紅椒力量 (Closed)

約了朋友在屯門買東西順便試下食新野，紅椒力量又有泰國菜又新加坡菜，覺得好特別便入去了。最有印象的菜色是鹵水豬脾、泰式鳳爪、炭燒豬頸肉。 鹵水豬脾，超好味，炆得好入味，入口差不多即溶。泰式鳳爪簡直係酸辣適中，沒有被任何一方搶味，夠凍，正啊。炭燒豬頸肉好滑好夠味，配特別醬汁真係超超好味啊。一路食一路覺得沒有來錯啊，好滿意。

同幾個姊妹係V CITY行街SHOPPING,行到7點幾見開始肚餓就搵地方食飯,其中一個姊妹提議食東南亞菜,唔想咁HEAVY,於是我地就去左紅椒力量度食,排左一陣終於有位,餐廳裝修一般,唔算太迫,坐得舒服.我地點左:泰式鳳爪,泰式青咖哩雞,泰式椒糕乾炒牛河,馬拉盞炒雜菜.泰式鳳爪:同泰國鳳爪有點不同,味道比較甜酸,唔似泰國菜個種辣,比較啱我唔食得辣泰式咖哩主要分4種:黄咖哩味香;青咖哩味淡;白咖哩椰汁味重;紅咖哩味辣!而佢地青咖哩就有一種蔬菜清香味,好少餐廳可以做到呢種味,值得一讚.泰式椒糕乾炒牛河:炒得夠乾身,帶點微辣,夠惹味,唔似外面食個D一般都係油淋淋的, 食完好似塗左一層厚厚的潤唇油咁,而且仲可以炒到一條條! 馬拉盞炒雜菜:一般

食來食去都係上海菜、日本菜、潮州菜好悶呢！上網搵下有附近仲有咩食先得，原來係 V-City 有多間餐廳架喎，完全唔知道，喜見女朋友最愛的泰菜梗係即刻到訪啦。早一點到攞位係常識啦，唔洗等即入死角二人迷你檯。又係頂手頂腳迷你檯？無辦法，都要照坐啦！不到 5 分鐘女朋友到喇，竟然有卡位轉？原來經理係以前舊同事，真好采。細閱一下 menu，好多菜色都想試呢！有泰菜有新加坡菜，冬陰功、喇沙、紅黃青咖哩、等等。小食併盤，雞牛豬串燒各一。味度平平而單調，質地偏乾不討好，沾上甜甜沙嗲汁還可以。昇華的蝦餅，有驚喜！做法特別，出乎意料，有點廣東點心色采。腐皮蝦餅勁鬆化，蝦膠超鮮超彈，雖略油膩但可口無比，讚！越南春卷，肉鬆偏淡，存在感微弱，一試無妨。雞中翼，極普通的味道，外油內乾，平平無其。泰式鳳爪，鳳爪爽彈脆極可口，味酸濃濃散發 BB 辣，不嗆不過強，夠凍夠冰涼，好食過大尾篤芭堤雅。馬日拉盞炒雜菜，女朋友係植物人必定要多菜少肉，黎碟炒菜唔少得！無通菜？退而求其次炒雜菜吧。菜芯、黃芽白、草菇、甘筍、珍珠筍，配搭使人失望，味道平平，微香微甜，極為一般。青咖哩魚柳，腦海中閃過咖哩，好想一試。女朋友突然向經理查詢

行完Vcity見肚餓就搵間餐廳食晚餐，見呢間滿哂人咁滯諗住入去試下，又真係唔錯嗌完野食唔洗十分鐘就上得7788，效率幾快！唔洗餓住個肚總括黎講好抵食同埋係唔錯既選擇！

其實我自己唔係好食得辣，不過我身邊的朋友仔都好鐘意食，見佢地之前成日就我食唔辣既野，見天氣開始轉涼，今次秋季GATHERING 就決定以火辣辣的作為冬季的序幕，去左間連個名都好狠的 - 紅椒力量拼一拼啦!我的朋友果然唔留手，味味都點辣的。有見及此，我都叫了杯青檸梳打來定一定驚先。XD雖然唔太食得辣，不過都覺得個鳳爪辣得來好開胃，酸酸甜甜辣辣地，味道好有層次，是一個好合適的前菜。呀, 唔記得講，紅椒力量其實係食星馬野既，咁就一定唔少得串燒啦!我地就叫左雞同豬各半打來試，個人認為肉質ok，夠入味，唔點醬汁都好食。主菜方面，金邊粉可說是是晚亮點，我的朋友簡直讚不絕口!!! 雖然佢都好辣下，不過個味真係好野味，所以我一啖青檸梳打一啖金邊粉都食左半碟呢!最後就係個人的推介 – 咖哩雜菜蝦球飯，咖哩可說是我平日唯一會食的辣野，所以我對佢好高期望，而佢亦冇令我失望! 我個人最喜歡的咖哩是有濃濃的椰奶味，而個汁一家要 “傑”! 佢呢兩點都做得好好, 而且最好的是雜菜並沒有被咖哩過度淹至林晒，反而好有咬口，感覺好鮮嫩，連埋飯食真的very good!

