阿來泰式地道風味

Open Now

Now Closed

係旺角收工好肚餓同另一半搵野食，搵到呢間泰國野，都見Openrice有過千個好評，就試下😛坐底我地見到二人餐$378，都幾多野食就揀左二人餐（唔洗諗😆）• 燒豬頸肉肉質okay的，不過佢燒到個外皮有少少鞋/韌（好少）但都有啲影響口感。不過醬汁加分 !! 辣辣地好惹味🤍• 海南雞海南雞份量都足夠兩個人食！而且比左髀既位置我地🥹（開心仔）肉質好滑，我自己就怕肥無食到啲皮，不過連平時唔食肥膩野既男朋友都話啲皮都唔係好肥，佢食晒😂醬汁方面唔係好食到咩味🤣就咁食少咸，但點埋個雞食岩岩好😋• 蒜蓉包（4件）佢個餐本身係包兩個白飯/油飯，我地將其中一個飯+$10轉左做蒜蓉包。不過我地做左個唔係咁明智既選擇🥲因為蒜蓉包都好脆口下，但我地個餐就唔包咖哩，所以食落都比較dry同𠝹口😂蒜蓉包都幾香脆，不過個人覺得牛油/蒜油可以再加多啲，蒜蓉/蒜味目前唔算好多。• 泰式肉碎生菜包肉碎份量非常多！菜量反而唔算好多😆同埋佢既生菜都偏薄，食第一塊時加滿肉碎食，搞到太咸🥲第二塊就咁鋪薄薄一層肉碎就岩岩好。肉碎都肥豬肉偏多，重油香，而且夠辣，好食🤤由於菜唔夠肉多，而且蒜蓉包比較dry同𠝹口既關係，我就嘗試將生菜包既肉碎

在旺角找了一下 發現了這間泰國菜 海南雞 肉質偏老 一般般 泰式小食拼盤 [$158] 有4個款式 全部都炸得很好吃😋 馬拉盞炒通菜 [$68] 好吃👍🏻被這個 香芒蟹肉炒飯 [$73] 驚艷了超好吃 有點誇張 但這個炒飯真的是我最近吃過的炒飯中最好吃的 芒果肉很甜 炒飯炒得乾身超香 推薦！ 鮮蝦冬蔭功湯 少少一碗 但材料巨多 贊👍🏻 蒜蓉包 [$38]平常吃到的蒜蓉包都是整片脆的 但這個蠻有趣上脆下軟 口感蠻有趣 椰青 [$38] 清涼之選 椰汁西米糕 [$58] 這個…配散 不太香 偏甜

突然之間好想食泰國嘢，於是就展開尋覓美食之旅，係旺角通菜街發現一間泰國餐廳「阿來泰式地道風味」，即刻去門外擺放餐牌睇下有咩食先，價錢合理，圖片又好吸引，決定要入去試下。我地簡左一個套餐，二人餐(C)＄378- 鮮蝦冬䕃功湯- 泰式海南雞（例牌）- 泰式炸蝦餅- 青咖喱牛- 飛天通菜- 油飯 2碗飲品2杯，可簡特飲重點: 估唔到二人餐既份量可以甘多。鮮蝦冬䕃功湯，好足料，有三隻蝦、菇和蕃茄仔。湯帶少少辣和鮮甜的味道。😋泰式海南雞，份量多，雞件不會太過肥膩，肥瘦適中，而且雞肉肉質很滑。泰式炸蝦餅，超好食好香脆！勁大舊同大碟，點埋泰辣漿更加好食！青咖喱牛，很香濃的椰汁味，很足料，勁多牛。飛天通菜，勁多，成座山甘高🤣🤣串燒沙嗲(豬肉,雞肉各半）$78大大串，抵食。汁燒原隻魷魚筒 $98都係大大份，正👍🏻

