黑門水產すいさん (棉登徑)

Open Now

Now Closed

香港都有價錢相宜的好吃日本菜，上次食過銅鑼灣分店覺得黑門水產食物同服務質素都唔錯，價錢大約都係大約二百蚊元一位，今次就book 左尖沙咀分店吃晚飯～海膽蟹味噌甲羅燒結合了海膽、蟹肉和味噌的風味。海膽帶有豐富的海洋味道，帶點奶油和堅果的香氣，口感濃郁滑膩。蟹肉則帶有鮮甜的海鮮味，肉質鮮嫩多汁。味噌提供了豐富的鹹味和微微的酸甜味，為整道菜增添了層次感極上大漁貝燒使用了新鮮的大漁貝類海鮮。大漁貝的味道濃郁鮮甜，有著獨特的海洋氣息。口感豐富多汁，帶有一點嚼勁，肉質彈牙。燒烤過後，外層可能會有輕微的焦香，使整道菜更加美味黑鮑海鮮太卷主角鮑魚再加上不同的新鮮海鮮，魷魚、拖羅、蝦、三文魚等匯合的太卷，味道豐富又滿足燒翠肉瓜燒烤後帶出了清爽的口感，外層微焦，內部保持軟嫩香草腩肉車厘茄卷把香草腩肉卷著車厘茄，腩肉是嫩的部位，經過調味和烹煮後，帶有迷人香味和肉汁。車厘茄的清新酸甜味與腩肉形成了對比，整道菜口感豐富雞髀肉大蔥卷燒香的雞髀肉嫩滑多汁，配合大蔥的辛香味層次不錯燒雞頸肉雞頸肉有著濃郁的雞肉味道，經過燒烤後外層雞皮油香更濃明太子大魚炒飯結合了明太子和大魚的炒飯。明太子具有鮮魚的鹹味和微辣的風味，炒飯

行過棉登徑，感覺好似去左日本咁，成條街都散發著日本美食嘅香味～ 我地揀左間裝修勁有日本feel嘅居酒屋～ 餐牌成本書咁厚，真係睇到花多眼亂，樣樣都想食😆最後揀左呢幾款👇北海道蜜柑鯛薄切刺身 $238 魚肉新鮮爽口，散發出蜜柑鯛獨有嘅香味～海膽蟹味噌甲羅燒$88滿滿嘅蟹膏，海膽，魚子及蟹肉蓋滿蟹蓋，色香味俱全，超級大滿足！！ 而且師傅仲會即場係面前燒，真係好正～黑門帆立貝伴魚籽醬 $98 好正嘅口感，夠哂鮮甜，簡直係天堂級嘅美食！極上壽司盛合 $488 12件不同嘅壽司，鮮味十足，而且個壽司飯好好味～極上大漁貝燒 $128 有蝦，蠔，扇貝及少量魚子，扇貝份量十足，而且鮮甜可口，忍唔住連個汁都飲埋😆黑門令伊勢海老湯海鮮雜炊（粥）$650係我人生中食過最貴最好味嘅粥😋😋有蠔，大蜆，魷魚，伊勢海老以及冬菇，果種鮮味真係無得輸～令人一試難忘，超超超級好味呀！ 📍黑門水產すいさん (棉登徑)尖沙咀棉登徑8號地下3-4號舖

係大阪岩岩返嚟香港，其中一個最掛住嘅就係黑門市場嘅海鮮！🐟🦑🦀所以今日就同朋友去咗香港版嘅黑門水產食浜燒！ 🎏🦀海膽蟹味噌甲羅燒去日本餐廳必點嘅甲羅燒！呢個仲要加埋海膽，鮮味十足！店員仲會幫你燒埋～完全唔驚燒燶🥹🥹🙌🏻🦪岩手縣赤崎生蠔岩手縣嘅蠔鮮甜爽口清新！讚讚讚！ 🐟長崎本釣池魚呢個季節食池魚好肥美～🤤🤤好新鮮！本釣嘅特色係減少魚身嘅傷口，肉質會特別鮮甜，特別珍貴！🐚極上大漁貝燒一見到就嘩嘩嘩！唔好睇小個汁，超級鮮甜🤤🤤🍮黑門令海鮮茶碗蒸黑門水產果然係食海鮮～連茶碗蒸都放滿海鮮🤤🤤🤤🦀🐟黑門令彩虹丼用料十足～兩個人都夠飽👏🏻👏🏻

