我愛慢煮 (普慶坊) (Closed)

🥩中上環抵食慢煮料理 高質小食🍟呢間餐廳位置係中環Soho區pmq附近平時去完pmq 大館 做完文青 夜晚仲可以去飲杯野放鬆下 價錢定位大眾化 初頭以為慢煮食物實好貴😂男朋友生日就同佢嚟咗開餐🤤🥩慢煮36小時紐西蘭牛面肉$148肉質軟硬適中 唔會似有啲炆牛肉淋哂而且慢煮後非常入味 食得岀有紅酒香味🍷肥瘦適中 夠哂厚肉入口啖啖肉 份量都好多🐑澳洲羊T骨$138肉質比較實同帶筋 可能因為T骨嘅關係煎完唔會太熟 生熟到剛好 但筋位比較多有啲難咬 我就覺得一般加咗配菜 - 牛油炒野菌 / 蘆筍苗 各$38牛油味濃 但有少少唔夠鹹 算合格✅🍟黑松露薯條$48其實本身餐牌係蕃薯條😂因爲大少想食薯條轉左🤣🤣吖！呢個薯條我比好高分🥺💯佢本身個炸漿已經有味 好似平時薯圈薯皇咁真係炸得好脆 點埋個黑松露沙律醬👍🏻👍🏻🍕日式蛋黃醬粟米煙三文魚薄餅$38呢個$38堅抵食😂平到笑 仲有3塊煙三文魚仲要超多 成件事好濃味 我中意！💖炸吉列蠔$48有成8隻咁多 真係超抵食 平時食炸蠔貴好多份量又少好多呢到嘅蠔炸得夠脆 比較細隻 但味道不錯👍🏻🥥椰子水青檸薄荷特飲$38係平時飲樽裝椰青水嘅濃烈版😂加埋青檸酸酸地同薄荷

好友剛搬了新居, 當然要送她一份新居入伙禮物。 她就請我到「The Hangout Corner」吃晚飯當作回禮。推門入內, 店員即前來歡迎, 態度親切有禮, 並安排我們坐在面向廚房的位置。 背靠紅磚牆壁, 坐上高腳枱櫈, 有點像酒吧格局。 燈光色調柔和, 環境不喧鬧, 感覺休閒舒適。 店員呈上餐牌, 並告知這裏是半自助型式, 需要到收銀處下單付款後, 在旁邊的小桌子上取所需餐具。 食物會稍後由店員奉上。 既然是「我愛慢煮」, 那就要一嚐他們的慢煮食物。 慢煮36小時紐西蘭牛面肉 : 慢煮牛面肉肉質有點似牛舌, 但較腍, 亦不是牛舌的味道。 慢煮牛面肉多汁而又有細嫩的肉味。 澳洲羊T骨 : 甚少在外見到羊T骨, 這是我首次品嚐 三件厚身的羊T骨肉腍, 羊羶味不多。 切開後能見到肉嫩和肉汁豐富。 小食拼盤 : 七味一字雞翼丶吉列蝦丶英式炸魚丶炸吉列蠔丶炸脆薯條。 一大塊炸魚柳, 薯條甚多, 其餘每款兩件。 全部外皮都非常鬆脆, 又不感油膩。 尤其是炸吉列蠔帶濃郁的蠔味, 而七味一字雞翼的辣味甚刺激味蕾。 荔枝接骨木花特飲 : 帶微甜荔枝味道的梳打, 清涼。

要講出社會工作最大收獲，必定是識到一班好同事。昔日「戰友」聚會，專門揀左係上環的我愛慢煮，邊食邊傾好好update下大家近況。由地鐵站行過去約10分鐘時間，斜路樓梯與路旁老店及Café，少了大商場與成行成市的連鎖市，卻難得地係香港地感受到一線線慢生活的態度。店前兩幅壁畫令人印象深刻，店內空間算係闊落，簡潔又不失悠閒。種類頗多而且價錢好抵食。先點餐結帳，再番位慢慢等食，餐具同醬汁同樣自取。先來黑松露蕃薯條，大大份四個人分都足足有餘。蕃薯甜味配上脆脆的口感真心好好味，加埋黑松露醬係香上加香。另一份小食併盤有齊雞翼、蝦、炸魚、吉列蠔同薯條，新鮮炸起，唔會油膩。Pizza值得推薦，抵食仲要好味！邊位烘得脆身，三文魚搭芝士好甘香。黎得呢度當然要試慢煮，豬牛羊各點一份。豬鞍架厚厚一件，用慢煮方式烹調令肉質不乾柴，有彈性之餘充滿肉汁。本來對豬鞍期待感最低， 估唔到會成日今晚最愛。羊T骨有三大件，有脂肪不過唔算好肥，臊味唔突出，但肉質好嫩滑。牛面肉一上台勁香，用叉一「吉」就知有幾林！朋友贊不絕口，我就覺得醬汁唔夠入味，比較淡。揀左兩份Side dishes，香草薯蓉好Creamy，不過我更鐘意炒野菌，

