炎天丼 (Closed)

十點多人在旺角仍未晚餐，周圍覓食看到門外貼滿的天婦羅丼飯圖片，或許店員看到我們肚餓的樣子，臨近關門時間也招呼我進店內用膳。看了看餐牌決定點首頁的推薦，海膽天丼及海鮮天丼。先送上來麵豉湯及沙律，麵豉湯呷了一口，並不是只有鹹味的湯水，吃得出有誠意，湯內有豆腐菇頭豆卜。隨丼飯送上的沙律是可想像的味道。店裏的廚房是半開放式的，看到店員即叫即炸的丼飯，真的滿心期待。丼飯送上來時真的吃了一驚，份量十足，材料滿滿，心動心動。先試試海膽天丼，店員再三提醒要先吃了天婦羅菜心及海膽，既然提醒了就先試。天婦羅菜心本來覺得怪怪，但吃下反而有驚喜，一點也不油，香脆十足。天婦羅海膽味道香濃，滿口軟滑海膽配又脆香紫紙，過癮。其他蔬菜天婦羅也要一讚，蓮藕茄子番薯，全都炸得乾身脆口，只是炸漿就厚了一點點。溫泉蛋天婦羅，蛋汁配略為調味的白飯，也非常配襯。另一丼飯是以海鮮為主，有天婦羅炸蝦、蟹腳及魷魚，每樣都不錯，但個人還是比較喜歡天婦羅蔬菜及天婦羅溫泉蛋。丼飯份量十足，最後還要很不甘心的吃剩，下次點個少飯版本。總括而言：環境：日式小店木系裝修，坐位小小而密集，坐滿應該有點迫。食物：天婦羅處理得不錯，每樣都炸得不油不膩，很

旺角街頭總有好多驚人既好餐廳，今次黎到專門食天婦羅既日本餐廳，黎既時候都偏夜（差唔多9點）所以都有好多位😛叫主食既都會送一碗麵豉湯，暖暖地幾舒服，唔算好濃味都叫飲得過既等左10分鐘左右熱辣辣既天婦羅丼就黎到啦，唔係講笑真係feel到岩岩炸起既個陣熱氣，食得出真係新鮮炸起既天婦羅😛茄子咬落水份十足，南瓜香口得黎係一陣軟熟同埋鮮甜，一口咬落海膽個下海膽汁暴瀉係口腔真係非常之不得了😍食完天婦羅好似要就咁食白飯？又唔會喎，佢配置左紫菜調味劑同埋七味粉，可以比大家撈飯食，配上佢既天婦羅糖心多既多汁，白飯都同樣美味😋😋最後仲發現唔洗收加一😛🤫

天婦羅似乎係每人都喜歡嘅食品，每次經過女人街，都見到幾多人喺入面。炎天丼座位間隔唔錯，多數二人或四人座，唔會特別擠迫。以前見到會成碗天婦羅，會覺得好快飽好滯，今次食完推翻以前嘅諗法，完全有驚喜首先一坐低店員已經遞上一1壺檸檬水同每人一碗麵豉湯，而家已經好少餐廳咁主動，服務唔錯原來餐廳除咗天婦羅仲有和牛、炸雞、麵食等，我同朋友都叫咗佢招牌嘅天婦羅天丼。1. 海鮮天婦羅 配咖喱湯烏冬🍤海鮮天婦羅有炸蝦、炸蟹棒、炸菜心、炸椰菜花、炸魷魚，當中嘅蔬菜好特別，從未試過。炸天婦羅好鬆脆，炸粉唔會好厚，值得一讚天婦羅有醬汁點，味道好夾，食完成碟都唔會覺得好油，味道意想不到地好！咖喱湯烏冬係用高質嘅稻庭烏冬，咖喱亦有薯仔、紅蘿蔔等配料，烏冬配天婦羅真係幾好味，唔會太乾亦唔會太油膩2. 海膽天丼我朋友嗌咗招牌海膽天丼，佢話海膽味道好好，佢嗰碗比較多蔬菜🥬，有南瓜、茄子、菜心等，比較特別嘅有溏心蛋撈飯，仲可以任加飯素去配飯總括嚟講，如果經過女人街，好推介黎依度試下天婦羅配烏冬/蕎麥面，相比白飯冇咁滯！

其實一直都很想試一試「炎天丼」的天婦羅，但是我個人很少入大埔，很難去會一會大埔總店。手癢癢上openrice search一search「炎天丼」這個大名，竟發現旺角有分店!!!平日行開旺角竟然不知道隱世高手就在附近，剛巧今日就正正在旺角的街上，當然要去試一試啦7點左右路過，立即有位!入到去見到「海膽天丼」的賣相幾吸引，價錢都好合理 — $95天婦羅的種類包括：菜心苗、茄子、蓮藕、南瓜、海膽(2件)每件天婦羅都炸得很香，有點也不油膩!炸海膽連紫菜一起做天婦羅都很特別，加上飯素的配搭很襯，突出到海膽味而不覺得膩，好滿足!!!

見哩間專食天婦羅嘅食店幾好評，要試一試先~海膽天丼 - 先食件海膽天婦羅，頗驚喜，由於炸過關係，紫菜固然脆口，海膽熱咗味道更濃；其次係隻流心蛋，外面亦炸過幾得意。其餘都係炸蔬菜，當中首推菜心苗，外脆內juicy, 正！其餘如南瓜呀蓮藕比較木獨，一般。而飯粒淋咗適量醬汁，不錯。海鮮盛合 - 有甲紋魷魚，日本蟹棒同虎蝦。用料實在普通，魷魚同蝦都冇乜味道。唐揚炸雞 - 炸得外脆內嫩，但非常油膩炸東菇 - 咬開菇裏面比較乾，麻麻桃汁及提子汁 - 桃汁較甜口，提子汁頗酸，兩者味道都唔假，不錯。後記 - 除咗海膽同菜心天婦羅較好味，其他都一般，而且頗油膩。如可用較優質食材更好，寧可價錢提高一點。

今日同 #菜爸爸 食新野🤠🌜海膽天丼 $95：完全無諗過炸左嘅海膽入口竟然係煙韌軟糯😲 有驚喜喎！一碗有兩件炸海膽。🌜海老天丼 $38（下午茶）：下午茶其實真係好抵食，雖然得一隻炸蝦，但配埋其他炸物絕對夠食～ 但整體黎講炸物雖然夠脆，但炸漿略為厚身，唔係好輕薄果隻。但最突別係佢有「菜心天婦羅」😂果然有港式味道// 而且每件天婦羅都灑上左「雲丹飯素」，雲丹就係海膽，如果唔夠仲可以自己加添👍🏻😚*順帶一提：服務很好❤ 桌上的是檸檬水但唔好處係款式真係唔多。 👅請俾分：6/10

星期日中午唔知食咩好，上網見呢間大埔名店係旺角新開鋪便同朋友來試試，一坐下來店員已極速放下餐牌，餐嘅選擇一眼見晒，不用太多考慮！點了一個海膽天丼朋友點了海老天丼，不用等很久便到。店員放下後便禮貌地簡介食法，見議我們怎樣享受這頓午餐。真係一讚！食物方面炸物最怕就係食到成口油，係呢度可以放心完全不會覺得食到，簿簿的炸漿食落香脆且不帶油，真係唔錯！那隻流心蛋更是一流，如果路經真的不妨試試！至於海膽就不過不失。不過追加小食或餸就略為貴，$20.-2粒魷魚（太細連相都無影）真係好少份量雖然味道不錯。如果價格稍為平些更好。