L'attitude (Closed)

同朋友團拜之後去嗰度食甜品，我哋分別叫左原味提拉米蘇，抹茶提拉米蘇，櫻花樹下同心太軟。提拉米蘇係用軟雪糕製成有新嘅口感驚喜，抹茶味超出想像好食，櫻花樹下外內都好吸引，而心太軟碟裝飾的忌廉都好滑好食👍🏼👍🏼👍🏼我地個個都好滿足地走。

呢間餐廳系尖沙咀同西環都有分店，今晚放工同友人想寧靜d傾計所以就揀左西環分店。一入到門口先比只韓國好出名既啡色大兔兔吸引住，第二個大卡位當然吾少得系四盞超夢幻雲朵燈吊住啦，即刻好似入左去童話世界。呢間餐廳帶比人一種好浪漫舒服卡通既感覺，座位都安插左幾隻卡通人物伴隨著進食，可愛至極。影過相後，就開始看餐牌，發現呢間餐廳唔係一般普通既西餐廳，仲系一間出色甜品店。除了意粉，薄餅，小食，呢家餐廳同時間亦擺好多心機系飲品同甜品方面，例如飲品會有不同系列，例如星空系列，奶昔，果茶，cocktail等等，十分多元化。揀野食既過程都花左十分鐘有多。明太子軟殼蟹意粉必點意粉之一，大推既原因系因為明太子汁十分出色，內含蟹子粒，味道調得剛剛好，而且帶點點辣味，十分惹味。軟殼蟹同樣出色，份量亦都充足，剛剛炸起既軟殼蟹，鬆脆可口，配合明太子意粉相得益彰，加分位系意粉面頭上加入紫菜絲，拌意粉食一流啊。帶子海膽蟹膏拌飯帶子海膽蟹膏三樣食材即使分開食已經好好食，三樣食材一次過進食都係第一次，海膽同帶子同十分新鮮，帶子淡淡肉十分清甜，而海膽則是完全無腥味，淡淡海膽真係十分滋味。蟹膏份量亦系超級多，當然三樣食材一齊拌飯，

由於之前系ig見到好多cotton candy既打卡照，一直都好想試。今日就黎到呢間甜品勝地一看廬山真面目。呢間分店位置於西環，感覺特別寧靜舒適。一入到去見到好大個卡通人物（啡色既兔仔，雖然唔知佢個名）但十分搶眼。然後服務員帶我地區座位既時候，見到樓頂有幾盞雲朵燈吊住，十分夢幻。櫻花樹下由於下午茶緣故，所以只點甜品。今次當然要點呢家餐廳既招牌棉花糖甜品，櫻花樹下。一直好期待棉花糖加入甜品後味道會點，今次終於試下啦。中記得佢一令上檯既時候，我系完全無眨眼，因為真係好令好特別，相機已經幫佢影左二十張相有多。先講外型，櫻花樹下其實系巧克力心太軟，櫻花樹就係將粉紅色棉花糖擺上面層，入面則蘊含住一細杯既vanila雪糕，有著不同生果裝飾，好似藍莓，strawberry。心太軟方面雖然有流心效果但係味道一般，無偏苦或甜，所以無太大特別。不過焦點系容易就放落棉花糖到既。不過呢個甜品絕對打卡必備，充滿粉紅泡泡既氛圍。溫馨小提示，棉花糖要盡快食用啊，唔好掛住只係拍照如果唔係就會好快溶曬。食法又或者可以將棉花糖溶入雪糕一齊食，一淡雪糕加一淡心太軟，刺激味蕾。十分建議給女生，呢家餐廳可以打卡又可以食好多甜品

