寿々乃 (Moved) New Location

Suzuno 唔算 “預約困難店”, 由於用餐體驗不俗, 午餐不設還枱時限, 加咗入 “我的最愛”, 番食再番食. 今日老友請食飯, 第N訪. 📖 偶然發現 Suzuno 屬於 "9號餐飲集團" ("ix") 旗下餐廳. "9號" 於2018 年成立, 其他餐廳包括 nathanhouse, 杦 (Ficus), 杣  (Yashima) 等等.🥰 今訪坐L型壽司吧枱嘅角位, 鄧師傅一打九. 點咗12貫壽司套餐, $680+10%. 此前寫過食評, 今日簡單記錄.🍀 前菜: 水菜沙律, 昆布煮, 蒸蛋.🍣 櫻鯛. 魚味略淡. 調味嘅蔥同辣蘿蔔完勝!縞鰺. 魚肉結實肥美.金目鯛. 今日竟然影漏相!間八. Ok. 白蝦. 今次鮮味番來了.炸白蝦. 諗起 “皇太后”.關鯖. 有一半魚料嘅口感係唔同嘅, 冇咁結實.水八爪魚. 睇好過食.甘海老. 好大隻, 鮮甜.池魚. 正常.平貝. 上次食唔到, 今日補番. 口感似帶子, 更爽身.海老真丈. 香口, 彈牙, 冇得輸!大拖羅. 正常發揮.吞拿魚醬油漬. 一如預期咁好食.吞拿魚茸手卷. 不俗. 玉子燒. 正常.🥣 麵豉湯. 夠熱已經贏咗一半.☕️

今日 “皇太后” 微服出巡食廚師發辦. 幾個月前開始試食, 最終拍板Suzuno. 訂到位, 又唔限時. 點咗12貫壽司套餐, $680+10%. 鄧師傅一打十一. 今次食評為 “皇太后” 口述, 孩兒筆錄.🍀 前菜: (1) 水菜沙律, 炸蓮藕, (2) 昆布煮, (3) 蒸蛋.🍣 第一件... 櫻鯛, 四國德島. 加咗蔥同埋辣蘿蔔蓉, 完美配合. 好食!第二件... 間八. 魚肉結實, 彈牙, 略帶油香.第三件... 金目鯛, 神奈川. 魚身嫩滑, 油香滿溢. 魚皮用熱水淥熟咗, 可以食埋, 之前試過口感麻麻哋, 今次又非常掂喎. 師傅唔知點解講起 “神奈川” 最出名係 “櫻木花道”.第四件... 櫻鱒, 青森. 口感軟滑. 略嫌太似三文魚.炸白蝦, 富山. 炸得好香, 有蝦嘅甜味鮮味. 據師傅介紹, 其實冇落調味, 抽乾水炸, 令蝦味更濃郁. 皇太后讚不絶口.第五件... 白蝦. 鮮甜.第六件... 水八爪魚. 膠口, 睇好過食, 紫蘇葉搶咗味.第七件... 甘海老. 蝦蝦蝦, 口感澎湃, 鮮甜.白蝦真丈. 即係炸蝦丸. 材料包括白蝦同埋雞蛋. 超級好食.第八件... 赤貝, 宮

我較喜歡日本人主理的日式料理店，並非本地廚師水準不及，只不過做自己家鄉的食物總會有些另類心得，上堂拜師都不一定學到，而且日本人比較細心仔細，平凡中總有一點不同！ 例如這晚在壽勹乃，食材選擇並不只有大路奢華嘅，反而用上少見的川海老、東字卷、水八爪魚及原根三文魚子。晚上廚師發辦有兩款，價錢分別是$1280及$1580，分別不大，後者吃多兩款刺身得三款壽司而已。 $1280/位的菜單已經很豐富，六道菜式加甜品。 季節前菜雜菌蜆仔.川海老.栗子.豆腐日本雜菌蜆仔纖細的味道，佐酒或作為前菜皆稱職。川海老來自四國高知縣，聞名的最後的清流，可見品質！醃過然後炸，不過唔算脆。 另外兩款是煮腍了的栗子及甜甜地的滑豆腐，組合帶點純樸的家鄉風味。 季節清湯東字卷毛蟹湯，那片東字卷口感似魚蛋，是混合了蝦肉、蟹肉及魚肉造成，上面有紅蘿蔔、青瓜及兩條柚子皮，伴以兩粒沒有味道粉團，湯有柚子香，也許混了東字醬油，清甜可口。 時令刺身五點平目魚薄切先到，如常配合蘿蔔酸汁，裙邊相比脆口更討好，薄切輕盁清甜。 縞鰺.馬糞海膽及大拖羅刺身拼盤縞鰺乃深海池魚王，肉質細緻爽口帶點油份，慢嚐更香甜；來自北海道根室赤海膽比一般馬糞海