淥鼎記

Open Now

Now Closed

淥鼎記之前已經來過幾次，今次試吓佢個「小寶套餐」，平日星期一至四7:30pm前離座只需$228，套餐包前菜、主菜同超過40款嘅火鍋配料任食，真係抵食到喊🤣🤣🤣前菜係四小碟（一次性）有鹽酥雞、拍青瓜、白雲鳳爪、脆花生，全部都幾好味，鹽酥雞上枱時仲係熱辣辣的👍🏻主菜係六選一，有烤魚、雞煲、酸菜魚，作為酸菜魚我每次都一定點酸菜魚的😆 其實啲道菜單點都要$198，而且係大大碟又足料，依家火鍋放題包埋真係好抵食。魚係用上左鱸魚，白滑好肉鮮甜美味，湯底酸味同辣味都適中，配菜有寬粉、花生芽、蓮藕片、萵筍等等，非常豐富而且好好味，我哋兩個人全部食晒差點連湯都飲埋😆之後先開始火鍋放題，湯底可以六選一，今次㨂左海皇海鮮鍋，睇隻色初初以為係蕃茄底，飲落先發現原來真係海鮮湯底，裡邊有大量新鮮海蝦，湯底海鮮味濃郁而不肥膩，非常清甜👍🏻食材可以用QR code 落單，而出面自助區亦有大量火鍋配料同飲品，基本上要有嘅都有齊，非常全面，由於種類太多就唔逐一介紹了😆 （餃子雲吞幾好食記得要試👍🏻）可以落單嘅食物都唔少，而且質素都幾高，推薦嘅有以下幾款：安格斯極佳級精修肥牛 脂肪比例較高，入口牛脂味香濃，口感豐盈，而且大

今日收工去左打邊爐，地點係旺角淥鼎記。今晚食小寶套餐，7:30前離座價錢$228加一。川味滷水拼盤先黎一份川味滷水拼盤，係暖架！等你食住等湯底。滷水拼盤有鵝掌同鵝翼各2，豬大腸2件，紅腸2片，豆腐兩件，同蛋半隻。唔辣wor。落單用QR code，每次落單只可以叫三份，包以下食物：海皇海鮮鍋 湯底4選1，我地揀左呢個海皇海鮮鍋，其他3個分別係鴨血麻辣，皮蛋芫茜豆腐，澳門豬骨。海皇海鮮鍋個湯係橙黃色，味道算清淡，下底有蜆仔，非常鮮甜。安格斯極佳級精修肥牛呢度d肉唔會太薄切，食落有質感。牛味濃，只係要稍微咬下。美國安格斯牛肩胛牛味都係濃，質感較厚身同大塊。安格斯封門柳牛味都好濃。鹿兒島夢幻豚脂肪平均，食落質感同豬味都唔錯。黑毛豬捲腩係圓形切割，食落比鹿兒島夢幻豚當然更爽口。紐西蘭羊肉片係圓形切割，食落好嫩口，脂肪少，味道只有少少羶。我地主力食羊。鮮脆鯇魚肉淥一陣就食都好脆口。手打蝦滑，手打墨魚滑，手打鯪魚滑細細粒，非常彈牙，果然係手打，好新鮮。鮮雞件兩件都係雞髀肉，食得出唔係雪藏貨色，好滑。自助配料吧好衞生，全部用蓋蓋住或者放係雪櫃。 選擇有好多，一般既配料如龍蝦丸，包心蟹籽丸，午餐肉，蟹柳