幸屋

Open Now

Now Closed

呢間存在於巷仔既拉麵店，所以食過一次，過左一排冇食，宜家再去食，都有保持水準▪️特濃味噌廣島蠔沾麵啲蠔好鮮，而啲湯非常足味，好濃，加上檸檬汁有少少酸味，令平衡埋整個麵既味道，麵可以揀熱或者冷，姐姐話凍既麵比較爽口，所以揀左凍，事實真是如此▪️海老蝦味噌拉麺有足夠既蝦味，而溏心蛋真係好好食，而啲肉都有好好吸到湯既味道，所以都有味噌既味道▪️和風餃子應該會豬肉餃子黎，同沙律醬好夾，份量好恰當，係一個不錯既小食黎▪️炸雞翼唔會好油，加埋啲醬，令到個味道更加豐富，雞肉好嫩

撞正氣溫急降又落雨嘅週末，就想食碗熱辣辣嘅拉麵，平時多數要等位，今日難得有位，就即刻入去咯~蝦汁帆立貝沾麵 $128沾麵湯汁用石鍋bulu bulu滾住送上枱，蝦汁好濃！將麵沾入湯汁，每一啖都係好味！帆立貝熟度啱啱好，食完好滿足！本身嘅建議食法係食哂啲麵後，剩返嘅沾麵汁可加入熱湯，再飲哂碗湯。但食完成碗麵已經夠哂飽，真係飲唔落喇~海老蝦味噌拉麵 $88湯底滲出微微蝦味，叉燒質感軟腍，肥瘦適中。芝麻手羽 超脆外皮，非常香口紫薯栗子餅脆卜卜外層，包著甘甜嘅紫薯薯蓉，入面仲有栗子粒粒。

拉麵小店價錢公道但有驚喜，連鎖食得多，但其實高手臥虎藏龍呢。今日食特濃味噌廣島蠔沾麵海老蝦味噌拉麵先講一講個沾麵，廣島蠔共有三隻，都好鮮味，沾麵可以揀冷或熱食，今次揀了熱上，沾麵個汁好鮮味，不是一味的死咸，而係相當有層次，會係一種你食了一口，就想食第二口，第三口，好想繼續品嚐既感覺。蠔都真係新鮮 拉麵方面 個湯底除左加了櫻花蝦，本身好好濃蝦味。 味道並吾係死咸，或食完好口渴，反而係好濃厚，好香。麵吾選粗麵或。 幼。 麵，叉燒可選要肩肉定腩肉，都幾按個人喜好而定。蛋仲要係原隻。小食方面今日都揀了一款和風餃子餃子連個底皮上齊上，加上木魚，沙律醬所以第一下咬落去係脆既。然後先係餃子，一共有6件。$38係抵另外小食係和風炸雞，即時炸起，相當脆，好食。

午餐選擇左去食呢間見好多人讚既拉麵，可能抱住太期待心情入去食，最後覺得好失望。首先拉麵方面價位同其他香港拉麵店差唔多，都係中上價位。可以揀麵既軟硬度，湯既濃度等等。叫左海老味噌拉麵，選擇左濃味。上檯好香，連櫻花蝦食都仲覺得入味，點知分開唔同櫻花蝦食，味道就有dd唔夠突出，仲有d味精湯味咁。朋友叫左胡麻王豚骨(冇影到)，完全唔好食，仲食剩地去埋單走。整體黎講，呢個價位，會希望有驚喜，但食唔出一點既日本味道，有d覺得唔值

剛巧與同事灣仔放工，對灣仔食肆毫無頭緒的我，在他帶領下來到他常到的拉麵食堂用膳，估不到小巷內檔攤後隱藏著那間性價比頗高的餐廳。在漆黑的小巷中那光亮的門面本應奪目，但正位於檔攤後，難以發現到它的存在。木門牌、紅燈籠以及趟門的設計富有日本特式，看到放於門外的餐牌相片亦相當吸引。甚少有如此樓底高及寬敞的拉面鋪，內裡主要以啡木及黑色為主，沒有特別裝飾與設計，只貼上餐牌及相關海報。熱燙味噌湯稠度剛好掛於每條粗寬麵條上，令味道咸香帶有淡然味噌味的湯底充滿整個口腔，撈上蔥花、木耳及金荀增加不少口感，旁邊的檸檬確實重要得很，大大提升蠔鮮味之餘亦不覺海鮮腥，蠔肉也尚算飽滿，自覺酸味可連續至整碗沾麵，額外加上餐廳提供之白醋在麵中，開胃程度非常適合炎熱的夏天，也可令麵條更順滑，但對於烹煮過時的溏心蛋有點失望，未能達到溏心效果。湯底當然是拉麵靈魂之一，味噌咸香為湯底基礎，隨後有蝦鮮餘韻，雖然蝦味有如濃縮調味料，但尚算自然不覺重味精成份，配以櫻花蝦進食蝦味更突出，2塊叉燒厚身層次分明，肉質嫩腍充分吸收蝦湯精華，令蝦湯增添豬肉香。咬下溏心蛋時流心蛋黃傾出，與廣島蠔沾麵中的溏心蛋比較簡直是天淵之別，可看出製作時的不