西環表妹又有新發現，約好在白色情人節在此晚餐，話要傾訴心事！年輕的表妹果然係滿載的少女情懷，餐廳有毛公仔，波波雲，小白兔，啤啤熊，這就可以吸引表妹了！本來表妹想倚窗而座，但自己更想要舒服的四人座。來到最重要的環節：選菜。其實餐廳提供二人晚餐，大家無需左計右計，只需選擇小食及主菜即可。　　小食　　　　泰式生蝦刺身　六件蝦，配２款泰式醬料。個人覺得，蝦肉配即榨的超酸青檸汁是最好味。黑魚籽香煎帶子配檸檬薄荷汁　　法式龍蝦湯　偷嚐一口，甘味不濃，酯味不重，酒的成份不多。其實比較適合年輕的表妹。因為表妹很少飲酒，如太重酒味，可能不習慣。　　　南瓜鵝肝忌廉湯　自己喜歡肝臟的食物，所以選了鵝肝湯。滑滑南瓜忌廉湯本身帶甜，配油潤軟綿綿又甘香的鵝肝，原來很和諧。這鵝肝很軟身，口感似豆腐花。　黑松露海膽意大利麵　配料：黑松露，海膽，菇，羽衣甘藍　　海膽好吸引，要單獨品嚐。消滅海膽後，來到下方的意粉，有菇有黑松露。　意粉QQ煙韌有咬口，白汁濃度OK，黑松露味道不太濃，都跟海膽甘香的濃度水平很接近。餐廳是否希望客人把海膽跟意粉拌勻來享用？即係將海膽打蓉，再全部撈埋來食。　　　　　紐西蘭香烤羊架    好正常的

今日去堅尼地城這邊逛一逛， 發現一間好吸睛的餐廳叫"L'attitude", 餐廳外貌好有韓國風的cafe, 好多得意的公仔擺設, 所以決定入去試一試。 未開始order嘢食已經相機食先， 拍完一輪相片之後就開始order食物，menu內都有好多選擇， 主要西式同日式和別緻得意棉花糖甜品, 我哋叫咗個set lunch再加一個串燒拼盤， 最後再叫多一個甜品。 這餐不只是睇得， 味道都非常唔錯，完全滿足到視覺和味覺享受，好滿足

今日是朋友的家人生日記念日, 所以應約出席今晚的生日晚飯。 吃飯之間我才知道因為年青人不喜歡平時的酒樓茶室, 所以專登揀這間餐館來為家人慶祝生日。唔怪得, 因為這間餐廳的裝飾很青葱, 富有青春氣息, 男女侍應又招呼周到, 我想這都是年輕人喜歡的感受吧! 我就覺得可能是地鋪的關係, 租金較為昂貴吧! 所以座位就比較狹窄。(這都是在香港的普遍情況)晚餐包括:小型拼盤($88)日本生蚝六隻 ($108)夏威夷薄餅($108)蟹膏帶子海胆拌飯($108)韓式泡菜卡邦尼扁意粉($1O8)甜品 : 櫻花樹下($88) 夢幻熱氣球($5O)

網上見過呢個餐廳既甜品，覺得好靚，所以今日經過堅尼地城，順便就入去試試啦未食甜品前，我地就叫左2樣正餐，份量不是太多，覺得小貴呢～明太子炸軟殼蟹忌廉汁意大利麵 $138 忌廉汁十分creamy，而且明太子很爽口，兩者十分配合～原隻軟殼蟹香脆，仲有大量紫菜作伴碟，頓時胃口大增～ 2個人好快就清晒一碟～ 加勒比海薄餅 $138 薄餅上有蜆肉、菠蘿和檸檬，味道較為清新開胃。因為薄餅質地比較薄脆，所以一人食3件都唔會覺得好濟~食完正餐，甜品終於黎喇～～小雞棉花糖雪糕 $58 太可愛了吧，實在唔太忍心食❤️❤️❤️棉花糖係芒果味，牛奶雪糕香濃幼滑，仲有啲爆炸糖以增加口感👍🏻除左小雞造型，仲有熊貓/烏雲等圖案，一樣咁可愛😝櫻花樹下 $88 一見到呢個甜品，就不其然哼住''還記得櫻花正開 還未懂跟你示愛''❤️～ .同上個甜品一樣係棉花糖雪糕，但就多左心太軟同水果❤️ 我覺得呢個棉花糖同雪糕好似溶得快啲，不得不讚就係個心太軟非常流心，朱古力味夠重😋 成間餐廳既佈置都好可愛，岩晒影相呀～ 餐牌

