臨記車仔麵 (Closed)

今日在藍田呢邊搵晚餐，行行下啟田商場見到有車仔麵，於是就坐底先購票, 再取餐MENU 好清楚顯示亦有單張供客人閱覽先選款式夠多，唔想揀,亦有D  set 好左比大家選擇我今日揀左唐生菜, 豬紅, 蠔油小花菇,炸醬, 溏心蛋, 再加沙爹汁超級惹味呢有辣醬提供~好啦, 今日試讚岐烏冬, 都幾彈牙冬菇幾香口, 又大粒, 有口感溏心蛋好suprice !!! 蛋的生熟程度剛剛好~ 炸醬另外分開上, 味道帶甜, 好濃味, 正呀~驚喜之作係油炸鬼雞翼, 外層非常香脆, 咬落去似油炸鬼, 但唔會太油, 食落口好香口又入味~ 推介必試~入埋杯黑豆漿最perfect 食完記得自己入番個盤

最近星期六日都落雨,無得帶仔仔出街。就決定行遠小小去啟田商場Aeon shopping。係美國冒險樂園對面剛巧見到這間臨記車仔麵。見未夠12點店內就坐咗一半,而且座位寬闊,放BB車都完全無問題。老公叫了一個牛魔王,可選擇+腩汁或沙嗲汁。臨記車仔麵湯底偏清甜,一碗已有5款配料。牛腩炆得淋身入味,蘿蔔清甜我自己就選擇了自選車仔麵+番茄湯番茄湯非常鮮甜,完全唔似加咗味噌,連仔仔都食得好開心。配菜叫了店員推介的自家製鮮竹卷+溏心蛋!!!兩樣都一試難忘,忍唔住要影張相,推薦比大家自家製鮮竹卷,鮮竹浸透番茄湯底,加上內裡夾著冬菇,豬肉等。係出面打邊爐食唔到的口感!!另一推介溏心蛋亦是必點,流心度剛剛好,醃得入味。下次再黎要一人一隻先得我們還叫了新彊燒雞翼。$28有5隻價錢相宜,雞翼偏細,但作為開胃小食亦不錯之選。

屋邨商場通常都無咩特別嘅野食，見到呢間車仔麵要排隊食，所以特地試下。第一碗車仔麵叫左咖哩魷魚🦑，蘿蔔，牛孖筯，自製鮮竹卷，配米線同麻辣湯。蘿蔔鮮甜夠淋。另一碗車仔麵叫左咖哩魚蛋，溏心蛋，小花菇，配米粉同咖哩湯。小花菇醃得夠味，溏心蛋最驚喜，見到相就想像到了吧。另外叫左油炸鬼雞翼，炸得好脆，雞肉保持多汁亦嫩，不錯。仲叫左碟蠔油菜心，菜心新鮮鮮甜，也不錯。重口味人士可以好似我地咁叫完咖哩/麻辣湯再加腩汁加秘製辣醬，另一個層次！

平時食車仔麵，都會覺得又係果D餸，唔係豬皮、魚旦，就係豬腸、豬血。.但藍田呢間車仔麵真係不得了，因為勁多餸比你揀之餘，重有好多小食!!!!.同埋都幾多人排隊，所以最好一路排，一路諗要食咩啦~~~.🐟💬：.(1) 豬八戒,臨記車仔麵係有好多個set既，等你可以唔洗諗食咩餸好，直接幫你match埋，所以阿魚就食左「豬八戒」，即係豬大腸、腩肉、豬皮、豆卜、菜心!!!!.餐廳有4個湯底比你選擇，一個係：清湯、咖哩湯($1)、麻辣湯($1)、鮮茄湯($1).阿魚試咗蕃茄湯底，真係有蕃茄比你食！正.腩肉有6塊比你，好軟滑😍😍.重有38個餸比你加配!!!!!!!!!!!!!!!當然阿魚都有加啦~~~~~就係溏心蛋、脆味豚爽肉、油炸鬼雞翼同豬扒!!!!.真係太誇張啦，估佢唔到車仔麵都竟然可以有溏心蛋既出現!!!!.(2) 溏心蛋(加$10).溏心蛋既調咪做得岩岩好，唔太咸又有少少甜，軟綿綿，一咬開，d蛋黃又流晒出黎，好好食!!!!!!!!!!!!.(3) 脆味豚爽肉($13).其實即係豬頸肉，好脆口，就算你唔係立即食，佢都仍然係脆卜卜，好好食。如果你中意食豬頸肉，一定要點!!!!!!!!!!.(4)

一直都好掛住臨記既車仔麵，今日有緣黎藍田，怎能錯過見你一面。今次黎唔使大排長龍，落單拎野食都快左好多～繼續我既自選之路。兩個人叫左$150 蚊，都好夠飽。今次繼續叫我最愛既傳統湯，不過店員有問我加唔加腩汁/沙嗲汁，加左腩汁既湯底夠濃夠正，配烏冬都好夠味。牛筋係我一直都念念不忘，佢係我食過最喜愛既牛筋，夠腍夠入味勁重膠質，無牙婆都食到。溏心蛋有拉麵店水準，食落非常軟滑同流心。鮮竹卷自家製，勁多饀好好食。今次試埋個鮮腐竹，索曬湯汁唔錯。朋友就叫左無加腩汁，湯底清好多。試左舊魚腐，唔知點解覺得有陣蠔豉味，唔知係咪個花菇既影響，好搞鬼。花菇蠔油味幾濃同入晒味，之後食番舊蘿白，份外爽甜。最後試埋個瑞士花香雞翼，果然食到淡淡桂花既香味，甜甜的配雞翼又幾有新鮮感，呢餐都算幾滿足。