好耐之前已經諗住試吓阿來，今日咁啱要喺旺角食晚餐，於是同朋友就一試阿來。餐牌價錢非常之化算。我哋揀咗四款價錢介乎喺$68至$78之間嘅餸，包括：海南雞例牌：份量絕對唔少，雞肉好滑嫩，個醬嘅味道都好好。沙爹串燒半打：沙嗲份量非常之豪邁，雞肉同豬肉串各3串，雞肉幾彈牙，豬肉串略嫌少少乾，但都接受到既。。肉碎生菜包：肉碎味道合適，份量又多！生菜幾新鮮。金柚子鮮蝦沙律：有好多柚子😀鮮蝦3-4隻，蝦籽都有不少，又香又清新😋總括：性價比高，泰味地道。👍🏻

去完先達廣場，順道喺附近搵一間餐廳食午餐。朋友想食泰國菜，經過見到「阿來泰式地道風味」店內幾乎坐滿，一於試吓。午市有粉麵飯套餐，有泰式炒粉麵、冬蔭功炒飯、海南雞飯等等，價錢約四五十蚊價錢親民。主menu有咖喱、海鮮、小食，選擇幾多，我哋三心兩意，揀咗十分鐘先決定到。同行有位「生蝦達人」去到泰國菜館必食生蝦刺身，點知餐廳生蝦刺身冇貨，佢有少少失望🤧=========================串燒沙嗲（半打）$78餐廳預設三串雞三串牛，每串份量唔少，肉質有咬口，醬汁帶甜唔辣好多花生，怕辣嘅朋友唔怕！冬蔭功湯 $78裏面都幾多材料，有蝦、菇、蕃茄仔；仲有香茅、南薑等香料，湯濃郁少少酸少少辣，好開胃咖哩炒軟殼蟹 $108軟殼蟹分為4份，炸漿薄脆卜卜，入口唔會太油；咖哩汁偏濃稠，裏面有洋蔥青椒蛋花，啱拌白飯，如果咖喱辣啲會更惹味海南雞（例牌）$78除咗雞翼位之外，其他部位去骨啖啖肉！雞肉嫩滑皮爽口，配埋惹味酸辣汁，不錯👍🏼飛天炒通菜 $68呢碟通菜相對較淡口，有豆瓣醬辣椒調味，唔配飯直接食都唔會太鹹口，上枱時仍然翠綠。汁燒魷魚筒 $88可能要燒嘅原因，其他餸菜到咗一陣，魷魚先到。魷魚蘸酸辣

好耐無食泰國菜, 早幾日行街時經過見到呢間鋪好旺, 望過下佢個餐牌又都好似吾錯, 今日收工就捉左好同事陪我去食啦, 哈哈.我地 focus 係2人餐, 心大心細左一陣, 最後揀左$378果個餐, 因為同事想飲冬蔭公湯上菜勁快喎, 5分鐘吾洗碟海南雞就上枱了.吾係講笑, 真係睇到都feel 到佢滑, 個醬要讚, 超好味, 微辣, 好開胃跟住到冬蔭公湯, 個湯都幾足料噃, 3隻蝦, 大大隻, 仲好幾彈牙, 酸酸辣辣都OK好味. 個飛天通菜炒得好香呀, 又夠辣, 一D都吾油添, 非常之咁得炸蝦餅好大件, 但厚得嚟質感吾算實的的, 好香口,食左咁多濃味嘅嘢, 青咖哩牛肉最後先上就顯得淡左 D 添… 入面配菜料都好多, 牛肉亦夠嫩滑, 不過可以再辣DD.個青咖哩勁多汁, 可以當湯咁撈晒2碗白飯, 哈哈.跟餐仲包2杯餐飲, $378 真係抵食, 今餐又食多左…

