泰嘟嘟

Open Now

Now Closed

今日來利奧坊商場對面一間泰國菜小店食晚餐，晚飯時間座無虛席，就算訂咗位都要等一陣先可入座，店內的佈置陳設好有特色，有霓虹燈同塗鴉牆裝飾。椰青🥥好大個好多汁，椰汁清甜，清新解膩，椰肉都好軟身，好容易刮到出嚟。泰式酸辣鳳爪沙律🥗無骨鳳爪爽口入味，配埋洋蔥絲同木瓜絲清爽解暑，酸酸辣辣十分開胃，辣味有後勁，會越食越辣🌶泰式經典明爐烏頭🐟呢個價錢食到呢款菜式都幾抵食，烏頭幾大條，新鮮多肉，湯底酸酸辣辣好惹味，下面放咗好多粉絲，吸收左魚嘅鮮味同湯汁👍🏻泰式辣椒膏炒花甲醬汁好香好惹味，少少辣多多咖喱香，花甲肥美新鮮，送飯一流😋整體來講，食物質素不錯，款式多，價錢合理；雖然舖頭比較細，枱櫈比較窄，但以小店形式來講幾有特色；店員親切有禮，小店經營顧客多人手少係會比較忙，大家都體諒。

今日同同事係大角咀附近新樓盤做野，放飯見工有間泰國野梗係要一戰。餐廳裝修非常有心思！天花掛滿泰國國旗，牆身用塗鴉噴上泰國嘟嘟車，加埋卡位都係嘟嘟車嘅設計，色彩繽紛得黎又彷彿令人身處泰國嘟嘟車上享受泰國菜！我地一行二人叫左好多野食! ========================= 串燒沙嗲 （雞、豬）$88食肉獸嘅我地先叫半打雞豬串燒作為頭盤，熱辣辣串燒配上兩種唔同嘅泰式醬（辣醬、沙嗲醬），正！ 燒菠蘿 $32最鐘意食串燒生果，菠蘿切得賣相好靚，夠甜夠多汁，好味！ 冬蔭功海鮮湯 $108食泰菜最緊要飲個冬蔭功湯，餐廳用個火爐仔熱住個冬蔭功湯，飲湯最緊要熱辣辣！冬蔭功湯辣、香茅同蕃茄味比例完美，辣得好過癮！同事食唔到辣嘅都飲左兩碗！ 泰式辣椒膏炒花甲 $98嘩啲花甲好大隻呀，同大排檔啲豉椒炒蜆嘅蜆仔差好遠，花甲新鮮冇沙，辣椒膏甜甜地辣辣地夠野味！ 紅咖哩羊排骨 $98 配白飯 $12紅咖哩偏甜，如果辣少少會更好。羊架唔會好羶亦唔會太韌，原來羊架除左配薄荷醬之外配紅咖哩都唔錯！ 泰式飛天炒通菜 $58飛天通菜夠哂大碟，炒得清爽唔油膩，最怕坊間d飛天通菜炒得好肥膩。通菜新鮮，餐廳只選用通菜

早排聽朋友介紹，喺大角咀有間幾好食嘅泰國餐廳，咁啱又好近其中一個客嘅公司，於是揾咗日要上客公司攞嘢順便去試埋問泰國菜。餐廳裝修幾有feel，而且好旺，岀面睇唔岀入面咁旺。今次寫呢篇同平時寫嘅方式會有啲唔同，因為今次嗌咗好多碟嘢食，會嘗試每碟都講一講。首先係前菜「串燒沙嗲」同「燒波蘿」。串燒比想像中大，充滿肉汁，有兩款醬汁點，分別係泰式辣醬同沙嗲。跟住係三碟主菜「泰式辣椒膏炒花甲」、「飛天炒通菜」同埋「紅咖喱羊排骨」。花甲炒得好香口，有少少辣，咖哩反而唔係好辣，兩樣送飯簡直一流。最正嘅係個「冬蔭功海鮮湯」，咁我係一個唔係好食得辣嘅人，個湯我覺得幾辣，雖然好辣但係個湯味道好鮮甜。不過實在太辣，於是叫咗個椰青，幾清甜，解辣之後舒服好多。可惜太飽，如果唔係我會叫多個芒果糯米飯食。超飽，超滿足。

大角咀出名多隱藏美食，朋友話帶我去見識吓好有泰國feel嘅泰嘟嘟 ！之前喺IG見過唔少人打卡，今日終於試到，發現原來價錢合理，味道的確唔錯 💕泰國篤篤嘅座位同裝修，有種去咗泰國夜市嘅感覺 🇹🇭 餐牌選擇幾多，有燒烤、咖哩、小食沙律、海鮮、泰式粉麵飯 🍽 仲有午餐、湯粉麵套餐，種類繁多，價錢由$46-$60不等。========================【冬蔭功海鮮湯】$108 隔離枱嘅冬蔭功好香好吸引，抵擋唔住誘惑跟機嗌～用泰式火鍋爐上，一路滾住暖笠笠☺️ 冬蔭功濃郁酸辣帶有鮮味，香茅香料味突出，辣度介乎就嚟出汗嘅邊緣好過癮 😯 鍋內藏住大量海鮮，有大頭蝦、魷魚同埋青口，清新嘅草菇、蕃茄平衡湯嘅辣度 🔥 呢個湯完全打開咗胃口，越飲越開胃嘅感覺 🕳【香芒軟殼蟹米紙卷】$78餡料豐富到湧出嚟，唔可以一啖一件 😂 蔬菜清爽、軟殼蟹鬆脆、米紙煙韌，口感多層次 👍 芒果同埋酸甜醬汁balance軟殼蟹嘅油膩感 🌿 略嫌裏面米粉偏多好飽肚，同埋米紙卷黐埋一齊夾起時有啲論盡 😅【泰式燒雞全翼】$65燒雞翼～我鍾意食！雞翼大隻厚肉，雞皮帶微微蜜糖味非常香脆，包裹住裏面嘅肉汁，肉質嫩滑 🤤 不過雞翼