約好咗每個月兩公婆點都要拍下拖，今日放低女女，拍拖放鬆下！去咗呢間喺K11附近、別具日本特色嘅浜燒餐廳 — 黑門水產！.➜北海道生蠔手掌咁大隻嘅北海道生蠔肉身肥厚、質地滑口，以柚子味啫喱嘅Topping突出生蠔嘅鮮甜味。.➜秋刀魚8月尾、9月頭正正係秋刀魚最肥美嘅時期，難得遇上時令嘅刺身魚，又點可以錯過！口感清爽且帶有魚油香氣，而粉紅色嘅魚肉，更加份外誘人。.➜蔥吞拿魚腩卷唔止卷物有吞拿魚，Topping都有蔥吞拿魚小山丘，吞拿魚腩好Creamy，好似入口即溶，好享受！.➜海膽蟹味噌甲羅燒店員一邊燒、一邊將將海膽、蟹肉、鵪鶉蛋同蟹籽攪勻，除咗就咁食，配梳打餅一樣好滿足！滿滿嘅蟹籽令口感更豐富。.➜黑門令龍蝦湯煮海鮮見到龍蝦湯都心心眼咗，配料仲有蠔、花螺、魷魚、海蝦，更加入芋絲同菇類吸湯，分量睇落啱算好多，仲令人回味無窮。.➜極上大漁貝燒既鮮甜又滿足，有帶子、三文魚籽、海蝦、海膽同廣島蠔，以浜燒將全部嘅鮮味都煮出嚟，而家燒得啱啱好，帶子仲好爽口彈牙！.地點方便、餐廳亦都坐得好舒服，二人世界確實唔錯🤭。.

呢間餐廳之前黎過一次，覺得好好食所以今日再黎，依然無令我失望~ 首先推介既係海膽蟹味噌甲羅燒，佢一開始會俾你影相先，見到啲海膽蟹肉蟹糕已經好想食。然後侍應姐姐會喺你面前開個爐燒，不過唔只呢個，係每一樣如果要燒既野佢地都會擺得好靚俾你影左相先，之後再喺你面前燒。望住啲野食慢慢變熟同埋啲香味飄出黎，呢個過程好令人愉悅~ 至於個甲羅燒真係好好食，連埋塊餅一齊放入口，真係一個極大既享受!之後要推介呢個黑門令大漁魚子醬脆脆包, 呢個真係好好味，個包勁脆，而上面既料係會多到跌出黎，而且所有野既味都好夾，如果未飽呢個係會想encore~跟住到個蜜糖芥末火灸安格斯牛肉沙律，呢個有啲驚喜係佢真係配合番水產既特色，喺呢個牛肉沙律入面仲會搵到一粒粒既飛魚子同三文魚片。你會食到蜜糖芥末既香同埋佢又有少少酸，好fresh好開胃。呢個黑門令龍蝦湯煮海鮮都勁好味，佢個龍蝦湯好正，啲海鮮一路燒既時候吸哂個湯既香味，但同時啲海鮮既鮮味又入番個湯入面互相交融，我同朋友唔止食哂啲海鮮，連個湯都飲埋。我覺得呢度每一樣食物都好有heart，除左擺盤靚，所有野都好切合餐廳個主題，用料好新鮮，當然最緊要係真係好好味~