無住家飯食嘅我今日又去搵好嘢食。之前介紹過黑布街附近有咩好嘢食，今日就講下旺角另一條平民化的食街，就係先達隔離嘅通菜街。今日口啖啖，想食啲香辣嘢，所以約左朋友去呢間阿來。呢間阿來好多人幫襯，我六點入去就唔使等，但坐咗一陣就已經全場full house。因為大太肚餓，所以叫左六樣嘢食。首先飲番個泰式鮮蝦冬蔭功湯開開胃。叫一個細嘅就兩個人啱啱好，個湯好好飲，香辣酸味夠，亦都好平衡，香料好足，蝦頭索晒啲湯，識食蝦頭嘅人就會覺得好食。飲完個湯就到炸蝦餅。蝦餅好香口，夠彈牙，食落蝦味都夠。因為驚食唔晒，所以海南雞叫咗例牌，兩個人就啱啱好。雞肉夠滑夠嫰，雞皮唔會太肥，可以接受。跟住食下主菜泰皇咖喱炒大蜆，呢個我朋友叫，我本身麻麻地甲殼類，不過啲汁就好好味，用嚟撈飯或者蒜蓉飽就very good喇。呢個辣椒膏蝦頭油海鮮炒飯 ，食落有辣椒膏嘅香味，可以再辣啲都得，不過今次最主要都係用左嚟撈汁食。最後就係食菜啦。好少見食店炒通菜會加豬頸肉，所以叫嚟試試。不過其實就咁炒菜都夠喇，因為菜都炒得好香，唔使豬頸肉都得，人到中年，都係唔好食太多肉好～雖然眼闊肚窄叫多咗，不過我地無浪費咖，全部食晒。食咁多嘢，埋單都

星期日晚，旺角真係好多人，和朋友正在諗緊食什麼的時候，經過通菜街這間阿來泰式地道風味餐廳，覺得都幾吸引，全場滿晒座，同門口店員說兩位的時候，他們邀請我們上樓上雅座，原來餐廳有兩層又幾好喎， 樓上更加安靜，座位闊落，坐得很舒服這間餐廳都幾出名，牆上有很多飲食雜誌的訪問專欄，菜式很豐富，比較之下，和朋友點了二人餐＄328 ,可以選擇泰式滷豬髀，或者泰式海南雞，燒豬頸肉，山下刺身，泰式肉碎生菜包，還有白飯或者油飯兩碗，飲品兩杯。先上枱是泰式海南雞，都有差不多半隻的份量，去骨，雞肉做到很嫩滑多汁，皮肉分離，配着秘製醬汁一齊食，讚再來生蝦刺身，山蝦很大隻，中間開邊，夠新鮮，不過一上台就要快快食，因為底下鋪了冰粒，很快就會用了變水，醬汁不是很辣。泰式肉碎生菜包，豬肉碎炒到很香，食泰菜必點泰式豬頸肉，豬頸肉燒到很香，肉質很鬆軟，醬汁很特別，甜甜地，不似其他泰菜的燒豬頸肉醬汁，但是好好味加$10可轉蒜蓉包，烘到香口，蒜蓉味重，但是太飽，食唔曬啦啤酒不跟餐，要散叫，甘地道的泰菜，當然要配番支泰啤啦！整體來說，真係不錯👍有時間可以試下

八月果陣去左一轉泰國，一直都好掛住泰國的味道。今日同朋友行開旺角，經過呢間主打泰式食品既餐廳，就入左去試試。「不過不失」生蝦相信係泰國菜必點食物，呢度既生蝦唔算好特別，生蝦汁有點兒稀，偏淡，唔算好做到提鮮既效果。而生蝦就夠爽口，食落算係脆身既蝦肉，呢點可以補返丁點兒分。「相輔相成」生菜包食落係一種好熟悉既感覺，有啲似屋企既蒸肉餅切粒。睇落個色水偏淡，本以為會淡口，唔夠味，但食落係剛好的，而且辣味好出，係下道開胃菜。生菜塊塊大小相約，而且唔係濕漉漉既，拎上手算舒服，整體來說幾唔錯。「嘖嘖稱奇」到左呢碟不得不提既主角──海南雞，本身覺得係度食海南雞會有啲奇怪，但見鋪頭入面個個都係咁食，咁我地都叫埋一份。雞皮咬落唔油，再加埋佢個雞醬，完全唔覺油膩。而雞肉就好滑，食落好腍，我估應該係廚師既功勞，值得一讚！「平行互補」甜品係芒果糯米飯，呢度食既係白糯米，唔係我心愛既紫米，不過估唔到都有驚喜。糯米有甜味唔係死甜，而且仲會有點點既鹹味，加埋個椰汁食落有一個平衡係度。另外，芒果可能唔算係當做，食落有點兒酸，扣小小分，不過整體黎講，呢個甜品係值得返黎再食既。最後想講，呢度上菜速度十級快，我地落左單唔夠三

