水門雞飯 (豉油街)

Open Now

Now Closed

假日晚市6點到，餐廳已經坐滿哂人。除左最出名既水門雞飯外，有肉食、小食、菜類及甜品，就連飲品都有多種款式。因為樣樣食物都好吸引，所以2個人叫左好多餸，超級飽。水門雙拼雞飯($56)，油飯熱辣辣，每粒飯都沾滿油香。少飯既份量都多，好足料。附送既雞湯有驚喜，超重胡椒味，湯底清，仲有一大塊冬瓜。特登揀雞胸部分，肉質一d都唔鞋，雞皮滑，冰涼口感好jeng。搭配帶辣既醬汁，就更惹味。而炸雞炸粉薄，雞肉多汁，外層炸得乾，唔會好油膩。泰式清湯腩船粉，湯底同樣都超重胡椒味，揀左多蔥更香。牛腩大件軟林，牛筋炆得入味。金邊粉份量亦多，超飽。原隻燒魷魚($45)，原隻串住送上枱好震撼。好有泰國風味。魷魚邊位焦焦地，辣汁好刺激，後勁辣味好濃。可以原隻/切件上。串燒($14串)，豬肉結實juicy，配沙嗲甜醬，超好食，尼個醬配咩都超夾。旁邊既酸汁，就更清新。而雞肉嫩，與豬肉相比，豬肉串燒口感更勝一籌。馬拉盞肉醬芥蘭苗，肉醬好惹味，帶甜，配飯麵食一流。芥蘭特登要求煮軟身d，一大碟份量超多。菠蘿冰，菠蘿味非常濃郁，冰打得碎，唔會過甜。而且用膠杯裝，方便可以拎走飲用。整體，食物味道同泰國口味不相伯仲，餐廳播住泰文歌，

🍚水門雙拼雞飯 $64海南雞選用走地雞肉質彈牙頗嫩 不過雞味略淡 好靠醬汁調味上枱時已經唔熱 而且炸雞肥膏偏多 口感麻麻。🐔雞肉串燒 $56雞肉肉質偏乾但唔鞋沙爹汁亦夠香濃🍋青檸梳打 清爽 夠氣火速降火！🍫美祿味道甜甜地似朱古力美祿粉亦俾得好夠 飲到底都仲係好濃

一直都聽到水門雞有好好嘅評價，今日終於得閒同朋友嚟食lunch～🐥 天氣炎熱底下排咗大概15分鐘隊，值得一讚係店員態度非常好！友善詢問客人幾多位，亦時常出嚟同客人講返幾時有位，態度好好👍🏻 叫咗水門雙拼雞飯（$64）即使雙拼，佢都唔會將兩者份量減少！呢點好值得讚👍🏻 非常多餸～ 仲食唔晒要打包走🤪炸雞香脆可口、雞肉嫩滑😋油飯夠香同事唔會過分油膩、食晒啲飯都唔會覺得好heavy😋仲叫咗泰國奶茶！茶味香濃、甜度以泰國奶茶嚟講夠晒甜☺️今次用餐體驗好好，絕對會回頭再食👍🏻

跟朋友於百老匯看完早場，旁邊正好有這間泰國曼谷水門雞飯專門店。其實入座時間很早約十二點，店內已經幾乎滿座，及後更要排隊呢。 水門雙拼雞飯 - $64 泰式海南雞雞肉已預先拆骨，雞皮和肉間連著少許脂肪，肉質非常嫩滑，好有雞味，另外的炸雞炸得油而不膩，入口酥脆，兩者沾上醬汁更惹味；油飯香味四溢，有雞湯、香料等味道；冬瓜湯以雞湯為基底，超重胡椒味，入口有少少辣，好清新。 鳳尾蝦炒金邊粉 - $78 有四隻已去殼的鮮蝦，肉質飽滿爽滑彈牙；幼滑的金邊粉炒得夠乾身入味，充滿煙韌彈性，拌著豆乾、芽菜、韮菜等等，還有花生碎和辣椒乾碎拌和，酸甜辣味好突出。 豬肉串燒 & 雞肉串燒 - $52/4串 那惹味濃郁的沙嗲醬是精華所在，味道甜甜的，又帶點花生香味。串燒燒得兩面微黃，肉質軟嫩不乾柴。 泰式奶茶 鮮製泰國手標紅茶，茶色較厚重，味道濃而不澀，充滿甜而不膩的奶香味。 泰式咖啡 泰式喜歡加入煉乳，咖啡的奶香濃郁，加入冰塊又不會太甜膩。 

-{黃店💛泰菜水門雞🍗}今次同朋友食泰菜😉黎到新開嘅分店 叫左兩個lunch set加個小食😆🤤水門雙拼雞飯🤤 ($64)一年前食過覺得炸雞好食啲 一年後認證左係真嘅😂水門雞可以滑啲 有啲普通👀反而炸雞入面好多汁 另點個豉油都好正🤩不過個飯冇乜味😌👖褲評: 5.5/10🤤鳳尾蝦炒金邊粉🤤($78)蝦有4蝦 唔算大隻不過幾有蝦味亦幾彈牙 個金邊粉炒得啱啱 幾香口🥳👖褲評: 7.3/10🤤泰式腩仔🤤($48)半肥瘦勁香油脂味😝個皮好脆口 配埋個汁有啲酸辣味好惹味~👖褲評: 7.8/10環境窄啲 食物質素幾好~去旺角食飯又多個選擇喇😜性價比: 8.5/10服務: 8/10環境: 7.5/10🚩水門雞飯🚩地址: 尖沙咀金馬倫道18號萬勤商業大廈地舖旺角豉油街21C號地舖大埔汀角路11號地舖

開咗咁耐仲要開越多分店 我到而家先第一次食😆原來旺角都開左!🥳平時lunchtime經過都見到人龍🤯裝修好似泰國local小店🇹🇭坐得有d逼但都係特色(?!)😆🐓水門雙拼雞飯🍚 $62朋友話佢覺得炸雞仲好食過水門雞 所以叫左雙拼✌🏻果然炸雞好食d😂嫩滑juicy炸皮香脆 相反水門雞比想像中乾同鞋左dd☹️(我expect好似海南雞咁滑...)酸甜醬汁好食😝油飯油香味可以再重d~大家可以all in炸水門雞😂🦐鳳尾蝦炒金邊粉🍝 $78我本身中意食Padthai😚呢個不錯 濕潤得黎唔會痴埋一pat💦酸味唔重調味剛好😋做到呢兩樣野我已經滿意❤️蛋都幾多同好入味!🐖泰式腩仔 $48切得好薄!! 即使佢都幾多肥膏都唔會感覺成口油😝個皮夠香脆 點酸辣汁好正☺️推介!🥤泰式奶茶Lunch set包野飲😗大大杯 好厚身夠香濃 就算溶左冰都唔會淡!! 我覺特都係甜左少少🤏🏻(不過泰茶一向偏甜啦🙈)