德記潮州菜館

Open Now

Now Closed

香港潮州菜唔普遍，呢間係相對有名氣嘅一間潮州打冷小館，曾四度榮獲米芝蓮美食推介餐廳夜晚嚟食晚餐非常旺場，好彩我哋之前book咗位Menu多菜式都睇到眼花▶️ 潮式拼盤 ($228)都幾大份，預咗五個人分享包含墨魚卷、蝦棗、海蜤、素卷海蜤落咗芝麻粒同鮑片絲，質感爽脆彈牙，味道少少辣蝦棗好似炸過既肉丸，蝦味唔重，入面有啲脆口嘅蔬菜素卷係炸腐皮包住黑木耳同竹荀絲，唔太鍾意入面啲嘢好似馬蹄口感😶▶️ 椒鹽鮮魷 ($108)一條條炸到金黃色嘅鮮魷，旁邊附上椒鹽同醬汁幾好係炸粉唔厚同埋炸得唔油，可以品嚐到入面嗰條真．彈牙嘅鮮魷🦑不過就冇咁香脆椒鹽惹味而唔會太鹹▶️ 馳名蠔仔餅 ($108)係佢嘅必點菜式兩大件厚身蠔仔餅，望落非常澎湃旁邊有魚露汁點平時食嘅蠔仔餅係粉漿啲、黏身啲，呢個比較乾身，可能冇乜落番薯粉？雖然入面好足料，好多大大粒嘅蠔仔🦪但係食落少少苦，欠缺蛋香味同遍油膩🫢自己唔太識欣賞▶️ 西蘭花青衣球 ($108)大大嚿嘅西蘭花上面放上唔少青衣魚片青衣魚片肉質黏膠有彈性，味道鮮美🤩可以食到一片片肉而冇骨，成碟差唔多比我食晒keke西蘭花碧綠，咬落清脆🥦炒得幾香▶️ 碧綠川椒雞 ($108)比其他細碟

參加母校搞的活動，見番N年無見的舊同學，有的已結婚生仔，有的仍是「鑽石王老五」與「黃金剩女」，驚訝的是大家個樣十年不變，同師弟師妹比併都唔輸蝕！大家見番面有講唔完的話題，由天光講到天黑，無奈有家室的人要回家吃住家飯，一眾王老五與剩女就在區內搵食去。其中一個「鑽石王老五」是潮州漢但不是潮州怒漢，堅持要帶我們去食潮州菜。我們讀書時期都知有間德記菜館，不過我唔係住呢區未有機會去，西環變化真係大，德記隔離新開咗間Fat Angelos Italian Restaurant，搵日要去試下。點菜由潮州漢發板，以前見他英文書不離手，而家變成iPad不離手，望下餐牌就叫咗炸蠔仔餅、潮式拼盤、梅子燒烏頭、秘製潮香雞、西蘭花帶子、牛肉炒芥蘭。炸蠔仔餅──一般蠔仔餅煎到薄薄一塊，呢度有煎亦有炸，炸蠔仔餅比較香脆又好有口感。潮式拼盤──有墨魚卷、蝦棗、海蜇，墨魚卷食到鮮墨魚味，蝦棗就有鮮蝦味，不過食落唔係好彈牙，同學話係潮州人傳統方法手打，食鮮味而唔係食彈牙。梅子燒烏頭──烏頭本身勁腥味，泰式明爐煮法同梅子燒都可以勁辟腥，錫紙鎖住梅子汁，酸酸甜甜好開胃。秘製潮香雞──雞肉嫩滑連雞胸肉都唔 “ 鞋口 “，女仔個