小店裝修好有日本拉麵店既感覺☺️而且侍應姨姨服務態度都好好~ 開頭碗拉麵漏左溏心蛋😱我地以為要加錢先有 諗住加錢個時 姨姨話應該比漏左😂最後加番比我地😋🍜海老蝦味噌拉麵🦐 $88可以揀幼/粗麵 我揀左粗麵 但其實都係好幼😂望落彎彎曲曲似公仔麵 食落都算彈牙😋湯底濃得黎唔會過鹹 就咁飲都好香 配埋蝦乾蝦味濃🤤肉方面揀左mix 可以試晒叉燒同豚角煮😆(我本身好中意豚角煮但太邪惡了🤮🐷)兩樣都好好食👍🏻叉燒好腍 豚角煮肥瘦比例岩岩好😍個醬汁仲好香!!💫

住灣仔朋友帶我去試吓隱世拉麵店！我哋柯打咗一個拉麵加一個飯同兩個小食，估唔到最有驚喜喺小食海老蝦味噌拉麵雖然係小店.但對拉麵製作好一絲不苟，可以選粗或幼麵，麵的軟硬度，香油，蔥及椰菜的多少，最特別係可以揀叉燒或／及豚角燒！貪吃嘅我緊係兩款都揀，可試吓不同的口感加味道蝦味噌好濃郁蝦蝦味，湯底中有大量的櫻花蝦！我較喜歡叉燒的口感同埋較簿更易掛湯！仲有係有一整隻糖心蛋蒲燒鰻魚丼有2大條鰻魚，魚帶有炭燒味，溫泉蛋的蛋汁配上甜甜嘅鰻魚汁，食到齒頰留香芝麻手羽炸得香脆，醃得入味，必食之選！和風餃子一個黃金脆卜卜的底配上木魚絲，沙律醬，原來都有成6隻餃子，好特別惹味，令每隻餃子都香脆可口，有章魚小丸子的味道！係好美味又性價比高嘅一餐！

📍 幸屋💙 （* 藍店）📍 灣仔 • 機利臣街5-9A號維昌大廈地舖灣仔美食隨處可見，這晚來到的《幸屋》這家日式拉麵店，食物很好吃，服務還好～好多客人看上去都是打工一族，上班以後來享受一碗美味的拉麵🍜裝潢和風，設靠牆卡座還有沙發座位，啊，少了掛衣服的地方！🧥所有拉麵／沾麵都有配叉燒跟糖心蛋，都很好吃唷～感覺麵的份量好大，可以吃的飽飽XD選擇自主，麵條可選硬／軟、粗／幼；叉燒可選豚角煮／叉燒／御屋（mix）等等，不夠的話還可以加入多款配菜喔！海老蝦味噌拉麵 ($88)蝦味很香濃，把味增湯底的鮮味昇華了不少🍤所選的粗麵條把濃郁的鮮味吸著，口感爽滑彈牙，大滿足！溏心蛋做的很好吃！🥚特濃魚介醬油沾麵 ($98)麵條選了冷的跟粗的，比拉麵的「粗麵條」更粗喔，很有嚼勁！叉燒選了「御屋（mix）」，本來以為是「豚角煮」跟「叉燒」都有，但其實也只有一塊，意思應該是半肥瘦的吧～不過叉燒有焦香，肉質鬆軟，很好吃！沾麵湯雖然魚介味道濃郁，但略嫌不夠濃稠🤭還有盛載的器皿應該不太保溫，湯很快就涼了🌬還點了兩份小吃，價錢不算貴，都很好吃，推薦喔！！芝麻手羽 ($38)上桌時還有煙飄出來，炸的香脆熱燙，咬下去肉汁全

朋友聚舊揀左去食拉麵，橫街小店裝潢簡約陳列充滿和味。拉麵小食同樣出色，此乃臥虎藏龍之地是也~和風餃子 $38賣相靚仔，個樣與大阪燒相似。餃子六隻有層薄薄嘅脆皮連住，餃子煎得唔乾身唔油膩咬落仲有肉汁，連埋脆皮一起食，外脆內軟之感相當正，加上淋左滋味沙律醬、甜甜的燒汁和咸香味的木魚碎，食落相當美味有Ｄ滾動，小食要俾滿分！炸雞 $38炸雞三件份量唔少，炸粉超薄咬落鬆化雞肉嫩滑，唔乾身唔油膩有肉汁，同樣有水準的小食。海老蝦味噌拉麵 $88落了大量櫻花蝦，湯底鹹鮮蝦味好突出，叉燒半肥瘦肉質嫩入口即化，標準糖心蛋，幼麵爽口彈牙，飲啖湯有著幸福滿滿之感。特濃味噌廣島蠔沾麵 $108重點廣島蠔三隻，肥蠔飽滿鮮甜嫩滑，再多都食得晒，奈何只有三隻。沾麵為粗麵口感煙韌彈牙，濃湯味噌下好掛汁，熱石鍋保持到熱食相當好味。