海膽蟹味噌甲羅燒($88)，這個甲羅燒加左鵪鶉蛋，所以燒熟後質感稀一d，食起上黎會滑一d，蟹膏味依家好濃烈，仲有蟹籽可增加口感。極上大漁貝燒($128)，用左幾種海鮮放上扇貝黎燒，帶子幾爽口，而蠔就算燒熟之後縮左少少水，但仍然係好飽滿肥美。蜜糖芥末火炙安格斯牛肉沙律($128)，用牛肉做沙律較少見，但配上醬汁之後確實好夾，甜甜辣辣既味道好醒胃。黑門令大漁魚子醬脆脆包($98)，賣相好靚好似一架船運載住海產，前中後不同海鮮有不同層次口感，海膽非常滑溜。黑門令鰻魚漢堡($88)，頂和底都有層鰻魚，食落好有啖啖肉既感覺，而且中間夾住一片紫蘇葉，有助去除一下油膩感，店家仲好細心諗到，用紫菜包住食，咁食既時候就冇咁易散晒。黑門三文魚加州反卷($128)，加州反卷最重要係三文魚要夠新鮮，食落有魚既油脂香。白桃雪葩($118)，不是每間居酒居都有提供雪葩，哩個甜品絕對不可錯過，桃味濃郁，好似食緊真桃一樣，而且夠晒冰凍，夏天簡直透心涼。

嚟到尖沙咀嘅黑門水產，店內嘅佈置充滿日式嘅風格，天花位置掛上咗貝殼🐚同燈籠🏮，而牆上亦貼有日本海鮮同食材嘅海報，有一種身處日本嘅感覺。唔單止環境氣氛一流，呢度嘅食物都同樣出色！✨黑門令蟹味噌甲羅燒 🦀️ 甲羅燒喺以蟹膏、蟹籽、蟹肉同鵪鶉蛋為材料，混合一齊燒嘅美食。 店員會即場幫忙炭燒，之後再配上梳打餅食，蟹膏又香又甜，仲好Creamy呀～✨長崎本釣池魚 🐟 店員細心介紹兩種食法，除咗可以用紫菜包住切碎咗嘅刺身食，仲可以就咁點上酸甜嘅醬汁，池魚口感爽脆 yumyum 🤩✨極上大漁貝燒有鮮蝦🦐、帆立貝、生蠔、三文魚籽同海膽嘅漁貝燒，經炭燒之後，鮮蝦爽滑鮮嫩，而帆立貝彈牙鮮甜。店員仲提我哋要襯熱食，啖啖海鮮，好滿足呀🤭✨黑門令鰻魚漢堡🍔用紫菜包住鮮甜多汁嘅炭烤鰻魚，中間再夾住玉子蛋同壽司飯，成個漢堡包口感都好豐富呀😍😍另外我哋仲叫咗三文魚腩刺身、蔥吞拿魚腩卷同壽司定食，全部都好高質。壽司🍣同刺身同樣新鮮充滿光澤，三文魚腩肉質軟腍，而壽司飯經過調味，唔使點醬汁都好好味呀！✨蔥吞拿魚腩卷✨三文魚腩刺身✨壽司定食

有去過大阪嘅，一定聽過黑門市場呢個地方。喺香港掛住日本，想食磯燒又想食刺身，不妨試下呢間黑門水產。我地平日嘅夜晚8點半去到，全店滿坐，食到10點都一直有客入黎。大家記得要book位呀！店員介紹必食甲羅燒。甲羅燒有三款選擇，分別有赤鬼明太子蟹味噌、黑門令蟹味噌同埋海膽蟹味噌。我地就嗌左黑門令蟹味噌甲羅燒。↘ 黑門令蟹味噌甲羅燒 $72三款甲羅燒都有蟹膏、蟹籽、蟹肉同鵪鶉蛋，而呢款最著重係蟹味。蟹味真係好出，好香濃，亦好甜。由於有蟹籽，每一啖都會食到「索索聲」，口感豐富。真係必食嘅菜式。↘ 極上大漁貝燒 $98呢樣都係店員推介，同甲羅燒一樣，店員拎去燒之前會拎黎俾客人影相先。有海膽、帶子、蝦、蠔等等。燒完出黎貝殼上嘅汁先係精華，集結曬所有海鮮嘅鮮甜。另外仲叫左以下其他菜式都好好食，脆脆包、安格斯牛肉沙律、酒襲釀烏賊都好特別。↘黑門令大漁魚子醬脆脆包 $176↘酒釀生螢烏賊 $68↘蜜糖芥末火灸安格斯牛肉沙律 $128↘三文魚刺身 (4切) $78↘黑門大阪燒 $88↘大阪木津海鮮丼 $188