上次黎食啱啱開業淨係開中午，而家終於開埋夜晚🤩，而且速度仲快左。好多餸都好想食，所以最後都係自選。✨好鍾意佢個傳統湯配烏冬，湯底夠濃，烏冬煙煙韌韌又好入味，不過就要加$3~✨牛筋真係必食好好味，超腍好重膠質入晒味。鮮竹卷自家制超多料，好好食👍🏻。陳皮魚蛋細細粒，陳皮味唔會太搶，所以唔鍾意食陳皮既我都覺得幾香。✨溏心蛋都係令我念念不忘🤩，水準拍得住拉麵店。個蛋好軟滑入味，勁流心。✨佢既豬軟骨同樣係炆得超腍，d 骨好似牛筋咁腍👍🏻👍🏻👍🏻好香好入味。✨黑豆漿唔會太甜，感覺幾健康。✨酸齋（$15): 呢個真係幾酸🤣，不過腍得黎幾有彈性。✨孜然燒雞翼（$19/3隻）： 結合譚仔香草+土匪雞翼嘅感覺，食落又幾香幾唔錯。

近住藍田港鐵站既啟田商場有好多好嘢食，〈臨記車仔麵〉就係近期我最愛嘅一間！！最喜歡佢有特別嘅湯底，例如咖喱，鮮番茄同麻辣。而餸配料方面有接近40款，梗有一款啱口味。雖然主打平民車仔麵，但內裡環境都好光猛乾淨，坐得都幾舒服架採用自在形式，喺收銀點完餸之後就要等叫號碼，去領取區攞食物。醬料同熱水碗筷都係自助區有得拎，衛生方面令人滿意。〈滷肉飯〉老公見到有新產品，車仔麵店都竟然有滷肉飯食，當然要一試！！滷肉汁好濃郁，超好送飯。加上滷肉煮得夠腍夠入味，佢轉個頭就食曬成碗飯了。我就選擇了咖喱湯底嘅車仔麵，另外加配咗溏心蛋，蘿蔔，生菜同自家製鮮竹卷。〈溏心蛋〉絕對可以話係臨記既名物，一咬就即刻流曬成個黃出嚟，蛋白又夠入味，絕對係必食之選。〈蘿蔔〉蘿蔔都好有驚喜，超清甜又多汁，冇渣又冇根，好好食。〈脆味豬爽肉〉老公係食肉獸，所以另外都叫左幾款肉類。豬爽肉係每次必點嘅餸菜之一！外層煎得夠香脆，肉質爽口得來又唔會油淋淋，又一必食之選。〈孜然雞翼〉孜然味濃郁，煎得夠香口，真係百吃不厭。〈油炸鬼豬扒〉鬼馬系列係〈臨記〉獨有嘅食品，外層有油炸鬼的香脆同鬆化，內面豬扒好juicy，好特別。〈油炸鬼雞翼〉同系列

一路都好想試呢間新開既車仔麵，不過成日都好多人，今次醒目搵屋企人排定隊先，好快就有得食🤣，記得搵好位就出去排隊啊。✨佢d 選擇都幾多，而且小食都幾特別。花香雞翼同埋油炸鬼雞翼都真係未試過。✨車仔麵+$7 可以配豆漿，㨂左黑豆漿，鍾意佢味道唔會太甜。✨傳統湯底再加腩汁幾濃味，牛筋未食睇個樣都知道好腍，果然一食落口腍到充滿膠質，仲非常入味👍🏻係我最喜愛既口感。✨自家製鮮竹卷，外皮微微脆，入面超多饀，果然係必食，一碗有三舊。✨估唔到車仔麵嘅溏心蛋都可以做到咁流心，仲滑一滑，真係有驚喜👍🏻✨脆味豚爽肉，外皮脆得好鬆化，有d 似食鹽酥雞既感覺，入面既肉就超爽同厚切，好食得黎又幾特別。✨瑞士花香雞翼（$28/5隻）： 食到有桂花既香味，估唔到同瑞士汁幾夾，如果個雞再入味d 就更加好。✨車仔麵黎講佢都幾高質，唔怪得有咁多人排隊，如果佢開到夜晚就好喇。

學星爺話齋：「精神啲，臨時演員都係演員！」相信呢句說話識廣東話嘅人都聽過，絕對係深入民心。 呢句說話勉勵大家即使地位不高，但只要在其崗位就要盡力做好，本兔表示十分認同。今日到訪嘅食店叫〈臨記車仔麵〉，雖然係老臨，但究竟可唔可以嚟個good take，做場好戲呢？？🤔🤔🤔有多款餸料任君選擇，最吸引本兔的當然是有八款蔬菜可供選擇，菜菜吖不想麻煩逐樣選擇的話可以選擇配搭好的組合車仔麵，價錢亦比較相宜。另外亦有多款小食，雞翼都有四款呢。雖然只係新開試業期間，但已經非常多人！！店內採取自助模式，不過熱水區同醬料區都乾淨，沒有的醬汁和水漬，衞生情況令人滿意。睇其他食評或其他藍田群組時見過食店被投訴要等得好耐，但今天來光顧時情況已經有作改善。由打單畀錢到攞埋食物然後搵位坐低埋，都只係七分鐘嘅時間，有圖有真相，絕無吹水。相信之前要等得耐大概是因為新開張未運作順利吧，現在已經不是了。先介紹車仔麵的部分~~〈番茄湯底〉~酸酸甜甜夠濃郁，而且有真正番茄蓉！！〈讚岐烏冬〉~爽滑彈牙有咬口，正〈蠔油小花菇〉~厚身，夠腍又夠入味〈秘制豬軟骨〉~香軟腍滑，即使軟骨位置亦近乎一咬即溶〈回味豬大腸〉~~洗得乾淨又不會