頭啖湯

Open Now

Now Closed

又嚟到頭啖湯啖，天后嘅椰子雞打邊爐😋舖頭唔大，有時多人起上嚟Full Booking就真係冇得食😆佢嘅湯底係我比較鍾意嘅類型，養生系列😋有京蔥、紅棗、秀珍菇、蟲草花🤌🏻第一樣安格斯雪花牛肉😋呢個真係推介，雪花牛新鮮，淥熟咗之後肥瘦適中，口感👍🏻又唔會太肥，又唔會太韌口第二樣推薦就係蟶子王🤤🤤次次嚟都會嗌至少一樣海鮮侍應勁貼心提醒我哋要快啲食同埋要預幾耐時間淥熟蟶子王新鮮，淥熟後口感爽口！掂💯之後就到桶蠔半份，一隻蠔大約有手板咁大😍最後當然唔少得有個皇帝菜打邊爐必備🤌🏻🤌🏻✨✨最鍾意頭啖湯嘅原因係坐得舒服服務周到、食物又新鮮😋

數數手指～已經嚟咗8,9次🤣🤟🏻每次嚟到必點椰子雞煲，食完雞煲再打邊爐👍🏻👍🏻椰子雞湯好濃味又足料，雞都好滑(上菜時隻雞係生既～即煮)🐓。食完雞煲會再幫你加椰子湯打邊爐👏🏻👏🏻有一次試過藥膳醉雞湯都唔錯👍🏻佢會比一支酒你隨便加，隨你個人口味～～但我最愛都係椰子雞🙈🙈火鍋料最愛羽衣甘藍😍 最後一定會再加多一個公仔麵，同個湯係絕配！！至於海鮮，我有試過脆鯇片，鱔片，蚌。新鮮+價錢合理👍🏻

叫餸打邊爐當然要揀d有特色配菜既餐廳，尼間有好多款式既招牌火鍋配料。而且環境舒服，有卡位有大枱，2個人打邊爐都岩。叫左滋潤椰子雞煲(一隻$228)，手切安格斯雪花牛肉(小$138)，黑松露手打墨魚丸($98)，廣島蠔2隻($35)，芝士竹輪($38)，午餐肉($38)，綜合水果茶($36)。尼個椰子雞煲湯底好多配料，有菇菌，雲耳，杞子，紅棗，啖湯超濃椰子味，飲左好多碗，都冇口渴，真材實料，好滋補。飲左碗湯之後，侍應會先幫手落半隻雞入鍋，雞肉好嫩滑，雞皮爽。餐廳將原隻新鮮雞切件上碟，對食物質素有保證，令食客食得放心。尼個時候，湯底變得更鮮甜。招牌必推介既牛肉紋路非常靚，淥一淥，牛肉完全唔韌唔"鞋"，超重牛肉味，物有所價。新出既黑松露手打墨魚丸好有驚喜，必叫。啖啖都充滿黑松露味，而且經過手打後，非常彈牙。餐牌上面，亦都有另外2款手打墨魚丸，唔好錯過呀。廣島蠔鮮甜充滿海水鮮味，煮熟後冇縮水，仲係好飽滿圓碌碌。仲有其他海鮮揀添。打邊爐唔少得既爆餡配料芝士竹輪，芝士流哂出黎。仲有另一款芝士包，鍾意芝士既朋友可以一試。午餐肉切到厚厚一塊，煮完唔怕散，而且仲好結實，大大塊有口感。最後，飲杯侍應推介既

除夕的黃昏跟一位朋友到 頭啖湯 打邊爐，我哋叫咗招牌煲滋潤椰子雞煲，好足料，湯底散發出淡淡椰子味，濃度剛好，不太濃不太淡，雞好滑好好味，其餘食物例如牛肉，蝦滑，一些蔬菜都有質素。服務方面，店舖裏同時間最多得三位服務生，有時間會比較忙，但一般而言服務及他們的態度很友善，很樂意幫助。我係OpenRice訂座在七點半前結賬，得到七折，不過因為今日係節日服務費係加二，無論如何用呢個價錢有呢個質素（包括食物同環境）係值得推介。

