幸屋

Open Now

Now Closed

撞正氣溫急降又落雨嘅週末，就想食碗熱辣辣嘅拉麵，平時多數要等位，今日難得有位，就即刻入去咯~蝦汁帆立貝沾麵 $128沾麵湯汁用石鍋bulu bulu滾住送上枱，蝦汁好濃！將麵沾入湯汁，每一啖都係好味！帆立貝熟度啱啱好，食完好滿足！本身嘅建議食法係食哂啲麵後，剩返嘅沾麵汁可加入熱湯，再飲哂碗湯。但食完成碗麵已經夠哂飽，真係飲唔落喇~海老蝦味噌拉麵 $88湯底滲出微微蝦味，叉燒質感軟腍，肥瘦適中。芝麻手羽 超脆外皮，非常香口紫薯栗子餅脆卜卜外層，包著甘甜嘅紫薯薯蓉，入面仲有栗子粒粒。