泰玖

Open Now

Now Closed

之前見ViuTV節目「準時開飯」曾經介紹過餐廳，今日終於有機會去荃灣一試佢哋嘅美食。餐廳樓高兩層，空間寬敞，裝修走工業風。餐廳亦有做午市套餐，CP值高，抵食夾大件，食物的定價貼地。間唔中去食晏都係一個唔錯嘅選擇，只可惜唔係附近返工。講返食物，泰玖金磚蒜蓉包烘得金黃香脆，蒜蓉味香濃，店員都提醒我影相打卡要快，因為要趁熱食先至好味。泰式拼盤有炸雞翼、雞卷、蝦餅同魚餅。雞翼切開咗成單骨，食起上嚟方便多。全部都新鮮炸起，香脆唔肥膩。泰玖招牌蟹肉煎蛋卷，煎得香香熱熱嘅蛋卷，裏包住超多嘅蟹肉，面頭再加上蟹柳碎同蟹籽，口感滿滿。泰式馬拉盞炒椰菜苗，炒得好香，菜苗嫩、口感爽。而且份量都好多。食物份量大到想叫多個粉麵都唔驚食唔哂。所以最後直接叫個甜品。泰式芒果糯米飯、飯夠哂軟糯溫暖，味道好平衡好好味。菠蘿活性乳酸菌屎樂冰，成支益力多混落去嘅沙冰飲品，所以充滿益力多嘅味道，而且同菠蘿好夾，既消暑又解渴。

今日同fd行完愉景新城，係愉景新城穿過天橋，見到香車街街市，原來呢頭都幾多食肆。咁岩見到VIU <準時開飯> 推介過泰國餐廳 ，即刻入去試一試。餐廳環境好有FEEL，樓高兩層，工業風設計，下層以bar檯為主，上層有空間感十足，以餐枱為主，無論樓上定樓下，打卡都一流。見餐牌，餐廳仲有做lunch set ，好似好抵，如果係呢頭番工一定要黎試。由於好耐冇去過泰國啦，呢度簡直勾引我係泰國既回憶🤩。我地兩個女仔，點左個泰式拼盤，泰式蟹肉炒飯，泰式明爐桂花魚，青檸梳打同蜜桃梳打。d餐一到，嘩！估唔到咁大碟，一碟炒飯都真係2份量，泰式拼盤直頭3～4人份量。價錢貼地，份量多，CP值極高。🌿泰式拼盤 $168超級大盤，3～4人份量，件件都超大件，一開頭冇諗過咁大盤，以為好似其他餐廳咁細細盤，有雞翼，雞卷，魚餅，蝦餅。款款都唔同味，配埋甜酸醬，一流。其中有款入面有豆角同勁重香茅味，超正。🌿泰式蟹肉炒飯 $138又係超大碟，2個人好夠食，炒飯好有鑊氣，蟹籽, 蟹柳,撈埋隻太陽蛋，好味道。🌿泰式明爐桂花魚 $178原條桂花魚，仲配埋個酸酸咸咸既湯，配料有肉碎芫荽薑蔥，好似仲有酸梅，野味得黎

窩夫與蝦子餅間中會去吃泰國菜，日前便二訪荃灣的泰玖。門面看來一點也不似泰國餐廳。雖然椰青以外的無酒精飲品有買二送一的優惠，但窩夫還是想喝新鮮椰青($48)，冰涼清甜，消暑解渴。掃QR code下單，炒菜有「少油」的選項，窩夫十分欣賞。蒜香炒通菜($78)真的做得到「少油」，通菜炒得爽脆，份量亦足。泰式菠蘿炒飯($118)亦份量十足，而且炒得不錯，上面有三款海鮮，分別是青口、魷魚和蝦，青口最好吃，旁邊則放了腰果和肉鬆，可按個人口味加在炒飯𥚃。泰式拼盤($118)有蝦餅、魚餅、雞翼和雞卷，不會太油膩。泰玖招牌蟹肉煎蛋卷($98)是全晚窩夫最喜歡的一道菜，印象中沒有在其他泰國餐廳見過。蛋卷煎成金黃色，上面以蟹柳和蟹籽裝飾，旁邊放了沙律，賣相吸引。蛋卷熱得冒煙，新鮮熱辣特別好吃，蛋香極濃，裡面蟹肉超多，加了葱花和紫洋葱，令口感和味道更有層次。

今日去咗泰玖食泰國嘢 🇹🇭 我哋叫咗泰式菠蘿炒飯炒飯入面有大蝦青口, 仲有腰果, 飯粒粒粒分明, 份量十足另外我地都叫咗d小食, 包括泰式拼盤同金磚蒜蓉包拼盤入面有雞翼, 雞卷, 魚餅同埋蝦餅雞翼食落有d香茅味, 外層咬落鬆脆香口蒜蓉包蒜蓉味香濃, 包身鬆軟甜品我地叫咗泰式芒果糯米飯 🥭 賣相超得意, 好似芒果味壽司咁除左有紫糯米,仲有普通糯米芒果香甜, 口感煙靭我哋仲叫咗個新鮮椰青飲,椰清加埋新鮮椰青肉,飲落清甜解渴🥥

生日月，飯局不斷！這一晚便得到好朋友的邀約，下班來到荃灣曹公坊嘆泰國菜！從「泰玖」的門面來看，完全聯想不到這是一間泰國菜餐廳。而走進去後也是非常有特色的裝飾，筆者也是第一次坐在吧枱吃泰菜，感覺似是在日本餐廳食omakase。拼盤分別有雞翼、雞卷、蝦餅和魚餅共4款。雞卷啖啖肉；雞翼處理成單骨，進食方便，炸香後入口脆卜卜。魚餅帶點香茅味道，頗為香口。蝦餅就相對遜色一些，稍嫌未夠彈牙口感。粉絲沙律入口酸辣，惹味開胃。不過辣感會隨着時間的伸延變得明顯，越食越辣。伴上了青口、魷魚等其他食材，口感變得豐富。每次食泰菜都會點炒通菜。通菜炒得很香，很爽口。配上馬拉盞醬的特有味道，顯得鹹香惹味，而且也帶上一點微辣。最欣賞是餐廳提供了少油選擇，食得更健康！香茅茶帶著檸檬清香，酸酸甜甜挺好喝。

好耐冇去過泰國🇹🇭，成日都好想食泰國嘢，咁岩荃灣新開左一間泰國菜，所以去試一試。入到去裝潢🤩好靚，成個環境都好有格調，好適合拍拖打卡去。👯‍♀️🌯泰玖招牌泰式肉碎生菜包 $88份量黎講都想多，味道好夠，🌶️小辣都好夠辣，好適合重口味人士去試試。🥘泰式菠蘿炒飯 $118材料好豐富，有三色豆🟢🔶🟨、提子乾🍇、菠蘿🍍、蝦🦐，仲有2隻青口。份量都ok，夠2個人食。🍢泰式拼盤 $88入面有4款小食，包括︰雞翼、魚餅、雞卷、蝦餅。炸得岩岩好😻，上菜既時候仲係熱既，亦都唔會太油，味道都幾好。🫶🏽總結︰係一間好岩打卡既泰國餐廳，環境同擺盤都好靚。