天氣凍到咁，口痕想打返個邊爐，係openrice睇黎睇去，最後決定試呢間頭啖湯。鋪頭位於天后呢個靜中帶旺既地方，附近橫街入夜後泊車相當方便，門口仲有門士站，交通唔洗擔心。入到去，一睇就知佢定位係一間火鍋專門店，鋪仔細細，但所有枱都每4個人有一站尚明堂電陶爐，都幾揼本！我地兩個人，叫左一個相當有特色既椰子雞湯底，見在場都有唔少人叫佢！椰香傳遍整個場！正呀！基本上淨係個湯底已經好多野食，加上排到咁樣靚一靚，真係加好多分！火鍋配料方面都有唔少選擇，都新鮮同大路，如果要我推薦，首先一定要試呢個美國安格斯雪花牛肉，老豆教落，人一世物一世，食既唔好哂，雖然價錢真心唔平，但呢幾塊牛入口即溶，完全無渣，牛味勁香，配上椰子雞湯既清香，真係回味無窮！另外一個要推介既係呢個雙拼手打墨魚丸，本身諗住早d叫丸掉落去烚住先，點知叫左勁耐都未黎，差d想追佢單時，就見waiter遞上呢8粒咁精緻既墨丸，睇得出係岩岩打起，粒粒大小形狀不一，絕對對得住"手打"呢個朵！無芝士既墨丸已經鮮味十足，除左彈牙之餘，入面應該加左墨魚軟骨，勁爽口！至於有芝士既就重口味同漏d，女友鐘意多d！最後我地2個人飲埋野都係600蚊左右落樓，其

呢幾日天氣涼涼地，又想去打邊爐朋友響呢頭番工，openrice下呢區美食又俾我搵到間正野兩個人撐枱腳，都安排咗張大卡位黎，坐得非常舒適醬料盤有我最愛嘅芫茜，基本上就唔洗落其他料滋潤椰子雞煲(半隻)老闆話呢度招牌火鍋就係椰子雞，梗係要試試佢兩個人叫半隻夠曬，啲雞已經多度夾極都仲有仲有菇， 大蔥，紅棗，雲耳之類，超足料一擺低個煲就勁香椰子香味，流曬口水唐生菜墨魚滑爽口，彈牙，嗰陣墨魚香係我加咗好多芫茜之後再食都係蓋唔住嘅真材食料一定要叫!!響鈴卷打邊爐必點之一，放落個煲度兩秒拎番上黎好似咁，然後唔洗點豉油，索曬啲椰子雞煲汁咁食就係最令人感動嘅食法芋絲份量都幾多，入口彈牙，簡單野但都係打邊爐必點美國安格斯雪花牛肉(小)兩個人雖然食嘅野好有限，但都總要叫番碟牛呢碟安格斯牛雪花分佈幾靚，入口有牛香味有咬口得黎又唔會似擦子膠咁難咬而家睇番啲相都想快啲再去幫襯一次飲品就叫咗檸蜜同柚子蜜高質散叫嘅打邊爐舖絕對值得支持用料新鮮環境又好忍唔住手要打番個正皮

餐廳環境闊落，坐得幾舒服。 四人卡位坐得啱啱好。今日想飲啲至寶啲嘅湯底就叫左滋潤椰子雞湯底，一上枱已經好吸引，好多配料，有海底椰好有咬口，口感好得意，好鍾意食，又有蟲草花。帶點椰子香味。雖然只係嗌咗半隻雞、但份量都幾多，食落又滑亦都好有雞味。湯底就好似屋企煲既老火湯咁，令人想一飲再飲，真係覺得係好滋補補身嘅，唔錯。啱晒生活壓力大嘅都市人。至於其他火鍋配料，嗌咗 美國安格斯雪花牛肉（細碟），食落肉味相當濃郁。特別推介手打蝦丸同川辣牛丸，蝦丸爽口彈牛，有分原味同芝士味，岩哂芝士控亦都有原味可以同唔同嘅人分享。川辣牛丸一入口已經好辣，係好濃香嘅川辣味道，真係辣嘅所以鍾意食辣嘅朋友唔可以錯過。而出面比較少食到，值得一試。另外叫了雜🍄拼盤同巨蜂乳酸梳打。味道都唔錯。打邊爐都鍾意帶炸魚皮，因為可以吸收湯底入邊亦都脆身口感特別。呢度炸魚皮份量都多，唔係話得幾快唔可以大快朵頤。食得好暢快又夠脆好好味一定要夠份量先得！呢間餐廳整體都唔錯，下次有機會要試埋佢地既原盅燉湯🤗