從朋友fb知道L'attitude是一間走可愛路線的甜品店，但單憑可愛裝潢當然吸引不到我來，這裡還有很多朱古力甜品和飲品提供，作為一個朱古力控，一聽到朱古力三個字，即刻開行turbo走來試試。＊＊＊＊＊＊＊＊＊＊＊＊L'attitude雖然在尖沙咀都有分店，但在開飯網比較過兩間分店的menu，發現堅尼地城店食物選擇較豐富，所以即使走遠一點也要來。推開大門，首先映入眼簾的是天花上白雲造型的吊燈和左手邊梳化座後面的卡通公仔，簡直令人少女心大爆發。近門口位還有一隻人咁高的卡通熊仔，見不時都有食客走去合照。因為有卡通公仔圖案的梳化座已經坐滿，侍應安接我們坐進店較入位置的卡座，因為那裡沒有任何卡通佈置，侍應不久還識做地給了我這個免仔坐墊。薄荷朱古力($46)薄荷朱古力入口只屬溫間，不太夠熱，但就幾濃朱古力味和薄荷味，如果熱一點更好。Remi($70)Remi其實是一杯由Bailey's和Frangelico兩種酒與朱古力混合而成的Cocktail，面頭放上朱古力軟雪糕再灑上Oreo餅碎，不說還以為是一杯普通朱古力飲料。Remi入口有濃濃的朱古力味之餘，Bailey's酒味其實也不輕，但因為加了朱

走過堅尼地城的大街，童心未泯的我看到L'attitude門口的可愛公仔，便被吸引進去午餐從人來人往的大街踏入cafe，可愛繽紛的佈置彷佛將我從現實中抽離出來讓我先暫時忘記工作上的煩惱，吃頓好的，好好休息一下再算意粉、pizza、咖啡這裡通通都有，但追擊女心和童心的特式食物就不能錯過卡邦尼意粉食得多，而我這次點的不是白色的，而是夢幻版，粉紅色的夢幻版卡邦尼温泉蛋扁意粉($108)：這意粉有著俘虜女心的賣相，但香味和味道都是不折不扣的卡邦尼意粉呀或者從照片中看不見，意粉內有煎得很香的煙肉，上枱時香氣撲鼻意粉醬汁也有濃而不膩的芝士味配上滑溜又流心的温泉蛋，提升意粉的順滑感，還有那堆三文魚子令味道更添層次櫻花樹下($88)：名字很有詩意，加上menu上的圖片，讓我不得不展現「女人有2個胃」的精神這道甜品有3個元素，棉花糖、雪糕和心太軟，都是我喜愛的心太軟有滑滑的朱古力軟心流出，朱古力味十分濃郁，外層蛋糕保持濕潤配上雪糕更美味！其實這𥚃下午茶時間有high tea供應，看著其他客人那美美的high tea籠，讓我很想拉好姐妹來個小high tea

※本文以用餐當日的環境、服務和食物質素為準，口味亦因人而異，文章只作參考之用。-L'attitude在尖沙咀開了一間雪糕甜品專門店後，近來都在西環開了另一間分店，地方更大，除了雪糕甜品外，仲有多款鹹食和新款甜品，裝潢更充滿住濃濃夢幻感覺，真係秒殺唔少少女心。在堅尼地城出口行約3分鐘就到，地點尚算方便就腳。步進店內看到周圍的環境佈置真的好可愛，環境也裝潢得很骨子；以「雲」和「小熊白兔」作為主題，周圍都看到小熊的蹤影，近門口位放了一隻超大的啡熊公仔，店內也有滿多影相位，黎到當然要同佢影相一番。每枱都有放一隻公仔和客人陪食，影個相都開心。翻開餐牌，餐牌內的選擇係意想不到的多，部份菜式圖文並茂也相當吸引。沙律、湯、小食、意粉，薄餅、漢堡、到主菜的牛扒、羊架、三文魚等通通都有，而且圖片上的菜式看上去也很精緻，讓小妹很多都想試。Purple Potato Latte $38用透明玻璃杯盛著的紫色Latte，紫薯味道頗明顯，不會很假，奶泡也是薄薄一層，入口頗滑；面頭仲整左個小熊拉花，可惜既係小妹總係覺得它的樣子有點詭異。明太子炸軟殼蟹忌廉汁意粉 $138原隻炸軟殼蟹放在意粉上，不過軟殼蟹的份量未算很