情人生日就要食好西，今次食久違既日本菜外面同入面既裝修行日式風格，入面既posters 都印有日文，如置身日本既感覺海膽蟹味噌甲羅燒$78成個蟹蓋都滿晒海膽蟹膏蟹肉蟹子鵪鶉蛋蔥花，賣相吸引。由專人燒熟後，味道甘香。食落有種鹹香感覺，好惹味，配埋梳打餅伴住食，有另一番香脆嘅風味，超級正極上大漁貝燒$98有大大隻帆立貝海膽三文魚子蠔蝦鋪滿左向帆立貝蓋上面，又係吸引。由專人燒熟後，鮮甜嘅海鮮汁依然留向蓋入面，唔會怕燒到冇哂水。帆立貝好鮮嫩，蠔亦肥美多汁，連埋蝦同埋個海鮮汁精華一齊送入口，好鮮甜又好食，完全係人間極品長崎伊佐木$468薄切既伊佐木原條上，魚骨向碟既一旁做裝飾，好有氣勢。魚肉肉質鮮嫩，1d 都唔腥黑門令鰻魚漢堡$88底面層都用鰻魚夾著，鰻魚既皮燒到好甘香香脆，入面夾住玉子同飯，適量既醬汁更顯香甜赤貝壽司$108兩隻大大隻赤貝，味道唔腥海底之心$68伏特加菠蘿白桃梳打薄荷葉，味道清新唔錯愛琴海$78味道稍甜既酒精飲品

呢間一向係朋友口碑之中都係幾好食嘅餐廳，終於有機會過嚟一試！！🤤🤤同朋友兩個最後買單食咗千幾蚊，除返開每人500左右，食到呢個質素的野食好抵！🤤🤤黑門令蟹味噌甲羅燒$72:一上枱，哇好大個甲羅燒🤤睇見都流口水店員仲好貼心咁等我影埋相先放上爐燒，放上爐燒的時候，啲蟹味即刻出曬嚟，店員好細心指出原來加埋雞蛋落去燒，蟹籽同蟹粉的味仲更加出，更加香濃，真係好香！🤤燒完終於可以食，啲蟹味好濃，食得出加左雞蛋真係好好食，帶出到蟹的鮮味！極上大漁貝燒$98:大大隻的漁貝燒，我的最愛係呢個，個元貝好好食，好鮮甜，可以食得出係好新鮮🤤🤤🤤長崎伊佐木$468:最最最重頭戲係呢碟，成晚最期待就係呢一碟的魚～～～～～一上枱嗰下驚艷到我，我都係第一次食呢個，但有少少失望，條魚食落有少少腥，唔太新鮮，啲冰唔夠凍，保存唔到啲魚的口感🥲赤貝壽司$108:赤貝壽司就正常發揮，冇話特別好好好好食，但呢個價錢嚟講係抵食嘅！🤤🤤蔥吞拿魚腩卷$108:呢個好好食，食落唔會話好腥，好食到會一舊接住一舊，蔥同吞拿魚腩互相配合，入口即化🤤🤤🤤🤤🤤好好食，唯一美中不足就係份量好少🥲🥲最後叫咗兩杯飲品，赤子草莓$68同巨峰乳酸$58，呢

復活節假期間冇得去旅行，留港都想細味一下日式鮮味😊這日嚟到尖沙咀黑門水產食野。幸好我哋近六點到，過左七點就開始好多人見到好多人推介甲羅燒及魚生，我哋今日都主力食日式海鮮盛宴😊海膽蟹味噌甲羅燒滿滿蟹膏、蟹肉、葱花等嘅的蟹蓋，加入埋鵪鶉蛋，燒得好好味！味道鹹香，甘香，質地綿密，值得慢慢小口小口細味😊 剩下的又可放在梳打餅上拌住食，中和濃味。黑門令帆立貝伴魚子醬帆立貝好鮮甜，配埋海膽和魚子醬十分好食食。魚籽醬濃郁，入口甘香。黑門令極黑鮑海鮮太卷好豐富嘅太卷！極黑鮑味道濃厚，鮮甜，肉質爽身。岩手縣赤崎生蠔生蠔肥美多汁，加上香草嘅搭配，味道更佳。生蠔厚身滑潤，簡直是來自大海的牛奶😊極上大漁貝燒貝上載着豐富嘅海鮮，有貝肉、蝦、蠔、魚子等，好鮮味😊黑門令鰻魚漢堡上下層厚厚嘅鰻魚非常滋味，醬汁香濃，包住中間的甜蛋及壽司醋飯，十分滿足！奇異果梳打 及 赤子草莓梳打好清甜清新嘅梳打😊食到咁多嘅日式海鮮，呢日非常之滿足。