看見天氣預報，這週的溫度也開始涼一點。天氣不太熱也正好是吃火鍋。今天到了位於天后的「頭啖湯」吃火鍋。店舖距離地鐵站少於10分鐘路程，位置也很好找。火鍋方面除了麻辣雞煲外，頭啖湯更有其他特色火鍋，今次點了滋潤椰子雞煲。湯底清甜，帶有豐富的椰子香。煲中除了雞件外，更有黑木耳、竹笙、蟲草花和菇作配菜。值得一提的是當火鍋需要加湯時，店員添加的是椰子湯而不是普通的清湯。令到火鍋吃到最後時，湯底還是香濃。火鍋料方面則點了炸魚皮、冬瓜、白蘿蔔、竹笙等等。魚皮炸得十分香脆可口，放入湯中稍稍涮數秒，便可進食。冬瓜和白蘿蔔均清洗乾淨，用料也不錯，十分鮮甜。竹笙吸收了椰子湯後，味道也不錯。肉類方面則點了兩款，分別是安格斯雪花牛肉和西班牙黑豚肉。牛肉肉味香濃，表現不錯。反而黑豚肉較有驚喜，肥瘦適中，肉味也更一般的豚肉片香濃。此外，更點了一客墨魚滑，魚滑爽口彈牙，調味適中。飲品則點了檸檬柚子疏打，味道酸酸甜甜，帶有柚子的清新。吃濃味的火鍋時也能適當地清新一下味蕾。整體而言，這個價錢能吃到鮮味椰子雞和優質的火鍋配料，也是十分超值。加上店面座位舒適，很適合邊吃邊聊天。

香港人喜歡吃火鍋已成習慣, 開冷氣吃火鍋滋味特別,而家火鍋店開到成行成市,所以湯底特別要求和講究又要健康有特色。 昨夜去左中央圖書館睇書,之後約左朋友去天后睌飯, 天后一帶開了很多小店,聽朋友介紹有一間個名好特別,叫頭啖湯,係一間火煱小店,一於試吓,時間尚早我們第一台,真正嘗到頭啖湯, 店長好客氣又有耐性,服務非常周到,安排坐在寬闊的卡座,放下餐牌詳細解釋,特別推介店舖皇牌滋潤椰子雞煲, 混醬配料簡簡單單,一大湖豉油就非常特別, 熱的豉油不濃不淡,配合醬料特別出色餐牌種類特別多, 最後當然選擇滋潤椰子雞煲, 叫了兩杯乳酸梳打特飲, 潤喉兼開胃。好戲在後頭,雞煲到半隻切件, 擺設齊齊整整,有竹笙 杞子 黑木耳 蟲草花等湯料,店主解釋十分詳盡,火鍋湯底淆了三小時,再用上印度的原個椰子, 特別清甜滋潤, 雞件十分嫩滑, 果然是別出心裁的湯底, 吃完雞件已經半飽當然要試下其他配料, 店主再推介安格斯牛小排, 肉質非常嫩滑,薄切也有口感, 再加埋稻庭烏冬就非常絕配。朋友喜歡吃丸類,叫了龍蝦丸和水餃,店主推介芝心包大大粒有口感,配合椰子湯特別美味, 湯滾之後睇見流口水已經好飽,唔可以再叫其他嘢啦,

星期五晚放工就去天后搵好野食～～見到呢間小店新開，打邊爐都好喎～～《頭啖湯》，俾佢個名吸引住，心諗係咪真係咁正先！一於就食你啦～幾個鍋都好吸引～～原來仲有湯飯同米線食～聽到隔離枱話《滋潤椰子雞煲》好正，咁我哋都試下！一問店員之下知道佢哋個湯底煲足3個鐘，點知一開蓋眼見超多料，嘩嘩嘩～～～除咗雞之外，仲有蟲草花、杞子、靈芝菇、黑木耳、海底椰、紅棗、竹笙、大葱等等嘅材料！越滾越濃，啖湯真係好甜呀！！！用呢個湯底嚟打邊爐灼《牛肩胛》，好味到暈～～～雖然牛味唔係好濃，但係都不錯！因為個湯底都好多料，兩個人都唔駛再點太多野食！豬腩肉夠爽口，唔算太肥！丸類就普通貨，無咩特別，但份量都唔少嘅。再飲返杯《綜合水果茶》，味道清新，簡直消暑解渴，大滿足！！整體來說，環境舒服，周圍都幾乾淨，而且店員有禮，有問有答，又夠主動，今時今日已經好少有咁嘅服務！值得一贊👍🏻👍🏻👍🏻

