...見到入面0的相...嘩!! 真係流哂口水, 好!! 就試下啦!!但係我打電話已經book唔到檯, 要walk-in...我0地就一夠鐘即走喇!! 唔夠6:30就到左, 不過只可以食到8:00...唔緊要啦!! 照食!!呢度有室內同室外兩PART...咁熱天...都係早0的0黎坐室內好0的~~室外就等冬天啦!!好, 等齊哂人, 我就拍板落order喇!! 所有都係由openrice見到人0地推介的食物啊!!1) 柚子沙律: 好清新啊!! 0的柚子出奇地一0的都唔苦呢!!2) 炭燒豬頸肉: 好味, 好香啊!! 個汁又正~~3) 焗釀雞亦: 呢個都好正, 不過我覺得入面0的味唔夠濃~~4) 皇帝蝦蛋網炒貴刁: 呢個淨係叫0黎影相都抵喇!! 好靚啊!! 仲要係今日的最最最好味呢!!5) 串燒豬同雞: 串燒就ok啦, 又唔算話勁好味, 不過個汁都好正~~6) 金枕頭: 哈哈, 呢個真係特別到暈啊!! 一開頭見到個名, 仲以為同榴槤有關, 點知完全唔關事0家!! 係一個大麵

係CWB行完街搵飯食，一心唸住咁夜去翠華攪掂，點知抬頭一望，見到「Thai Simple」個牌，如果唔使等位就試一試!!哩間餐廳最值得讚係個menu, d相影得超靘，樣樣都好似非常好好味咁。另外有outdoor好似好有feel....1) 冬蔭公 - 哩個冬蔭公好後悔無影相，因為味道VERY GOOD!......最適合喜歡濃味既我，湯質地較厚身，俾90分2) 柚子沙律 - 哩個菜唔難做，不過我食到有椰絲既關係，帶點苦澀味，不算太好3) XO醬炒肉瓜，不過我自己唔鍾意濃味既菜，而且XO醬同菜類食品不算太配4) 皇帝蝦蛋網炒貴刁 - 賣相有心思，哩度個炒貴刁較甜，口感煙煙韌韌，其中有朋友極讚，不過我都好喜歡！5) 咖哩豬軟骨 - 咖哩味帶甜，不過送上的唔係豬軟骨，是類似Ribs，個人不喜歡這個咖哩味