7點左右去到堅尼地城，行5-10分鐘左右就到餐廳，7點都差唔多有一半full了，見到個裝潢好靚，心情都好d。拉住肥仔叫左好多野食:卡幫尼溫泉蛋扁意粉。夢幻版 $108夢幻版原來係變左紫色，成個Design都好吸引😍食落同普通版差唔多，但就因為落多左d汁令到變左紫色會冇咁creamy，但係材料十足，啖啖煙肉同蟹籽！ 蟹膏帶子海膽拌飯＄168成大夠蟹膏蓋住個飯！面頭有2-3夠海膽，入面仲有一個厚切帶子。每啖飯拌隨住蟹膏變得稠身，蟹膏完全唔會有腥味，帶子煎得外香脆，入口軟滑。但因為材料十足，所以碗飯唔算好大架！tokki $70推介！估唔到呢到有酒飲！點左杯試下，佢係crème de Menthe,crème de cocao加 milk，飲落似有椰味，酒味都幾濃，但如果個棉花糖放入杯酒到溶左佢，就會帶出棉花糖既甜味，令酒味冇咁濃！成件事好岩少女飲呀！焦糖咖啡$42咖啡做了分層效果，好用心沖製，一d都唔馬虎！拌好之後試一口，係好香濃的焦糖味，同時冇蓋過咖啡味，奶泡打得好細滑，讚!!甜品方面:櫻花樹下＄88賣相好吸引，原來棉花糖下面係軟雪糕！呢到ｄ軟雪糕好香滑！個心太軟都唔馬虎，切開d朱古力慢

呢間餐廳嘅佈置、食物同埋飲品，都好夢幻，好靚，好fancy, 絕對可以攻陷一個少女/中女嘅心 (仲可以比一眾港女呃like）。老公即刻話，如果當年讀HKU嘅時候已經有呢間餐廳，溝女一定容易好多-__-由餐廳出面望入去，已經見到cute cute嘅公仔, 同埋滿天嘅浮雲☁️入到去裏面，真係每個角落都有嗰隻樣子羞澀嘅公仔，頭頂浮住一舊舊雲，堅係好有少女情懷。雖然已經一把年紀女都生埋，但實在都忍唔住成個港女咁周圍影相。侍應非常識做，見我哋兩個拎住公仔自拍，就即刻行過嚟話幫我地揸機影完一大輪，終於開始食嘢。打頭陣嘅係藍芝士漢堡。個漢堡非常厚身，材料好豐富。漢堡入邊有牛肉、煙肉、洋蔥、蕃茄、生菜同埋成個包嘅靈魂 - blue cheese!!! Blue cheese嘅味道好重，有人可能會覺得好臭，不過我哋就覺得好好食！唯一美中不足嘅係，塊牛肉如果juicy啲就更加好啦。跟住，香煎帶子羽衣甘藍意大利麵都到左。羽衣甘藍係近年好Hit嘅健康食物，不過我都係第一次食咋，食落口感清爽，味道帶少少甘，撈埋意大利麵嘅白汁一齊食都幾好味！兩隻帶子好厚身，煎得啱啱好，配埋白汁意大利麵一齊食非常搭配我地點左一杯好靚