之前一直有朋友推介話頭啖湯值得一試，今日去開天后所以決定試下因為我哋六點幾就去到，所以係第一張枱。餐廳格局闊落光猛。火鍋既主要配料餐廳都有提供，好想試埋佢地既麵包蟹鮮茄鍋，不過第一次去都係決定試左椰子雞煲先。雞煲泥之前餐廳會提供調味料俾客人先混醬。佢哋嘅豉油真係好值得一讚！豉油係熱嘅，而且個味同一般豉油好唔同，唔會太鹹同太濃，所以溝埋落其他配料度，其他配料嘅味道先會出到，亦唔會蓋過食物嘅鮮味！從一啲細節睇得出餐廳係一間好有心經營嘅食店！滋補椰子雞煲：湯底足料鮮甜，椰子味濃。雞肉嫩滑，新鮮，一啲雪藏味都冇！美國安格斯雪花牛肉：食落口感同味道都💯！牛肩胛：肉味較安格斯牛肉濃，肉質亦較安格斯牛肉實。其實兩款都好味，各有各好，不過我地都係鍾意安格斯牛肉多啲墨魚滑：食落好爽口，感覺好厚實，仲要有兩條，抵食！羽衣甘藍：同火鍋好夾嘅菜，好少地方有得食！份量多，亦好新鮮！已經榮升為我最喜愛嘅火鍋菜巨蜂乳酸梳打特飲  &  檸檬柚子特飲：正，飲到最尾都仲係好夠味！總括嚟講，頭啖湯價錢合理，食物好味，服務一流

雖然已經踏入夏天, 但打邊爐顆心仲係咁旺盛, 早排聽同事講, 話天后同炮台山交界有間好食到連湯底都飲埋既火鍋店, 即刻心思思想去試。今晚即約朋友放工去試試....餐廳面積不大, 設有部分卡位, 湯底方面主sell四款特式湯底, 而我地就揀左【滋潤椰子雞煲】HK$128/半隻個湯底非常足料, 半隻雞既份量都幾多, 其實都夠3-4人食, 避免雞件煮大耐, 否則錯過雞件嫩滑口感。先試一啖湯底, 真係好飲到嘩左一聲!! 超超超清甜, 椰香味很突出, 當中仲有竹笙、雲耳、秀珍菇、香蔥等配料, 果然豐富!!! 我地飲完一碗再一碗, 然後待應再幫我地加湯打邊爐, 無錯!! 唔係加水, 亦唔係加清湯, 而係加入對應既原湯底, 令我地可以繼續品嚐美味湯底!【美國安格斯雪花牛肉】HK$128/細雪花分佈平均, 入口鮮嫩, 牛味濃, 牛脂幾乎達至入口即溶, 食得出不是雪藏貨。【黑椒牛根丸】HK$38牛根丸未至於很彈牙, 但味道還是甜甜的, 配上當中既黑椒, 幾惹味~【脆鯇片】HK$38肉質不會太林, 近魚皮位置仲幾爽口【魚皮餃】HK$48雖然不是即包貨式, 但味道亦不輸蝕, 略帶鮮甜地, 不過皮稍為厚左少少

老闆與老闆娘親切招待系列 最近炮台山與天后中間開咗間餐廳 賣點係有幾個比較特別嘅招牌火鍋 包括珍味百菌 椰子雞🥥麻辣雞煲 有比較少見嘅麵包蟹鮮茄鍋.我同六個同學決定接受挑戰 分別叫咗椰子雞煲同埋麻辣雞煲.🥥滋潤椰子雞煲($168/隻)鋪頭叫得做頭啖湯 當然要飲下佢嘅頭啖湯 很有驚喜 個個同學都話好飲啊 椰子令個湯更清甜 而且雞很滑身 看得出下了重料 蟲草花海底椰杞子雲耳 很有心思 即使整整一隻雞 湯也不會很油☺️最後加了薯粉 味道很夾 而且真的很滋潤 喝了整碗也不會覺得口渴😍⭐️評分：8.5/10 . ☄️重慶麻辣雞煲 中辣🌶🌶（$168/隻)香氣撲鼻 中辣對我當然是輕而易舉 吃到最後再落稻庭烏冬 非常索汁☺️雖然有點兒咸 但也是一個完美的結局❤️⭐️評分：7/10 .魚皮餃($38) 跟平日在超級市場買的四海魚皮餃差不多🤓⭐️評分：6.5/10.羽衣甘藍($38) 加入椰子雞煲後 淡淡椰子味超級正😘⭐️評分：8/10.生根($28) 我不吃的 但是一碟有11個 真的很抵呢🙂⭐️評分：NA/10.唐生菜($28) 每棵菜都大大棵🤣 不會像某些火鍋餐廳隨便給一些爛菜碎菜🥦⭐️評分：8/10.美國肥牛($68