前幾日放工，之後同女朋友去吃飯。兩個人一路行一路在想要吃什麼，當煩惱要吃什麼的時候，就停在這間紅椒力量門前。反正未吃過，肚又餓，就入去試一試。入到內坐下，就發現是一間以泰國菜為主的餐廳，而且價錢比想像中的便宜。因為我本身比較喜歡吃辣，所以泰國菜很適合我吃。之後我跟女朋友就隨意選了幾個東西來吃什錦拼盤因為想一次過吃幾種小食，所以就叫了這個什錦拼盤。每一種小食都很好吃，而且又有幾款醬汁，所以每一種小食因應不同既醬汁而令味道有所不同。要我選擇當中最好吃的，應該就是雞翼和蝦餅。雞翼和蝦餅外皮脆肉質滑，炸得剛剛好。吃下去的口感很好，蝦餅因為炸得剛剛好，所以咬下去的口感十分彈牙。冬蔭海鮮湯這個冬蔭海鮮湯在我個人而言，我十分喜歡。因為我喜歡吃辣，所以這個很適合我。而且這個湯內的材料很多，用料十足，又有足夠的香料，所以香味很夠，而且味道非常好。湯的材料包括好幾種的海鮮，令湯更加鮮味。雖然有點辣，但會令人停不了口。這個湯給我的感覺很地道。泰式鳳爪這個菜對一些喜歡酸酸辣辣的人最適合不過，因為酸辣適中，唔會辣得太過火。這個會令人吃到不能停口，因為十分開胃。很貼心的地方是這些鳳爪是沒有骨的，應該是事先拿走了當

我+老公+朋友3個人買左飛睇雷神，見仲未食飯就行左去Vcity試Pepper Power.唔講真係唔知佢地係食泰國野架@@我地3個人都好餓，叫左都幾多野食。2飯1粉1湯2小食2飲品，$500有找！都還算可以接受！最值得一提就係個冬陰公湯，連我個泰國華橋friend都話正宗，仲一路話個廚應該係泰國人喎海南雞好稔呢個粉既量真係好多，食左少少就好飽！好彩有2個男仔咁食得 !!好味冬陰公小食我最鐘意個春卷同雞翼泰式鳳爪都好好味，但我就覺得有少少太辣，要一路飲水一路食飲品就叫左菠蘿冰同雜果冰，童年回憶返晒泥

同屋企人行Vcity,行到餓,本身想出商場食(因為通常商場都好貴)走前經過呢間野,睇一睇餐牌,又幾抵食,仲要無加一服務費泰國菜一碟野都係40幾蚊,大型商場,晚市,竟然做到呢個價錢？！以為會好細碟啦！點知樣樣都大大碟！搞到食唔哂！泰國野比我感覺都係又貴又細碟架嘛！呢間野令我對泰國菜改觀哂！真係好抵食,4個人食8碟野,食到嘔,湯同飯都無食哂,因為價錢太抵,每樣都想食,眼闊肚窄！一定會再有下次PS.等野食期間有上Openrice睇下呢間野既食評,      見到咁多負評仲以為會好差,以為帶錯屋企人入黎添,點知原來咁好食

有朋自遠方來,6個好友去屯門購物,外來朋友想試泰式食品,於是上來睇睇有乜好食,呢個商場泰式食品係得呢間,唔係要行返去屯明市廣場,但見喊仲多個笑,始終有卻步,但朋友又好想食,又行到鬼死咁攰,於是膽粗粗試下,點知有驚喜,並唔係之前食家般的投訴,要平反一下...泰式鳳爪 – 夠酸辣,開胃一流香茅豬扒 – 香茅味夠,不過乾身左少少串燒 – 個汁好惹味,但又係乾身左少少海南雞飯 – 雞幾滑,點埋醬汁入口味道唔錯,個飯好好味,唔算太油,好香耶味鹵豬脾飯 – 個鹵水汁好香,豬脾夠稔又入晒味,食落口又唔算油海鮮喇沙 – 個味道好好,香而不太辣,侍應見我地果碗索晒水唔夠湯,仲主動問我地加唔加湯,抵讚咖哩牛腩 – 咖哩味濃,d牛腩又係炆酊稔晒入晒味咖哩雜菜 – 侍應推介,起初驚辣,不過食入口原來椰味較濃,一d都唔辣,女仕們0岩晒仲有杯奶荼紅豆冰 – 聽落怪怪咁,實際好好飲,甜味適中,唔會話太甜…