疫情期間😷 十分懷念鄉下的sashimi🥺這間位於尖沙咀的日式居酒屋🏮餐廳以木系和風為主調🇯🇵 仿如置身日本居酒屋🍶以甲羅燒及魚生為主打各位架仔架妹必定不能錯過啊😆🦀黑門令蟹味噌甲羅燒此餐廳的招牌菜式👍🏻蟹蓋上有大量蟹膏、蟹肉、蟹籽及鵪鶉蛋搞拌及燒過後鮮味滿瀉🥰 質感甘香軟滑配搭梳打餅一同食用十分滿足 極力推薦🌟🌟🦞黑門令龍蝦湯煮海鮮雖然份量較少 但真材實料包括🐙、螺肉、海蝦🦐、芋絲加上龍蝦湯底餚製而成 滿滿海鮮的精華 鮮味十足🐚極上大漁貝燒帆立貝、蠔🦪肉質肥美還有三文魚籽及海膽燒過後仍然鮮嫩值得一試👍🏻🍚黑門角切魚生丼魚生份量十足✨蓋滿整個飯碗加上魚生新鮮彈牙是飽足之選🍢脆燒白穴子串外皮燒至金黃色 入口香脆 帶有魚油香🍣三文魚刺身-4切🦐花酒漬甘蝦刺身-6切三文魚厚切🔪兩款刺身肉質細膩 口感爽滑🍇海葡萄口感爽脆味道像柚子香味海藻清新獨特品嚐時可以與魚生一同食用中和當中的油膩感🍸梅酒🍹柚子檸檬梳打

適逢老公準備生日 揀左呢間想去好耐嘅居酒屋食餐好嘅🥰門面好地道 相當吸引除咗壽司刺身 仲有鍋物 丼 天婦羅 燒物等等😋超愛漬物嘅我先叫左個花酒漬甘蝦刺身 酒味好出 帶啲鹹香 唔需要再點醬汁 好好味❤️蝦好鮮甜第一次食秋刀魚刺身 9-11月係秋刀魚當造期 所以食落特別肥美 味道濃郁鮮香 油脂豐厚 而且賣相好靚 仲有魚頭魚尾做伴碟😂👍🏻真材實料大愛呢塊脆脆包 內有乾坤😍脆脆包上面有吞拿魚蓉 蝦 蟹肉 飛魚籽 三文魚籽 海膽 魚子醬 口感超豐富食落好滿足反卷沙律醬帶少許辣味 相當開胃 最有驚喜嘅係入面夾住嘅海老係仲脆卜卜嘅🥹再加埋滿瀉嘅飛魚子籽三文魚籽超正北海道刺身丼有5款魚刺身 再上埋甘蝦 帶子 玉子 飛魚籽 三文魚籽 海膽 超級豐富~刺身都好鮮甜肥美 食落好濕潤😋珍珠米上有少許紫菜飯素👍🏻呢度嘅甲羅燒好多人叫 一共有3款口味 我地叫左黑門令蟹味噌😍蟹膏 蟹籽 蟹肉同鵪鶉蛋燒完溝埋放梳打餅上面食👍🏻👍🏻👍🏻蟹膏味特別香濃鮮甜 口感亦好creamy 超唔捨得食😂蠔 帶子 蝦 飛魚籽 海膽 賣相好吸引👍🏻店員會加啲上湯落去一齊燒 食落好鮮 蠔亦好肥美多汁😋呢個睇落冇咩特別咁 但食落一流 佢湯底係