今日約咗中同，因為佢哋都要返工返學，好難就時間見，所以都好珍惜同佢哋見面嘅機會，今次就搵咗間環境舒適、食物質素高嘅餐廳，同佢哋喺呢個平日嘅下午傾下計，講下近況。餐廳佈置簡單，燈光柔和，而且唔算多人，坐得幾舒服。主菜嘅選擇都幾多，我哋就叫咗澳洲羊T骨同法式油封鴨腿，再加小食拼盤、日式蛋黃醬粟米煙三文魚pizza、牛油炒野菌，講到口乾就有西柚同青檸薄荷特飲，最後點小得甜品-朱古力brownie 配雲呢拿gelato來滿足我哋第二個胃。首先係西柚同青檸薄荷特飲，真係好fresh，唔會好minty，酸度適中，十分開胃！跟住就有小食拼盤，有炸魚、蝦、蠔、薯條、雞翼，每樣都有d，3個人食剛剛好，唔怕太熱氣。呢個日式蛋黃醬粟米煙三文魚pizza真係好抵呀！38蚊大大個，煙三文魚幾香，蛋黃醬都唔會搶哂風頭。牛油炒野菌不過不失，呢個配搭咁classic，實唔會唔好食！主角出場！法式油封鴨腿原來有2隻，好大隻，最重要係肉質鮮嫩，慢煮將肉汁鎖住，食落口好香，唔會覺得油膩。黎緊同男朋友去法國都要試試正宗嘅味道先得！另一個主角-澳洲羊T骨同樣肉質鮮嫩，見到裏面仲係粉紅色，一切落去就知好冧，仲有好多肉汁，亦冇羊臊

上環普慶坊見到一間新開的西餐廳名為「我愛慢煮」，主打各類以慢煮方式來泡製食材。門口的左青龍，右白虎油畫牆，十分易認。裝修帶點英倫酒吧風格，但又掛上中式牌匾，簡單中又帶點型格。餐廳是以半自助形式，要先自行到收銀處點餐的。雖然餐廳細細，但餐牌選擇頗多，有慢煮主食系列、沙律配菜、焗意粉、pizza、小食，甜品及飲品，價格亦相對比較便宜，還要免加一的。慢煮系列中最平$98就食到，食客更可自選由$15至$38的配菜，自由組合。這裡主打慢煮，所以選了慢煮系列中的法式油封鴨腿及澳洲羊T骨。法式油封鴨腿是法國的經典菜色，用鴨油浸熟鴨肶，再以香燒方式把皮燒至脆口，肉很嫩，$98 就有2大件。而澳洲羊T骨，因為用慢煮方法，無得揀羊扒的生熟程度，但切開剛好7 成熟，羊肉仍保持鮮嫩，夠軟腍，$138 有這個份量真是十分抵食，再另外加了$38 要了炒露筍苗。另外點了一客芝士煙肉薯條，$48大大碟，薯條炸得香脆，淋上濃濃的拉絲芝士及香口的煙肉，滿足得來又有點邪惡。再來一杯西柚薑啤特飲，十分滿足。

呢間店距離地鐵站都幾遠，大家可以喺西營盤A2出口出，行到東華醫院再上啲，然後轉左上樓梯，就會見到我愛慢煮呢間野係食西餐的，但佢嘅裝飾有種中國風😂入面有兩層，我地就坐喺第二層咸蛋黃醬吉列蝦同咸蛋黃醬炸雞鎚係必食從來未試過咸蛋黃牆同呢兩樣野咁夾，而且炸雞鎚仲要好juicy，真係好高質，唔食會後悔到叫三聲黑松露蕃薯條又係超好食，就算唔點醬都本身有甜味，食到停唔到手，份量又大，同朋友一齊食唔驚唔夠食啦。啲醬食落似係手工整嘅，比普通出面買嘅黑松露醬好食好多驚唔夠飽，就叫多2個薄餅，一個芝士四川雞肉薄餅，可能佢帶有小小嘅辣味就叫四川風味掛😂 唔係好食得出😂同埋日式蛋黃醬粟米煙三文魚薄餅，個煙三文魚略咸，但同薄餅底一齊食又可以中和返佢嘅咸味，所以都ok嘅黎食慢煮，又點可以唔食佢地嘅慢煮羊同牛呢?澳洲羊T骨牛肉眼最後叫左個甜品，個窩夫略乾，要沾上雪糕食，先好食呢間西餐廳真係好高質，雖然遠，但係係值得嘅

我愛慢煮喺上環荷里活道附近，沿普仁街上，行多幾級樓梯就到。門面比較隱蔽，見到青龍白虎圖案嘅話，代表冇去錯地方。新開張的關係，暫時未有得賣酒住。此店不收加一的，價錢真的很相宜。黑松露蕃薯條 $48金黃幼身的蕃薯條，配黑松露醬&沙律醬。蕃薯條味道不錯，甘甜可口，與黑松露及沙律醬也很配。如果蕃薯條可以厚切就好喇，冇咁軟身，點醬更輕易。慢煮36小時紐西蘭牛面肉 $148先把牛面肉慢煮36小時，然後切片加入醬汁再焗製。牛面厚切，啖啖肉，肉味濃郁！澳洲羊T骨 $138牛油炒露筍苗 $38流心溫泉蛋 $15因為上一個Main原盤丟入焗爐後再直接上菜，所以啲Sides去哂碟羊扒度！露筍選最幼嫩的，完全冇渣，用牛油沙仲幾惹味添！溫泉蛋又香又濃郁，只收十五蚊真係冇得輸！羊扒就比想像中生咗啲，而且咁啱係勁多筋嘅部位，勁有𡁻頭，而且羊膻味濃郁，鍾意raw d嘅就啱晒！