突然好想食海南雞飯，所以特登黎阿來，因佢個海南雞飯好出名。星期六，七點幾黎到已滿座。招牌海南鷄飯必食，好小食到咁嫩滑既海南鷄，雞夠嫩滑，正宗！！油飯都好香，好出色入味，配油飯真係一流！！食海南雞，個sauce都一樣咁重要，呢度d sauce都好正，成個飯十分美味，正，好滿足！！仲有叫燒魷魚同豬頸肉，燒得好香，而且肉質唔會韌，d配醬都整得好好味！！椰青好解渴好飲。我地幾個都食得好開心，好滿意，全部食物都有水準，服務都唔錯，最重要係價錢都好公道！！

聽好多人講話阿來既泰菜好正宗，地點又方便，行完街想食泰菜所以揀呢到食晚飯。裝修ok坐得舒服。叫咗個二人餐超級扺食，叫咗個C餐，成個list都係我想食嘅野，難以想像咁嘅價錢有咁多野食。鮮蝦冬蔭公湯：蝦大大隻，湯好多菇，足料，湯酸辣得好醒胃！！海南雞：呢度嘅必食，好正！！加$10轉咗蒜蓉包簡直係一絕，好味配搭！！青咖哩：咖哩放落枱已經閒到好香既咖哩味，一望個色就知好正宗，加上料又多，辣度只係少少辣，唔食得辣既朋友都食到。飛天通菜：菜爽口新鮮，辣得好惹味。食物同服務都好好，推介比鍾意食泰菜既朋友，真係值得一試！！

阿來阿來～今日同宿友相約在旺角試吓呢間泰國菜～可能我地比較早～6點到就直入😍環境就普通餐廳嘅樣 冇特別不過慢慢到我地食到一半就開始坐滿曬～佢呢到有好多唔到嘅set經過我兩位神算子嘅宿友度過後～決定叫$298嘅二人套餐比較化算🤔第一味出場嘅係蝦刺身我地三人一致認為如果你想散叫呢個絕對唔好好重冰鮮味 而且唔係我所認知嘅蝦刺身味😑（可能係泰國風味黎😂？）油飯～你可以選白飯或者油飯我個人比較喜歡泰國油飯有薑味好醒胃👍飛天通菜辣到飛天😂一開頭仲同宿友講都唔係好🌶點知愈食愈🌶不過通菜真係炒得好爽口👍（建議唔食得🌶嘅可以轉蒜蓉炒）呢個呢！仲🌶過通菜😂因為佢將辣椒切到好細混入肥豬肉一齊炒所以特別🌶不過d豬肉好肥肉～岩曬我呢d鍾意肥豬肉嘅人My favourite!!!!!!!來自海南的雞🤔真係好滑！肥美嘅雞皮再加嫩滑嘅雞肉😍Perfect!值得一試👍二人套餐包兩杯野飲冰飲+3蚊 特飲+5蚊叫特飲都幾抵黎杯凍朱同檸七～冇加一服務費👍

出動搵食之前通常我都上下openrice睇下各位食家有咩好介紹，睇到介紹阿來，照辦煮碗叫左個2人B餐，只需$298就有4個餸，2個飯，2杯飲品！ 仲唔加一，單睇價錢已覺超值！ 我平時好少食到海南雞會唔失望，但今次讚不絕口，肉質又夠juicy，好夠味 連平時唔鍾意食雞胸既我都食晒！連埋個油飯，簡直一流！ 落單姐姐見到我地2個女仔，已經主動話可以裝少啲飯比我地(不過裝少左都有咁多) 如果男仔黎食一定夠飽！呢個餐竟然都包6隻生蝦刺身，簡直係一大亮點！ 每隻都咁大隻，新鮮無雪氣又唔腥，又彈牙，非常讚 通菜比我想像中辣，但都新鮮好味 生菜包都幾辣，所以食唔得多，下次去要叫少辣先得！個餐仲一人包一個飲品，我地叫左柚子蜜之類，但顧住食，唔記得影相添！整個用餐體驗好不錯！星期二閒日餐廳都唔算太爆，唔洗點等位，好快我實會再黎啫！